ينفورماتسيا اشكەرەلەۋ: mzjubao@cnr.cn

اۋىل اۋانى

جەمەكتىك جۇگەرىنىڭ بازارعا سالىنۋى تۇتىنۋشىلاردىڭ جاقسى باعاسىنا يە بولدى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 10:52

 


    قارقىنبەك ەركىن ۇلى حابارلايدى. 6-ايدىڭ اياق شەنىنەن بەرى، شيحۋ قالاسى حۋاڭگۇڭ قالاشىعىنىڭ جەمەكتىك جۇگەرىلەرى پىسۋ مەزگىلىنە جەتىپ، تۇتىنۋشىلاردىڭ القاۋىنا بولەندى.


    ءتىلشى شۇي الي: «مەن قازىر شيحۋ قالاسى حۋاڭگۇڭ قالاشىعى اقشي قىستاعىنىڭ جۇگەرى اتىزىندا تۇرمىن. مەنىڭ تۋ سىرتىمنان قىستاق تۇرعىندارىنىڭ جەمەكتىك جۇگەرىنى جيناپ جاتقانىن كورە الاسىزدار. ونىڭ ءدامى ءتىل ۇيىرىپ، قورەكتىگى مول بولۋمەن بىرگە، تۇتىنۋشىلاردىڭ قىزۋ قارسى الۋىنا يە بولدى، بۇل جەمەكتىك جۇگەرىنىڭ ءوسىپ جەتىلۋ ۋاقىتى بىرشاما قىسقا بولىپ، ءار جىلى ەكى رەت ەگىلەدى دە، ديقانداردىڭ كىرىسىن ارتتىرۋىنا ەرەكشە پايدالى.


    شيحۋ قالاسى حۋاڭگۇڭ قالاشىعى اقشي قىستاعىنداعى جۇگەرى ەگەتىن وتباسى جوۋ گۋاڭلياڭ بىلاي دەدى: «كەرەمەت، ءدامى ءتىل ۇيىرەدى ەكەن، ءتاتتى قۇرامى 20 گرادۋستان اسادى ەكەن.»


    جەمەكتىك جۇگەرىدەن سىرت، حۋاڭگۇڭ قالاشىعى تاعى جابىسقاق جۇگەرى، ءتاتتى جۇگەرى قاتارلى جاڭا جۇگەرى سورتىن ەگىپ، جالپى ەگىلگەن جەر اۋدانى 500 مۋعا جەتتى. جۇگەرىنىڭ ساپاسىنا كەپىلدىك ەتۋ ٴۇشىن، تۇقىم سىڭىرۋدەن پىسىپ ۇزگەنگە دەيىن، جۇگەرى ەگەتىن وتباسىلارى باپتاپ باسقارۋعا تاباندى بولىپ، تابيعي پىسىپ–جەتىلۋگە جانە جاڭادان ءۇزىپ الۋعا كەپىلدىك ەتتى. جەمەكتىك جۇگەرىنىڭ ٴدامى مەن ساپاسىنا كەپىلدىك ەتۋ ٴۇشىن، جۇگەرى ەگەتىن شارۋالار ءار تۇپ جۇگەرىنىڭ ىشىنەن ءوسۋى ەڭ جاقسى جۇگەرىنى تالداپ الىپ، ەگۋ ارقىلىءار مۋ جەردەگى جاس جۇگەرىدەن 1500 يۋان كىرىس كىرگىزدى.


    شيحۋ قالاسىنىڭ ساۋداگەرى لۋ جيۋىن بىلاي دەدى: ءبىز بۇگىن 2 مىڭ باستان استام جۇگەرى ساتىپ الدىق، بۇل ارانىڭ جۇگەرىسى وتە جاقسى ەكەن، ءبىزدىڭ بازارداعى ساۋدامىز دا جاقسى، الارمانداردىڭ اڭىسى وتە جاقسى.


    قىستاق تۇرعىنى جوۋ گۋاڭلياڭ اقشي قىستاعىنداعى جەمەكتىك جۇگەرىنى ەڭ العاش ەككەن وتباسى. كوپتەگەن قىستاق تۇرعىندارى جوۋ گۋاڭلياڭنىڭ جۇگەرى ەگۋدە ۋاقىتتى ۇنەمدەپ قالماستان، ەڭبەككۇشپەن سۋدى دا ۇنەمدەيتىنىن، ونىڭ ۇستىنە تابىسى دا مول ەكەنىن كورىپ، جوۋ گۋاڭلياڭنان تاجىريبە الىپ جەمەكتىك جۇگەرى ەگۋ بەكىمدەرىنە كەلەدى.


    شيحۋ قالاسى حۋاڭگۇڭ قالاشىعى اقشي قستاعىنىڭ جەمەكتىك جۇگەرى ەگەتىن وتباسى جوۋ گۋاڭلياڭ بىلاي دەدى: مەن قاراپايىم كوممۋنيستىك پارتيا مۇشەسىمىن، ماڭايىمىزداعى اۋىلداستار ءوزارا پىكىر اۋىستىرىپ، بىزبەن بىرگە جۇگەرى ەگىپ، كىرىستەرىن ارتتىرىپ اۋقاتتانسا دەگەن ويدامىن.


    تاياۋ جىلداردان بەرى، شيحۋ قالاسى حۋاڭگۇڭ قالاشىق پارتكوممەن ۇكىمەت شارۋالاردىڭ ەرەكشە ەگىمشىلىكتى دامىتۋىن ۇزدىكسىز سۇيەمەلدەپ، شارۋالاردىڭ كەدەيلىكتەن قۇتىلىپ، اۋقاتتانۋىنا كومەكتەستى. ۇكىمەتتىڭ قولداپ- قۋاتتاۋىندا، ديقاندار جەمەكتىك جۇگەرى، جەر جاڭعاق، قىزاناق قاتارلى داقىلداردى سىناق رەتىندە ەگىپ، 2020- جىلى اتالعان قالاشىقتىڭ ەرەكشە داقىل ەگىلەتىن جەر اۋدانى 10 مىڭ مۋعا جەتتى.

 
شيحۋ راديو-تەلەۆيزيا ستانسياسى

中央广播电视总台 央广网 版权所有

جەمەكتىك جۇگەرىنىڭ بازارعا سالىنۋى تۇتىنۋشىلاردىڭ جاقسى باعاسىنا يە بولدى

شيحۋ قالاسى حۋاڭگۇڭ قالاشىعىنىڭ جەمەكتىك جۇگەرىلەرى پىسۋ مەزگىلىنە جەتىپ، تۇتىنۋشىلاردىڭ القاۋىنا بولەندى.