ينفورماتسيا اشكەرەلەۋ: mzjubao@cnr.cn

اۋىل اۋانى

اق ءسۇتتى اق التىنعا ايلاندىرعان اق كەلىن

来源:جۇڭگو قازاق راديو تورابى     |责编:达吾力别克 |     发布日期: 2021-02-23 18:28

ەرىكتى ءتىلشى دالەلحان مۇقاتاي ۇلى حابارلايدى. ۇلتىمىزدىڭ  عاسىردان- عاسىرعا جالعاسقان  اس-سۋ مادەنىيەتىنىڭ  ءبىرى،  -ءبىرى  بولعاندا بىرەگەيى ءتورت تۇلىك  مالدىڭ ءسۇت ونىمدەرى.


ءتورت تۇلىكتىڭ تورەسى، ويسىلقارا تۇقىمى تۇيە  ءسۇتى مەن شۇباتى  سۋسىن  ءارى  اۋرۋعا ەم بولسا،    قامبار اتا تۇلىگى جىلقى ءسۇتى ءوز دارالىعىمەن، ەمدىك قاسيەتىمەن ايگىلى. ال زەڭگى بابا  تۇلىگى سيىر  سۇتىدە  مول كورەكتىگىمەن كوزگە تۇسسە، «ەشكى باقساڭ  شورەدەن، قۇرت-ماي كەتپەس   ورەدەن»- دەپ  ۇلتىمىز ۇلاعاتتاعانداي، ەشكى مەن قوي ءسۇتى دە ءوز  دارالىقتارىمەن ايگىلەنىپ جاتادى.


حالقىمىز اقتى قاسيەتتى اس ساناپ، قادىر تۇتىپ، ىرىس ساناپ تابىنىپ، تازا ۇستاپ كەلگەن. جىل باسى كوكتەمدە مال تولدەپ، جەر كوكتەي باستاعاندا ، العاشقى  تولدەگەن انالىق مالدىڭ ۋىزىن پىسىرىپ، بالالارعا تاتىرعان. جاڭبىر جاۋىپ، كۇن كۇركىرەپ، جاسىن وتى جارقىلداعاندا-اق، شىلاۋىشتى اجەلەرىمىزدىڭ ءۇي ايلانىپ:
«سۇت كوپ، كومىر از»-دەپ،  ءسۇت  توگىپ، باقىر قاعىپ جاقسىلىق تىلەك تىلەيتىن ىرىمدارى دا بولعان.ۇلتىمىزدا - ەجەلدەن ءسۇتتى بابىن بىلەتىن ايەلدەر عانا ۇستاعان. 


حالقىمىزدىڭ داستارقانىندا كەم  بولسا  بولمايتىن قۇرت، ماي، ىرىمشىك، شۇبات، قىمىز، ايران، قاتىق سياقتى اسىل ازىقتىقتارىمىز، بۇل كۇندە تورتكىل دۇنيەگە تانىلىپ، جاسىل ونىمدىك دارالىعىمەن ءوز بازارىن يەلەۋدە.  ءتورت تۇلىك مال ءسۇت ونىمدەرى مەن شيكىزاتىنىڭ ومىرشەڭ قۇندىلىعىنا كوز تىككەن كاسىپ  ورىندار مەن جەكە دەلدالدار ءسۇت مانەرلەيتىن زاۆوت   قۇرىپ، ءسۇت جەلىلەس ونىمدەرىن ءوندىرىپ  بازارعا  سالسا، مال باعىمشىلىق، ساۋىمشىلىق سەرىكتەستىكتەرى اۋىل، اۋدانداردا كوپتەپ قۇرىلا باستادى. ال اۋىلداعى بوس جۇرگەن جەلەكتىلەر قولدا بار مال  ءسۇتىن مانارلەپ ساۋداعا سالدى. كەيى ءسۇتتى كاسىپ ەتىپ، ەكونوميكالىق كىرىسىن جاقسارتىپ بازارعا  بەتتەدى.


انە، سونداي   قولىنداعى  اتادان   جالعاسقان اق  التىننىڭ قادىرىن ءبىلىپ، اتا -انانىڭ اقىلىن قۇلاعىنا ءىلىپ، تىڭنان جول تاپقان اۋىل جەلەكتىلەرىنىڭ ءبىرى، اكە- شەشەسىنىڭ  اياۋلى قىزى، اتا-ەنەسىنىڭ يبالى كەلىنى دامەلقان ەدى.


دامەلقان ءابىلقازى قىزى1981-جىلى سانجى وبىلىسى موري اۋدانى بوستان فەرماسى اقجول قىستاعىندا  دۇنيەگە كەلگەن. بالالىق شاعى اكەسى  ءابىلقازى مەن  شەشەسى ساعيرانىڭ ماپەلەۋىندە  وتكەن  ول     سەميالىق تۇرمىس جاعدايىمەن نە  بارى ءتورت كلاس وقىپ، قوعامعا شىقتى. ۇنەمى شەشەسىنە  قولعابىس ەتىپ،  سيىر ساۋىپ، تاماق ىستەپ، كەستە تىگىپ، ءۇي شارۋاسىندا بىرگە بولدى.    «شەشە كورگەن تون پىشەر» - دەگەندەي كورەگەن انانىڭ كومەگىندە ۇلتىمىز اس-سۋ مادەنيەتىن قارشادايىنان بويىنا دارىتا باستادى. «قىز وسسە ەلدىڭ كوركى»- دەمەي مە، 2005-جىلى موري اۋدانى شوقپارتاس اۋىلى  شيشاڭزى 1- ۇلكەن اتىرەتىندەگى سەرقادىل اسان ۇلىمەن باس قۇراپ، جات جۇرتقا قۇتتى كەلىن بوپ ءتۇستى. سودان  باستاپ  كۇيكى  تۇرمىستىڭ اۋىر جۇگىن ارقالاعان دامەلقان جولداسى سەرقادلممەن اقىل قورىتىپ، اتا-ەنەگە ماسىل بولماي، ەڭبەك  ىستەپ اقشا تاۋىپ،  تۇرمىستارىن جاقسارتۋعا كىرىستى. العاشىندا ەل ارالاپ ەڭبەك ىستەسە، كەيىندەپ، شونجى كومىر كەنىنە بارىپ، سەرقادىل شاحتادا جۇمىسشى، دامەلقان كومىر كەن جۇمىسشىلار اسحاناسىنا ىستەپ ەكى جاقتاپ اقشا  تاپتى.   كومىر كەندە  3 جىل ىستەپ كوپ پۇل تاپقان ولار موري اۋدانى شىيىڭحۋ وتىراقتانۋ تۇيىنىنەن قابات ءۇي ساتىپ الدى. بۇل تۇس اۋىلداستارى بازارعا  بەت الىپ، ءتۇرلى كاسىپ ىستەپ، دوڭگەلەك داۋلەتتى ورەگە جەتۋگە   ۇمتىلعان باسەكەلى كەز ەدى.


جاڭا وتىراقتاسۋ تۇيىنىندە   ماگەزيىن، اسحانا بولمايتىن دا تۇرعىندار  سەميا  كەرەك -جاراعىن كولىك جالداپ  الىستان اكەلەتىن. ساۋدا ىستەپ كاسىپ كوزىن اشۋعا بۇل ءبىر تاپتىرماس وراي-دەپ بىلگەن سەرقادىل مەن دامەلقان ءوز ارا اقىل قوسىپ، ىشپەك-جەمەك، شاى-شالاڭ  ساتاتىن ءبىر ماگازيىن  اشۋ  ويىنا  كەلەدى. ءسويتىپ، 2010-جىلى شيىڭحۋ  وتىراقتاسۋ تۇيىنىنەن  ءبىر حانزۋدىڭ ەكى قابات ءۇيىن مايعا  الىپ، ءتۇرلى زاڭدىق راسىمياتتارىن   ءبىتىرىپ، ءبىر ماگازيىن اشادى.  العاش ماگازيندەرىنە 2000   يۋاننىڭ  زاتىن كىرگىزگەن ولار  حالىق قاجەتىن بىردەن  قامداپ    كەتە المادى. جارىم جىلدان  كەيىن بارىپ ساۋدالارى  كۇسەت بولىپ، حالىقتىڭ القاۋىنا بولەندى. دۇكەندەرىن  كەڭەيتىپ اشىپ زات ءتۇرىن مولايتتى.  وزدەرى قولدا العان قۇرت، ماي، ىرىمشىك، قاتىقتارىندا ساۋداعا  سالدى. جەر تونارعا نان پىسىرىپ ساتتى.  ءتۇرلى فورماداعى بال كۇلشەلەردى  پىسىرىپ دۇكەنگە  قويدى. اينالاسى ەكى جىلدا شاعىن ماگازيىندەرى كولەمدى ساۋدا ورىنىنا  اينالعان ولار ساۋدانىڭ قىر-سىرىنا ابدەن توسەلدى. تابان ەت، ماڭداي  تەرىمەن تابىس كوزىن اشىپ مولىنان   اقشا تاپقان  سەرقادىل مەن دامەلقاندى قارا ورمانداي حالقى جەر سۋعا سيعىزباي ماقتاپ، كاسىبىن قولداسا، ءىشىنارا كۇنشىلدەر ءىشتارلىق ىستەپ تاناۋلارىن ءشۇيىردى.  ءۇيىن 5 جىلعا زاڭدى توقتامداسىپ مايعا بەرگەن جاڭ قوجايىندا بازاردان باسەكەلەسىپ باسىرە الۋدى  ويلاپ زاڭدى توقتامىن بۇزىپ، ءتۇرلى سىلتاۋلارىن ايتىپ ءجۇرىپ 3 جىلدان سوڭ مايعا بەرگەن ءۇيىن  قايتارىپ الادى.
سونىمەن   ساۋدالارى   توسقىندىققا   ۇشىراعان ولار قايتا اقىلداسىپ، شيىڭحۋ وتىراقتانۋ تۇيىنىنەن تاعى ءبىر بولمەلى كىشكەنە ءۇيدى مايعا الىپ، تەك، جاسىل ءونىم  قۇرت، ماي، ىرىمشىك، ايران، ءسۇت، قاتىق، تونار نان، ءتۇرلى بال كۇلشە قاتارلى قولدا جاسالعان ونىمدەردى  ساتاتىن شاعىن ماگازيىن اشادى. قولدا جاسالعان قۇرت، ماي، قاتىق ىرىمشىكتەردىڭ  ساۋداسى ءتىپتى دە  جاقسى  بولعاندىقتان،  3  توك سابا ساتىپ الىپ، قۇرت  قايناتاتىن ولشەمدى قازاندىق، قۇرت كەپتىرەتىن ورە جاسادى.   قۇرت، ماي، ىرىمشىك، ءسۇت   ساقتايتىن مۇزداتقىش، جەلدەتكىش،ت. ب. قاجەتتى ماتەريالدارىن تولىقتاپ، ءسۇت ونىمدەرىن مولىنان بازارعا  سالدى.


سەرقادىل  مەن دامەلقاننىڭ   قولدا جاسالعان ءسۇت ونىمدەرى العاشىندا اۋىلىن، بارا -بارا   الىس   اۋدانداردى دا قامدايتىن بولدى. وزدەرى عانا كاسىپتەنىپ قالماي   باسقالاردى دا كاسىپتەندىرىپ، كىرىستەرىن ارتتىرۋدى  ويلاعان  ولار ۋماشاڭ، شورىڭ اۋىلىنداعى ءبىر  ءبولىم سيىر وسىرگەن سەميالاردىڭ ءسۇتىن توقتامداسىپ الىپ، ولاردىڭ ءسۇت ساۋداسىن كۇسەتتەندىردى. الىس-جۋىققا  اتى تانىلىپ، ءدامى ءتىل ۇيىرگەن دامەلقانىڭ قۇرت-مايى، ءسۇت ونىمدەرى الارماندارى  مەن ساۋداگەرلەرىن   بىردەن باۋراپ بازاردى باعىمداپتا ۇلگىردى. از ۋاقىتتا قۇمىل، قارامايلى، قورعاس، سانجى، ءۇرىمجى بازارلارىندا دامەلقاننىڭ ءدامدى ءسۇت ونىمدەرى قاريدارلاردىڭ تالاسا ساتىپ الاتىن ونىمىنە ايلاندى. ال اۋىلداستارى توي، قوناعاسىنىڭ سيلى تاماعى قۇرت، ماي، ىرىمشىك، قاتىق، ايراندى الدى نالا بۇيىرتىپ جاساتسا، الىستاعى ساۋداگەرلەر كۇنى بۇرىن تەلەفون شالىپ، قاجەتتى ونىمدەرىن توقتاسىپ الىپ جاتتى.  كۇنى-ءتۇنى تىنىمسىز تىرلىك، قۇرت، ماي الىپ، ايران ۇيتىپ، نان بىسىرىپ تۇمسىعىنان شانشىلعان  دامەلقانىڭ  جۇزىنەن، تەك، كۇلكى ءۇيىلىرىپ،  جايساڭدىقتىڭ جالىنى ەسىپ، اتا-ەنەسىن ءبىر  قىرىنان    تولقىتاتىن-دى.


-تەگى جاقس بالا عوي، جاسىڭ ۇزاق بولسىن جانىم، كەلىنىم،-دەپ  ۇنەمى القاسىپ وتىراتىن-دى.

 

 ال   اۋىل  بىتكەن:


-كەلىننىڭ اياعىنان، قويشىنىڭ  تاياعىنان-دەگەن. دامەلقان اسان اقساقالعا  قۇتتى كەلىن  بولىپ  ءتۇستى عوي، كەلىن بولساڭ دامەلقانداي بول، -دەپ اۋىز جاپپاي القاپ ءجۇردى.


ايتسا ايتقانداي، دامەلقاننىڭ  بويىنان قازاق كەلىندەرىنىڭ دارا تۇلعاسى مەن مۇندالايتىن. اتاسىنىڭ اكەسىمەن اتالاس قابدىلقان اقساقالدى « ءتور اتا  » -دەۋى دە  ات تەرگەيتىن تەكتىلىگى بولسا كەرەك. ال دامەلقانىڭ ءوز اكە-شەشەسى دە اۋىلدا سي-قۇرمەتتىڭ ادامدارى. توركىندەپ كەلگەن قىزىنا:


-قىزىم، اتا -ەنەڭدى بىزدەي كورىپ ايالاپ باق، شەشەڭ وسى شاڭىراققا  كەلىن بولىپ تۇسكەلى اتا -ەنەسىن رەنجىتپەگەن، 80  گە كەپ الجىعاندادا  ارقالاپ باققان. ۇلكەندى  قۇرمەتتەپ، كىشىنى ايالاي ءبىل، جولداسىڭا ادال بول،-   دەپ  اقىل ايتادى ەكەن.


سول اۋىلدىڭ ايتۋلى اقساقالى بوستان مال فەرماسىنىڭ فەنسيونەر قادىرلى قارتى ابىلقازى سانسىزباي   ۇلى ۇكىمەتتىڭ دە قۇرمەتىنە  بولەنگەن كورىنەدى. ابەڭ اقساقال 2015-جىلى11-ايدىڭ 21-كۇنى بەيحاي قالاسىنا، 2019-جىلى 5-ايدىڭ 18-كۇنى      وتانىمىزدىڭ استاناسى بەيجيڭ قالاسىنا ساياحاتتاي بارىپ،  تيان-انمىندى كورىپ، ەلىمىزدىڭ دامىعان رايوندارىن كوزدەن ارالاپ  قايتىپتى.


ءيا، دامەلقانداي كەلىنى بار اسان اقساقال مەن كۇلزيران اپامىزدا  قانداي ارمان بار ەكەن دەيمىز-اۋ.  بەرەكەلى ۇيدە ىرىس تۇرار-دەيدى حالقىمىز. شاڭىراقتارى بيىك، بوساعاسى بەرىك بولسىن!


-دامەلقان كەلىن بوپ تۇسكەلى نە قيىندىق كورمەدى دەيسىڭ، ءبارىن كوردى عوي،-دەگەن   اۋىلداستار سوزىنەن-اق، سانداعان جاپا-ماشاقاتتاردى كورە ءجۇرىپ وسى كۇنگە جەتكەنىن بىردەن اڭعاراسىڭ.  دامەلقانىڭ جىگىتى سەرقادىل 2015-جىلى اسقازان اۋىرۋىنا شالدىعىپ، ارت -ارتىنا 3رەت وپەرەتسيا   جاساتىپتى.  وسى بارىستا دامەلقان ءوزى جالعىز ءسۇت ونىمدەرىنجاساپ ساۋدالاپ، كاسىبىن اقساتپاي، ايىنا 10 مىڭ يۋاننان  ارتىق تازا كىرىس كىرگىزىپ، اۋىلعا ۇلگى بولىپتى.


كوپتەگەن  كاسىپ كۇتكەن جاستارعا ءسۇت ونىمدەرىن نەسيەگە  بەرىپ، ساۋداعا تاربيەلەپ، بازارعا باستاپتى. قيىنشىلىعى بارلارعا  ۇنەمى كومەكتەسىپ  كەلەدى ەكەن.


بۇل كۇندە دامەلقاننىڭ ءسۇت ونىمدەرىن الىپ ساۋدالاپ جۇرگەن   جەكە كاسىپكەرلەردە ايتىپ   تاۋىسقىسىز سياقتى.  مەن تىلشىلىك بارىسىندا باركول اۋدانى ساردالا اشۋ رايونىنداعى «اۋىل ءدامى ىشپەك-جەمەك سەرىكتەستىگى»نىڭ جاۋاپتىسى ەركىن سەرقازى ۇلىمەن  تىلدەسكەنىمدە، ول كىسى بىلاي دەدى:

 

-موري اۋدانى شيىڭحۋ وتىراقتاسۋ تۇيىنىندەگى ءسۇت ونىمدەرىن قولدا جاساپ، بازار باعىمداپ  جۇرگەن جەكە كاسىپكەر سەرقادىل مەن دامەلقانعا  ساۋدا ىستەستىك جاساسقالى 2جىل بولدى. العاشىندا ۇيلەرىنە ىزدەپ بارىپ، جاساعان قۇرت، مايىن  كوزىمىزبەن كورىپ، ءدامىن تاتىپ ساتىپ الدىق، كەيىن 10كۇندە ءبىر رەت   ءار قايسىسىنان200  دە 300 كيلو قۇرت، ماي، ىرىمشىك  الىپ بازارعا  سالدىق. دامەلقاننىڭ  ونىمدەرى  قولدا جاسالعاندىقتان، الارمانى كوپ، ءوتىمى تەز، ونىڭ ۇستىنە ءبىز جىبەرگەن قۇرت،  مايدى  تاپسىرىپ  العاننان كەيىن     اقشاسىن جىبەرەمىز، كەيدە  ساتىپ پايداسىن كورىپ الىپ اقشاسىن بەرەمىز، سەنىمدى سەركتەستىگىمىز.


بۇل كۇندە دامەلقاننىڭ قولدا جاسالعان ءسۇت ونىمدەرىن قۇمىل، قاراماي، قورعاس، سانجى، ءۇرىمجى قالالارىنداعى قازاق ساۋداگەرلەرىنەن تىس، ءبىر ءبولىم حانزۋ جولداستار 10 مىڭ يۋاننىڭ قۇرت، مايىن نەسيەگە الىپ، پايداسىن كورىپ، كاسىپتەنىپ وتىر ەكەن.


ۇعىسۋىمىزشا دامەلقان سەنىمدى    سەرىكتەستىكتەرىنىڭ الدىنا 30مىڭ يۇاننىڭ قۇرت، مايىن، ارتىنا 10 مىڭ يۇاننىڭ قۇرت مايىن نەسيەگە  بەرىپ كاسىپتەندىرسە، كورشى-قولاڭدارىنا دا قول ءۇشىن بەرىپ،  ونەرىن كوپپەن ورتاقتاسىپ جۇرگەن كورىنەدى.


ەكى اياعىنان جان كەتكەن، قوس بالداق پەن مۇگەدەكتەرماشيناسىنا سۇيەنىپ جۇرگەن    مۇگەدەك قايناعاسى باقىتقا ءسۇت، قۇرت، ىرىمشىك، قاتىق سياقتى ءسۇت ونىمدەرى ساۋداسىن ىستەتىپ كاسىپتەندىرىپ، حالىقتىڭ القاۋىنا بولەنىپتى.


بۇل كۇندە جىگىتى جارىم جان، ۇنەمى وكىل دارىگە سۇيەنىپ،  كۇنەلىتكەندە، دامەلقان كۇن-ءتۇنىن  ۇيقىسىز وتكەرىپ، تۇنگى ساعات بەيجيڭ 4 كە دەيىن دۇكەندە جۇمىستا بولادى ەكەن. قولدا ءسۇت ونىمدەرىن جاساۋ وتە جىڭىشكەلىكتى  ءارى عىلميلىقتى قاجەت ەتەدى. سىيىر سۇتىندەگى حيميالىق قۇرامدار مەن سۇتتەگى امين قىشقىلى ادام دەنەسىنە قاجەتتى ميكرو ەلەمەتتەر-بارى-ءارى دە    ءسۇت بابىن بىلەتىن ۇلتىمىز   ايەلدەرىنىڭ  قولىندا اتادان   جالعاسقان اسىل قاسيەتتەرىمەن  جالعاسىم تاۋىپ، بۇگىنگى ەلەكتروندى عىلميلاسقان وركەنىيەتتى ومىرگە تۇتاستى.   دەگەمەن دە سابادا ءپىسىلىپ، زالالسىز اعاش وتىنا  قايناتىلىپ،   قولدا الىنعان سارماي مەن ىرىمشىك، قۇرت، قاتىق، باۋىرداي ۇيىعان ايران اق سۇتتەن الىنعان اق التىن ەمەي نە ؟


 ءسۇتتى ىرىتپەي، قۇرت پەن مايدى شىرىتپەي ءوز  تابيعي دامىمەن تاتىرۋ بۇگىنگى  تاڭداعى ءسۇت ونىمدەرى بازارىنىڭ قاجەتى بولماق.


مەن ءسوز كەزەگىندە دامەلقاننان:     - بۇگىنگى زىمىران زاماننىڭ دۇبىرىندەگى كاسىپ كۇتكەن جاستارعا نە ايتاسىز؟-دەپ  سۇراعانىمدا، دامەلقان:


-پارتيا مەن ۇكىمەتىمىز  جاستاردىڭ سان-سانالى شارۋاشىلىقتى شالقىتىپ، ءتۇرلى كاسىپ كوزىن اشۋىنا سارا جول سالىپ بەردى. بۇگىنگى جاستار وقىعان، توقىعانى كوپ، ءبىلىمدى كوكىرەگى وياۋ، نە  ىستەيمىن دەسەدە شامالارى قاپتال جەتەدى.


قازىر  اۋىلدا  اشىلماي جاتقان ۇلتىمىز قول ونەرى تەرىشىلىك، ورىمشىلىك، زەرگەرلىك، مۇسىنشىلىك، اعاششىلىق. ت. ب. تولىپ جاتقان اتا  كاسىبىمىز بار. قىسقاسى، قالالى جەردە سوعىم  سويۋ، سوعىم ەتىن بۇزىپ جىلىكتەپ كەپتىرىپ، قوراپتاپ ماركا جاراتىپ ساتۋ  تىڭ  تۇرعان كاسىپ. قاراپ تۇرساق، باسقا  ۇلت ادامدارى جىلقى، تۇيە ءسۇت، ەت،جۇن ونىمدەرىن زاۆوت  قۇرىپ   قوراپتاپ، مانەرلەپ بازارعا  سالىپ جاتىر. ولار ىستەگەندى ءبىز نەگە ىستەي المايمىز؟


كوپتەگەن جاستارىمىز «الما پىس، اۋزىما  ءتۇس» تىڭ ءالىبىن باعۋدا. ءىشىنارا  جاستارىمىز جالعامالى زاڭسىز نىساندار مەن سيفىرلى تەڭگە، جالعامالى ساتۋعا بوي ۇرىپ، الدام قالتاعا ءتۇسىپ، قالتالارىن قاعىپ ءجۇر. مەن   وسى تۋرالى وتكەنجىلى ءوز باسىمنانوتكەرگەن مىنا  ءبىر  اڭگىمەنى جاستارعا تاجىريبە ساباق  بولسىن ءۇشىن  ايتا كەتۋدى ءجون كوردىم.


عالامتوردىڭ عالامات تۇستارى اۋىلداستاردىدا ءبىر  مۇنشا جەتىستىكتەر مەن كەمىستىكتەرگە داندەتىپ،  الەۋمەتتىك ۇيچات جەلىلەرى جەر تۇبىمەن جيەكتەسىپ جاتتى.


ءبىرىمىز عالامتوردىڭ قالاۋىمىزعا قاراي پايداسىن، جەمىسىن  كوردىك تە، ال ءبىرىمىز  توردىڭ قاراڭعى جاعىن باعىمداي بىلمەي، تام ءسۇزىپ، قارىزعا بۋىلىپ، تاقىر  جەرگە وتىردىق. الدامشىلارعا  الدانىپ، الاقانىمىزداعى دانىمىزدەن ايرىلدىق، ايلانىپ كەلگەندە بارلىعى  تەگىن كەلەتىن  تەڭگە مەن اسپاننان جان قيناماي جاۋاتىن قىزىل اقشا ەدى.


وتكەن جىلى ۋيچات توپتاردا  قارجى قوسىپ، قارىز قايتارۋ، 400يۋان قارجى قوسىپ،  ارتىڭا ادام تىركەۋ، سول ارقىلى  سەلبەسىپ قارىز  قايتارۋ -دەيتىن   جالعان جالعامالى نىسان شىقتى. الدامشى جەتەكشىلەرۋيچاتتاتوپ قۇرىپ، اۋىل-قىستاقتاعى        ەگىنشى -مالشىلاردى وسى جالعامالى زاڭسىز نىسانعا  جەلىكتىرىپ، ولاردىڭ ميىن جۋىپ، 400 يۋاننان قارجى    قوستىرىپ،  ارتتارىنا  3 تەن ادام تىركەتىپ، قالتالارىن قاعىپ الدى. 
وسى جالعان  نىسانعا  مەن دە  الدانىپ، 400  يۋان اقشامدى بەرىپ، ارتىما  ادام  تىركەدىم، ارتىنان وسى نىساننىڭ بارىپ تۇرعان الدامشىلىق وتىرىك نىسان ەكەنىن   سەزىپ تەز  ارادا  ات باسىن  تارتتىم. 


قازىر تەلەگىراف، سيفىرلىتەڭگە الدامشىلىعى، ءتۇرلى  جالعان جالعامالاپ ساتۋ الدامشىلىعى، جالعان جارنا قوسۋ الدامشىلىعى.   ت. ب. تولىپ جاتقان  الدامشىلىقتار كوبەيىپ كەتتى.


جاستاردىڭ بۇل جاعىنان ساق  بولۋىن ەسكەرتەمىن. قاي-قاشاندا اسپاننان تەگىن ماي شەلپەك  جاۋمايدى، تەك، تابان ەت، ماڭداي تەرىڭمەن  تاپقان ادال ەڭبەگىڭ عانا وزىڭە جانە وزگەگە ەس قاتادى.  «ەڭبەك  ەتسەڭ ەرىنبەي، تويادىقارىنىڭ تىلەنبەى» -دەپ اباي اتامىز    ايتقان عوي  -دەپ ءسوزىن  تامامدادى.


مىنە، ەرىنبەي ەڭبەكتەنىپ، اششى تەرىنىڭ ءتاتتى جەمىسىن جەپ، حالقىنا ۇلگى بولعان دامەلقان ايىنا 15مىڭ،  جىلىنا 160 مىڭ  يۇان تازا كىرىس كىرگىزىپ ، اق ءسۇتتى  اق التىنعا ايلاندىرىپ جۇرگەن ايتۋلى جەلەكتىلەردىڭ  ءبىرى ەكەن.



اۆتوردىڭ ادەرسى: سانجى وبىلىسى ماناس اۋدانى  شىندىققوزى اۋىلى

.

中央广播电视总台 央广网 版权所有

اق ءسۇتتى اق التىنعا ايلاندىرعان اق كەلىن

ۇلتىمىزدىڭ عاسىردان- عاسىرعا جالعاسقان اس-سۋ مادەنىيەتىنىڭ ءبىرى، -ءبىرى بولعاندا بىرەگەيى ءتورت تۇلىك مالدىڭ ءسۇت ونىمدەرى.