ينفورماتسيا اشكەرەلەۋ: mzjubao@cnr.cn

اۋىل اۋانى

شيحۋ قالاسى اسەمونەر تۋىندىسى كورمەسىن ورىستەتتى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:38

 

قارقىنبەك ەركىن ۇلى حابارلايدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ٴۇشىن، شيحۋ قالاسىنىڭ اسەمونەر اۋەسكەرلەرى 100 دانا اسەمونەر تۋىندىلارىن دەن قويا جاراتىپ، جۇڭگو كوممۋنيستىك پارتياسى باستان وتكىزگەن شۇعىلالى تاريح پەن وشپەس ەڭبەكتى جاندى ايگىلەپ، جاڭا ٴداۋىردى كوركەمونەر فورماسىمەن جىرلاپ، جاڭا جورىققا ەكپىندەي العا تارتتى.


    7-ايدىڭ 16-كۇنى، «پارتيا قۇرىلعاندىعىنىڭ 100 جىلدىعىن قۇتتىقتاۋ» اتىنداعى جەلىلەس مادەنيەت - كوركەمونەر كورمەسى، شيحۋ قالاسىنىڭ «پارتياعا ماڭگى ىلەسەمىن» اتىنداعى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اسەمونەر كورمەسى مادەنيەت-كورمە سارايىندا اشىلدى. وسى رەتكى قيمىلدى شيحۋ قالالىق پارتكومنىڭ ۇگىت ٴبولىمى ۇيىمداستىرعان بولىپ، قالالىق مادەنيەت-ساياحات مەكەمەسى، قالالىق ادەبيەت-كوركەمونەرشىلەر بىرلەستىگى ۇستىنە العان، قالالىق حاتكەرلىك-سۋرەت قوعامى سەلبەسىپ وتكىزگەن، شيحۋ قالاسىنداعى ٴار سالا اسەمونەر اۋەسكەرلەرى دەن قويا جاراتقان پارتيا تاريحى تاقىرىبىنداعى 100 دانا اسەمونەر تۋىندىسى كورمەگە قويىلىپ، جۇڭگو كوممۋنيستىك پارتياسىنىڭ 100 جىلدان بەرى قول جەتكىزگەن شۇعىلالى تابىستارى تەرەڭ سۇيىسپەنشىلىكپەن ايگىلەنىپ، ٴداۋىردىڭ نەگىزگى اۋەنىن اسقاقتاتا شىرقادى.


    شيحۋ قالاسىنىڭ تۇرعىنى شۇي يۇڭجياڭ بىلاي دەدى: پارتيا قۇرىلعانىنا 100 جىل تولۋ قارساڭىندا، وسىنداي تۋىندىلاردى كورىپ، ەرەكشە تەبىرەندىم.


    شيحۋ قالالىق حاتكەرلىك قوعامىنىڭ ٴتوراعاسى ليۋ حانجيە بىلاي دەدى: قالىڭ حاتكەرلىك اۋەسكەرلەرى مەن كاسىپتىك حاتكەرلەر، سۋرەتشىلەر ٴوز قولدارىنداعى سۋرەت قالامدارىمەن كوممۋنيستىك پارتيانىڭ 100 جىلدىعى جاراتقان كەرەمەتتەر مەن حالىققا اكەلگەن باقىتتى تۇرمىستى جىرلاپ، ٴبىزدىڭ بۇدان بىلايعى جانە بولاشاقتاعى كوركەم كورىنىستەرىمىزدى جانە كوممۋنيستىك پارتيانىڭ ٴار داۋىردەگى قاھارماندار مەن باسشىلارىن سۋرەتتەدى.


    ۇعىسۋعا قاراعاندا، پارتيا تاريحىن ۇيرەنۋ-تاربيە بارىسىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ٴۇشىن، شيحۋ قالاسى «پارتياعا ماڭگى ىلەسۋدى» نەگىزگى تاقىرىپ ەتكەن 100 تۋىندى سۋرەت، 100حاتكەرلىك تۋىندى، 100اسەمونەر تۋىندىلارى، 100قاعاز ويما كەستە تۋىندىلارى جانە 100فوتو سۋرەت تۋىندىلارى سىندى 5 تاقىرىپتىق كورمە قيمىلىن دەن قويا ۇيىمداستىرىپ، جوبالاپ، پارتيانى قىزۋ سۇيەتىن، وتاندى قىزۋ سۇيەتىن، حالىقتى قىزۋ سۇيەتىن، سوتسياليزمدى قىزۋ سۇيەتىن تەرەڭ سۇيىسپەنشىلىكتى بەلسەنە قالىپتاستىرعان.


    شيحۋ قالالىق مادەنيەت سارايىنىڭ باستىعى ۋاڭ گويۇي بىلاي دەدى : سوڭعى مەزگىلدە ٴبىز وسى 100 قاعاز ويما مەن كەستەلى تۋىندىنى قامتىعان 100 فوتو سۋرەت تۋىندىسىن ۇزدىكسىز ورىستەتىپ، شيحۋدىڭ پارتيا تاريحىن ۇيرەنۋ جاعدايى مەن اۋقىمىن قالىپتاستىرۋمەن بىرگە، بۇكىل قالاداعى ٴار ۇلت بۇقاراسىن جۇدىرىقتاي جۇمىلىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ٴبىر نيەتپەن ىنتىماقتاسىپ، ۇلتتار ىنتىماعىن جاقسارتۋمەن بىرگە، شيحۋدىڭ تۇتاس تۇلعالىق ەكونوميكاسىنىڭ، قوعامىنىڭ دامۋى مەن گۇلدەنۋىن ىلگەرىلەتۋگە ۇندەيمىز.


شيحۋ قالالىق توعىسپالى مەديا ورتالىعى

中央广播电视总台 央广网 版权所有

شيحۋ قالاسى اسەمونەر تۋىندىسى كورمەسىن ورىستەتتى

شيحۋ قالاسىنىڭ اسەمونەر اۋەسكەرلەرى 100 دانا اسەمونەر تۋىندىلارىن دەن قويا جاراتىپ، جۇڭگو كوممۋنيستىك پارتياسى باستان وتكىزگەن شۇعىلالى تاريح پەن وشپەس ەڭبەكتى جاندى ايگىلەپ، جاڭا ٴداۋىردى كوركەمونەر فورماسىمەن جىرلاپ، جاڭا جورىققا ەكپىندەي العا تارتتى.