ينفورماتسيا اشكەرەلەۋ: mzjubao@cnr.cn

اۋىل اۋانى

شيحۋ قالاسى مەرەكە قارساڭىندا بازاردى تەكسەرۋدى بەلسەنە ورىستەتىپ، تاماشا مەرەكەلىك تۇتىنۋ ورتاسىن جاراتتى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:39


ء    ماريا نۇرزادا قىزى حابارلايدى. قۇربان ايت قارساڭىندا، شيحۋ قالاسىنداعى ٴىرى ساۋداگەرلەر مەن ەرەن بازارلار زات قاينارىن ەرتەرەك دايىنداپ، قاتىستى تاراۋلار مەرەكە الدىنداعى بازاردى تەكسەرۋدى بەلسەنە ورىستەتىپ، مەرەكەلىك تاماشا تۇتىنۋ ورتاسىن جاراتتى.


    7 ـ ايدىڭ 16 ـ كۇنى، ءتىلشى شيحۋ قالاسى جاڭا رايونى اۋىل شارۋاشىلىق ساۋدا بازارىنداعى بەلگىلى سيىر، قوي ەتى دۇكەنىنەن كوپتەگەن قالا تۇرعىندارىنىڭ دۇكەننەن ەت ساتىپ الىپ جاتقانىن كوردى.


    شيحۋ قالاسىنىڭ تۇرعىنى جيا يۇيساي بىلاي دەدى: بۇل ەت جاس، باعاسى دا ارزان ەكەن، كوپشىلىكتىڭ قۇربان ايت مەرەكەسىن كوڭىلدى وتكىزۋىن ٴۇمىت ەتەمىن.


    ۇعىسۋعا قاراعاندا، مەرەكەنىڭ جاقىنداۋىنا بايلانىستى، شيحۋ قالاسىنداعى ٴىرى ەرەن بازارلار ارزانداتۋ، ەرەكشە باعا سياقتى ٴتيىمدى ساتۋ قيمىلدارىن ىركەس-تىركەس ورىستەتىپ، ٴتۇرلى تاۋارلارمەن قامداۋى جەتكىلىكتى، باعاسى تۇراقتى، مەرەكەلىك بازار ٴتارتىبى جاقسى بولدى.


    شيحۋ قالاسىنداعى بەلگىلى ەرەن بازاردىڭ باستىعى ۋاڭ يىڭ بىلاي دەدى: قۇربان ايت قارساڭىندا، ەرەن بازارىمىز الدىن الا جەتكىلىكتى زات قاينارىن دايىنداپ، زاتتىڭ ٴتۇرىن مولايتىپ، استىق، ماي، كوكونىس، جەمىس-جيدەك، جۇمىرتقا سياقتىلارعا قاراتا ساتۋدى تەزدەتىپ، ارزانداتۋ قيمىلىن جۇرگىزىپ، قالىڭ قالا تۇرعىندارىنىڭ زات ساتىپ الۋ قاجەتىن قاناعاتتاندىرىپ، قالىڭ قالا تۇرعىندارىنىڭ ەرەن بازارعا كەلىپ زات ساتىپ الۋىن قارسى الدى.


    شيحۋ قالالىق بازار باقىلاۋ ـ باسقارۋ مەكەمەسى زاڭ اتقارۋشى قىزمەتكەرلەردى ەرەن بازار، تولايىم ساتۋ بازارى، شوعىرلى ساۋدا بازارى سياقتى جەرلەرگە بارىپ، ازىق-تۇلىك تيجاراتى، زات اينالىمى، تۇتىنۋ سياقتى بۋىنداردان باستاپ كىرىسىپ، ازىقتىق ماي، ەت ونىمدەرى، ٴسۇت ونىمدەرى، دامدەندىرگىش سياقتى مەرەكەلىك ٴوتىمدى ازىق-تۇلىكتەردى ٴتۇيىندى تۇردە تەكسەرۋگە ۇيىمداستىرىپ، ازىق ـ تۇلىك تيجاراتشىلارىنان كۋالىك الۋ بەلەتى مەن زات كىرگىزۋدى ەستەلىككە الۋ ٴتۇزىمىن قاتاڭ تياناقتاندىرىپ، مەرەكە كەزىندە ازىق-تۇلىك حاۋىپسىزدىگىن باقىلاۋ-باسقارۋ قىزمەتىن شىنايى جاقسى ىستەپ، تاماشا تۇتىنۋ ورتاسىن جاراتۋدى تالاپ ەتتى.


    شيحۋ قالالىق بازار باقىلاۋ-باسقارۋ مەكەمەسى جاڭا قالا رايونى بازار باقىلاۋ ـ باسقارۋ ورنىنىڭ كادرى ما ۋىنشيۇڭ بىلاي دەدى: مەكەمەمىز مەرەكە كەزىندەگى بازار ازىق ـ تۇلىكتەرىن باقىلاۋ ـ باسقارۋ تەبىنىن ۇزدىكسىز كۇشەيتەدى، ەگەر تۇتىنۋشىلار جالعان، جارامسىز تاۋارلاردى ساتىپ السا، دەرەۋ 12315 عا تەلەفون بەرىپ نەمەسە مەكەمەگە تىكە بارىپ ارىز ـ شاعىم بەرىپ نەمەسە اشكەرەلەپ، ٴوزىنىڭ زاڭدى ۇقىق ـ مۇددەسىن قورعاۋىنا بولادى، حاۋىپسىز، الاڭسىز تۇتىنۋ ورتاسىن بىرگە جاراتايىق.

شيحۋ قالالىق توعىسپالى مەديا ورتالىعى

中央广播电视总台 央广网 版权所有

شيحۋ قالاسى مەرەكە قارساڭىندا بازاردى تەكسەرۋدى بەلسەنە ورىستەتىپ، تاماشا مەرەكەلىك تۇتىنۋ ورتاسىن جاراتتى

قۇربان ايت قارساڭىندا، شيحۋ قالاسىنداعى ٴىرى ساۋداگەرلەر مەن ەرەن بازارلار زات قاينارىن ەرتەرەك دايىنداپ، قاتىستى تاراۋلار مەرەكە الدىنداعى بازاردى تەكسەرۋدى بەلسەنە ورىستەتىپ، مەرەكەلىك تاماشا تۇتىنۋ ورتاسىن جاراتتى.