شيحۋ قالاسىنىڭ قىستاقتا تۇراتىن قىزمەت اترەتى اۋىز سۋ ينجەنەرياسىن اتقارىپ، جۇرت جۇرەگىن جىلىتتى
شيحۋ قالالىق توعىسپالى مەديا ورتالعىنان: قارقىنبەك ەركىن ۇلى حابارلايدى. بيىل جىل باسىنان بەرى، شيحۋ قالاسىنىڭ قىستاقتا تۇراتىن قىزمەت اترەتى پارتيا تاريحىن ۇيرەنۋ تاربيەسىمەن ۇشتاستىرىپ، بۇقارانىڭ اۋىز سۋ ينجەنەرياسىن «مەن بۇقارا ٴۇشىن ناقتىلى ىستەر ىستەيمىن» امالياتتىق قيمىلىنىڭ ٴتۇيىندى قىزمەتى ەتىپ بەلگىلەپ، بۇقارانىڭ اۋىز سۋ ماسەلەسىن قۇلشىنا شەشىم ەتىپ، حالىق ٴۇشىن ناقتىلى ىستەر ىستەپ، بۇقارانىڭ جۇرەگىنە مەيىرگە بولەدى.
10- ايدىڭ 19-كۇنى، شگىشور قالاشىعى لاماسى قىستاعىنىڭ 3 ـ توپتاعى قۇبىر سۋىن جاڭالاۋ ينجەنەرياسىنىڭ جۇمىس ناق مايدانىندا، 2 قازۋ ماشيناسى قۇبىر ارىعىن قازۋدا.
قۇرىلىس جۇرگىزۋشى جي حۇي بىلاي دەدى: ٴبىز قازىر بۇل جۇمىستىڭ %90 تىن ورىندادىق، مەجەمەن ەرتەڭ تۇستەن بۇرىن وسى قۇبىر جەلىسىن قازىپ بولماقشىمىز، ٴبىز ساپاعا كەپىلدىك ەتۋمەن بىرگە، قۇبىردىڭ تەرەڭدىگىنە دە كەپىلدىك ەتۋىمىز، قۇبىر ارىعىنىڭ تەرەڭدىگى 1.8 مەتر اينالاسىندا بولىپ، قىستا قۇبىر سۋىنىڭ قاتۋىنان ساقتانۋىمىز كەرەك .
ۇعىسۋعا قاراعاندا، شگىشور قالاشىعى لاماسى قىستاعى 3 ـ گرۋپپاسىنىڭ بۇرىنعى اۋىز سۋ سۋىنىڭ قىسىمى ٴبىرشاما تومەن، سۋ قاينارىنىڭ ماۋسىمدىق ىقپالى ٴبىرشاما زور بولىپ، جازدا ەگىس اتىزدارىن سۋارۋدىڭ قاۋىرت مەزگىلىنە جەتكەندە، سۋمەن قامداۋ تاپشى بولۋ سىندى جايىتتەر تۋىلادى ەكەن.
شگىشور قالاشىعى لاماسى قىستاعى 3 ـ گرۋپپاسىنىڭ تۇرعىنى جۋ پايجاڭ بىلاي دەدى : ۇيدەگى قۇبىر سۋىنىڭ قىسىمى وتە تومەن، مىنا ينجەنەريا پايدالانۋعا بەرىلسە سۋ قىسىمى جوعارى بولادى، وسى ەكى كۇندە جۇمىسىم جوق بولعانسوڭ كورەيىن دەپ كەلدىم.
بيىل شيحۋ قالالىق مادەنيەت ـ ساياحات مەكەمەسىنىڭ قىستاقتا تۇراتىن قىزمەت اترەتى بۇقارانىڭ اۋىز سۋ ماسەلەسىن ٴتۇيىندى قىزمەتكە ەنگىزىپ، قىستاق تۇرعىندارىنىڭ پىكىرى مەن ۇسىنىسىن مۇقيات تىڭداپ، 70 مىڭ يۋاننان استام قارجى جيناپ، 900 مەترگە جۋىق سۋ قۇبىرىن جاڭالاپ، 100 نەشە وتباسىنىڭ اۋىز سۋ ماسەلەسىن شەشىم ەتتى.
شيحۋ قالالىق مادەنيەت ـ ساياحات مەكەمەسىنىڭ شگىشور قالاشىعى لاماسى قىستاعىندا تۇراتىن قىزمەت اترەتىنىڭ مۇشەسى پارحات ٴالىمجان ۇلى بىلاي دەدى : قازىر ينجەنەريا نەگىزىنەن جۇمىس باستادى، مەجەمەن 5 كۇن ىشىندە ينجەنەريا سالىنىپ بولادى، بۇدان كەيىن ٴبىز قىزمەت بارىسىندا پارتيا تاريحىن ۇيرەنۋ تاربيەسىمەن ۇشتاستىرىپ، بۇقاراعا ٴتىپتى دە جاقسى ناقتىلى ىستەر ىستەپ، ٴتىپتى دە كوپ بۇقارانى كىرىستى ارتتىرىپ، اۋقاتتانۋعا باستايمىز.
بيىل شيحۋ قالالىق مادەنيەت ـ ساياحات مەكەمەسىنىڭ قىستاقتا تۇراتىن قىزمەت اترەتى ٴىس جۇزىندىك ارەكەتتەرى ارقىلى پارتيا تاريحىن ۇيرەنۋ ـ تاربيەسى جەتىستىكتەرىن بۇقاراعا قىزمەت ەتۋدىڭ ىشكى قوزعاۋشى كۇشىنە اينالدىرىپ، وتباسىلارىن ارالاۋ، حالىقتىڭ جاعدايىن ۇعىسۋ ارقىلى ىلگەرىندى ـ كەيىندى 65 ماسەلەنى شەشىم ەتىپ، قىستاق تۇرعىندارىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز جوعارىلاتتى.
