شيحۋ قالاسى «مەملەكەتتىك وتباسى تاربيەسى ۇگىت اپتالىعى» ۇگىت قيمىلىن ورىستەتتى
قالقابەك ماحسۇتحان ۇلى حابارلايدى. «جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭىن» ۇزدىكسىز جالپىلاستىرۋ ٴۇشىن، شيحۋ قالالىق ايەلدەر بىرلەستىگى، عىلىم-تەحنيكا قوعامى، مۇگەدەكتەر بىرلەستىگى سياقتى تاراۋلار ۇگىت قيمىلدارىن بىرلەسىپ ورىستەتىپ، قالا تۇرعىندارىنا ۇگىت كىتاپشاسىن تاراتۋ، قاتىستى زاڭ ـ ەرەجەلەردى ٴتۇسىندىرۋ ارقىلى اتا ـ انالاردىڭ وتباسى تاربيەسى جونىندە دۇرىس كوزقاراس ورناتۋىنا كومەكتەسىپ، جاستار مەن ورەندەردىڭ اقاۋسىز ەسەيىپ-ەرجەتۋىنە تاماشا ورتا ازىرلەپ، «وتباسى تاربيەسىن جەبەۋ زاڭىنىڭ» بارلىق وتباسىنا جەتۋىن ىلگەرىلەتتى.
شيحۋ قالاسىنىڭ تۇرعىنى ۋاڭ يانمين تىلشىگە: ٴبىزدىڭ وتباسىمىزدا ٴوز بالامىزدى ٴتىپتى دە جاقسى تاربيەلەپ، ٴوز بالامىزدى مەملەكەتتىڭ جارامدى تىرەكتى دارىندىلارىنا اينالدىرۋىمىز كەرەك، جايشىلىقتا بالالارىمىزبەن كوبىرەك سىرلاسىپ، بالانىڭ اۋەسىن ٴتۇسىنىپ، ونىڭ پسيحيكالىق قۇرىلىسى مەن كوڭىل كۇي تولقۋىنا ٴتىپتى دە ٴمان بەرۋىمىز، ۇيرەنۋدى عانا يگەرمەي، الدىمەن ونىڭ دەنساۋلىعىنا قاراۋىمىز كەرەك، ـ دەدى.
شيحۋ قالالىق ايەلدەر بىرلەستىگىنىڭ ورىنباسار ٴتوراعاسى شۇي يانلي بىلاي دەدى: كەلەسى قادامدا شيحۋ قالالىق ايەلدەر بىرلەستىگى ۇگىت سەرپىنىن ارتتىرىپ، «وتباسى تاربيەسىن جەبەۋ زاڭىن» بارلىق وتباسىنا جەتكىزىپ، ٴار ۇلت وتباسىلارىن عىلمي، وركەنيەتتى وتباسى تاربيەسى يدەياسى مەن كوزقاراسىن ورناتۋعا جەتەكتەپ، ازامات جاسىنا تولماعانداردىڭ اقاۋسىز جەتىلۋىن جەبەپ، وتباسىنىڭ باقىتتى، جاراسىمدى بولۋىن جەبەيدى،-دەدى.
شيحۋ قالالىق توعىسپالى مەديا ورتالىعى