شيحۋ قالاسى جياحىزى اۋىلىنىڭ كوپ جىلدىق قاۋىن ەگۋ تاريحى بار، سوڭعى جىلدارى بۇل اۋىل ەگىنشى وتباسىلارىن جاڭا سورت جەتىلدىرۋگە بەلسەنە جەتەكتەپ، ەگىمشىلىك ۇلگىسىن ۇزدىكسىز وزگەرتىپ، ەگىنشى وتباسىلارىنىڭ قاۋىن-قاربىز ەگىپ، كىرىسىن ارتتىرىپ، اۋقاتتانۋ جولىنا تۇسۋىنە مۇمكىندىك جاسادى. 

 

جياحىزى اۋىلى دىڭجياحۋ قىستاعىنان ءتىلشى قاۋىن-قاربىز ەگەتىن ديقانداردىڭ مول ءونىم الىپ، پىسىپ-جەتىلگەن ءتاتتى قاۋىن-قاربىز تەرۋمەن قاربالاس ەكەنىن كوردى.  قىستاق تۇرعىنى لي شياۋليڭ بيىل 12 مۋ جەرگە قاۋىن ەگىپ، مۋ باسىندىق تازا كىرىسى 4000 يۋانعا جەتتى. 

 

جياحىزى اۋىلى دىڭجياحۋ قىستاعىنىڭ تۇرعىنى لي شياۋليڭ: بۇل سورت وتە جاقسى، ءدامى ءتىل ۇيىرەدى، ءدامى ءتىل ۇيىرەدى،-دەدى. 

 

جياحىزى اۋىلى دىڭجياحۋ قىستاعىنىڭ توپىراعى قۇمدى توپىراقتى نەگىز ەتەدى، قاۋىن-قاربىز ەگۋ ەرەكشە ابزالدىلىعىنا يە، قاۋىن-قاربىز ءوندىرۋ ساپاسى جاقسى، تاتتىلىك دارەجەسى جوعارى بولىپ، تۇتىنۋشىلاردىڭ قىزۋ قارسى الۋىنا بولەندى.

شيحۋ قالاسىنىڭ تۇرعىنى ليۋ دۇڭكۇي  تىلشىگە: ءبىز ى دىڭجياحۋ قىستاعىنا قاۋىن-قاربىز ساتىپ الۋ ۇشىن ارنايى كەلدىك، قايتىپ بارعاننان كەيىن تۋىس-تۋعان، دوس-جاراندارىمىزعا جەتكىزىپ ۇسىنىپ، ولارعا بۇل ارانىڭ تاتتى قاۋىنىن ۇگىتتەيمىز،-دەدى. 

 

دىڭ جياحۋ قىستاعى كوكونىس، جەمىس-جيدەك ەگۋدى نەگىز ەتەتىن قىستاق بولىپ، جياحىزى اۋىلدىق پارتكوم تاربيەلەۋ تەبىنىن ارتتىرۋ، قىستاق تۇرعىندارىن باستاپ سىرتقا شىعىپ ۇيرەنۋ سياقتى تاسىلدەر ارقىلى تاڭداۋلى قاۋىن-قاربىز جاڭا سورتىن ەنگىزىپ، دىڭجياحۋ قىستاعىن دامۋ جولىنا باستادى.    

 

جياحىزى اۋىلى دىڭجياحۋ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ياڭ سۇڭ: بۇدان بىلاي ءبىز دىڭجياحۋ قىستاعىنىڭ ەگىمشىلىك كولەمىن ارتتىرىپ، وسى سورتتاردى جاقسارتىپ، ءتىپتى دە جاقسى سورتتاردى ەنگىزىپ، قالىڭ بۇقارانىڭ دىڭجياحۋ قىستاعىنىڭ ەرەكشەلىگىن سەزىنۋىنە مۇمكىندىك جاسايمىز،-دەدى. 

 

سوڭعى جىلداردان بەرى، جياحىزى اۋىلى «شارۋاشىلىعى شالقىعان، ەكولوگياسى جانعا جايلى، اۋىل سالتى وركەنيەتتى، جونگە سالۋى ءونىمدى، تۇرمىسى باي بولۋ» جالپى تالابىنا ساي، جەمىس-جيدەك ەگۋدى كاسىپ قۇرىلىمىن رەتتەۋدىڭ، شارۋالاردىڭ كىرىسىن ارتتىرۋدىڭ كىرىسۋ ءتۇيىنى ەتىپ، بايلىق ابزالدىلىعىن ۇزدىكسىز بىرىكتىرىپ، ساياساتتىق جەتەكتەۋ، تەحنيكالىق جەتەكشىلىك ەتۋ سياقتى ءونىمدى شارالاردى قولدانىپ، جەرگىلىكتى جاعدايعا قاراي ەرەكشە ەگىمشىلىك كاسىبىن جەتىلدىرىپ، زورايتىپ، وسى اۋىلداعى شارۋالاردىڭ جەمىس-جيدەك ەگۋىنە بارىنشا جەتەكشىلىك ەتتى. قازىر جياحىزى اۋىلىنىڭ قاۋىن ەگىلگەن جەر اۋدانى 500 مۋدان اسىپ، جان باسىندىق ورتاشا كىرىسى 1000 يۋانعا تايادى.