سارتام اۋىلدىق وداق كوميتەتى باتىس بولەك جوسپارىنداعى ستۋدەنت ەرىكتىلەر ۇيىمداستىرىپ الدامشىلىققا قارسى تۇرۋ ۇگىت بايلانىسىمەن ەرىكتى قىزمەت وتەۋ قيمىلىن ورىستەتۋگە ۇيىمداستىردى
بوكەن قۇمارقان ۇلى جاڭاگۇل زاۋپان قىزى حابارلايدى. حالىق بۇقاراسىنىڭ الدامشىلىقتان ساقتانۋ تانىمىن ونان كۇشەيتۋ ٴۇشىن، جۋىقتا سارتام اۋىلدىق وداق كوميتەتى الدامكوستىككە قارسى ۇگىت، ەرىكتى قىزمەت وتەۋ قيمىلىن ۇيىمداستىردى.
قيمىل بارىسىندا، سارتام اۋىلدىعىنىڭ باتىس بولەك جوسپارىنداعى ستۋدەنت ەرىكتىلەرى الەۋمەتتىڭ اۋماقتارعا، اۋىل قىستاقتارعا، جەكە كاسىپكەرلەرمەن، كوشە بويىنداعى بۇقارالارعا بارىپ كەزەكتەگى الدامكوستىكتىڭ جاڭا فورماسىن، جاڭا ەرەكشەلىكتەرىن ايتىپ، ۇگىت كىتاپشاسىن تاراتۋ، ناق مايداندا جاۋاپ قايتارۋ، قول تەلەفون ارقىلى مەملەكەتتىڭ الدامكوستىككە قارسى تۇرۋ «APP» ىن ورناتۋ سياقتى تاسىلدەر ارقىلى بۇقاراعا جاڭاشا توراپ الدامشىلىعىنىڭ فورماسى مەن الدامشىلىقتان ساقتانۋ شارالارىن ٴتۇيىندى تۇردە ٴتۇسىندىردى، ءارى قاراپايىم دا ۇعىنىقتى تىلمەن جانە ماڭايىمىزدا تۋىلعان مىسالدارمەن تەلەفون الدامشىلىعىنان، توراپ الدامشىلىعىنان ساقتانۋ سياقتى ۇنەمى قولدانىلاتىن الدامشىلىقتان ساقتانۋ تاسىلدەرىن ۇگىتتەپ، بۇقاراعا جەكە ماتەريال، قول تەلەفون ٴنومىرى، بانكە كارتوچكاسى ينفورماتسياسى قاتارلىلاردى باسقالارعا وڭاي-وسپاق ايتپاۋدى، ەگەر اقشا جىبەرۋ جانە ەسەپ اۋدارۋ قاجەت بولسا، الدىمەن وتباسىنداعىلارعا، دوستارىنان تەكسەرىپ انىقتاۋدى، شۇعىل جاعدايدا 110 عا تەلەفون بەرىپ اقىل-كەڭەس سۇراپ نەمەسە ساقشى بولىمشەسىندەگى حالىق ساقشىسىمەن بايلانىس جاساپ، مال - مۇلىكتىڭ زيانعا ۇشىراۋىنان ساقتانۋدى ەسكەرتتى.