ينفورماتسيا اشكەرەلەۋ: mzjubao@cnr.cn

اۋىل اۋانى

اقساي اۋدانىنىڭ قانامبار جاراتىلىستىق قورىق رايونىنان تۇڭعىش رەت قوڭىر ايۋدى كامەراعا ءتۇسىردى

来源:جۇڭگو قازاق راديو تورابى     |责编:古丽美热|     发布日期: 2022-09-22 10:43

اقساي اۋداندىق توعىسپالى مەديا ورتالىعىنان كۇليا مەدەۋقان قىزى حابارلايدى.  تاياۋدا،  اقساي اۋداندىق قانامبار جاراتىلىستىق قورىق رايونىنىڭ باقىلاۋشى قىزمەتكەرلەرى ينفرا قىزىل ساۋلەلى فوتو اپپارات ماتەريالدارىن جيناۋ بارىسىندا، تۇڭعىش رەت مەملەكەتتىك 2-دارەجەلى ءتۇيىندى قورعالاتىن جابايى حايۋانات قوڭىر ايۋدىڭ قورىق رايونىنداعى تۇشتى وزەن وڭىرىندە قيمىلداعان كەسكىندى ماتەريالىن بايقاعان. بۇل فوتودا قوڭىر ايۋدىڭ دەنە ءبىتىمىنىڭ بيىك ، ايبىندى دەنەسىن بۇرىپ، باياۋ ءجۇرىپ قىزىل ساۋلەلى فوتو اپپاراتتىڭ الدىنان وتكەنىن تۇسىرگەن. جاقىنعى جىلداردان بەرى، اقساي اۋدانىنىڭ قانامبار جاراتىلىستىق قورىق رايونى جابايى حايۋاناتتاردىڭ قورعاۋ رايونىن قالپىنا كەلتىرۋ قىزمەتىن جاپپاي كۇشەيتىپ، جابايى حايۋاناتتاردىڭ جاراتىلىستىق بايلىق رايونىنىڭ باقىلاۋ سەرپىنىن جوعارلاتىپ، قاراستى رايون ىشىندە جابايى حايۋاناتتاردىڭ ەكولوگيالىق ورتاسىن بىرتىندەپ جاقسارتىپ، ورگانيزىمدەردىڭ الۋان تۇرلىلىك كورسەتكىشىن ۇزدىكسىز جوعارلاتتى. بۇل رەتكى بايقالعان بۇل فوتو كەسكىنى،  قورىق رايونىنداعى تۇقىمى قۇرىپ بارا جاتقان حايۋاناتتاردىڭ تۇرلەرى مەن جابايى حايۋاناتتاردىڭ تۇرمىس ادەتىن جانە تارالۋ جاعدايىن ءتىپتى دە جاقسى يگەرۋگە عىلىمي نەگىز ازىرلەدى. 
 
قوڭىر ايۋ، جاراتىلىسىنان ءتۇرلى ارالاس قورەكتى ازىقتىقتارمەن ازىقتاناتىن ءسۇت قورەكتى حايۋانات.  ونىڭ ءتىسى وتكىر ، باس ءبولىمى جالپاق ءارى دوڭگەلەك بولىپ، ءيىس تۇيسىگى جەتىلگەن، تۇمىسعى ۇزىن، مۇرىن تەسىگى ۇلكەن، كوزى مەن قۇلاعى كىشكەنە، جوتاسى كوتەرىڭكى، بەلى جۋان، كەۋدە ءجۇنى ۇزىن بولىپ، ۇزىندىعى 10 سانتيمەتىردەن جوعارى، بويى جالپى العاندا 170-280 سانتيمەتىر، قۇيرىعى وتە قىسقا بولىپ، قۇيرىعىنىڭ ۇزىندىعى 8-14 سانتيمەتر اينالاسىندا بولادى. ول كوبىنەسە اشىق وڭىرلەردە قيمىلداپ، باسقا ەت قورەكتى حايۋاناتتارمەن سالىستىرعاندا قيمىل ارەكەتى باياۋ بولادى.

中央广播电视总台 央广网 版权所有

اقساي اۋدانىنىڭ قانامبار جاراتىلىستىق قورىق رايونىنان تۇڭعىش رەت قوڭىر ايۋدى كامەراعا ءتۇسىردى

باسقا ەت قورەكتى حايۋاناتتارمەن سالىستىرعاندا قيمىل ارەكەتى باياۋ بولادى