«ءبىر بەلدەۋ، ءبىر جول» ينجەنەرياسىنىڭ ىشكەرىلەي ىلگەرىلەتىلۋىنە ىلەسە، جۇڭگونىڭ اۆتوموبيل كاسىپورىندارى شەتەل بازارلارىنا ويىسۋ تەبىنىن ۇزدىكسىز جەدەلدەتىپ، ايگىلى ماركالاردىڭ ىقپالىن ۇزدىكسىز كۇشەيتتى، سونداي اق، بۇل اۆتوموبيلدەر شاڭحاي، شاندۇڭ، حىنان، شانشي قاتارلى جەرلەردە ٴوندىرىلىپ شىعارىلىپ، كۇرەۋىش ماشينا، جولاۋشىلار اۆتوموبيلى، اۆتوبۋز، جول تاپتاۋىش ماشينا، جاڭا ەنەرگيالى اۆتوموبيل سياقتى تۇرلەردى قامتيدى، جانە ەكسپورت ەتىلەتىن جەرلەر قازاقستان، وزبەكستان، رەسەي قاتارلى ٴبىر بەلدەۋ، ٴبىر جول بويىنداعى ەلدەر.

    جەمەنەي اۋداندىق يەما قامبا شەكتى سەرىكتەستىگىنىڭ باس ديرەكتورى ۋي شىڭلين بىلاي دەدى: بۇل جولدا 500 اۆتوكولىك قازاقستان جانە رەسەي سياقتى ەلدەرگە ەكسپورت ەتىلدى، جەمەنەي شەكارا وتكەلى دە جۇڭگو - ەۆروپا تورابىنداعى ماڭىزدى شەكارا وتكەلى، سونداي اق، وتكەلدىڭ جۇمساق، قاتتى بولشەك شارت-جاعدايىنىڭ نەگىزى مىعىم، باسىمدىلىعى كورنەكتى بولعاندىقتان، الداعى ۋاقىتتا ەلىمىزدىڭ زور مولشەردە سىرتقى ساۋدا ەكسپورتىن جاساۋىنا پارمەندى كەپىلدىك ەتتى.

    ۇعىسۋعا قاراعاندا، جەمەنەي شەكارا وتكەلى مەملەكەت دارەجەلى قۇرلىق جولى 1-تۇردەگى شەكارا وتكەلى جانە جۇڭگو-قازاقستان-رەسەي حالىقارالىق جول تاسىمالىنىڭ ماڭىزدى تورابى بولىپ قالماستان، جىبەك جولى ەكونوميكالىق بەلدەۋىنىڭ سولتۇستىك ارناسىنىڭ ماڭىزدى قاقپاسى، بىر قانشا جىلدار بويى يمپورت ـ ەكسپورت ساۋدا كاسىبىمەن شۇعىلدانىپ كەلە جاتقان جەمەنەي اۋدانى يەما قامبا شەكتى سەرىكتەستىگىنىڭ جاۋاپتىسى جىڭ شۋانچيڭنىڭ ايتۋىنشا، جەمەنەي شەكارا وتكەلىنەن ەكسپورت ەتىلەتىن تاۋار اۆتوموبيلدەر رەسەي، قازاقستان، تۇركمەنستان، وزبەكستان قاتارلى ٴبىر بەلدەۋ،ٴبىر جول بويىنداعى ەلدەرگە جوتكەلىپ، تاۋار تۇرلەرى ٴىرى تۇرپاتتى اۆتوبۋز، جول تاپتايتىن ماشينا، جولاۋشىلار اۆتوبۋزى قاتارلىلاردى قامتيدى.

    جەمەنەي شەكارا باسقارۋ كوميتەتىنىڭ 2 ـ دارەجەلى تەكسەرىپ ـ زەرتتەۋشىسى چىن چاڭحۋا بىلاي دەدى: شەكارا وتكەلىندەگى يمپورت ـ ەكسپورت ساۋداسىن قامتاماسىزداندىرۋ ٴۇشىن، ٴبىز پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، شەكارا وتكەلىندەگى ىندەتتەن ساقتانۋ جانە ونى تىزگىندەۋ جانە ىركىلىسسىزدىككە كەپىلدىك ەتۋ قىزمەتىن بار كۇشپەن ويداعىداي ىستەيمىز، جانە ساياسي دەڭگەيدى جوعارىلاتىپ، ٴبىر وتكەلدە ٴبىر جوبا بولۋ جانە بەسپەن بايلانىس ورناتۋ، بەس ۇلەس قىزمەت مەحانيزمىن دايەكتى تياناقتاندىرىپ، كەدەن، شەكارالىق تەكسەرۋ، تاسىمال باسقارۋ سياقتى شەكارا وتكەلى ورىندارىن جوعارى ونىمدىلىكپەن ٴبىر تۇتاس سايكەستىرىپ، شەكارا وتكەلىنەن ساقتانۋ ـ تىزگىندەۋ شارالارىن ساپالىلاندىرۋدى، رەتتەۋدى بەلسەندى، ورنىقتى تۇردە ويداعىداي يگەرەمىز، حاۋىپ - قاتەردەن ساقتانۋدى كۇشەيتىپ، ساقتانۋ - تىزگىندەۋ شارالارىن ۋاقىتقا، جاعدايعا قاراي رەتتەپ كەمەلدەندىرىپ، كەدەننەن وتۋگە قىزمەت وتەۋ ساپاسىن كۇشەيتىپ، يمپورت - ەكسپورتتىڭ كەدەننەن ءوتۋ ونىمدىلىگىن شىنايى جوعارىلاتىپ، جوعارى دەڭگەيدەگى سىرتقا ەسىك اشۋدى ىلگەرىلەتۋگە زور كۇش سالامىز.

جەمەنەي اۋداندىق توعىسپالى مەديا ورتالىعى