جارىس الاڭىندا موڭعۇلكۇرە اۋدانىنان قاتىناسقان 3 مۇگەدەك سپورتشى قايسارلىقپەن سايىسۋ، ەرلىكپەن العا ۇمتىلۋ سىندى سپورت رۋحىن ساۋلەلەندىرىپ، اۆتونوميالى رايوننىڭ «مۇگەدەكتەر ەرەكشە وليمپياداسىندا» ۇزدىك ناتيجەگە قول جەتكىزىپ، 8 التىن مەدال الدى. مۇنىڭ ىشىندە: ايشۋاق نۇرلان قىزى T11-13 قۇراما تۇرىنەن ايەلدەردىڭ 100 مەتر، 200 مەتر، 400 مەترگە قىسقا ارالىققا جۇگىرۋ جارىسىندا 3 التىن مەدال ؛ 100 مەترلىك كۇش جالعاپ جۇگىرۋ جارىسى مەن 400 مەترلىك كۇش جالعاپ جۇگىرۋ جارىسىندا 2 التىن مەدال الدى؛ ماني 100 مەترگە كۇش جالعاپ جۇگىرۋ جارىسى مەن 400 مەترگە كۇش جالعاپ جۇگىرۋ جارىسىندا 2 التىن مەدالT،46 قۇراما تۇرىنەن ايەلدەردىڭ 3000 مەترگە جۇگىرۋ جارىسىندا ٴبىر التىن مەدال الدى. بۇدان سىرت ايشۋاق نۇرلان قىزى مەن ماني «اۆتونوميالى رايوندىق دەنە تاربيە ٴمورال سيلىعىنا» يە بولسا، ءجازيرا نۇرجان قىزى داڭقپەن «اۆتونوميالى رايوندىق 7 - كەزەكتى مۇگەدەكتەر دەنە تاربيە جارىسىنا جانە 4 - كەزەكتى ەرەكشە وليمپيادا سپورت جارىسىنىڭ شابىتتاندىرۋ سيلىعىنا» يە بولدى.

    9- ايدىڭ 14 - كۇنى ايشۋاق نۇرلان قىزى، ماني، ٴجازيرا نۇرجان قىزى قاتارلى 3 سپورتشى كورلا قالاسىنان كۇنەس اۋدانىنا جەتتى. 9-ايدىڭ 14- كۇنى موڭعۇلكۇرە اۋداندىق حالىق ۇكىمەتىنىڭ قاتىستى باسشىلارى مەن اۋداندىق مۇگەدەكتەر بىرلەستىگىنىڭ قىزمەتكەرلەرى كۇنەس اۋدانىنا بارىپ، ساحارا ساڭلاقتارىن قارسى الدى ٴارى ولارعا گۇل ۇسىنىپ، ولاردىڭ اۆتونوميالى رايوننىڭ «مۇگەدەكتەر ەرەكشە وليمپياداسىندا» قول جەتكىزگەن ۇزدىك ناتيجەلەرىن قۇتتىقتادى ٴارى اۋىلداستاردىڭ شىنايى سالەمىن جەتكىزدى.

    9-ايدىڭ 15-كۇنى موڭعۇلكۇرە اۋداندىق پارتكومنىڭ شۋجيى حوۋ تاۋ، اۋداندىق پارتكومنىڭ تۇراقتى مۇشەسى ەرجان جەدەلجان ۇلى قاتارلى اۋدان باسشىلارى 3 مۇگەدەك سپورتشىدان شىنايى حال سۇراپ، ولارمەن ىقىلاستى اڭگىمەلەستى. اڭگىمە ماجىلىستە حوۋ تاۋ ولاردىڭ ەسەيىپ ـ ەرجەتۋ جولىن ەگجەي ـ تەگجەيلى ۇعىسىپ، قول جەتكىزگەن ناتيجەلەرىن قۇتتىقتادى ٴارى ولاردى كۇش ۇستىنە كۇش قوسىپ، تاعى دا تاماشا ناتيجە جاراتۋعا شابىتتاندىردى.

    حوۋ تاۋ بىلاي دەدى: جۇلدەلى ورالعان 3 مۇگەدەك سپورتشىمىز، جىگەرىن مۇقالتپاي، داڭققا قول جەتكىزىپ، مۇگەدەكتەردىڭ تالىقپاي تالپىناتىن، ەرلىكپەن العا باساتىن رۋحىن ايگىلەدى، ونان دا ماڭىزدىسى، بۇكىل اۋدانداعى ٴار ۇلت حالقىنىڭ ماقتانىشىنا اينالدى. حوۋ تاۋ ولاردى قاي - قاشان دا بەلسەندى جانە داندايسىمايتىن، ۇشقالاقتىققا سالىنبايتىن كوڭىل كۇيدە بولىپ، بۇل رەتكى جارىستى جاڭا باستاما ەتىپ، ”ءوزىن قادىرلەۋ، وزىنە سەنۋ، ءوز كۇشىنە سۇيەنۋ، ءوزىن الۋەتتەندىرۋ“ رۋحىن ۇزدىكسىز ساۋلەلەندىرىپ، كۇش ۇستىنە كۇش قوسىپ، ەرلىكپەن العا ۇمتىلىپ، اناعۇرلىم كوپ تاماشا ناتيجەلەر جاراتىپ، اتا مەكەنىنىڭ مەرەيىن ارتتىرۋعا شابىتتاندىردى.

    حوۋ تاۋ قاتىستى تاراۋلار مەن اۋىل ـ قالاشىقتارعا سپورتشىلارعا جانە ولاردىڭ وتباسىنداعىلاردىڭ ٴوندىرىس، تۇرمىسىنا كوبىرەك كوڭىل ٴبولىپ، ولاردىڭ ٴىس جۇزىندىك قيىنشىلىعىن شەشىپ، ٴتىپتى دە كوپ، ٴتىپتى دە جاقسى قوعامدىق قامتاماسىزداندىرۋ جانە الەۋمەتتىك قىزمەت وتەۋ كەرەكتىگىن تاپسىردى. سونىمەن بىرگە، مۇگەدەكتەردى قوعامدىق قامتاماسىزداندىرۋ ٴتۇزىمى مەن قامقورلىق جاساۋ، قىزمەت وتەۋ جۇيەسىن ۇزدىكسىز كەمەلدەندىرىپ، مۇگەدەكتەر ىستەرى مەن مۇگەدەكتەردىڭ دەنە تاربيە ىستەرىنىڭ دامۋىن زور كۇشپەن قولداپ، مۇگەدەكتەرگە بار كۇشپەن كوڭىل ٴبولىپ، قامقورلىق جاساپ، ٴتىپتى دە كوپ مۇگەدەكتەردىڭ قوعامعا توعىسۋىنا، قوعامعا ۇلەس قوسۋىنا مۇمكىندىك جاساپ، مۇگەدەكتەر ىستەرىنىڭ تاعى دا تىڭ ساتىعا كوتەرىلۋىن ىلگەرىلەتۋدى تالاپ ەتتى.

    ٴۇش سپورتشى: بۇل ناتيجەگە قول جەتكىزۋىمىز اۋداندىق پارتكوم مەن ۇكىمەتتىڭ جانە قوعامداعى ٴار سالانىڭ قامقورلىعى مەن قولداۋىنان ايرىلا المايدى، اۋىلداستاردىڭ شىنايى ٴۇمىتىن ەستە بەرىك ساقتاپ، بۇدان بىلايعى جاتتىعۋ مەن جارىستاردا باتىلدىقپەن سايىس جاريالاپ، قۇلشىنا كۇرەس جۇرگىزىپ، مەكەنىمىزگە ٴتىپتى دە كوپ داڭق اپەرەمىز دەدى.

    مۇگەدەك سپورتشى ايشۋاق نۇرلان قىزى بىلاي دەدى : وسىنداي جاقسى ناتيجەگە قول جەتكىزۋىم، مەكەنىمدەگى حالىقتىڭ قولداۋىنان، جاتتىقتىرۋشىمنىڭ ەڭبەگىنەن، قوعامداعى ٴار سالا قايراتكەرلەرىنىڭ كوڭىل بولۋىنەن ايرىلاالمايدى،مەن ۇزدىكسىز قۇلشىنىپ، ٴتىپتى دە جاقسى ناتيجەلەرگە قول جەتكىزىپ، تۋعان جەرىمدەگى حالىقتىڭ تەرەڭ سۇيىسپەنشىلىگىنە العىس ايتىپ، اتا مەكەنىمنىڭ داڭقىن اسىرامىن.

    بەس التىن مەدال العان ايشۋاق نۇرلان قىزى سارقوبى اۋىلى كۇركىلدەك قىستاعىنداعى قاراپايىم مالشىنىڭ قىزى. ول اۋىلىنا قايتىپ كەلگەندە، اۋىلداستارى قۇيقىلجىتا دومبىرا شەرتىپ، شاشۋٴشاشىپ، ونىڭ داڭقپەن قايتىپ كەلگەندىگىنٴان-كۇيمەن قىزۋ قارسى الدى.

    كۇركىلدەك قىستاعىنىڭ تۇرعىنى ۇلدانا كەۋەرقان قىزى بىلاي دەدى: بۇگىن ٴبىزدىڭ ايشۋاق سپورت جارىسىنان 5 التىن مەدال الىپ كەلدى، اۋدان جانە اۋىل باسشىلارى ولٴۇشىن سالتاناتتى قارسى الۋ سالتىن وتكىزىپ بەردى، مەن ايشۋاقتى ەرەكشە ماقتانىش سەزىنەمىن، بۇدان كەيىن ٴبىز وعان جاقسىلاپ قولداۋ كورسەتىپ، كومەكتەسىپ، ونىڭ بارعان سايىن ناتيجەلى بولۋىنا دەم بەرەمىز.

    موڭعۇلكۇرە اۋداندىق مۇگەدەكتەر بىرلەستىگى بۇدان بىلاي دا مۇگەدەكتەرگە كومەكتەسۋ ـ سۇيەمەلدەۋ ساياساتىن ۇزدىكسىز ويداعىداي تياناقتاندىرىپ، مۇگەدەكتەردىڭ زاڭدى ۇقىق ـ مۇددەسىن بار كۇشپەن قامتاماسىز ەتىپ، مۇگەدەكتەردى سۇيەمەلدەيتىن، مۇگەدەكتەرگە تيىمدىلىك جاسايتىن، مۇگەدەكتەرگە كومەكتەسەتىن تاماشا قوعامدىق اۋقىم قالىپتاستىرۋمەن بىرگە، مۇگەدەكتەردى جىگەرلەندىرۋ حيكاياسىن زور كۇشپەن ۇگىتتەپ، ٴتىپتى دە كوپ مۇگەدەكتەردى ەكونوميكالىق، قوعامدىق دامۋ قۇرىلىسىنا بەلسەنە ات سالىسۋعا ىنتىماقتاستىرىپ جانە جۇمىلدىرىپ، تۇتاس اۋدانداعى مۇگەدەكتەر ىستەرىنىڭ تىڭ ساتىعا كوتەرىلۋىن كۇش سالا ىلگەرىلەتەدى.

    موڭعۇلكۇرە اۋداندىق مۇگەدەكتەر بىرلەستىگىنىڭ جاۋاپتىسى ياڭ تيانحۋا بىلاي دەدى: «اۆتونوميالى رايوندىق 7 - كەزەكتى مۇگەدەكتەر سپورت جارىسىندا جانە 4 - كەزەكتى ەرەكشە وليمپيادا سپورت جارىسىندا، اۋدانىمىزدىڭ سپورت ساڭلاقتارى 8 تۇردەن 8 التىن مەدال الىپ، اتا مەكەنىمىزگە داڭق اپەردى، اۋداندىق پارتكوم مەن ۇكىمەت تە مۇگەدەكتەر قىزمەتىنە ايرىقشا ٴمان بەرىپ كەلەدى، مۇگەدەكتەر ىسىنە قوسىلىم تەبىنى دە ٴبىرشاما زور، بۇدان بىلاي ٴبىز مۇگەدەكتەردى ساۋىقتىرۋ، وقۋ ـ اعارتۋ، كاسىپتەندىرۋ، دەنە تاربيە، مادەنيەت سياقتى ٴتۇرلى قىزمەتتەردى ۇزدىكسىز جاقسى ىستەپ، مۇگەدەكتەردى ۇيدەن شىعىپ، قوعامعا ٴتىپتى دە جاقسى توعىسۋعا جەتەكتەپ، اۋدانىمىزدىڭ مۇگەدەكتەر ىستەرىنىڭ جەمىستى بولۋىن جەبەيمىز».

موڭعۇلكۇرە اۋداندىق توعىسپالى مەديا ورتالىعى