ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ بيرمانىڭ پرەزيدەنتىمەن تەلەفوندا سويلەستى

来源:جۇڭگو قازاق راديو تورابى     |责编:阿依娜古丽|     发布日期: 2020-05-21 09:51

 

ءوز حابارىمىز. مەملەكەت ءتوراعاسى شي جينپيڭ 5-ايدىڭ 20-كۇنى كەشتە بيرمانىڭ پرەزيدەنتى ۋىن مينمەن تەلەفوندا سويلەستى.


    شي جينپيڭ مىنالاردى انىق ايتتى: جۇڭگودا جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان كەيىن بيرما ۇكىمەتى مەن قوعامىنداعى ءار سالا جۇڭگوعا كومەك قولىن سوزدى. ءبىز قازىر بيرماداعى جۇقپالى اۋرۋ جاعدايىنا نازار اۋرۋدامىز. جۇڭگو بيرماعا جۇقپالى اۋرۋعا قارسى تۇرۋعا قاجەتتى كوپتەگەن توپتاعى زاتتاردى تارتۋ ەتتى ٴارى ەكى توپتاعى ەمدەۋ ماماندارى گرۋپپاسىن جىبەرىپ، تىزە قوسا شايقاس جاسادى. بۇدان ەكى ەل حالىقتارىنىڭ تاعدىرلاس-تىنىستاس بولىپ ءوزارا قارايلاساتىن باۋىرلاستىق دوستىعىن ايقىن كورۋگە بولادى ءارى ول جۇڭگو مەن بيرمانىڭ بەينەتتە دە، زەينەتتە دە ورتاق بولاتىن تاعدىرلاس ورتاق تۇلعا رۋحىن ايگىلەيدى. جۇڭگو بيرمانىڭ قاجەتىنە ساي، باتىل قولداۋ كورسەتەدى جانە قول ۇشىن بەرەدى. بيرما حالقىنىڭ جۇقپالى اۋرۋدى، ءسوز جوق، تۇبەگەيلى جەڭە الاتىندىعىنا سەنەدى. جۇڭگو بيرمانى ٴوز ىشىنە العان حالىقارا قوعاممەن بىرلكتە، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن ۇزدىكسىز قولداپ، حالىقارالىق ادىلدىكتى، تەڭدىكتى جانە حالىقارالىق قاتىناستىڭ نەگىزگى ولشەمىن باتىل قورعاپ، الەمدىك الەۋمەتتىك دەنساۋلىق ساقتاۋ شايقاسىنىڭ جەڭىسىنە قول جەتكىزۋدى قالايدى.


    شي جينپيڭ مىنالاردى باسا دارىپتەدى: بيىل جۇڭگو مەن بيرمانىڭ ديپلوماتيالىق قاتىناس ورناتقاندىعىنىڭ 70 جىلدىعى. بيىل 1 ـ ايدا ەلدەرىڭىزدە ساپاردا بولدىم، ٴبىز جۇڭگو-بيرما تاعدىرلاس ورتاق تۇلعاسىن قۇرىپ، جۇڭگو-بيرما قاتىناسىنىڭ جاڭا ٴداۋىرى باستالدى. ەكى جاقتىڭ تىعىز سايكەسىپ، ساپار ناتيجەسىن ناقتى تياناقتاندىرۋىن ٴۇمىت ەتەمىن. ەكى جاق جۇقپالى اۋرۋدان ساقتانۋ ـ تىزگىندەۋ نەگىزىندە، ٴار سالاداعى بارىس ـ كەلىس پەن سەلبەستىكتى ورنىقتى ىلگەرىلەتىپ، ەكونوميكالىق ٴدالىز نىساندارىنىڭ بەلسەندى ىلگەرىلەۋشىلىككە قول جەتكىزۋىن جەبەۋ كەرەك. ەكى ەلدىڭ شەكارانى بىرلەسىپ قورعاۋ، بىرلەسىپ تىزگىندەۋ مەحانيزمىنەن ويداعىداي پايدالانىپ، شەكارانىڭ بەيبىتشىلىگى مەن تىنىشتىعىن، جۇقپالى اۋرۋدان ساقتانۋ-تىزگىندەۋ جانە جۇمىستى، ٴوندىرىستى قالپىنا كەلتىرۋدى ٴبىر تۇتاس جوسپارلاۋ كەرەك.


    ۋىن مين بىلاي دەدى: ءسىزدىڭ پارمەندى باسشىلىعىڭىزدا، جۇڭگو ۇكىمەتى مەن حالقى جۇقپالى اۋرۋدان ٴونىمدى تۇردە ساقتاندى جانە تىزگىندەدى، بۇكىل ەلدىڭ ەكونوميكالىق، قوعامدىق تۇرمىسى جاپپاي قالپىنا كەلدى، بيرما بۇعان قۋانادى. جۇڭگونىڭ دۇنيە جۇزىلىك دەنساۋلىق ساقتاۋ ۇيىمىنا جانە بيرمانى قامتىعان باسقا ەلدەردىڭ جۇقپالى اۋرۋعا قارسى تۇرۋىنا قولداۋ كورسەتكەندىگىنە جانە كومەكتەسكەندىگىنە العىس ايتامىن. جۇقپالى اۋرۋ كەڭ تارالعان مىناداي جاعدايداءار ەل سەلبەستىكتى كۇشەيتىپ، حالىقارالىق ادىلدىكتى، ءار ەلدىڭ دامۋ ۇقىعىن قورعاۋى كەرەك. بيرما مەن جۇڭگو اراسىنداعى تاماشا سەلبەستىك ەكى جاقتىڭ بيرما مەن جۇڭگونىڭ تاعدىرلاس ورتاق تۇلعاسىن قۇرۋعا كۇش سالۋىنىڭ ايعاعى. بيرما ٴبىر جۇڭگو ساياساتىن ۇزدىكسىز باتىل اتقارادى. بيرما جۇڭگومەن بىرگە بولۋدى قالايدى، ٴتوراعا شي جينپيڭنىڭ بيىل 1-ايدا بيرمادا ساپاردا بولعان تابىستارىن مۇقيات تياناقتاندىرىپ، باۋىرلاستىق دوستىقتى جانە ٴار سالاداعى سەلبەستىكتى ۇزدىكسىز تەرەڭدەتەدى، بيرما مەن جۇڭگونىڭ جان-جاقتى ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز دامۋىن ىلگەرىلەتەدى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ بيرمانىڭ پرەزيدەنتىمەن تەلەفوندا سويلەستى

مەملەكەت ءتوراعاسى شي جينپيڭ 5-ايدىڭ 20-كۇنى كەشتە بيرمانىڭ پرەزيدەنتى ۋىن مينمەن تەلەفوندا سويلەستى.