ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ گەرمانيا، ەۆروپا وداعى باسشىلارىمەن بىرلىكتە كەڭەس وتكىزدى

来源:جۇڭگو قازاق راديو تورابى     |责编:达吾力别克 |     发布日期: 2020-09-15 10:22

ءوز حابارىمىز. مەملەكەت ءتوراعاسى شي جينپيڭ 9-ايدىڭ 14-كۇنى كەشتە بەيجيڭدە ەۆروپا وداعىنا كەزەكتى ءتوراعا ەل گرمانيانىڭ زۇڭليى مەركەلمەن، ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى فوندىرايىنمەن بىرلىكتە كەڭەس وتكىزدى. كەڭەس بەينە ەكران فورماسىندا وتكىزىلدى. جۇڭگو گەرمانيا، ەۆروپا باسشىلارى جۇڭگو ەۆروپا قاتىناسى جونىندە تەرەڭ پىكىر الماستىرىپ، كەلەسى ساتىداعى جۇڭگو- ەۆروپا قاتىناسىنىڭ باعىتىن جوسپارلاپ، ءتۇيىندى سالاسىن تۇراقتاندىرىپ، سايكەستىكپەن سەلبەسۋدى كۇشەيتىپ، الداعى جەردە جۇڭگو مەن ەۆروپا اراسىنداعى ءبىر قىدىرۋ كەلەلى ساياسي كۇن تارتىپتەردىڭ تابىستى بولۋىنا كەپىلدىك ەتىپ، ءوزارا سەنىمدىلىكتى تەرەڭدەتىپ، ءوزارا تيىمدىلىك جەتكىزە ورتاق يگىلىكتەنۋدى جۇزەگە اسىرىپ، كوپ جاقتىلىقتى قورعاۋعا تاباندى بولىپ، الەمدىك سايىستارعا ورتاق توتەپ بەرىپ، جۇڭگو-ەۆروپا قاتىناسىنىڭ اناعۇرلىم جوعارى دەڭگەيگە دامۋىن جەبۋگە ءبىر اۋىزدان قوسىلدى. جۇڭگو- ەۆروپا تاراپتارى «جۇڭگو- ەۆروپا جاعراپيالىق بەلگى كەلىسىمىنە» قول قويعاندىعىن جاريالادى، جۇڭگو-ەۆروپا قارجى قوسۋ كەلىسىمى كەلىسسوزىن جەدەلدەتىپ، كەلىسسوز نىساناسىن وسى جىل ىشىندە ورىنداۋدى تۇراقتاندىردى. جۇڭگو-ەۆروپا ورتا جانە كليمات جوعارى جىكتەگىلەر سۇحپاتىن جانە سيفرلى سالاداعى جوعارى جىكتەگىلەر سۇحپاتىن ورناتىپ، جۇڭگو-ەۆروپا جاسىل سەلبەستىك سەرىكتەستىك، سيفرلى سالاداعى سەلبەستىك سەرىكتەستىك قاتىناسىن ورناتۋدى بەلگىلەدى.


شي جينپيڭ بىلاي دەپ انىق ايتتى: قازىر جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ بۇكىل جەر شارىندا كەڭ تارالۋى 100 جىلدا بولماعان زور وزگەرىستى تەزدەتتى. ادامزات كوپتەگەن ورتاق سايىسقا ءدوپ كەلىپ، جاڭا ءتورت كوشە تۇيىلىسىنە تىرەلدى. جۇڭگو مەن ەۆروپا دۇنيە جۇزىندەگى ەكى ءىرى كۇش تۇلعاسى، ەكى ءىرى بازار، ەكى ءىرى مادەنيەت تۇلعاسى. وسىنداي جاعدايعا ءدوپ كەلگەن سايىن، جالپى باعىتتى مىقتى يگەرۋ، جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قاتىناسىنىڭ اقاۋسىز، ورنىقتى دامۋىن تاباندىلىقپەن ىلگەرىلەتۋ، حالىقارالىق قوعامنىڭ جۇقپالى اۋرۋعا قارسى تۇرۋىنا، ەكونوميكانى قالپىنا كەلتىرۋگە، ادىلەتتىلىكتى قورعاۋعا اناعۇرلىم كوپ وڭ ەنەرگيا قوسۋ كەرەك.


شي جينپيڭ مىنالاردى باسا دارىپتەدى: جۇڭگو مەن ەۆروپا «تورتكە تاباندى بولۋدى» ورىنداۋ كەرەك. ءبىرىنشى، بەيبىت قاتار تۇرۋعا تاباندى بولۋ. دۇنيە جۇزىندە بۇكىلدەي ۇقساپ كەتەتىن ساياسي ءتۇزىم ۇلگىسى جوق، تۇرلىشە وركەنيەت، مادەنيەتتىڭ كوپ نەگىزدىلىگى عانا قالىپتى جاعداي سانالادى. جۇڭگو مەن ەۆروپانىڭ بەيبىت قاتار تۇرۋ كۇشى قانشالىق بەرىك بولسا، دۇنيە ءجۇزىنىڭ بەيبىتشىلىگى مەن گۇلدەنىپ-كوركەيۋى سونشالىق مىعىم قامتاماسىز ەتىلەدى. ەكىنشى، ەسىك اشۋ سەلبەستىگىنە تاباندى بولۋ. جۇڭگو ەل ىشىندەگى زور اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن-ءبىرى جەبەيتىن جاڭا دامۋ جاعدايىن بىرتىندەپ قالىپتاستىرۋعا كۇش سالۋدا. جۇڭگو ىشكى سۇرانىمنىڭ كومەسكى كۇشىن ۇزدىكسىز اشۋ ارقىلى جۇڭگو مەن ەۆروپانىڭ ەكى ۇلكەن بازارىنىڭ، ەكى جاقتىڭ بايلىعىنىڭ اناعۇرلىم جاقسى تۇتاسۋىن، اناعۇرلىم زور ونىمدىلىگىن جۇزەگە اسىرىپ، جۇڭگو مەن ەۆروپانىڭ ورتاق دامۋىنىڭ اناعۇرلىم پارمەندى، اناعۇرلىم باياندى بولۋىن جەبەيدى. ءۇشىنشى، كوپ جاقتىلىققا تاباندى بولۋ. جۇڭگو ەۆروپامەن ەكى جاقتى، وڭىرلىك، دۇنيە جۇزىلىك دەڭگەيدە سۇحپاتتاسۋ جانە سەلبەسۋدى كۇشەيتۋدى قالايدى. ورتاق اقىلداسۋ، ورتاق قۇرۋ، ورتاق يگىلىكتەنۋ سىندى جەر شارىندىق باسقارۋ كوزقاراسىنا تاباندى بولادى، بىرلەسكەن مەملەكەتتەر ۇيىمىن وزەك ەتكەن حالىقارالىق ءتارتىپ پەن حالىقارالىق جۇيەنى قورعاپ، حالىقارالىق جانە وڭىرلىك ماسەلەلەردى ساياسي جولمەن شەشۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى. ءتورتىنشى، سۇحپاتتاسۋعا، كەڭەسۋگە تاباندى بولۋ. جۇڭگو مەن ەۆروپا جۇڭگو-ەۆروپا قاتىناسىنىڭ سەلبەسىپ دامۋ نەگىزگى اعىمىن مىقتى يگەرۋى، قاتە تۇسىنىكتەردى سۇحپاتتاسۋ ارقىلى ارىلتۋ، دامۋ ارقىلى قيىن ماسەلەلەردى شەشۋ، الاۋىزدىقتاردى ۇيلەسىمدى تىزگىندەۋ كەرەك.


شي جينپيڭ مىنالاردى باسا دارىپتەدى: جۇڭگو مەن ەۆروپا ءوزارا ماڭىزدى ساۋدا جانە قارجى قوسۋ سەرىگى. ەكى جاق ماكرولىق ساياساتتاردى سايكەستىرۋدى كۇشەيتۋ، اناعۇرلىم كوپ شارا قولدانىپ، اناعۇرلىم كوپ سەلبەستىك ورايىن جاراتۋ كەرەك. بۇگىن ەكى جاق «جۇڭگو-ەۆروپا جاعراپيالىق بەلگى كەلىسىمىنە» رەسمي قول قويدى. ەكى جاق بەلسەندى، ناقتى پوزيتسيادا بولىپ، جۇڭگو مەن ەۆروپانىڭ قارجى قوسۋ كەلىسىمى كەلىسسوزىن جەدەلدەتۋ، وسى جىل ىشىندە كەلىسسوز وتكىزۋ نىساناسىن ورىنداۋ، سەلبەستىكتىڭ ساپاسىن جوعارىلاتىپ، ءمانىن ارتتىرۋ، جۇقپالى اۋرۋدان كەيىن دۇنيە ءجۇزى ەكونوميكاسىنىڭ قالپىنا كەلۋىنە دەم بەرۋ، اشىق ۇستالعان ساۋدا جانە قارجى قوسۋ ورتاسىن ورتاق قورعاۋ كەرەك. جۇڭگو بازارى ەۆروپاعا ەسىك اشۋ كۇيىن ساقتاي بەرەدى، ەۆروپا وداعىنىڭ اناعۇرلىم ساپالى، حاۋىپسىز اۋىل شارۋاشىلىق ونىمدەرىنىڭ جۇڭگوعا كىرۋىن قارسى الادى. جۇڭگو مەن ەۆروپا جاسىل سەلبەستىك سەرىكتەستىك قۇرىپ، جەر شارى كليمات وزگەرىسىنە توتەپ بەرۋ جانە بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋدىڭ كوپ جاقتىلى اياق الىسىنا بەلسەندى قاتىناسۋ، قارسى جاقتىڭ كەلەر جىلى بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى گلاسگو ءماجىلىسى مەن « ورگانيزمدەردىڭ الۋان تۇرلىلىگى شارتىنا » 15-رەت شارتتاساتىن كۇنميڭ ءماجىلىسىنىڭ ويداعىداي وتكىزىلىپ بەلسەندى تابىستارعا قول جەتكىزۋىنە ءوزارا قولداۋ كورسەتىپ، دۇنيە ءجۇزىنىڭ باياندى دامۋىن ىلگەرىلەتۋگە ۇلەس قوسۋ كەرەك. جۇڭگو مەن ەۆروپا سيفرلى سالادا سەلبەستىك سەرىكتەستىك قۇرۋ كەرەك. جۇڭگو «جەر شارى ساندى مالىمەت حاۋىپسىزدىگى دارىپتەمەسىن» ورتاعا قويدى، ەۆروپا جاقتىڭ جۇڭگومەن بىرلىكتە قۇلشىنىپ، بۇكىل جەر شارى سيفر سالاسىنىڭ ولشەمى جانە ەرەجەسىن بەلگىلەۋدى ىلگەرىلەتىپ، الەمدىك سيفرلى ەكونوميكانىڭ تاماشا اينالىممەن دامۋىن جەبەۋدى ءۇمىت ەتەمىز. ەكى جاق ءبىر-ءبىرىنىڭ كوكەيتەستى ماسەلەلەرىن ۇيلەسىمدى ءبىر جايلى ەتۋ كەرەك. جۇڭگو تاياۋدان بەرى ەۆروپانىڭ 5G، شەتەل قارجىسىن تەكسەرۋ، ۇكىمەتتىك ساتىپ الۋ، باسەكە ساياساتى سياقتى جاقتارداعى كەيبىر اۋقىمىنا قاداعالاي نازار اۋدارۋدا، ەۆروپا جاقتىڭ ساۋدا جانە قارجى قوسۋ بازارىن اشىق ۇستاۋىن، اشىق ۇستالعان، ءادىل، تەڭ دارەجەلى، كەمسىتپەيتىن تيجارات-ساۋدا ورتاسىن قالىپتاستىرىپ، جۇڭگو كاسىپورىندارىنىڭ زاڭدى ۇقىق-مۇددەسىن قامتاماسىزداندىرۋدى ءۇمىت ەتەمىز.


شي جينپيڭ مىنالاردى انىق ايتتى: جاڭا ءتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، جۇڭگو مەن ەۆروپا ىندەتكە قارسى تۇرۋ جانە الەمدىك دەنساۋلىق ساقتاۋ سەلبەستىگىن تىعىز بايلانىستىرىپ، جۇڭگو مەن ەۆروپانىڭ جان-جاقتى ستراتەگيالىق سەرىكتەستىك قاتىناسىنىڭ داۋىرلىك ءمانى مەن الەمدىك ىقپالىن ايگىلەدى. كەلەسى قادامدا ەكى جاق ماكرولىق ەكونوميكا ساياساتىن سايكەستىرۋ مەن سەلبەستىرۋدى كۇشەيتۋ، الەمدىك كاسىپ تىزبەگىمەن قامداۋ تىزبەگىنىڭ ورنىقتىلىعىن قورعاۋ، دۇنيە ءجۇزى ەكونوميكاسىنىڭ قالپىنا كەلۋىن ورتاق جەبەۋ كەرەك. ۆاكسينا زەرتتەپ تاپقىرلاۋ سەلبەستىگىن كۇشەيتۋ، ۆاكسينانى جەر شارىندىق الەۋمەتتىك ونىمگە اينالدىرۋعا كۇش سالۋ، ۆاكسينانىڭ قالىڭ دامۋ ۇستىندەگى ەلدەردە قولدانىلۋى مەن سول ەلدەردىڭ اۋىرتپالىق كوتەرىمدىلىگىنە تولىق ءمان بەرۋ كەرەك. ادامداردىڭ بارىس-كەلىسىن تارتىپپەن قالپىنا كەلتىرۋ، زاتتاردىڭ شەكارا اتتاعان اۋىس-كۇيىسىنە قولايلىلىق تۋدىرۋ كەرەك. افريكا ەلدەرىنىڭ تىلەگىنە تولىق قۇرمەت ەتۋ نەگىزىندە، افريكامەن ءۇش جاق سەلبەستىگىن بەلسەنە ورىستەتۋ كەرەك. جۇڭگو حالىقارالىق قوعامدى، اسىرەسە، كوپ جاقتى فينانس قۇرىلىمدارى مەن ساۋدا الاشاق يەلەرىن افريكانىڭ قارىزىن جەڭىلدەتۋ ماسەلەسىندە اناعۇرلىم پارمەندى ارەكەت قولدانۋعا ۇندەيدى.


شي جينپيڭ جوعارىداعىلاردان تىس تاعى دا جۇڭگونىڭ شياڭگاڭعا، شينجياڭعا ساياتىن ماسەلەلەردەگى پرينسيپتىك مايدانىن بايىمداپ، شياڭگاڭعا، شينجياڭعا ساياتىن ماسەلەلەردىڭ ءمانى جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن جانە تۇتاستىعىن، ءار ۇلت حالقىنىڭ الاڭسىز ءومىر وتكىزۋ ۇقىعىن قورعاۋ ەكەنىن، جۇڭگو ءارقانداي ادامنىڭ، ءارقانداي كۇشتىڭ جۇڭگودا ورنىقسىزدىق، بولشەكتەۋشىلىك جانە بىلىقپالىق تۋدىرۋىنا باتىل قارسى تۇراتىندىعىن، ءارقانداي ەلدىڭ جۇڭگونىڭ ىشكى ىسىنە كيلىگۋىنە باتىل قارسى تۇراتىندىعىن اشىق ايتتى.
ادامدىق ۇقىق ماسەلەسى جونىندە شي جينپيڭ مىنالاردى باسا دارىپتەدى: دۇنيە جۇزىندە بارلىق جەرگە دالمە-ءدال ۇيلەسەتىن ددامدىق ۇقىقتى دامىتۋ جولى تابىلا بەرمەيدى، ادامدىق ۇقىقتى قامتاماسىزداندىرۋدا ەڭ جاقسى جول دەگەن ءسوز بولمايدى، تەك اناعۇرلىم جاقسى جول جول دەگەن ءسوز عانا بولادى. ءار ەل الدىمەن ءوز ءىسىن ويداعىداي ىستەۋى كەرەك. ەۆروپا جاقتىڭ وزىندە ءومىر ءسۇرىپ وتىرعان ادامدىق ۇقىق ماسەلەسىن ويداعىداي شەشە الاتىندىعىنا سەنەمىن. جۇڭگو ادامدىق ۇقىق «ايعايشىسىن» قابىلدامايدى، «قوس ولشەم» قولدانۋعا قارسى تۇرادى. جۇڭگو ەۆروپا جاقپەن ءوزارا قۇرمەت ەتۋ پرينسيبى بويىنشا اۋىس-كۇيىستى كۇشەيتىپ، ورتاق العا باسۋدى قالايدى.


مەركەل، ميچەل، فوندىرايىندار بىلاي دەستى: جۇڭگو ەۆروپا قۇرمەتتەيتىن ماڭىزدى ستراتەگيالىق سەلبەستىك سەرىگى. قازىر دۇنيە ءجۇزى ەۆروپا مەن جۇڭگونىڭ ىنتىماقتى، سەلبەستىكتى كۇشەيتىپ، كوپ جاقتىلىقتى ورتاق قورعاۋىن، سىڭار جاقتىلىق پەن قورعامپازدىقتى تەجەپ، ءتۇرلى الەمدىك سايىستارعا ءتىپتى دە ءونىمدى توتەپ بەرۋىن قاجەت ەتەدى، بۇل ەۆروپانىڭ، جۇڭگونىڭ جانە حالىقارالىق قوعامنىڭ ورتاق مۇددەسىنە ۇيلەسەدى. ەۆروپا جۇڭگومەن سۇحپاتتاسۋدى كۇشەيتىپ، ءوزارا سەنىمدىلىكتى ارتتىرىپ، ەكونوميكا-ساۋدا، قارجى قوسۋ، جاسىل ەكونوميكا، كليمات وزگەرىسى، ورگانيزمدەردىڭ الۋان تۇرلىلىگى، باياندى دامۋ سياقتى سالالارداعى سەلبەستىكتە ءتىپتى دە كوپ جەتىستىكتەرگە قول جەتكىزۋدى قالايدى. ەۆروپا ەلدەرى ەۆروپا-جۇڭگو جاعراپيالىق بەلگى كەلىسىمىنە قول قويىلعاندىعىنان شابىت الدى. جۇڭگونىڭ بازارعا كىرۋ رۇقساتىن جەڭىلدەتىپ، ەسىكتى ايقارا اشۋىن، بيىل ەۆروپا مەن جۇڭگونىڭ قارجى قوسۋ كەلىسىمى كەلىسسوزىن ورىنداۋعا كۇش سالىپ، ەۆروپا-جۇڭگو قاتىناسىنا تىڭ كۇش قوسۋىن قارسى الامىز. ەۆروپا جۇڭگومەن دۇنيە جۇزىلىك دەنساۋلىق ساقتاۋ ۇيىمى، دۇنيە جۇزىلىك ساۋدا ۇيىمى سياقتى حالىقارالىق ۇيىمدارداعى سەلبەستىكتى كۇشەيتۋدى، ىندەتكە قارسى تۇرۋ حالىقارالىق سەلبەستىگىن ىلگەرىلەتۋدى، ەركىن ساۋدانى قورعاپ، ەۆروپا مەن جۇڭگونىڭ جانە دۇنيە ءجۇزى ەكونوميكاسىنىڭ ەرتەرەك قالپىنا كەلۋىن جەبەۋدى قالايدى. ادامدىق ۇقىق ماسەلەسىندە ەۆروپا وزىندە ساقتالىپ وتىرعان ماسەلەلەردى مويىندايدى، جۇڭگومەن تەڭدىك جانە ءوزارا قۇرمەتتەۋ پرينسيپى بويىنشا سۇحپاتتاسۋدى كۇشەيتىپ، پارىق پەن الاۋىزدىقتى ۇيلەسىمدى شەشۋدى ءۇمىت ەتەدى.


جۇڭگو، گەرمانيا، ەۆروپا وداعى باسشىلارى افعانستان ماسەلەسى، يران يادرو ماسەلەسى قاتارلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر الماستىرىپ، سۇحپاتتاسۋدى، سايكەسۋدى كۇشەيتىپ، حالىقارالىق جانە وڭىرلىك حاۋىپسىزدىكتى، ورنىقتىلىقتى قورعاۋعا ورتاق كۇش سالۋعا ءبىر اۋىزدىلىقپەن قوسىلدى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ گەرمانيا، ەۆروپا وداعى باسشىلارىمەن بىرلىكتە كەڭەس وتكىزدى

مەملەكەت ءتوراعاسى شي جينپيڭ 9-ايدىڭ 14-كۇنى كەشتە بەيجيڭدە ەۆروپا وداعىنا كەزەكتى ءتوراعا ەل گرمانيانىڭ زۇڭليى مەركەلمەن، ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى فوندىرايىنمەن بىرلىكتە كەڭەس وتكىزدى. كەڭەس بەينە ەكران فورماسىندا وتكىزىلدى.