ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا ماڭىزدى ءسوز سويلەدى

来源:جۇڭگو قازاق راديو تورابى     |责编:达吾力别克 |     发布日期: 2020-10-17 11:59

باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا بىلاي دەپ باسا دارىپتەدى: پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمى بۇكىلدەي دۇرىس. ەكونوميكالىق ەرەكشە رايونداردى ۇزدىكسىز قۇرىپ قانا قويماي، ونىڭ ۇستىنە ءتىپتى دە جاقسى، ءتىپتى دە جوعارى دەڭگەيدە قۇرۋ كەرەك. باس شۋجي شي جينپيڭنىڭ ماڭىزدى ءسوزى كۇشتى اڭىس قوزعادى، كوپشىلىك بىلاي دەستى: باس شۋجيدىڭ تالابى بويىنشا رەفورما جاساپ، ەسىك اشۋدى اناعۇرلىم جوعارى باستامادا ىلگەرىلەتىپ، ەكونوميكالىق ەرەكشە رايون قىزمەتىندە جاڭا جاعداي اشۋدى جەبەۋ كەرەك.


باس شۋجي شي جينپيڭ مىنالاردى اتاپ كورسەتتى: جاڭا داۋىردەگى ەكونوميكالىق ەرەكشە رايون قۇرىلىسىندا ەلىمىزدىڭ جاڭا دامۋ كەزەڭىنە ءوتۋ جالپى جاعدايىن شىعار ءتۇيىن ەتىپ، جاڭا دامۋ تانىمىن تياناقتاندىرىپ، جوعارى ساپالى دامۋدى جەبەۋدى تىعىز ارقاۋ ەتىپ، جاڭا دامۋ جاعدايىن قالىپتاستىرۋ كەرەك.


سوڭعى جىلدارى، شانتوۋ ەكونوميكالىق ەرەكشە رايونى تيجارات-ساۋدا ورتاسىن ساپالاندىرۋدى ءتۇيىن ەتە وتىرىپ، ءبىر قىدىرۋ رەفورما شارالارىن العا قويدى. شانتوۋ قالالىق دامۋ جانە رەفورمالاۋ مەكەمەسىنىڭ ورىنباسار باستىعى ليۋ شىچۇن بىلاي دەدى: باس شۋجي شي جينپيڭنىڭ ماڭىزدى ءسوزىنىڭ تالابى بويىنشا، تيجارات ـ ساۋدا ورتاسى رەفورماسىن اناعۇرلىم جوعارى باستامادا جوبالاپ ىلگەرىلەتۋ كەرەك. ءبىز قولايلى، جوعارى ءونىمدى اكىمشىلىك قىزمەت وتەۋىمىز ءارى جەردى الۋ، قارجىنى قامتاماسىزداندىرۋ، دارىندىلاردى ەنگىزۋ، تەحنيكا جانە ساندى مالىمەت سياقتى فاكتورلاردى قامتاماسىزداندىرۋ جاقتارىندا دامۋ ءامالياتىنا بارىنشا ۇيلەسەتىن ءتىپتى دە كوپ، ءتىپتى دە جاقسى رەفورما شارالارىن ورتاعا قويىپ، جوعارى دەڭگەيدەگى تيجارات ـ ساۋدا ورتاسى ارقىلى شانتوۋدىڭ جوعارى ساپالى دامۋىن جەبەيمىز.


40 جىلدان بەرى ايبىندى جورىق جاسادىق، جاڭا جورىق ادامدى العا باسۋعا جەلپىندىرەدى. ەكونوميكالىق ەرەكشە رايوندار قۇرىلعان 40 جىلدان بەرى شيامىن پورتى شاعىن پورتتان جىلدىق قابىلداۋ - جونەلتۋ مولشەرى 10 ميلليون ولشەمدى تيەۋىش قوراپتان اسقان دۇنيە جۇزىلىك ءىرى پورتقا اينالدى. شيامىن پورتى جوعارى تەحنيكالىق دارىندىلاردى دامىتۋ ورتالىعىنىڭ مەڭگەرۋشىسى فىڭ حۇڭچاڭ بىلاي دەدى: باس شۋجي الەمدىك عىلىم ـ تەحنيكا توڭكەرىسى مەن كاسىپ وزگەرىسى بارىسىندا ىرىقتىلىققا قول جەتكىزۋ كەرەكتىگىن اتاپ كورسەتتى. ءبىز عىلىم - تەحنيكاعا قوسىلىمدى ارتتىرۋ ارقىلى، جابدىقتاردى الىستان مەڭگەرۋ قىزمەتىن ورىستەتىپ، تىڭ ساتىعا كوتەرىلىپ، شيامىن پورتىنىڭ دامۋىنا دەم بەرەمىز.


حايناننىڭ ءار سالاسىنداعىلار مىنانى اتاپ كورسەتتى: شىنجىننىڭ رەفورما جاساپ، ەسىك اشقان جاقسى تاجىريبەلەرىنەن، ۇتىمدى ادىستەرىنەن ىرىقتىلىقپەن ۇيرەنىپ، ۇلگى الىپ، حاينان ەركىن ساۋدا پورتى قۇرىلىسىنىڭ ايتارلىقتاي باستالۋىنا ۇلەسىمىزدى قوسامىز. حاينان ولكەسى دۇڭفاڭ قالالىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى سۇي جىميڭ بىلاي دەدى: ءبىز، ءسوز جوق، رەفورما جاساۋ، ەسىك اشۋ بارىسىندا حالىقارالىق ماڭداي الدى بازار باقىلاۋ ـ باسقارۋ ورەسىنە جەتكىزۋگە كۇش سالامىز.


باس شۋجي شي جينپيڭنىڭ ماجىلىستە سويلەگەن ماڭىزدى ءسوزى رەفورما جاساۋ مەن ەسىك اشۋدى تەرەڭدەتىپ، ەكونوميكالىق ەرەكشە رايونداردى ءتىپتى دە ايتارلىقتاي قۇرۋ كەرەكتىگى جايلى يراداسىن ايگىلەدى. شاڭحاي پۋدۇڭ جاڭا رايونىنىڭ ورىنباسار باستىعى دۇڭ ي ۋىن بىلاي دەدى: پۋدۇڭ ەركىن ساۋدا سىناق رايونى قۇرىلىسىن جەتەكشى ەتۋگە تاباندى بولىپ، جان - جاقتىلى اشىق ۇستالعان تەرەزە قۇرىپ، حالىقارالىق بىرەگەي تيجارات- ساۋدا ورتاسىن جاراتۋعا دەن قويىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ رەفورماسىن تۇيىندە تەرەڭدەتىپ، كاسىپورىنداردىڭ تابىس سەزىمىن، رازىلىق دەڭگەيىن ۇزدىكسىز جوعارىلاتامىز.


تيانجين بينحاي جاڭا رايونىنىڭ باستىعى ياڭ ماۋرۇڭ ناق مايداندا باس شۋجيدىڭ ءسوزىن تىڭداعاننان كەيىن بىلاي دەدى: باس شۋجي شي جينپيڭنىڭ ماڭىزدى ءسوزى بينحاي جاڭا رايونىنىڭ كەلەسى قادامداعى رەفورما جاساپ، ەسىك اشۋىنا باعدار سىلتەپ، ولشەم ازىرلەدى. ءبىز شىنجىننىڭ تابىستى تاجىريبەلەرىنەن تولىق ۇلگى الىپ، ناقتى ەكونوميكانى جانداندىرىپ، جاڭا قوزعاۋشى كۇش جەتىلدىرىپ، رەفورما جاساۋ مەن ەسىك اشۋدى تەرەڭدەتىپ، تيجارات ـ ساۋدا ورتاسىن سومداۋ سياقتى جاقتاردا كۇش سالا دارەجەسىن جوعارىلاتىپ، بينحاي جاڭا رايونىن ەلىمىزدىڭ سولتۇستىك ەكونوميكاسىنىڭ جاڭا ماتورىنا اينالدىرامىز.


شيۇڭ - ان جاڭا رايونى-شىنجىن ەكونوميكالىق ەرەكشە رايونى مەن شاڭحاي پۋدۇڭ جاڭا رايونىنان كەيىنگى مەملەكەت ءمانى بار تاعى ءبىر جاڭا رايون. قازىر 100 مىڭنان استام قۇرىلىسشى شيۇڭ - ان جاڭا رايونىندا قۇرىلىس جۇرگىزۋدە. شيۇڭ ـ ان جاڭا رايونى پارتيا قىزمەتى كوميتەتىنىڭ ورىنباسار شۋجيى تيان جينچاڭ بىلاي دەدى: باس شۋجي جاسامپازدىق رۋحىن، ءورىس اشۋ تەبىنىن جانە ىسكە بەل شەشە كىرىسۋ ءىستيلىن ماڭگى ساقتاۋدى ءداپ باسىپ ايتتى، بۈل ءسوز ادامدى ەرەكشە اسەرلەندىرەدى، شيۇڭ – اننىڭ كەزەكتەگى پىلان قۇرىلىسىن دامىتۋدا ايىرىقشا كۇشتى جەتەكشىلىك مانگە يە. ءبىز نازاردى شيۇڭ ـ ان ساپاسىنا شوعىرلاندىرامىز. شىنجىندى جالپى بەتتىك ۇلگى ەتىپ، شىنجىننان مۇقيات ۇيرەنىپ، ساياسات پەن ءتۇزىم جۇيەسىندە ۇزدىكسىز جاڭالىق جاراتامىز، ءتۇيىندى نىساندار قۇرىلىسىن كۇشەيتىپ، شيۇڭ - ان جاڭا رايونىن جاسىل، ەكولوگياسى جانعا جايلى جاڭا قالا رايونى ەتىپ قۇرىپ شىعۋعا قۇلشىنامىز، جاسامپازدىقتى قوزعاۋشى كۇش ەتىپ جەتەكشى رايوندى دامىتامىز، ۇلگى رايوندى سايكەستىرىپ دامىتامىز، الدىمەن ورىستەتىلەتىن رايونداردى اشىق ۇستاپ دامىتامىز.


اۋدارعان: امانتاي مۇسايىپ ۇلى

中央广播电视总台 央广网 版权所有

باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا ماڭىزدى ءسوز سويلەدى

باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا بىلاي دەپ باسا دارىپتەدى: پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمى بۇكىلدەي دۇرىس. ەكونوميكالىق ەرەكشە رايونداردى ۇزدىكسىز قۇرىپ قانا قويماي، ونىڭ ۇستىنە ءتىپتى دە جاقسى، ءتىپتى دە جوعارى دەڭگەيدە قۇرۋ كەرەك