ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ مەملەكەتتىك رۋحاني وركەنيەت قۇرىلىسىنداعى وزاتتاردى ماداقتاۋ-سيلاۋ جينالىسىنىڭ ۋاكىلدەرىمەن كەزدەستى، ۋاڭ حۋنيڭ كەزدەسۋگە قاتىناستى ءارى ماداقتاۋ-سيلاۋ جينالىسىندا ءسوز سويلەدى

来源:جۇڭگو قازاق راديو تورابى     |责编:达吾力别克 |     发布日期: 2020-11-21 18:05

ءوز حابارىمىز. مەملەكەتتىك رۋحاني وركەنيەت قۇرىلىسىنداعى وزاتتاردى ماداقتاۋ-سيلاۋ جينالىسى 11-ايدىڭ 20-كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسقان جاڭا كەزەكتى مەملەكەتتىك وركەنيەتتى قالا، وركەنيەتتى قىستاق-قالاشىق، وركەنيەتتى وتباسى، وركەنيەتتى مەكتەپ، سونداي-اق ازامات جاسىنا تولماعانداردىڭ يدەيا-ءمورال قۇرىلىسى قىزمەتىندەگى وزات ۋاكىلدەرمەن ىقىلاسپەن كەزدەسىپ، قىزۋ قۇتتىقتادى.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق وركەنيەت كوميتەتىنىڭ مەڭگەرۋشىسى ۋاڭ حۋنيڭ كەزدەسۋگە قاتىناستى ءارى ماداقتاۋ-سيلاۋ جينالىسىندا ءسوز سويلەدى.


تۇستەن بۇرىن ساعات 10 دا، شي جينپيڭ قاتارلىلار جيڭشي قوناق ءۇيى ءماجىلىس عيماراتىنىڭ الدىڭعى زالىنا كەلگەندە، زالداعىلار دۋ قول شاپالاق سوعىپ قارسى الدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.


ۋاڭ حۋنيڭ ماداقتاۋ-سيلاۋ جينالىسىندا ءسوز سويلەپ بىلاي دەدى: باس شۋجي شي جينپيڭنىڭ ۋاكىلدەرمەن ىقىلاستى كەزدەسۋى- پارتيا ورتالىق كوميتەتىنىڭ سوتسياليستىك رۋحاني مادەنيەت قۇرىلىسىنا باسا ءمان بەرگەندىگىن، رۋحاني مادەنيەت قۇرىلىسى شەبىندەگى جولداستارعا بولعان شىنايى قامقورلىعىن، جاڭا داۋىردەگى رۋحاني وركەنيەت قۇرىلىسى قىزمەتىنە دەگەن شىنايى ءۇمىتىن تولىق بەينەلەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى، ناقتىلاندىرۋدى ماڭداي الدى ساياسي مىندەت ەتىپ، ءتورت تانىمدى ۇزدىكسىز كۇشەيتىپ، ءتورت سەنىمدى بەكەمدەپ، ەكىنى قورعاۋدى ورىنداپ، پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندەگى ۇگىت-تاربيەنى ىشكەرىلەي ورىستەتىپ، كادرلار مەن بۇقارانى سەنىمدى بەكەمدەپ، ءبىر نيەتپەن ىنتىماقتاسىپ، جاڭا ساپارعا ۇمتىلۋعا شابىتتاندىرۋ كەرەك. سوتسياليستىك وزەكتى قۇن كوزقاراسى ارقىلى داۋىرگە جەتەكشىلىك ەتىپ، مۇرات-سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن ورىستەتىپ، جاستار مەن ورەندەردى سوتسياليستىك وسىزاماندانعان مەملەكەت قۇرۋعا باستاپ، حالىقتى وزەك ەتكەن دامۋ يدەياسىن رۋحاني وركەنيەت قۇرىلىسىنىڭ جالپى بارىسىنا ءسىڭىرىپ، بۇقارانىڭ ات سالىسۋ مولشەرى مەن رازىلىق دارەجەسىن جوعارىلاتىپ، وركەنيەتتى ورىن قۇرۋ قىزمەتىنىڭ ناقتى ونىمدىلىگىن ارتتىرىپ، فورماشىلدىققا، تورەشىلدىككە قارسى تۇرىپ، پارتيانىڭ جاپپاي باسشىلىعىن كۇشەيتىپ، بىرگە يگەرىپ، بىرگە باسقاراتىن، سايكەستى ىلگەرىلەتەتىن قىزمەتتىڭ بىرىككەن كۇشىن قالىپتاستىرۋ كەرەك.


ديڭ شۋەشياڭ كەزدەسۋگە قاتىناستى، سۇن چۇنلان كەزدەسۋدە بىرگە بولدى ءارى جينالىستا ماداقتاۋ-سيلاۋ قارارىن وقىدى، حۋاڭ كۇنميڭ كەزدەسۋدە بىرگە بولدى ءارى جينالىستى باسقاردى.


جينالىستا ماداقتالىپ-سيلانعان ۋاكىلدەرگە سيلىق تاراتىلدى. 6-كەزەكتى مەملەكەتتىك وركەنيەتتى قالا، وركەنيەتتى قىستاق-قالاشىق، وركەنيەتتى ورىن ۋاكىلى، 2-كەزەكتى مەملەكەتتىك وركەنيەتتى وتباسى، وركەنيەتتى مەكتەپ ۋاكىلى، ازامات جاسىنا تولماعانداردىڭ يدەيا-ءمورال قۇرىلىسى قىزمەتىندەگى 1-كەزەكتى وزات ۋاكىلدەر جەكە-جەكە جينالىستا ءسوز سويلەدى.

اۋدارعان: شالقار قازەز ۇلى

中央广播电视总台 央广网 版权所有

شي جينپيڭ مەملەكەتتىك رۋحاني وركەنيەت قۇرىلىسىنداعى وزاتتاردى ماداقتاۋ-سيلاۋ جينالىسىنىڭ ۋاكىلدەرىمەن كەزدەستى، ۋاڭ حۋنيڭ كەزدەسۋگە قاتىناستى ءارى ماداقتاۋ-سيلاۋ جينالىسىندا ءسوز سويلەدى

ەملەكەتتىك رۋحاني وركەنيەت قۇرىلىسىنداعى وزاتتاردى ماداقتاۋ-سيلاۋ جينالىسى 11-ايدىڭ 20-كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسقان جاڭا كەزەكتى مەملەكەتتىك وركەنيەتتى قالا، وركەنيەتتى قىستاق-قالاشىق، وركەنيەتتى وتباسى، وركەنيەتتى مەكتەپ، سونداي-اق ازامات جاسىنا تولماعانداردىڭ يدەيا-ءمورال قۇرىلىسى قىزمەتىندەگى وزات ۋاكىلدەرمەن ىقىلاسپەن كەزدەسىپ، قىزۋ قۇتتىقتادى.