ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 27-رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى،

来源:جۇڭگو قازاق راديو تورابى     |责编:达吾力别克 |     发布日期: 2020-11-21 18:06

شي جينپيڭ ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 27-رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى، ول: اشىق، سيىسىمدى، جاڭالىق اشا ارتاتىن، ءوزارا بايلانىس جاسايتىن، سەلبەسىپ تەڭ يگىلىككە كەنەلەتىن ازيا-تىنىق مۇحيت ءوڭىرىنىڭ تاعدىرلاس ورتاق تۇلعاسىن بىرگە قۇرىپ، ازيا-تىنىق مۇحيت ءوڭىرىنىڭ بەيبىتشىلىگى مەن گۇلدەنۋىنىڭ كوركەم بولاشاعىن بىرگە جاراتايىق-دەپ باسا دارىپتەدى


ءوز حابارىمىز. مەملەكەت ءتوراعاسى شي جينپيڭ 11-ايدىڭ 20-كۇنى كەشتە بەيجيڭدە بەينە ەكران فورماسىندا ازيا-تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 27-رەتكى بەيرەسمي ماجىلىسىنە قاتىناستى ءارى « ازيا-تىنىق مۇحيت تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ماڭىزدى ءسوز سويلەدى.


شي جينپيڭ مىنالاردى اتاپ كورسەتتى: دۇنيە ءجۇزى مەن ازيا- تىنىق مۇحيت ءوڭىرى تەرەڭ وزگەرىستەردى باستان كەشىرۋدە، جاڭا ءتيپتى ايدارشا ۆيرۋسىمەن جۇعىمدالعان وكپە قابىنۋ ىندەتى بۇل اۋقىمدى ۇدەتە ءتۇستى. ازيا-تىنىق مۇحيت ءوڭىرى سەلبەستىگىنىڭ بولاشاقتا قانداي جولمەن ءجۇرۋى ءوڭىردىڭ دامۋىنا، حالىقتىڭ باقىتىنا، دۇنيە ءجۇزىنىڭ بولاشاعىنا سايادى.


شي جينپيڭ مىنالاردى باسا دارىپتەدى: ءبىز ازيا-تىنىق مۇحيت ەكونوميكالىق سەلبەستىك ۇيىمىنىڭ 2020-جىلدان كەيىنگى سەلبەستىك بولاشاعىن اشۋدى نەگىز ەتىپ، ازيا-تىنىق مۇحيت ءوڭىرى سەلبەستىگىنىڭ جاڭا كەزەڭىن اشۋىمىز؛ اشىق، سيىسىمدى، جاڭالىق اشا ارتاتىن، ءوزارا بايلانىس جاسايتىن، سەلبەسىپ تەڭ يگىلىككە كەنەلەتىن ازيا-تىنىق مۇحيت ءوڭىرىنىڭ تاعدىرلاس ورتاق تۇلعاسىن بىرگە قۇرۋىمىز كەرەك.


ءبىرىنشى، اشىق، سيىسىمدى بولۋعا تاباندى بولۋ كەرەك. بەيبىتشىلىك پەن ورنىقتىلىقتى باتىل ساقتاپ، كوپ جاقتىلىقتى باتىل قورعاپ، اشىق دۇنيە ءجۇزى ەكونوميكاسىن قۇرۋعا تاباندى بولىپ، الەمدىك ساۋدا ۇيىمىن ۇيتقى ەتكەن ءتۇزىلىستى تاباندىلىقپەن قولداپ، وڭىرلىك ەكونوميكانىڭ ءبىر تۇلعالانۋىن ۇزدىكسىز ىلگەرىلەتىپ، ازيا-تىنىق مۇحيت ءوڭىرى ساۋدا رايونىن جەدەل قۇرۋىمىز قاجەت. جۇڭگو وڭىرلىك جان-جاقتى ەكونوميكالىق سەرىكتەستىك قاتىناس كەلىسىمىنە قول قويۋدى قارسى الادى، سونداي-اق جاپپاي العا باسۋ مەن تىنىق مۇحيت اتتاعان سەرىكتەستىك قاتىناس كەلىسىمىنە قاتىناسۋدى بەلسەنە ويلاستىرادى. ازيا-تىنىق مۇحيت ەكونوميكالىق سەلبەستىك ۇيىمىنىڭ جوعارى ساپالى ارتۋ ستراتەگياسى مەن سيىسىمدى ارەكەت كۇن ءتارتىبىن ۇزدىكسىز تياناقتاندىرۋ قاجەت. جۇڭگو جاق الدا قامتىمدى ساۋدا جانە قارجى قوسۋ تالقى ءماجىلىسىن وتكىزەدى.


ەكىنشى، جاڭالىق اشا دامۋعا تاباندى بولۋ كەرەك. جاڭا تەحنيكانىڭ تارالۋى مەن قولدانىلۋىن جەبەپ، سيفرلى نەگىزدىك قۇرىلعىلار قۇرىلىسىن كۇشەيتۋ كەرەك. ەكونوميكانى جونگە سالۋدى كەمەلدەندىرىپ، اشىق، ءادىل، كەمسىتپەيتىن تيجارات-ساۋدا ورتاسىن قالىپتاستىرۋ قاجەت. جۇڭگو زەردەلى قالاعا جەتەكشىلىك ەتۋ پرينسيبىن بەلگىلەۋدى ىلگەرىلەتىپ، ءارقايسى جاقتاردىڭ سيفرلى تەحنيكادان پايدالانىپ ىندەتكە قارسى تۇرۋ جانە ەكونوميكانى قالپىنا كەلتىرۋ تاجىريبەسىنەن ورتاق يگىلىكتەنۋىن، سيفرلى ساۋدا ورتاسىن ساپالاندىرۋدى، سيفرلى ەكونوميكانىڭ كومەسكى كۇشى اشۋدى دارىپتەيدى، كەلەر جىلى جۇڭگو جاق كەدەيلىكتەن ارىلتۋدىڭ سيفىرلى شارالارىن تالقىلاۋ ءماجىلىسىن وتكىزەدى.


ءۇشىنشى، جالپى جۇزدىك بايلانىسقا تاباندى بولۋ كەرەك. ادام، زات، قارجى، ساندى مالىمەتتەردىڭ حاۋىپسىز، ءتارتىپتى اينالىمىن ىركىلىسسىزدەندىرۋ كەرەك. جۇڭگو ءار جاقپەن بىرگە ادامدار اۋىس كۇيىسىندەگى «تەز ارنا» جانە زات اينالىمىنداعى «جاسىل ارنا» قۇرىلىسىن بەلسەندى، ورنىقتى ىلگەرىلەتىپ، الەمدىك جانە وڭىرلىك كاسىپ تىزبەگىنىڭ، قامداۋ تىزبەگىنىڭ حاۋىپسىز، بوگەتسىز اينالىمىن قورعاپ، ءار جاقتىڭ دامۋ جوباسى مەن ۇلاستىرۋ، تۇتاستىرۋ دارىپتەمەسىن ۇشتاستىرۋدى جەبەپ، ءبىر بەلدەۋ، ءبىر جولدى جوعارى ساپامەن ورتاق قۇرۋدى قالايدى.


ءتورتىنشى، سەلبەسىپ تەڭ يگىلىكتەنۋگە تاباندى بولۋ كەرەك. ازيا-تىنىق مۇحيت ءوڭىرىنىڭ ءوزارا سەنىم ارتاتىن، سيىسىمدى، سەلبەسكەن، تەڭ يگىلىككە كەنەلەتىن سەرىكتەستىك قاتىناسىن تەرەڭدەتۋ كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ تانىمىنان جازباي، وڭىرلىك سەلبەستىكتىڭ دەڭگەيىن ۇزدىكسىز جوعارىلاتۋ كەرەك. كەڭەسىپ بىرلىككە كەلۋ نەگىزىندە ناقتى سەلبەستىكتى ىلگەرى كوتەرىپ، قايشىلىق جانە الاۋىزدىقتى ۇيلەسىمدى بىر جاققتىلى ەتىپ، ازيا-تىنىق مۇحيت ءوڭىرى سەلبەستىگىنىڭ دۇرىس باعىتىن قورعاپ، ازيا-تىنىق مۇحيت ەكونوميكالىق سەلبەستىك ۇيىمىنىڭ ورنىقتى، باياندى دامۋىنا مۇمكىندىك جاساۋ كەرەك. جۇڭگو ازيا-تىنىق مۇحيت ەكونوميكالىق سەلبەستىك ۇيىمىنىڭ ۆاكسينا، الەۋمەتتىك دەنساۋلىق ساقتاۋ، ورتا، شاعىن، ۇساق كاسىپورىندار سياقتى سالالارداعى سەلبەستىگىن كۇشەيتىپ، ىندەتكە قارسى تۇرۋ سەلبەستىگى مەن ەكونوميكانىڭ قالپىنا كەلۋىنە دەم بەرۋىن قولدايدى.


شي جينپيڭ سوڭىندا بىلاي دەپ باسا دارىپتەدى: جۇڭگو ازيا-تىنىق مۇحيت وڭىرىندەگى ءار جاقپەن بىرگە، ازيا-تىنىق مۇحيت ءوڭىرىنىڭ بەيبىت، گۇلدەنىپ-كوركەيگەن كوركەم بولاشاعىن بىرگە جاراتىپ، بىرگە يگىلىكتەنىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا ۇزدىكسىز قادام تاستاۋعا پەيىل.

ماجىلىستى مالايسيانىڭ زۇڭليى مۋشيدين باسقاردى. «حالىقتىڭ كومەسكى كۇشىن تاسقىنداتىپ، ورايدان ورتاق يگىلىكتەنىپ، كوركەم بولاشاق جاراتۋ» ءماجىلىستىڭ باستى تاقىرىبى بولدى. ماجىلىسكە قاتىناسقان ەكونوميكالىق تۇلعالاردىڭ باسشىلارى ىندەتكە توتەپ بەرۋ جانە 2020-جىلدان كەيىنگى ازيا-تىنىق مۇحيت ەكونوميكالىق سەلبەستىك ۇيىمىنىڭ سەلبەستىك تىلەگى توڭىرەگىندە ىشكەرىلەي پىكىر اۋىستىرىپ، بەلسەندى ورتاق تانىمعا كەلدى.


باسشىلار مىنالاردى ءبىلدىردى: ىندەتكە توتەپ بەرۋدىڭ قاتاڭ سىنىنا ءدۇپ كەلىپ وتىرعان جاعدايدا، ءار جاق پارىقتاردى قويا تۇرىپ، ىنتىماقتى كۇشەيتىپ، ۆاكسينا سەلبەستىگىن تەرەڭدەتىپ، ادامداردىڭ اۋىس-كۇيىسىنە جانە زات اينالىمىنا قولايلىلىق جاراتىپ، داعدارىستى تەز ارادا جەڭىپ، ەكونوميكانىڭ جاندانۋىن جۇزەگە اسىرىپ، تەڭ تۇرعىدا سەرىكتەسۋدى، ورتاق جاۋاپكەرشىلىكتى، ءوزارا قۇرمەت ەتەتىن، ءوزارا پايدا جەتكىزىپ، تەڭ يگىلىككە كەنەلەتىن ازيا-تىنىق مۇحيت ەكونوميكالىق سەلبەستىك ۇيىمى رۋحىن ۇستانىپ، ساۋداعا قارجى قوسۋ، عىلىم-تەحنيكادا جاڭالىق اشۋ، سيفرلى ەكونوميكا سياقتى سالالارداعى سەلبەستىكتى كۇشەيتىپ، ءوزارا بايلانىستى تەرەڭدەتۋ كەرەك. الەمدىك ساۋدا ۇيىمىنىڭ رەفورماسىن قولداپ، كوپ جاقتىلىقتى جانە ءتۇزىلىستى قورعاپ، ەركىن، اشىق، ءادىل، كەمسىتپەيتىن، جاريا جانە بولجاۋعا بولاتىن ساۋدا، قارجى قوسۋ ورتاسىن قالىپتاستىرۋ كەرەك. وڭىرلىك ەكونوميكانىڭ ءبىر تۇلعالانۋى مەن ازيا-تىنىق مۇحيت ءوڭىرىنىڭ اياق الىسىن ىلگەرىلەتىپ، 2040-جىلعا دەيىن اشىق، ومىرشەڭ، قايسار، بەيبىت ازيا-تىنىق مۇحيت ورتاق تۇلعاسىن قۇرۋعا كۇش سالۋ كەرەك.


ماجىلىستە «2040-جىلعى ازيا-تىنىق مۇحيت ەكونوميكالىق سەلبەستىك ۇيىمى بۋتراجاۋا كەلەشەك جوسپارىن» ماقۇلداندى. «ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 2020-جىلعى كۋالا-لۋمپر جارناماسى» جاريالاندى.


ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ماجىلىسكە قاتىناستى.


اۋدارعان:شالقار قازەز ۇلى

中央广播电视总台 央广网 版权所有

شي جينپيڭ ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 27-رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى،

شي جينپيڭ ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 27-رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى، ول: اشىق، سيىسىمدى، جاڭالىق اشا ارتاتىن، ءوزارا بايلانىس جاسايتىن، سەلبەسىپ تەڭ يگىلىككە كەنەلەتىن ازيا-تىنىق مۇحيت ءوڭىرىنىڭ تاعدىرلاس ورتاق تۇلعاسىن بىرگە قۇرىپ، ازيا-تىنىق مۇحيت ءوڭىرىنىڭ بەيبىتشىلىگى مەن گۇلدەنۋىنىڭ كوركەم بولاشاعىن بىرگە جاراتايىق-دەپ باسا دارىپتەدى