ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ تەلەگرامما جولداپ جين جىڭىننىڭ چاۋشيان ەڭبەك پارتياسىنىڭ باس شۋجيى بولىپ سايلانعاندىعىن قۇتتىقتادى

来源:جۇڭگو قازاق راديو تورابى     |责编:阿依娜古丽|     发布日期: 2021-01-12 09:43

 

ٴوز حابارىمىز. 1-ايدىڭ 11-كۇنى، ج ك پ ورتالىق كوميتەتىنىڭ باس شۋجيى شي جينپيڭ جين جىڭىنعا تەلەگرامما جولداپ، ونىڭ چاۋشيان ەڭبەك پارتياسىنىڭ 8-رەتكى ۋاكىلدەر قۇرىلتايىندا چاۋشيان ەڭبەك پارتياسىنىڭ باس شۋجيى بولىپ سايلانعاندىعىن قۇتتىقتادى.


    شي جينپيڭ قۇتتىقتاۋ تەلەگرامماسىندا بىلاي دەدى: چاۋشيان ەڭبەك پارتياسىنىڭ 8-رەتكى ۋاكىلدەر قۇرىلتايى جين جىڭىن جولداستى چاۋشيان ەڭبەك پارتياسىنىڭ باس شۋجيىلىعىنا سايلاعانىن ەستىپ ەرەكشە قۋاندىم، مەن جۇڭگو كوممۋنيستىك پارتياسى ورتالىق كوميتەتى جانە ٴوز اتىمنان، باس شۋجي جولداستى جانە چاۋشيان ەڭبەك پارتياسى ورتالىق كوميتەتىن قىزۋ قۇتتىقتايمىن.

 
    چاۋشيان ەڭبەك پارتياسىنىڭ 8-رەتكى ۋاكىلدەر قۇرىلتايى چاۋشياننىڭ سوتسياليستىك ىستەرىن دامىتۋ جونىندە ٴبىر سىپىرا ورنالاستىرۋلار جاسادى، بۇل كەلەلى مانگە يە. باس شۋجي جولداستىڭ چاۋشيان ەڭبەك پارتياسىنىڭ ەڭ جوعارى باسشىسىنا تاعى دا كورسەتىلۋى، چاۋشيان ەڭبەك پارتياسىنداعى بارلىق پارتيا مۇشەلەرى مەن چاۋشيان حالقىنىڭ باس شۋجي جولداسقا دەگەن شىنايى سەنىمى، قولداۋى جانە ٴۇمىت كۇتۋى بولىپ تابىلادى. باس شۋجي جولداس باس بولعان چاۋشيان ەڭبەك پارتياسى ورتالىق كوميتەتىنىڭ پارمەندى باسشىلىعىندا، چاۋشيان ەڭبەك پارتياسى مەن چاۋشيان حالقى وسى رەتكى قۇرىلتايدى وراي ەتىپ، شارۋاشىلىق پەن قوعامدى دامىتۋ نىسانالارىن قۇلشىنا جۇزەگە اسىرىپ، چاۋشياننىڭ سوتسياليستىك ىستەرىندە تىڭ دا اناعۇرلىم زور تابىستارعا قول جەتكىزەتىندىگىنە سەنەمىز.


    جۇڭگو مەن چاۋشيان تاۋ وزەندەرى جالعاسقان سوتسياليستىك دوس كورشى ەلدەر. ەكى ەل قاتىناسىن ويداعىداي قورعاۋ، بەكەمدەۋ جانە دامىتۋ، جۇڭگو پارتياسى مەن ۇكىمەتىنىڭ مىزعىماس باعىتى. دۇنيە ٴجۇزى اۋمالى-توكپەلى وزگەرىس كەزەڭىنە وتكەن قازىرگى جاعدايدا، مەن باس شۋجي جولداسپەن بىرگە جۇڭگو مەن چاۋشيان ەكى پارتيا ەل قاتىناسىنا بولعان ستراتەگيالىق جەتەكشىلىكتى كۇشەيتىپ، ەكى جاق بىرلىككە كەلگەن ٴبىر سىپىرا ماڭىزدى ورتاق تانىمدار بويىنشا، جۇڭگو مەن چاۋشيان دوستىق سەلبەستىگىنىڭ تىڭ پاراعىن ۇزدىكسىز جازىپ، ەكى ەلدىڭ سوتسياليستىك ىستەرىنىڭ دامۋىن جەبەپ، تۇبەك ماسەلەسىن ساياسي جولمەن شەشۋ باعىتىنا تاباندى بولىپ، رايوننىڭ بەيبىتشىلىگىن، ورنىقتىلىعىن جانە دامۋىن گۇلدەنۋىن قورعاپ، ەكى ەل مەن ەكى ەل حالقىنا اناعۇرلىم زور باقىت جاراتۋدى قالايمىن.باس شۋجي جولداستىڭ قىزمەتىنىڭ تابىستى بولۋىن، چاۋشيان پارتياسى مەن حالقىن باستاپ ٴتىپتى دە زور تابىستارعا قول جەتكىزۋىن تىلەيمىن.


اۋدارعان: نازار ٴارىپ ۇلى

中央广播电视总台 央广网 版权所有

شي جينپيڭ تەلەگرامما جولداپ جين جىڭىننىڭ چاۋشيان ەڭبەك پارتياسىنىڭ باس شۋجيى بولىپ سايلانعاندىعىن قۇتتىقتادى

ج ك پ ورتالىق كوميتەتىنىڭ باس شۋجيى شي جينپيڭ جين جىڭىنعا تەلەگرامما جولداپ، ونىڭ چاۋشيان ەڭبەك پارتياسىنىڭ 8-رەتكى ۋاكىلدەر قۇرىلتايىندا چاۋشيان ەڭبەك پارتياسىنىڭ باس شۋجيى بولىپ سايلانعاندىعىن قۇتتىقتادى.