ٴوز حابارىمىز: باس شۋجي شي جينپيڭ تاياۋدا ورتالىقتىڭ اۋىل قىستاق قىزمەتى جونىندەگى ماجىلىستە بىلاي دەپ انىق ايتتى: كەدەيلىكتەن قۇتىلدىرۋدان قامال الۋدا جەڭىسكە جەتكەننەن كەيىن، اۋىل قىستاقتى كوركەيتۋ ستراتەگياسىن جالپى بەتتىك اتقارۋ-اۋىل شارۋاشىلىعى، اۋىل قىستاق، شارۋالار قىزمەتىنىڭ تۇيىنىندەگى تاريحي جوتكەلۋ بولىپ تابىلادى. اۋىل قىستاقتى كوركەيتۋ ستراتەگياسىن جالپى بەتتىك اتقارۋ تەرەڭدىگى، كەڭدىگى، قيىندىعى جاعىندا كەدەيلىكتەن قۇتىلدىرۋدان قامال الۋدان كەم تۇسپەيدى، ٴسوزسىز جوعارى دەڭگەيدە جوبالاۋدى كۇشەيتۋ، ٴتىپتى دە پارمەندى شارالار قولدانىپ، ٴتىپتى دە دارمەندى كۇش توپتاپ جۇرگىزۋ كەرەك.

قالا مەن اۋىلدى توعىسپالى دامىتۋ ٴتۇزىلىس-مەحانيزىم جۇيەسىن مەن ساياسات جۇيەسىن ورناتۋ جانە كەمەلدەندىرۋ-اۋىل قىستاقتى كوركەيتۋ ستراتەگياسىن اتقارۋدى تۇزىمدىك قامتاماسىزداندىرادى. قالا مەن اۋىلدىڭ قوعامدىق قۇتقارۋدى تۇبەگەيلى ورىنداۋ قىزمەتىن ويداعىداي ىستەۋ، قيىنشىلىعى بار بۇقارانىڭ نەگىزدىك تۇرمىسىن قامتاماسىزداندىرۋ حاۋىپسىزدىك تورىن ساڭلاۋسىز مىعىم قۇرۋ ٴۇشىن، جياڭسۋ ولكەسىندە 2020-جىلى ەڭ تومەنگى شەكتەن تۇسىرمەي تۇرمىستىق قامتاماسىزداندىرۋ ولشەم تالابى اناعۇرلىم جوعارىلاتىلدىٴارى ۇقساس قالادا ۇقساس ولشەم اتقارۋ جالپى بەتتىك ىسكە اسىرىلدى.

حىنان ولكەسىنىڭ جىڭجوۋ قالاسىندا توراپ قۇرىلىسى، قارقىندى جوعارىلاتىپ اقىنى تومەندەتۋ، قولدانىلىمدى ىشكەرىلەتۋدەي 3 جاقتان ىسكە كىرىسىلىپ، اۋىل شارۋاشىلىعى، اۋىل قىستاق حابارلاسۋ نەگىزگى قۇرىلعى قۇرىلىسى جەدەلدەتىلدى. قازىر تۇتاس قالا بويىنشا سەميا سانى 20 دان اساتىن 4974 تابيعي قىستاققا جارىقتىق تالشىق جالعاندىٴارى 4G تورابىمەن تولىق قامتىلدى.

تاياۋ جىلداردان بەرى، جەر-جەرلەر الەۋمەتتىك نەگىزگى قۇرىلعىلار قۇرىلىسىندا اۋىل قىستاقتى تۇيىندەپ، اۋىل قىستاق نەگىزگى قۇرىلعى قۇرىلىستارىن ساپالاندىرۋدى جەدەلدەتتى. سوڭعى 5 جىلدان بەرى، گۇيجوۋدا تۇتاس ولكە بويىنشا اۋىل قىستاق تاسجول قۇرىلىسىنا قارجى قوسۋ مولشەرى جيىنى 126 ميلليارت 800 ميلليون يۋان بولىپ ورىندالىپ، اكىمشىلىك قىستاقتاردا جول قاتىناس ىركىلىسسىزدىك سالىستىرماسىن، جولاۋشى تاسىمال اۆتوموبيلى قاتىناۋ جالپىلاسۋ سالىستىرماسىن %100كە جەتكىزۋ باتىس بولەك وڭىرلەر بويىنشا ەڭ الدىمەن ىسكە اسىرىلدى.

جياڭشي ولكەسى نانچاڭ قالاسى باتىس قالا ماڭى رايونىنىڭ قالا مەن اۋىل توعىسۋ تۇيىلىسىنە ورنالاسقان «جيۋۋاڭ جاڭا قالاسى» نىسان قۇرىلىسى قاۋىر دابىرالى جۇرگىزىلۋدە، وسى قۇرىلىس ارقىلى بولاشاقتا نانچاڭ قالاسىنىڭ حوڭگۋتان رايونى جيۋلوڭحۋ بولەك رايونىندا قاتىناس قۇرىلعىلارىندا جالپى جۇزدىك بايلانىس ورناتۋ، قالا فونكىتيساسىندا ارتىقشىلىق-ابزالدىلىقپەن ٴوزارا تولىقتاۋ، ەكولوگيالىق ٴدالىزدى توراپقا اينالدىرىپ تۇتاستىرۋ، قالا اكىمشىلىك قۇرىلعىلارى قاتارلى جاقتاردان ورتاق قۇرىپ-ورتاق يگىلىكتەنۋ ىسكە اسىرىلادى.

ورتالىق اۋىل قىستاق قىزمەت كوميتەت كەڭسەسىنىڭ مەڭگەرۋشىسى، اۋىل شارۋاشىلىعى-اۋىل قىستاق مينيسترى تاڭ رىنجيان بىلاي دەدى: قالا مەن اۋىلدى توعىستىرا دامىتۋ ٴتۇزىلىس-مەحانيزىمىنىڭ جانە ساياسات جۇيەسىنىڭ تياناقتاندىرىلىپ ونىمدىلىك كورسەتۋىن جەبەۋ ارقىلى شارۋالار وسىزامانداندىرۋ جەمىستەرىنەن تەڭ دارەجەدە ورتاق يگىلىكتەندىرىلەدى. اۋدان وڭىرلەرىن قالا مەن اۋىلدى توعىستىرا دامىتۋدىڭ ماڭىزدى قول سالار ٴتۇيىنى ەتۋ؛ جەر، ەڭبەك كۇش قاتارلى فاكتورلاردى بازارلاندىرۋ رەفورماسىن جانە نوپوس ٴتۇزىمى رەفورماسىن جەدەل جۇرگىزۋ؛ قالا مەن اۋىل فاكتورلارىنىڭ تەڭ دارەجەدە اۋىس-كۇيىس جاساۋىن، قوس باعىتتىق ىقپالداستىعىن جەبەۋ كەرەك.

اۋدارعان: قاناتبەك جۇماباي ۇلى