لاۋوس حالىق توڭكەرىستىك پارتياسىنىڭ 10-قۇرىلتايىنان بەرى، باس شۋجي بىن ياڭ باس بولعان لاۋوس پارتياسى ورتالىق كوميتەتىنىڭ پارمەندى باسشىلىعىندا، لاۋوستىڭ سوتسياليستىك قۇرىلىس ىستەرىندە ماڭىزدى ىلگەرىلەۋگە قول جەتتى، ساياسي جانە قوعامدىق جاعداي ورنىقتى بولدى، ەكونوميكا ۇلاسپالى دامىدى، حالىق تۇرمىسى ۇزدىكسىز جاقساردى. جاڭا جاعدايدا، لاۋوس حالىق توڭكەرىستىك پارتياسىنىڭ 11-قۇرىلتايى جەڭىسپەن اشىلىپ، پارتيا مەن مەملەكەت ىستەرىن دامىتۋعا جوسپارلار جانە ورنالاستىرۋلار جاسالۋى ماڭىزدى مانگە يە. مەن مىناعان سەنەمىن: باس شۋجي توڭلۇن جولداستى ۇيتقى ەتكەن جاڭا كەزەك لاۋوس پارتياسى ورتالىق كوميتەتىنىڭ باسشىلىعىندا، لاۋوس حالىق توڭكەرىستىك پارتياسى ٴسوزجوق، لاۋوس حالقىن باستاپ جانە ٴبىر نيەتتە ىنتىماقتاسىرىپ، بەلسەنە العا باسىپ، لاۋوستىڭ سوتسياليزم ىستەرىنىڭ ٴتىپتى دە تىڭ دامۋلارعا جەتۋىن جەبەي الادى.

    جۇڭگو مەن لاۋوس- تاۋ-وزەندەرى تۇتاسقان سوتسياليستىك دوس-كورشى ەلدەر. ەكى پارتيانىڭ، ەكى ەلدىڭ ٴار كەزەكتى باسشىلارىنىڭ زەيىن سالا جەتىلدىرۋىندە جانە ايانباي كۇش سالا ىلگەىلەتۋىندە، جۇڭگو-لاۋوس قاتىناسى ۇزدىكسىز تەرەڭدەپ جانە دامىپ، ەكى ەلگە جانە ەكى ەل حالقىنا باقىت جاراتىلدى. بۇكىل دۇنيە اۋمالى-توكپەلى وزگەرىس مەزگىلىندە وتكەن اۋقىمدىق جاعدايدا، مەن باس شۋجي توڭلۇنمەن بىرلىكتە قۇلشىنىپ، جۇڭگو مەن لاۋوستىڭ ەكى پارتيا، ەكى ەل قاتىناسىنا ساياسي جەتەكشىلىكتى كۇشەيتىپ، ٴداستۇرلى دوستىقتى ساۋلەلەندىرىپ، اۋىس-كۇيىس پەن سەلبەستىكتى تەرەڭدەتىپ، سوتسياليزم ىستەرىن ىلگەرىلەتۋدى، جۇڭگو مەن لاۋوستىڭ تاعدىرلاس ورتاق تۇلعاسىن قول ۇستاسا قۇرۋدى، ٴوڭىردىڭ بەيبىتشىلىگى مەن ورنقتىلىعىن قورعاۋعا، كوركەيتىپ دامىتۋعا بىرلىكتە بەلسەنە ۇلەس قوسۋعا پەيىلمىن.

    ٴسىزدىڭ جاڭا قىزمەت ورنىڭىزدا ٴتىپتى دە زور ناتيجەلەرگە قول جەتكىزۋىڭىزگە تىلەكتەسپىن !

اۋدارعان: قاناتبەك جۇماباي ۇلى