ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

«ىزدەنۋ» جۋرنالىندا باس شۋجي شي جينپيڭنىڭ «ورتا-ۇزاق مەزگىلدىك ەكونوميكالىق-قوعامدىق دامۋداعى كەلەلى ماسەلەلەردى دۇرىس تانۋ جانە يگەرۋ كەرەك» دەگەن ماڭىزدى ماقالاسى جاريالاندى

来源:جۇڭگو قازاق راديو تورابى     |责编:阿依娜古丽|     发布日期: 2021-01-16 10:28


    ٴوز حابارىمىز. «ىزدەنۋ» جۋرنالىنىڭ 1-ايدىڭ 16-كۇنى باسپادان شىققان 2-سانىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «ورتا-ۇزاق مەزگىلدىك ەكونوميكالىق-قوعامدىق دامۋداعى كەلەلى ماسەلەلەردى دۇرىس تانۋ جانە يگەرۋ كەرەك» دەگەن ماڭىزدى ماقالاسى جاريالاندى.


    ماقالادا بىلاي دەپ باسا دارىپتەلگەن: 14-بەسجىلدىق مەزگىل-ەلىمىز دوڭگەلەك داۋلەتتى قوعامدى جالپى بەتتىك قۇرىپ، 1-ٴجۇز جىلدىق كۇرەس نىساناسىن جۇزەگە اسىرعاننان كەيىن، ەكپىن قۋا العا تارتىپ، سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋدىڭ تىڭ جورىعىن باستاپ، 2-ٴجۇز جىلدىق كۇرەس نىساناسىنا قاراي جورىق جاسايتىن 1-بەسجىل بولادى، ەلىمىز جاڭا دامۋ كەزەڭىنە قادام تاستايدى.


    ماقالادا بىلاي دەپ انىق ايتىلدى: جاڭا دامۋ ساتىسىنداعى جاڭا ورايلار مەن جاڭا سايىستارعا ديالەكتيكالىق ويلاۋ جۇيەسى بويىنشا قاراۋ كەرەك. وراي تانىمىن جانە جاۋىپ-قاتەر تانىمىن كۇشەيتۋ؛ وزگەرىستى عىلمي تانۋ، وزگەرىسكە عىلمي سايكەسۋ، وزگەرىسكە ىرىقتى ۇمتىلۋ؛ جەلكەن جايۋعا جۇرەكتى، داعدارىستى ورايعا اينالدىرۋعا شەبەر بولۋ؛ٴتىپتى دە جوعارى ساپالى، ٴتىپتى دە ٴونىمدى، ٴتىپتى دە ٴادىل، ٴتىپتى دە باياندى، ٴتىپتى دە حاۋىپسىز دامۋدى ىسكە اسىرۋعا كۇش سالۋ كەرەك.


    ماقالادا مىنالار انىق ايتىلدى: حالىق شارۋاشىلىعى اينالىمىن ىركىلىسسىزدەندىرۋدى ارقاۋ ەتە جاڭا دامۋ جاعدايىن قالىپتاستىرۋ كەرەك. جاڭا دامۋ جاعدايى ەلىمىزدىڭ دامۋ كەزەڭىنە، دامۋ ورتاسىنا، دامۋ شارت جاعدايىنا نەگىزدەلىپ العا قويىلعان، ول ەلىمىزدىڭ حالىقارالىق سەلبەستىك جانە باسەكە ابزالدىلىعىن قايتا قۇرۋداعى ستراتەگيالىق تالعامى بولىپ تابىلادى. عىلىم-تەحنيكادا جاڭالىق جاراتۋ ارقىلى جاڭا قوزعاۋشى كۇش قالىپتاستىرۋ كەرەك. جوعارى ساپالى دامۋدى ىسكە اسىرۋدا، ٴسوزسىز، جاڭالىق جاراتۋعا سۇيەنە تەبىندەپ داميتىن ىشكى ماندىك ارتۋدى ىسكە اسىرۋ، دەربەس جاڭالىق جاراتۋ قابىلەتىن بارىنشا جوعارىلاتۋ، شەشۋشى-وزەكتى تەحنيكالاردا جەدەل قامال الۋ كەرەك. رەفورما ارقىلى جاڭا ومىرشەڭدىك كۇشتى تاسقىنداتۋ كەرەك. ٴسوزسىز، ٴتىپتى دە زور باتىلدىق، ٴتىپتى دە پارمەندى شارالار ارقىلى تەرەڭ قاتپارلى تۇزىلىستىك-مەحانيزىمدىك بوگەتتەردى ارىلتۋ؛ جۇڭگوشا سوتسياليستىك تۇزىمدە تاباندى بولۋ جانە كەمەلدەندىرۋ؛ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ كەرەك. جوعارى دەڭگەيدە سىرتقا ەسىك اشۋ ارقىلى حالىقارالىق سەلبەستىك پەن باسەكەدە جاڭا ابزالدىلىق جاراتۋ كەرەك. سىرتقا ەسىك اشۋ ورەسىن جالپى بەتتىك جوعارىلاتۋ، اناعۇرلىم جوعارى ورەدەگى اشىق ۇستالعان ەكونوميكالىق جاڭا ٴتۇزىلىس ورناتىپ، حالىقارالىق سەلبەستىك پەن باسكەنىڭ جاڭا ابزالدىلىعىن قالىپتاستىرۋ كەرەك. ورتاق قۇرۋ، ورتاق باسقارۋ، ورتاق يگىلىكتەنۋ ارقىلى قوعامدىق جاڭا دامۋ جاعدايىن ۇلعايتۋ كەرەك. اناعۇرلىم تولىق، اناعۇرلىم جوعارى ساپالى جۇمىستاندىرۋدى ىسكە اسىرۋ؛ تولىق قامتىلىمدى، ۇلاسپالى قوعامدىق قامسىزداندىرۋ جۇيەسىن قۇرۋ جانە اقاۋسىزداندىرۋ؛ الەۋمەتتىك دەنساۋلىق ساقتاۋ جۇيەسىن جانە جۇقپالى اۋرۋلاردى تىزگىندەۋ جۇيەسىن كۇشەيتۋ؛ جان سانىنىڭ ۇزاق ۋاقىت ٴبىر كەلكى ارتۋىن جەبەۋ؛ قوعامدىق باسقارۋدى كۇشەيتۋ، قوعامدىق قايشىلىقتاردى شەشۋ جانە ارىلتۋ، قوعام ورنىقتىلىعىن قورعاۋ كەرەك.


    ماقالادا بىلاي دەپ باسا دارىپتەلدى: ٴبىز ماركسيزمدىك ساياسي ەكونوميكا عىلىمى ٴادىس نازارياسىن قولدانۋ ارقىلى ەلىمىز ەكونوميكاسىنىڭ دامۋ زاڭدىلىعى جونىندەگى تانىمىمىزدى جوعارىلاتۋىمىز، ەلىمىز ەكونوميكاسىن دامىتۋعا باسشىلىق ەتۋ قابىلەتىمىز بەن ورەمىزدى جوعارىلاتۋىمىز كەرەك. ەل ٴىشى-سىرتىنداعى كۇردەلى دە قىم-قۋىت ەكونوميكالىق جاعدايعا، الۋان ٴتۇرلى ەكونوميكالىق قۇبىلىستارعا قاراتا، ماركسيزمدىك ساياسي ەكونوميكا عىلىمنىڭ نەگىزدىك قاعيداسىن جانە ٴادىسىن قولدانۋدى ۇيرەنۋدىڭ ٴبىزدىڭ عىلمي تۇردەگى ەكونوميكالىق تالداۋ جاساۋ ٴادىسىن يگەرۋىمىزگە، ەكونوميكالىق ارەكەت بارىسىن تانۋىمىزعا، ەكونوميكالىق دامۋ زاڭدىلىعىن يگەرۋىمىزگە، سوتسياليستىك بازار شارۋاشىلىعىن مەڭگەرۋ قابىلەتىمىزدى جوعارىلاتۋىمىزعا، ەلىمىز ەكونوميكاسى دامۋىنىڭ نازاريالىق جانە ٴامالياتتىق سۇراۋلارىنا دۇرىس جاۋاپ بەرۋىمىزگە پايداسى بار.


اۋدارعان: قاناتبەك جۇماباي ۇلى

中央广播电视总台 央广网 版权所有

«ىزدەنۋ» جۋرنالىندا باس شۋجي شي جينپيڭنىڭ «ورتا-ۇزاق مەزگىلدىك ەكونوميكالىق-قوعامدىق دامۋداعى كەلەلى ماسەلەلەردى دۇرىس تانۋ جانە يگەرۋ كەرەك» دەگەن ماڭىزدى ماقالاسى جاريالاندى

«ىزدەنۋ» جۋرنالىنىڭ 1-ايدىڭ 16-كۇنى باسپادان شىققان 2-سانىندا ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «ورتا-ۇزاق مەزگىلدىك ەكونوميكالىق-قوعامدىق دامۋداعى كەلەلى ماسەلەلەردى دۇرىس تانۋ جانە يگەرۋ كەرەك» دەگەن ماڭىزدى ماقالاسى جاريالاندى.