ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ پارتيا تاريحىن ۇيرەنۋ، تاربيەلەۋ ، اتتانىسقا كەلتىرۋ جينالىسىندا ماڭىزدى ٴسوز سويلەدى لي كىچياڭ ، لي جانشۋ ، ۋاڭ ياڭ ، جاۋ لىجي ، حان جىڭ ، ۋاڭ چيشان جينالىسقا قاتىناستى، ۋاڭ حۋنيڭ جينالىستى باسقاردى

来源:جۇڭگو قازاق راديو تورابى     |责编:达吾力别克 |     发布日期: 2021-02-22 09:31

ٴوز حابارىمىز. پارتيا تاريحىن ۇيرەنۋ، تاربيەلەۋ ، اتتانىسقا كەلتىرۋ جينالىسى 2-ايدىڭ 20-كۇنى تۇستەن بۇرىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى ، مەملەكەت ٴتوراعاسى ، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ مىنالاردى باسا دارىپتەدى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ-پارتيا ورتالىق كوميتەتىنىڭ پارتيانىڭ 100 جىلدىق تاريحي تىڭ باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستەردى ٴبىر تۇتاس جوسپارلاپ، بۇكىل پارتيانى، بۇكىل ەلدى جاپپاي سوتسياليستىك وسىزاماندانعان مەملەكەت قۇرۋعا تولىق سەنىممەن ات سالىسۋعا جۇمىلدىرۋ ٴۇشىن جاساعان كەلەلى شەشىمى. بۇكىل پارتياداعى جولداستار تاريحتى ۇيرەنۋ ارقىلى اقيقاتتى ٴبىلىپ، سەنىمدى ارتتىرىپ، ٴمورالدى قاستەرلەپ، كۇش سالا ٴامالياتتا ايگىلەپ، پارتيا تاريحىن ۇيرەنىپ، يدەيانى ۇعىنىپ، ناقتى ىستەر ىستەپ، جاڭا جاعداي جاراتىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىنا اسقاق بەينەمەن اتتانىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋى كەرەك.


ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرىنەن لي كىچياڭ ، لي جانشۋ ، ۋاڭ ياڭ ، جاۋ لىجي ، حان جىڭ، مەملەكەتتىڭ ورىنباسار ٴتوراعاسى ۋاڭ چيشان ماجىلىسكە قاتىناستى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ ٴماجىلىستى باسقاردى.


شي جينپيڭ بىلاي دەپ باسا دارىپتەدى: پارتيامىز پارتيا تاريحىن ۇيرەنۋ تاربيەسىنە ەجەلدەن ٴمان بەرىپ، پارتيانىڭ كۇرەس بارىسى مەن ۇلى جەتىستىكتەرى ارقىلى كۇرەسشەڭدىك رۋحتى اسقاقتاتۋعا، بەتالىستى ايقىنداۋعا باسا ٴمان بەرىپ، پارتيانىڭ داڭقتى ٴداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش ـ قۋاتتى ۇيىستىرىپ، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل ـ پاراساتتى ساۋلەلەندىرىپ، رۋحتى شىڭدادى. پارتيا ورتالىق كوميتەتى پارتيانىڭ 18 – قۇرىلتايىنان بەرى پارتيا تاريحىن ۇيرەنۋگە ايرىقشا ءمان بەرىپ، ٴبىرقىدىرۋ تالاپتاردى ورتاعا قويدى. پارتيامىزدىڭ عاسىرلىق مەرەي تويى تويلاناتىن ماڭىزدى ساتتە، « قوس 100 جىلدىق » كۇرەس نىساناسى تاريحي توعىسقان شەشۋشى كەزەڭدە، بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ ٴدال ۋاعىندا جۇرگىزىلگەن ٴىرى ٴىس بولىپ، توتەنشە قاجەتتى.


شي جينپيڭ بىلاي دەپ اتاپ كورسەتتى: پارتيامىزدىڭ 100 جىلدىعى- اۋەلگى ماقساتتى امالياتتا ايگىلەۋدى مۇرات ەتكەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ، شارۋاشىلىقتى شالقىتقان 100 جىل، شۇعىلالى ناتيجە جاراتىپ، بولاشاققا داڭعىل جول اشقان 100 جىل. باسىپ وتكەن كۇرەس جولىمىزعا قايىرىلا قاراپ ، الداعى كۇرەس جولىنا كوز جىبەرەتىن بولساق، پارتيانىڭ تاريحىن ، ٴسوز جوق، جاقسى ۇيرەنىپ، ويداعىداي قورىتىندىلاپ، پارتيانىڭ تابىستى تاجىريبەلەرىن ويداعىداي جالعاستىرۋ ٴارى ساۋلەلەندىرۋ كەرەك. بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ-اۋەلگى ماقساتتى ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋىندەي تاريحي ۇلى ٴىستى جەبەۋدىڭ تابيعي تالابى، سەنىم-نانىمدى بەكەمدەپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تابيعي تالابى، پارتيانىڭ وزىندىك توڭكەرىسىن ىلگەرىلەتۋدىڭ، پارتيانىڭ ومىرشەڭدىك كۇشىن ماڭگى ساقتاۋدىڭ تابيعي تالابى. پارتيا ورتالىق كوميتەتى «بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى ۇقتىرۋدى» باسىپ تاراتىپ، وسى قىزمەتكە ورنالاستىرۋ جاسادى، ٴار دارەجەلى پارتكومدار (پارتيا باسشىلىق گرۋپپالارى) مۇقيات دايەكتى تياناقتاندىرۋى كەرەك.


شي جينپيڭ بىلاي دەپ باسا دارىپتەدى: پارتيامىزدىڭ تاريحى ماركسيزمنىڭ جۇڭگوشالانۋىن ۇزدىكسىز ىلگەرىلەتكەن تاريح، نازاريادا جاڭالىق اشۋدى ۇزدىكسىز جەبەپ، نازاريالىق جاسامپازدىق جاراتقان تاريح. 100 جىلدان بەرى، پارتيامىز يدەيانى ازات ەتۋ مەن شىندىقتى ٴىس جۇزىنەن ىزدەۋدىڭ بىرلىگىنە، نەگىزدى بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ جاڭا جاعدايىن ۇزدىكسىز جاراتىپ، ماۋ زىدۇڭ يدەياسىن ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن جانە عىلمي دامۋ كوزقاراسىن ورناتىپ، جاڭا داۋىردەگى جۇڭگوشا سوتسياليزم يدەياسىن قالىپتاستىرىپ، پارتيا مەن حالىق ىستەرىنىڭ دامۋىنا عىلمي نازاريالىق جەتەكشىلىك ازىرلەدى. بۇكىل پارتيانى پارتيانىڭ وزگەشە كەشىرمەلەرىنەن ماركسيزمنىڭ جۇڭگونى قالاي ىشكەرىلەي وزگەرتۋگە، دۇنيەنى قالاي وزگەرتۋگە تاربيەلەپ جانە جەتەكتەپ، ماركسيزمنىڭ اقيقات كۇشى مەن امالياتتىق كۇشىن ٴتۇسىنىپ، جۇڭگوشالانعان ماركسيزمنىڭ تامىرلاس ٴارى داۋىرمەن بىرگە ىلگەرىلەيتىن نازاريالىق قاسيەتى جونىندەگى تانىمدى تەرەڭدەتۋگە، اسىرەسە، پارتيا 18 ـ قۇرىلتايىنان بەرگى پارتيا مەن مەملەكەت ىستەرىندە قولعا كەلگەن تاريحي جەتىستىكتەرمەن، بولىپ وتكەن تاريحي وزگەرىستەرمەن ۇشتاستىرىپ، جاڭا داۋىردەگى پارتيانىڭ جاڭالىق اشۋ نازارياسىن ىشكەرىلەي ۇيرەنىپ-ۇعىنىپ، پارتيانىڭ جاڭالىق اشۋ نازارياسىنىڭ ەڭ جاڭا جەتىستىكتەرىمەن وي ـ سانانى قارۋلاندىرۋعا، ٴامالياتقا جەتەكشىلىك ەتۋگە، قىزمەتتى ىلگەرىلەتۋگە تاربيەلەۋ-باستاۋ كەرەك.


شي جينپيڭ بىلاي دەپ اتاپ كورسەتتى: 100 جىلدىق كۇرەس بارىسىندا پارتيامىز باستان ـ اياق ماركسيزمنىڭ نەگىزگى قاعيدالارى ارقىلى تاريحتىڭ جالپى بەتالىسىنا تالداۋ جاساپ جانە ونى يگەرىپ، جۇڭگو مەن دۇنيە ٴجۇزىنىڭ قاتىناسىن دۇرىس شەشىپ، ٴتۇرلى تاريحي ورايلاردى يگەرۋگە جانە ودان ۇتىمدى پايدالانۋعا توسەلدى. بۇكىل پارتيانى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدان بەرى بولماعان زور وزگەرىس جاعدايىن كوكەيدە ساقتاپ، ۇلى تاريحي كوزقاراس ورناتۋعا تاربيەلەپ جانە جەتەكتەپ، تاريحتىڭ ۇلى كوشىنەن، ٴداۋىر اعىمىنان، دۇنيە ٴجۇزىنىڭ اۋمالى ـ توكپەلى جاعدايىنان وزگەرۋ مەحانيزمىنە تالداۋ جاساپ، تاريحي زاڭدىلىقتاردى قاراستىرىپ، ۇيلەسىمدى ستراتەگيالىق تاكتيكانى العا قويىپ، قىزمەتتىڭ جۇيەلىلىگىن، بولجامدىلىعىن، جاسامپازدىعىن كۇشەيتۋ كەرەك.


شي جينپيڭ بىلاي دەپ اتاپ كورسەتتى: پارتيامىزدىڭ 100 جىلدىق تاريحى- پارتيانىڭ اۋەلگى ماقساتى مەن بورىشىن امالياتتا ايگىلەگەن تاريح، پارتيا مەن حالىقتىڭ جۇرەكتەس، تىنىستاس، تاعدىرلاس بولۋ تاريحى. تاريح مىنانى تولىق دالەلدەدى: وتان-حالىق ، حالىق - وتان، حالىقتىڭ قولداۋ ـ قولداماۋى پارتيانىڭ تابان تىرەپ تۇرا الۋ-الماۋىنا سايادى. حالىقتىڭ سەنىمىنە بولەنىپ، قولداۋىنا يە بولعاندا عانا، پارتيا ٴارقانداي قيىنشىلىقتى جەڭە الادى، بارلىق جەردە جەڭىسكە جەتەتىن بولادى. بۇكىل پارتيانى پارتيانىڭ سيپاتى مەن نەگىزگى ماقساتىن جەتە تانۋعا تاربيەلەپ ٴارى جەتەكتەپ ، بارلىق ٴىستى حالىق ٴۇشىن ىستەۋگە، بارلىق ىستە حالىققا سۇيەنۋگە تاباندى بولىپ، حالىقتى باستان ـ اياق كوكەيدە بەرىك ساقتاپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، حالىقتى رەفورما، دامۋ جەتىستىكتەرىنەن بارىنشا كوپ، اناعۇرلىم ٴادىل يگىلىكتەندىرۋدى ىلگەرىلەتىپ، ورتاق اۋقاتتانۋدا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى جەبەپ، 1 ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن قۇدىرەتتى كۇشكە اينالدىرۋ كەرەك.


شي جينپيڭ بىلاي دەپ باسا دارىپتەدى: پارتيامىزدىڭ بىرتىندەپ العا باسۋىنىڭ ەڭ ماڭىزدى ٴبىر جەتىستىگى- تاجىريبەلەردى ۇزدىكسىز قورىتىندىلاپ، قابىلەتتى جوعارىلاتىپ، حاۋىپ ـ قاتەرگە توتەپ بەرۋ ، سىن ـ سايىستارعا بەتپە-بەت كەلۋ، حاۋىپ ـ قاتەردەن قۇتىلۋ قابىلەتى مەن دەڭگەيىن ۇزدىكسىز جوعارىلاتقاندىعى بولىپ تابىلادى. العا باسۋ جولىنداعى بولجاۋعا بولاتىن جانە بولجاۋعا بولمايتىن حاۋىپ ـ قاتەرلەر مەن سىن ـ سايىستارعا اناعۇرلىم ويداعىداي توتەپ بەرۋ ٴۇشىن، ٴسوز جوق، تاريحتان وي تۇيىندەپ، تاريحي تاجىريبەلەردەن جاۋدى جەڭىپ ، جەڭىسكە جەتۋدىڭ پارمەندى شاراسىن سۇرىپتاۋ كەرەك. پارتيا قۇرىلعاندىعىنىڭ 100 جىلدىعى سىندى ماڭىزدى ٴتۇيىندى مىقتى يگەرىپ، كوپتەگەن جاڭا تاريحي ەرەكشەلىككە يە ۇلى كۇرەستى شىعار ٴتۇيىن ەتىپ، پارتيانىڭ تۇرلىشە تاريحي داۋىردە حاۋىپ ـ قاتەرگە، سىن ـ سايىستارعا ٴساتتى توتەپ بەرۋدەگى مول تاجىريبەلەرىن قورىتىندىلاپ جانە پايدالانىپ، سىرتقى ورتانىڭ وزگەرىسىنە ٴبىرشاما ۇزاق ۋاقىت توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەپ، كۇرەس تانىمىن ۇزدىكسىز كۇشەيتىپ ، كۇرەس تاجىريبەلەرىن مولايتىپ، كۇرەس قابىلەتىن ارتتىرىپ، ەل باسقارۋ قابىلەتى مەن ورەسىن ۇزدىكسىز جوعارىلاتۋ كەرەك. پارتيانىڭ 100 جىلدىق تاريحى-پارتيامىزدىڭ پارتيا العاباسارلىعى مەن كىرشىكسىزدىگىن ۇزدىكسىز ساقتاپ، ىدىراۋ جانە ٴىرىپ - ٴشىرۋ حاۋپىنەن جالعاستى ساقتانعان تاريح. بۇكىل پارتيانى تاريحي تاجىريبە - ساباقتاردى قورىتىندىلاۋ ارقىلى پارتيا قۇرىلىسىنىڭ رەال ماسەلەلەرىن شەشۋدى كوزدە ۇستاپ، پارتيانىڭ باسشىلىق ورەسى مەن بيلىك جۇرگىزۋ ورەسىن ۇزدىكسىز جوعارىلاتۋعا، ٴىرىپ - شىرۋدەن، ازعىنداۋدان ساقتانۋعا جانە حاۋىپ - قاتەرگە توتەپ بەرۋ قابىلەتىن كۇشەيتۋگە تاربيەلەۋ، جەتەكتەۋ كەرەك.


شي جينپيڭ مىنالاردى اتاپ كورسەتتى: 100 جىلدىق ەرەكشە كۇرەس بارىسىندا، ۇرپاقتان ـ ۇرپاققا جالعاسقان جۇڭگو كوممۋنيستەرىنىڭ قايسارلىقپەن، قاجىماي ـ تالماي كۇرەس جۇرگىزۋىنىڭ ارقاسىندا، ولىمنەن تايىنبايتىن ٴبىر توپ توڭكەرىستىك قۇرباندار، قايسارلىقپەن كۇرەس جاسايتىن ٴبىر توپ قاھارماندار، جانقيارلىقپەن ۇلەس قوساتىن ٴبىر توپ وزات ۇلگىلەر جارىققا شىعىپ، ٴبىر قىدىرۋ ۇلى رۋح قالىپتاستىرىپ، جۇڭگو كوممۋنيستەرىنىڭ رۋحاني شەجىرەسىن جاراتىپ، پارتيامىزدىڭ پارتيا قۇرىپ، پارتيانى كوركەيتۋىنە، پارتيانى قۇدىرەتتەندىرۋىنە مول ٴنار ۇستەمەلەدى. بۇكىل پارتيانى توڭكەرىستىك ٴداستۇردى بارىنشا ساۋلەلەندىرىپ، توڭكەرىستىك گەندى جالعاستىرىپ، كوممۋنيستەردىڭ رۋحاني جان جۇيەسىنە مۇراگەرلىك ەتىپ، توڭكەرىسشىلەردىڭ ەشنارسەدەن تايىنبايتىن كۇرەس رۋحىن باستان ـ اياق ساقتاپ، جاڭا ساپارعا قادام تاستاعان، جاڭا داۋىردە ەكپىندەي ىلگەرىلەگەن جىگەردى تاسقىنداتۋعا تاربيەلەۋ جانە جەتەكتەۋ كەرەك.


شي جينپيڭ بىلاي دەپ باسا دارىپتەدى: تۋى ايقىن تۇردە ساياسيدى دارىپتەۋ، پارتيانىڭ ىنتىماعى مەن شوعىرلى بىرلىگىنە كەپىلدىك ەتۋ _ _ پارتيانىڭ جان تامىرى، سونداي ـ اق پارتيامىزدىڭ 100 جىلدىق ٴىرى پارتياعا اينالىپ، عاسىرلىق ۇلى ٴىس جاراتا الۋىنىڭ تەتىگى. بۇكىل پارتيانى پارتيا تاريحىنان ۇنامدى ـ ۇنامسىز جاقتارداعى تاريحي تاجىريبەلەردى قابىلداۋعا تاربيەلەپ جانە جەتەكتەپ، پارتيا ورتالىق كوميتەتىنە قاراپ بۇلجىماي ساپ تۇزەپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ٴبىر اۋىزدىلىققا كەلىپ، بۇكىل پارتيانىڭ جوعارىدان تومەنگە دەيىن جۇدىرىقتاي جۇمىلۋىنا، ٴبىر جاعادان باس، ٴبىر جەڭنەن قول شىعارۋىنا كەپىلدىك ەتۋ كەرەك.


شي جينپيڭ بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەلەۋدى ورىستەتۋ _ _ پارتيانىڭ ساياسي ومىرىندەگى ٴىرى ٴىس. بۇكىل پارتيا وسكەلەڭ ٴمان بەرىپ، يدەيالىق دەڭگەيدى جوعارىلاتىپ، ٴىس جۇزىندىكتى تياناق ەتىپ، دۇرىس جولدان جازباي، جاڭالىق اشىپ، ۇيرەنۋ ـ تاربيەلەۋدىڭ ٴتۇرلى مىندەتتەرىن جوعارى ولشەممەن، جوعارى ساپامەن ورىنداۋى كەرەك. ٴبىرىنشى، ۇيىمدىق باسشىلىقتى كۇشەيتۋ قاجەت. ٴار دارەجەلى پارتكومدار ( پارتيا باسشىلىق گرۋپپالارى ) تۇلعالىق جاۋاپكەرشىلىك ارقالاۋى، نەگىزگى باسشى جولداستار وزدەرى يگەرىپ، باستاماشىلدىقپەن ۇلگى كورسەتىپ، باسشىلىق قۇرىلىم قۇرىپ، پارتيا ورتالىق كوميتەتىنىڭ ورنالاستىرۋى مەن تالاپتارىن شىنايى تياناقتاندىرۋى كەرەك. ورتالىقتىڭ پارتيا تاريحىن ۇيرەنۋ، تاربيەلەۋ قىزمەتىنە باسشىلىق ەتۋ گرۋپپاسى جەتەكشىلىك ەتۋدى كۇشەيتۋى، ولكە، اۆتونوميالى رايون، توتە قاراستى قالالاردىڭ پارتكومدارى مەن كاسىپ جۇيەسىن باسقارۋشى تاراۋلارىنىڭ پارتيا باسشىلىق گرۋپپالارى وزىنە قاراستى رايوندارعا، تاراۋلارعا جانە ورىندارعا قۋزاۋ سالۋ، جەتەكشىلىك ەتۋدى، تەكسەرۋدى كۇشەيتۋى كەرەك. پارتيا مۇشەلەرى، كادرلار مەيلى قايسى ساتىدا جانە قانداي قىزمەت ورنىندا بولسا دا، بار ىنتا ـ پەيىلىمەن كىرىسىپ، ۇيرەنۋدە ويلانۋ، ۇيرەنۋدە ۇعىنۋ، ۇيرەنۋدە تابىسقا جەتۋى كەرەك. ەكىنشى ، پارتيا تاريحى جونىندە دۇرىس كوزقاراس ورناتۋ قاجەت. پارتيامىزدىڭ تاريحي ماسەلەلەر جونىندەگى ەكى قاۋلىسى مەن پارتيا ورتالىق كوميتەتىنىڭ قاتىستى رۋحىن نەگىز ەتۋگە تاباندى بولىپ، پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى اعىمدىق ٴمانىن دۇرىس يگەرىپ، پارتيا تاريحىنداعى كەلەلى ىستەردى، ماڭىزدى ماجىلىستەردى، ماڭىزدى ادامداردى دۇرىس تانۋ جانە عىلمي باعالاۋ كەرەك. تۋى ايقىن تۇردە تاريحي تەرىستەۋشىلىككە قارسى تۇرىپ، يدەيالىق جاقتان جەتەكشىلىك ەتۋدى جانە نازاريالىق جاقتان تالداۋ جاساۋدى كۇشەيتىپ، توركىنىن تۇزەپ، قاينارىن تازالاپ، نەگىزدى بەكەمدەۋ كەرەك. ٴۇشىنشى، بۇقارا ٴۇشىن شىنايى ناقتى ىستەر ىستەپ، قيىن ماسەلەلەردى شەشۋ قاجەت. پارتيا تاريحىن ۇيرەنۋدى تاجىريبەلەردى قورىتىندىلاۋمەن، ناقتى جاعدايعا ٴمان بەرۋمەن، قىزمەتتى ىلگەرىلەتۋمەن، ٴىس جۇزىندىك ماسەلەلەردى شەشۋمەن ۇشتاستىرىپ، «بۇقارا ٴۇشىن ناقتى ىستەر ىستەۋ» امالياتتىق قيمىلىن ويداعىداي ورىستەتىپ، ۇيرەنۋ ناتيجەسىن قىزمەتتىڭ قوزعاۋشى كۇشىنە جانە ونىمدىلىگىنە اينالدىرىپ، ۇيرەنۋ مەن قىزمەتتە «ەكى بەتكەيلىك ىستەۋدەن» ساقتانۋ كەرەك. ٴتورتىنشى، تاسىلدە، ادىستە جاڭالىق جاراتۋعا ٴمان بەرۋ قاجەت. ماركسيزمنىڭ تاماشا ۇيرەنۋ ستيلىن ساۋلەلەندىرىپ، ۇيرەنۋ تالابىن، ۇيرەنۋ مىندەتىن ايقىنداپ، مازمۇندا، فورمادا، ادىستە جاڭالىق اشۋدى ىلگەرىلەتىپ، باعىتتامالىلىق پەن ناقتى ونىمدىلىكتى ۇزدىكسىز كۇشەيتۋ كەرەك. اۋدان، باسقارما دارەجەلىدەن جوعارى باسشى كادرلاردى ٴتۇيىن ەتىپ، شوعىرلى ۇيرەنۋ مەن دەربەس ۇيرەنۋدى ۇشتاستىرۋعا ، بەلگىلەنگەن ارەكەت پەن ٴوزى تاڭداعان ارەكەتتى ۇشتاستىرۋعا تاباندى بولىپ، ەرەكشەلىگى ايقىن، فورماسى الۋان ٴتۇرلى ۇيرەنۋ تاربيەسىن ورىستەتۋ كەرەك. بۇكىل قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى جونىندەگى ۇگىت ـ تاربيەنى كەڭىنەن ورىستەتىپ ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ ـ تاربيەلەۋدى بۇقارا اراسىندا، نەگىزگى ساتىدا، جۇرت جۇرەگىنە تەرەڭ ۇيالاتۋ كەرەك. پارتيا تاريحى تاقىرىبىنداعى ادەبيەت - كوركەمونەر تۋىندىلارىن، اسىرەسە، كينو - تەلەۆيزيا تۋىندىلارىن جاراتۋعا دەم بەرىپ، جاستار مەن ورەندەردىڭ ۇيرەنۋ تاربيەسىن مىقتى يگەرىپ، توڭكەرىستىك گەندى، توڭكەرىستىك الاۋدى ۇرپاقتان - ۇرپاققا جالعاستىرۋ كەرەك. فورماشىلدىقتى، تورەشىلدىكتى باتىل جويىپ، نەگىزگى ساتىنىڭ اۋىرتپالىعىن جەڭىلدەتۋگە ٴمان بەرۋ كەرەك.


ۋاڭ حۋنيڭ ٴماجىلىستى باسقارعاندا بىلاي دەدى: باس شۋجي شي جينپيڭنىڭ ماڭىزدى ٴسوزى بيىكتە تۇرىپ، الىستى بولجاعان، كوز اياسى كەڭ، يدەياسى تەرەڭ ٴٴسوز بولىپ، پارتيا تاريحىن ۇيرەنۋ تاربيەلەۋدى ورىستەتۋدىڭ كەلەلى ٴمانىن، پارتيا تاريحىن ۇيرەنۋ تاربيەلەۋدىڭ ٴتۇيىنى مەن قىزمەت تالابىن ىشكەرلەي بايىمداپ، پارتيا تاريحىن ۇيرەنۋ تاربيەلەۋ قىزمەتىن ورىستەتۋگە جاپپاي اتتانىسقا كەلتىرىپ جانە ورنالاستىرىپ، ٴبىزدىڭ پارتيا تاريحىن ۇيرەنۋ تاربيەلەۋدى ويداعىداي ورىستەتۋىمىزگە ايقىن باعدار كورسەتىپ، ٴتۇبىرلى ولشەم ازىرلەدى. ٴار دارەجەلى پارتكومدار (پارتيا باسشىلىق گرۋپپالارى) باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ جانە ٴتۇسىنىپ، «ٴتورت تانىم» دى شىنايى كۇشەيتىپ، «ٴتورت سەنىم» دى بەكەمدەپ، «ەكىنى قورعاۋ» دى ورىنداپ، يدەيالىق تانىم مەن ساياسي دەڭگەيدى جوعارىلاتىپ، ٴوز ٴوڭىرىنىڭ، ٴوز تاراۋىنىڭ، ٴوز ورنىنىڭ ۇيرەنۋ ـ تاربيەلەۋ قىزمەتىن ويداعىداي جۇرگىزۋى كەرەك.


ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيىلارى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ٴتوراعالارى، سونداي ـ اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.


ٴماجىلىس تەلەۆيزور ـ تەلەفون ٴماجىلىسى فورماسىندا اشىلدى، پارتيا تاريحىن ۇيرەنۋ- تاربيەلەۋ باسشىلىق گرۋپپاسىنىڭ مۇشەلەرى، ٴارقايسى ولكە، اۆتونوميالى رايون، توتە قاراستى قالالاردىڭ جانە ورىنباسار ولكە دارەجەلى قالالاردىڭ، شينجياڭ ٴوندىرىس ـ قۇرىلىس بيڭتۋانى باسشىلىق القاسىنىڭ مۇشەلەرى، ورتالىق پەن مەملەكەت ورگان ٴارقايسى تاراۋلارىنىڭ، حالىقتىق ۇيىمداردىڭ، ورتالىق باسقاراتىن فينانس كاسىپورىندارىنىڭ، ورتالىق باسقاراتىن كاسىپورىنداردىڭ، ورتالىق باسقاراتىن جوعارى مەكتەپتەردىڭ، ارميانىڭ قاتىستى ورىندارىنىڭ نەگىزگى جاۋاپتى جولداستارى، پارتيا تاريحىن ۇيرەنۋ ـ تاربيەلەۋ ورتالىق ۇگىت ـ لەكسيا ۇيىرمەسىنىڭ مۇشەلەرى قاتارلىلار ماجىلىسكە قاتىناستى.


اۋدارعان: امانتاي مۇسايىپ ۇلى، نازار ٴارىپ ۇلى

中央广播电视总台 央广网 版权所有

شي جينپيڭ پارتيا تاريحىن ۇيرەنۋ، تاربيەلەۋ ، اتتانىسقا كەلتىرۋ جينالىسىندا ماڭىزدى ٴسوز سويلەدى لي كىچياڭ ، لي جانشۋ ، ۋاڭ ياڭ ، جاۋ لىجي ، حان جىڭ ، ۋاڭ چيشان جينالىسقا قاتىناستى، ۋاڭ حۋنيڭ جينالىستى باسقاردى

پارتيا تاريحىن ۇيرەنۋ، تاربيەلەۋ ، اتتانىسقا كەلتىرۋ جينالىسى 2-ايدىڭ 20-كۇنى تۇستەن بۇرىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى ، مەملەكەت ٴتوراعاسى ، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ مىنالاردى باسا دارىپتەدى