شي جينپيڭ مىنالاردى اتاپ كورسەتتى: بىلتىردان بەرى، ىندەتتىڭ بۇكىل جەر شارىندا كەڭ كولەمدە تارالعان جانە دۇنيە جۇزىندە ٴجۇز جىلدان بەرى بولماعان زور وزگەرىس الدىندا، جۇڭگو مەن تاجىكستان حالقى ٴبىر جاعادان باس، ٴبىر جەڭنەن قول شىعارىپ، ىنتىماقتاسا سەلبەسىپ، ٴار سالاداعى سەلبەستىكتە سۇبەلى تابىستارعا قول جەتكىزدى، اسىرەسە، ىندەتكە قارسى تۇرۋ سەلبەستىگى جارقىن تۇيىنگە اينالدى. ەكى جاقتىڭ ٴبىر ـ ٴبىرىنىڭ وزەكتى مۇددەسىنە ساياتىن ماسەلەلەردە ٴبىرىن ـ ٴبىرى قولداۋى جۇڭگو مەن تاجىكستاننىڭ جان ـ جاقتى ستراتەگيالىق سەرىكتەستىك قاتىناسىنىڭ جوعارى دەڭگەيدە ەكەندىگىن تولىق ايگىلەدى. جۇڭگو تاجىكستان جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، تاجىكستان جاقپەن ” ٴبىر بەلدەۋ، ٴبىر جول “ دى بىرگە قۇرۋ دارىپتەمەسىن تاجىكستاننىڭ ” 2030 ـ جىلدان بۇرىنعى مەملەكەتتىڭ دامۋ ستراتەگياسىمەن “ ۇشتاستىرۋدى كۇشەيتىپ، جۇڭگو ـ تاجىكستان قارىم ـ قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.

    شي جينپيڭ مىنالاردى باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. جۇڭگو رەفورما جاساۋدى، ەسىك اشۋدى اناعۇرلىم بيىك باستامادا ىلگەرىلەتىپ، جۇڭگو مەن تاجىكستاننىڭ جان ـ جاقتى سەلبەستىگىنە جاڭا وراي جاراتادى. ەكى جاق ەكونوميكا ـ ساۋدا، قارجى قوسۋ، اۋىل شارۋاشىلىعى، ٴوزارا بايلانىس جاساۋ، سيفرلى ەكونوميكا سياقتى سالالارداعى سەلبەستىكتى ٴبىر تۇتاس ىلگەرىلەتىپ، « ٴبىر بەلدەۋ، ٴبىر جولدى» بىرگە قۇرۋداعى ٴتۇيىندى نىسان قۇرىلىستارىن الدىمەن دامىتۋى كەرەك. جۇڭگو بازار قاجەتىنە ۇيلەسەتىن تاجىكستان جاقتىڭ اناعۇرلىم كوپ ساپالى اۋىل شارۋاشىلىق ونىمدەرىن يمپورت ەتۋدى قالايدى. جۇڭگو تاجىكستانعا ۆاكسينا جاعىنان كومەك بەرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋدى قالايدى.

    شي جينپيڭ مىنالاردى اتاپ كورسەتتى: بيىل شاڭحاي سەلبەستىك ۇيىمى قۇرىلعاندىعىنىڭ 20 جىلدىعى. جۇڭگو تاجىكستاننىڭ كەزەكتى ٴتوراعا ەلى قىزمەتىن بار كۇشپەن قولداپ، تاجىكستانمەن سەلبەستىكتى كۇشەيتىپ، شاڭحاي سەلبەستىك ۇيىمىنىڭ جاڭا باستامادا اناعۇرلىم زور دامۋدى جۇزەگە اسىرۋىن جەبەيدى.

    راحمون ٴتوراعا شي جينپيڭگە جانە جۇڭگو حالقىنا مەرەكەلىك سالەم جولداپ، جۇڭگو حالقىنىڭ كوكتەم مەرەكەسىنە قۇتتى بولسىن ايتىپ، جۇڭگونىڭ جاڭا جىلدا تىڭ تابىستارعا قول جەتكىزۋىن تىلەدى.ول بىلاي دەدى: ٴتوراعا شي جينپيڭنىڭ پارمەندى باسشىلىعىندا جانە جۇڭگو حالقىنىڭ قاجىرلىلىقپەن قۇلشىنۋىندا، جۇڭگو كەدەيلىكتى جويۋ جاعىندا تاريحتا وشپەس شۇعىلالى تابىستارعا قول جەتكىزدى، تاجىكستان مۇنى قىزۋ قۇتتىقتايدى. تاجىكستان جۇڭگونىڭ حالىقارالىق قوعامنىڭ ىندەتكە قارسى تۇرۋ ءۇشىن قوسقان ماڭىزدى ۇلەسىن ايرىقشا القايدى، جۇڭگونىڭ تاجىكستاننىڭ ىندەتكە قارسى تۇرۋ جانە ەكونوميكالىق، قوعامدىق دامۋىنا كورسەتكەن قىمباتتى قولداۋىنا العىس ايتادى. تاجىكستان جۇڭگومەن بىرگە قۇلشىنىپ، تاتۋ كورشىلىك، دوستىق رۋحىن ۇزدىكسىز ارقاۋ ەتىپ، ەكى ەلدىڭ ساياسي، ەكونوميكا ـ ساۋدا، حاۋىپسىزدىك، گۋمانيتارلىق سياقتى سالالارداعى سەلبەستىگىن كەڭەيتىپ، ىندەتكە قارسى تۇرۋ سەلبەستىگىن كۇشەيتىپ، تاجىكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا تىڭ مازمۇن قوسىپ، ەكى ەل قاتىناسىنىڭ تىڭ دامۋعا قول جەتكىزۋىن قالايدى. تاجىكستان جۇڭگو جاقپەن تىعىز قارىم ـ قاتىناس جاساپ، شاڭحاي سەلبەستىك ۇيىمىنىڭ كەزەكتى ٴتوراعا ەلى مىندەتىن ٴساتتى ورىنداپ، شاڭحاي سەلبەستىك ۇيىمىنىڭ باسشىلار باس قوسۋىن ٴساتتى وتكىزۋدى ٴۇمىت ەتەدى.

اۋدارعان: نازار ٴارىپ ۇلى