شي جينپيڭ جاۋاپ حاتىندا بىلاي دەدى: «ادەبيەت -تاريح-فيلوسوفيا» جۋرنالى شىعا باستاعان 70 جىلدان بەرى، پارتيا باسشىلىعىندا، بىرنەشە ۇرپاق رەداكتورلار دۇرىس جولدان تايماي جاڭالىق جاراتا، ۇرپاقتان-ۇرپاققا جالعاستىرا ىستەپ، جۇڭحۋا وركەنيەتىن ساۋلەلەندىرۋ، عىلمي زەرتتەۋدى كوركەيتۋ سياقتى جاقتاردا قىرۋار قىزمەتتەر ورىنداپ، ەل ٴىشى-سىرتىندا بەلگىلى ابىرويعا يە بولدى، سىزدەردىڭ قۇلشىنىستارىڭىزدى تۇراقتاندىرۋعا تاتيدى.

    شي جينپيڭ مىنالاردى انىق ايتتى: جۇڭگولىقتاردىڭ جىگەرىن جانە مىعىمدىعىن ارتتىرۋ، دۇنيە ٴجۇزىنىڭ جۇڭگونى اناعۇرلىم جاقسى تانۋىنا، جۇڭگونى تۇسىنۋىنە مۇمكىندىك جاساۋ ٴۇشىن، جۇڭحۋا وركەنيەتىن ىشكەرىلەي ٴتۇسىنۋ، تاريح پەن رەالدىقتى، نازاريا مەن امالياتتى ۇشتاستىرۋ تۇرعىسىنان قايتكەندە جۇڭگو جولىنا اناعۇرلىم ويداعىداي تاباندى بولۋعا، جۇڭگو رۋحىن ساۋلەلەندىرۋگە، جۇڭگو كۇشىن ۇيىستىرۋعا بولاتىندىعىن ىشكەرىلەي ٴتۇسىندىرۋ كەرەك. وسى كەلەلى تاقىرىپقا ويداعىداي جاۋاپ بەرۋ قالىڭ فيلوسوفيا، قوعامدىق عىلىم قىزمەتكەرلەرىنىڭ ورتاق قۇلشىنىپ، جاڭا ٴداۋىر شارت-جاعدايىندا جۇڭحۋانىڭ تاڭداۋلى ٴداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋىن قاجەت ەتەدى. جوعارى ساپالى عىلمي جۋرنالدار اۋەلگى ماقساتتان جازباي، جاڭالىق جاراتۋعا جەتەكشىلىك ەتىپ، جوعارى دەڭگەيلى زەرتتەۋ جەتىستىكتەرىن ايگىلەۋ؛ تاڭداۋلى عىلمي دارىندىلاردىڭ جەتىلۋىنە قولداۋ كورسەتۋ؛ جۇڭگو مەن شەتەلدىڭ عىلمي اۋىس-كۇيىسىن جەبەۋ كەرەك. سىزدەردىڭ تىنباي كۇش سالىپ، جۋرنالدى ٴتىپتى دە جاقسى شىعارۋلارىڭىزدى ٴۇمىت ەتەمىن.

    شاندۇڭ ۋنيۆەرسيتەتىنىڭ «ادەبيەت-تاريح-فيلوسوفيا» جۋرنالى 1951 - جىلى 5-ايدا شىعا باستاعان، جاڭا جۇڭگو قۇرىلعاننان كەيىن شىققان تۇڭعىش جوعارى مەكتەپ قوعامدىق عىلىم جۋرنالى، سونداي-اق ەلىمىزدىڭ قازىرگى تاريحى ەڭ ۇزاق ۋنيۆەرسال گۋمانيتارلىق قوعامدىق عىلمي مەرزىمدى جۋرنالى. تاياۋدا «ادەبيەت–تاريح-فيلوسوفيا» جۋرنالى رەداكسياسىنداعى بارلىق رەداكتورلار باس شۋجي شي جينپيڭگە حات جازىپ، 70 جىلدان بەرگى جۋرنال شىعارۋ ناتيجەسىنەن دوكلات جاساپ، داۋىرلىك بورىشتى ارقالاپ، مەرزىمدى جۋرنالدىڭ رولىن ويداعىداي ساۋلەلەندىرۋ، ۇلتتىڭ گۇلدەنۋىنە ۇلەس قوسۋ بەكىمدەرىن ٴبىلدىردى.

اۋدارعان: قاناتبەك جۇماباي ۇلى