شي جينپيڭ ازەربايجاننىڭ پرەزيدەنتىمەن تەلەفوندا سويلەستى
ٴوز حابارىمىز. مەملەكەت ٴتوراعاسى شي جينپيڭ 6-ايدىڭ 2 ـ كۇنى كەشتە ازەربايجاننىڭ پرەزيدەنتى اليەۆپەن تەلەفوندا سويلەستى.
شي جينپيڭ مىنالاردى انىق ايتتى: بىلتىردان بەرى، جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى بۇكىل جەر شارىندا كەڭ كولەمدە تارالعان جاعدايدا، جۇڭگو-ازەربايجان ەلدەرى ءبىرىن-ءبىرى قولداپ، قيىنشىلىقتاردى بىرلىكتە جەڭىپ، ناعىز دوستىقتى ايگىلەدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارسى الىنۋ الدىندا تۇر، جۇڭگو سوتسياليستىك وسىزاماندانعان مەملەكەتتى جالپى بەتتىك قۇرۋدىڭ جاڭا ساپارىن باستادى، جۇڭگو ـ ازەربايجان ەلدەرى قاتىناسى جاڭا تاريحي باستامادا تۇر. ەكى جاق ٴداستۇرلى دوستىقتى ساۋلەلەندىرۋ؛ ٴوزارا ٴتيىمدى سەلبەستىكتى تەرەڭدەتۋ؛ ٴوزارا قولداۋدى كۇشەيتۋ؛ كەلەر جىلعى ديپلوماتيالىق قاتىناس ورناتقاندىعىنىڭ 30 جىلدىعىن قۇتتىقتاۋدى وراي ەتە ەكى ەل قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋ ارقىلى ەكى ەل حالقىنا ٴتىپتى دە زور باقىت جاراتۋى كەرەك.
شي جينپيڭ مىنالاردى باسا دارىپتەدى: جۇڭگو ازەربايجان حالقىنىڭ ٴوز ەلىنىڭ جاعدايىنا ۇيلەسەتىن دامۋ جولىن تاڭداۋىن قولدايدى، ازەربايجاندى «ٴبىر بەلدەۋ، ٴبىر جولدى» ورتاق قۇرۋداعى ماڭىزدى سەلبەستىك سەرىگى دەپ قارايدى. ەكى جاق ورايدان ورتاق يگىلىكتەنۋ؛ دامۋدى ورتاق جوسپارلاۋ؛ «ٴبىر بەلدەۋ، ٴبىر جولدى» ورتاق كۇش سالا قۇرۋ سەلبەستىگىن ويداعىداي جوبالاۋ، ىلگەرىلەتۋ كەرەك. جۇڭگو ازەربايجاننان اناعۇرلىم كوپ ساپالى ەرەكشە ونىمدەردى يمپورت ەتۋدى قالايدى، جۇڭگو كاسىپورىندارىنىڭ ازەربايجانعا بارىپ قارجى قوسىپ، شارۋاشىلىقتى كوركەيتۋىن، نەگىزدىك قۇرىلعى قۇرىلىسى قاتارلى سالالاردا سەلبەستىك ورىستەتۋىن قولدايدى. ەكى جاق حالىقارالىق تاسىمال جانە زات اينالىمى سەلبەستىگىن تەرەڭدەتۋ؛ ازيا-ەۆروپا تاسىمال ٴدالىزى قۇرىلىسىن جەبەۋ؛ وڭىرلىك جالپى جۇزدىك قارىم-قاتىناس دەڭگەيىن جوعارىلاتۋى كەرەك. جۇڭگو ازەبايجانمەن بىرلىكتە قۇلشىنىپ مەديتسينا سالاسىنداعى اۋىس-كۇيىستى، سەلبەستىكتى كۇشەيتۋدى؛ ازەربايجاننىڭ جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋىنا ۆاكسينا سياقتى جاقتاردان ۇزدىكسىز كومەكتەسۋدى قالايدى. جۇڭگو كەدەيلىكتەن قۇتىلدىرۋدان قامال الۋ شايقاسىنىڭ جالپى بەتتىك جەڭىسىنە قول جەتكىزدى، ازەربايجانمەن اۋىس ـ كۇيىستى، سەلبەستىكتى كۇشەيتىپ، دۇنيە ٴجۇزىنىڭ كەدەيلىكتى ارىلتۋ ىستەرىن ورتاق جەبەۋدى قالايدى.
اليەۆ مىنالاردى ٴبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۋانىشپەن قۇتتىقتايمىن، جۇڭگونىڭ ازەربايجاننىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا قارسى تۇرۋىنا ەمدەۋ بۇيىمدارى، ۆاكسينا سياقتى جاقتاردان قىمباتتى كومەكتەر بەرگەندىگىنە العىس ايتامىن. ازەربايجان مەن جۇڭگونىڭ ساياسي، ەكونوميكا، قاتىناس-تاسىمال سياقتى سالالارداعى سەلبەستىگى جاقسى بولىپ، ازەربايجاننىڭ ەكونوميكالىق دامۋىن جەبەۋدە بەلسەندى رول اتقاردى. ازەربايجان اناعۇرلىم كوپ جۇڭگو كاسىپورىندارىنىڭ ازەربايجانعا كەلىپ قارجى قوسۋىن قارسى الادى، جۇڭگومەن وڭىرلىك ىستەر جونىندە سۇحپاتتى، سەلبەستىكتى كۇشەيتۋدى قالايدى. جۇڭگو ازەربايجاننىڭ ناعىز سەرىگى، ازەربايجان وتكەندە، قازىر، بولاشاقتا جۇڭگونىڭ تايۋانعا، شياڭگاڭعا، شينجياڭعا ساياتىن ماسەلەلەردەگى تۇرعىسىن باتىل قولداپ كەلەدى جانە قولداي بەرەدى، جۇڭگومەن بىرلىكتە قۇلشىنىپ، ازەربايجان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتۋدى قالايدى. ازەربايجان جۇڭگونىڭ بەيجيڭ قىسقى وليمپيك سپورت جارىسىن، مۇگەدەكتەر قىسقى وليمپيك سپورت جارىسىن ءساتتى وتكىزۋىن قولدايدى.
اۋدارعان: قاناتبەك جۇماباي ۇلى
