ءوز حابارىمىز. مەملەكەت ءتوراعاسى شي جينپيڭ 7-ايدىڭ 16-كۇنى موڭعۇليانىڭ پرەزيدەنتى حۇرىلسۋحپەن تەلەفوندا سويلەستى.

شي جينپيڭ مىنالاردى باسا دارىپتەدى: جۇڭگو مەن موڭعۇليا تاۋ وزەندەرى جالعاسقان تاتۋ كورشى ەل، ەكى ەل قاتىناسى تاماشا دامۋ جاعدايىن ساقتاپ كەلەدى. ىندەت تارالعاننان بەرى، ەكى ەل ىندەتكە قول ۇستاسا قارسى تۇرىپ، كوپتەگەن اسەرلى اڭگىمەلەر جارىققا شىعىپ، ەكى ەل حالىقتارىنىڭ دوستىعىن تەرەڭدەتتى. جۇڭگو جاق موڭعۇليا جاقتىڭ ىندەتكە قارسى تۇرۋىنا شاماسىنىڭ جەتىسىنشە ۇزدىكسىز قولداۋ كورسەتۋدى قالايدى. قازىرگى جاعدايدا جۇڭگو مەن موڭعۇليانىڭ ورتاق مۇددەسى بارعان سايىن كوبەيۋدە. ەكى جاق تاۋەلسىزدىككە، يەلىك ۇقىققا، تەرريتوريا تۇتاستىعىنا قۇرمەت ەتىپ، ەكى ەل حالقىنىڭ دەربەس تاڭداعان دامۋ جولىنا قۇرمەت ەتىپ، ءبىر ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە ءوزارا كوڭىل ءبولىپ جانە قولداۋ كورسەتىپ، جۇڭگو مەن موڭعۇليانىڭ جالپى بەتتىك ستراتەگيالىق سەرىكتەستىك قاتىناسىنىڭ داۋىرلىك ءمانىن بايىتۋ كەرەك.
شي جينپيڭ مىنالاردى اتاپ كورسەتتى: ەكى جاق ىرگەلەس باسىمدىقتارىن ساۋلەلەندىرى

پ، ءبىر بەلدەۋ، ءبىر جولدى ورتاق قۇرۋ باستاماسىن «ساحارا جولى» دارىپتەمەسىمەن ۇشتاستىرۋدى تەرەڭدەتىپ، كەن ەنەرگياسى، نەگىزدىك قۇرىلع، ەكولوگيالىق ورتا سياقتى سالالارداعى سەلبەستىكتى كۇشەيتۋى كەرەك. جۇڭگو موڭعۇليانىڭ كەن ونىمدەرى مەن ەگىن، مال شارۋاشىلىق ونىمدەرىن يمپورت ەتۋدى قالايدى. جۇڭگو موڭعۇليا جاقپەن سايكەسۋدى، سەلبەسۋدى كۇشەيتىپ، ناعىز كوپ جاقتىلىققا تاباندى بولىپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋىن ىلگەرىلەتۋدى قالايدى.

حۇرىلسۋح جۇڭگو كوممۋنيستىك پارتياسىنىڭ 100 جىلدىق مەرەي تويىن قىزۋ قۇتتىقتادى. ول بىلاي دەدى: وتكەن 100 جىلدان بەرى جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، كوپتەگەن كەلەلى تابىستارعا قول جەتكىزدى. اسىرەسە، باس شۋجي شي جينپيڭنىڭ پارمەندى باسشىلىعىندا، جۇڭگو كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام قۇردى. جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا، ءسوز جوق، تىڭ تابىستارعا قول جەتكىزەتىندىگىنە سەنەمىن. ىندەت جاعدايىندا، موڭعۇليا مەن جۇڭگونىڭ جالپى بەتتىك ستراتەگيالىق ارىپتەستىك قاتىناسى تاماشا دامۋ جاعدايىن ساقتادى. قيىندىقتان تايسالماي، شىنايى سۇيىسپەنشىلىك تانىتتى. موڭعۇليا جۇڭگونىڭ موڭعۇليانىڭ قيىن قىستاۋ ساتتەردە كورسەتكەن قىمباتتى كومەگىنە شىن جۇرەكتەن العىس ايتادى. جۇڭگونىڭ دامىپ زورايۋى موڭعۇلياعا ماڭىزدى وراي اكەلدى، دۇنيە ءجۇزىنىڭ بەيبىت دامۋىنا ماڭىزدى ۇلەس قوستى. موڭعۇليا جۇڭگومەن بارىس كەلىستى جيىلەتىپ، ءار سالاداعى ناقتى سەلبەستىكتى ىلگەرىلەتىپ، ءبىر بەلدەۋ، ءبىر جولدى بەلسەنە قۇرىپ، كوپ جاقتى ىستەردە سايكەسۋدى، سەلبەسۋدى كۇشەيتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى قالايدى.

اۋدارعان: شالقار قازەز ۇلى