ءوز حابارىمىز. مەملەكەت ءتوراعاسى شي جينپيڭ 7-ايدىڭ 16-كۇنى مالديەۆتىڭ پرەزيدەنتى ساليحپەن تەلەفوندا سويلەستى.

شي جينپيڭ مىنالاردى اتاپ كورسەتتى: جۇڭگو مەن مالديەۆ ديپلوماتيالىق قاتىناس ورناتقاننان بەرى، ەكى جاق ءبىرىن ءبىرى ءتۇسىنىپ، ءبىرىن ءبىرى قولداپ، ۇلكەندى كىشىلى ەلدەردىڭ تەڭ تۇرعىدا مامىلە جاساۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. 2014 جىلى مالديۆتا مەملەكەتتىك ساپاردا بولدىم، ەكى جاق بولاشاققا بەت العان جالپى بەتتىك دوستىق سەلبەستىك سەرىكتەستىك قاتىناس ورناتۋدى ۇيعاردى سونداي-اق ەكى جاقتىڭ قاتىناسى بەكەمدەلدى جانە دامىدى. كەلەر جىلى جۇڭگو مەن مالديەۆتىڭ ديپلوماتيالىق قاتىناس ورناتقاندىعىنىڭ 50 جىلدىعى، جۇڭگو مالديەۆپەن الۋان ءتۇرلى قۇتتىقتاۋ قيمىلدارىن ورىستەتىپ، ەكى ەل حالقىنىڭ دوستىق سۇيىسپەنشىلىگىن تەرەڭدەتىپ، جۇڭگو مالديەۆ قاتىناسىنىڭ دامۋىن ىلگەرىلەتۋدى قالايدى.

شي جينپيڭ مىنالاردى باسا دارىپتەدى: ىندەت تارالعاننان كەيىن، جۇڭگو مەن مالديەۆ تار جول، تايعاق كەشۋلەردەن بىرگە ءوتىپ، ءبىر بىرىنە قارايلاسىپ كەلەدى. جۇڭگو مالديەۆتىڭ جۇقپالى اۋرۋعا توتەپ بەرۋىنە ۇزدىكسىز قولداۋ كورسەتىپ، جۇقپالى اۋرۋ جاعدايىن جەڭۋىنە دەم بەرۋدى قالايدى. مالديەۆتىڭ سول ەلدەگى جۇڭگولىق قىزمەتكەرلەردىڭ حاۋىپسىزدىگى مەن دەنساۋلىعىنا كوڭىل ءبولۋىن ءۇمىت ەتەمىز. جۇڭگو مالديەۆپەن ءبىر بەلدەۋ، ءبىر جولدى ورتاق قۇرۋ سەلبەستىگىن ۇزدىكسىز ىلگەرىلەتىپ، ەكى ەل حالقىنا ءتىپتى كوپ باقىت جاراتۋدى قالايدى. ەكى جاق كوپ جاقتاردا ءوزارا قولداۋدى كۇشەيتىپ، حالىقارالىق ادىلدىك پەن تەڭدىكتى جانە دامۋ ۇستىندەگى ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.

ساليح بىلاي دەدى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتايمىن. ءتوراعا شي جينپيڭنىڭ پارمەندى باسشىلىعىندا، جۇڭگو كوممۋنيستىك پارتياسى دۇنيە جۇزىندەگى ءار ەلدىڭ تەرەزەسى تەڭ، گۇلدەنىپ كوركەيگەن، سەلبەسكەن ماڭىزدى كۇشىنە اينالدى. جۇڭگو دۇنيە جۇزىلىك دەنساۋلىق ساقتاۋ ۇيىمى سياقتى ىستەردە كوپ جاقتىلىقتى تاباندىلىقپەن قورعايدى، ۇندەيدى ءارى ءوزى ونەگە بولىپ، حالىقارالىق ىنتىماق پەن سەلبەستىكتى كۇشەيتەدى، مالديەۆ مۇنى ايرىقشا القايدى. جۇڭگونىڭ مالديۆتىڭ ەكونوميكالىق، قوعامدىق دامۋىنا ۇزاق ۋاقىت قىمباتتى قولداۋ كورسەتكەندىگىنە ءارى ىندەتكە قارسى تۇرۋ ىسىنە دەر كەزىندە قالتقىسىز كومەك كورسەتكەندىگىنە العىس ايتامىز. مالديەۆ ءبىر جۇڭگو ساياساتىن باتىل اتقارادى، كەلەر جىلى ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتاۋدى وراي ەتىپ، ەكى جاقتى دوستىق سەلبەستىگىن جيىلەتىپ، ءبىر بەلدەۋ، ءبىر جولدى بەلسەنە قۇرىپ، كوپ جاقتىلى سايكەسۋ مەن سەلبەسۋدى جيىلەتۋدى قالايدى.

اۋدارعان: شالقار قازەز ۇلى