ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ «ۇستىرتتە شەكارا قورعاۋ ۇلگىلى كازارماسىنداعى» بارلىق كوماندير ـ جاۋىنگەرلەرگە جاۋاپ حات جازىپ، ولاردى وتاندى قورعاۋ، شەكارانى قورعاۋ مىندەتىن ادالدىقپەن ويداعىداي اتقارىپ، پارتيا مەن حالىق ٴۇشىن تاعى تىڭ ۇلەس قوسۋعا شابىتتاندىردى

来源:جۇڭگو قازاق راديو تورابى     |责编:阿依娜古丽|     发布日期: 2021-09-14 09:42

 

ٴوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا «ۇستىرتتە شەكارا قورعاۋ ۇلگىلى كازارماسىنداعى» بارلىق كوماندير ـ جاۋىنگەرلەرگە جاۋاپ حات جازىپ، ولاردان شىنايى حال سۇرادى.


    شي جينپيڭ جاۋاپ حاتىندا بىلاي دەدى: 5 جىلدان بەرى، سىزدەر پارتيا مەن حالىق جۇكتەگەن بورىشتى ەستە بەرىك ساقتاپ، تىرشىلىك شارت-جاعدايى شەكتەۋلى وڭىردە تاباندىلىقپەن مىندەت اتقارىپ، وتاننىڭ قاسيەتتى تەريتورياسىن جاستىق كوكتەم، ىستىق قاندارىڭىزبەن قورعاپ، جۇكتەلگەن مىندەتتى ايتارلىقتاي ورىندادىڭىزدار. سىزدەردىڭ بارلىقتارىڭىز جارايسىزدار!


    شي جينپيڭ مىنالاردى باسا دارىپتەدى: شەكارا قورعانىس اسكەري بولىمدەرى شەكارانى بەكەمدەۋدىڭ، قورعانىستى بەكەمدەۋدىڭ ٴبىرىنشى شەبىندە شايقاس جاساۋدا، مىندەت جاپالى، جاۋاپكەرشىلىك اۋىر. جولداستاردىڭ بورىش پەن جاۋاپكەرشىلىكتى كۇشەيتىپ، تاڭداۋلى ٴداستۇردى ساۋلەلەندىرىپ، اسكەر جاتتىقتىرۋدى، سوعىسقا دايىندالۋدى كۇشەيتىپ، وتاندى قورعاۋ، شەكارانى قورعاۋ مىندەتىن ادالدىقپەن ويداعىداي اتقارىپ، پارتيا مەن حالىق ٴۇشىن تاعى دا تىڭ ۇلەس قوسۋىن ٴۇمىت ەتەمىن.


    «ۇستىرتتە شەكارا قورعاۋ ۇلگىلى كازارماسى» تاڭداۋلى داستۇرگە يە قاھارمان قوسىن. بۇل باتاليون تۇرعان جەردىڭ تەڭىز دەڭگەيىنەن ورتاشا بيىكتىگى 4800 مەتردەن، ەڭ تومەن تەمپەراتۋراسى نولدەن تومەن 40 سەلتسي گرادۋستان، ٴار جىلى 8 بالدان جوعارى بوران 200 كۇننەن اسادى. ۇزاق ۋاقىتتان بەرى، اسكەري بولىمدەگى كوماندير ـ جاۋىنگەرلەر قارلى ۇستىرتكە تامىر تارتىپ، مىندەتتى ادالدىقپەن اتقارىپ، جاۋاپكەرشىلىكتى ادا ەتىپ، ىلگەرىندى ـ كەيىندى 9 رەت بۇكىل مەملەكەت بويىنشا، بۇكىل ارميا بويىنشا ماداقتالىپ ـ سيلاندى، 5 رەت داڭقتى اتاق بەرىلدى، 1 ـ دارەجەلى 5 ەڭبەك سىڭىرگەن ۇلەسكەر، 2 ـ دارەجەلى ەڭبەك سىڭىرگەن 44 ۇلەسكەر سياقتى ٴبىر توپ وزات كوللەكتيۆتەر مەن جەكەلەر جارىققا شىقتى. 2016 ـ جىلى 8 ـ ايدا شي جينپيڭ ورتالىق اسكەري ىستەر كوميتەتىنىڭ بۇيرىعىنا قول قويىپ، وسى باتاليونعا« ۇستىرتتە شەكارا قورعاۋ ۇلگىلى كازارماسى» دەگەن داڭقتى اتاق بەرىلدى. تاياۋدا بۇكىل كازارماداعى كوماندير ـ جاۋىنگەرلەر ٴتوراعا شي جينپيڭگە حات جازىپ، 5 جىلدان بەرگى قىزمەت جاعدايلارىنان مالىمەت بەرىپ، ٴتوراعا شي جينپيڭنىڭ ماڭىزدى تاپسىرماسىن ەستە بەرىك ساقتاپ، وتاندى ادالدىقپەن قورعاپ، شەكارانى قورعاۋ بەرىك سەنىمدەرى مەن بەكىمدەرىن ٴبىلدىردى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ «ۇستىرتتە شەكارا قورعاۋ ۇلگىلى كازارماسىنداعى» بارلىق كوماندير ـ جاۋىنگەرلەرگە جاۋاپ حات جازىپ، ولاردى وتاندى قورعاۋ، شەكارانى قورعاۋ مىندەتىن ادالدىقپەن ويداعىداي اتقارىپ، پارتيا مەن حالىق ٴۇشىن تاعى تىڭ ۇلەس قوسۋعا شابىتتاندىردى

ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا «ۇستىرتتە شەكارا قورعاۋ ۇلگىلى كازارماسىنداعى» بارلىق كوماندير ـ جاۋىنگەرلەرگە جاۋاپ حات جازىپ، ولاردان شىنايى حال سۇرادى.