ٴوز حابارىمىز. ٴتوراعا شي جينپيڭ 9-ايدىڭ 26-كۇنى 2021-جىلعى دۇنيە جۇزىلىك ينتەرنەت جينالىسىنىڭ ۋجىن باس قوسۋىنا قۇتتىقتاۋ حاتىن جولداپ مىنالاردى باسا دارىپتەدى: سيفرلى وركەنيەتتىڭ ٴار ەل حالقىنا باقىت جاراتۋىنا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىنە مۇمكىندىك جاساۋ كەرەك. ماجىلىسكە قاتىناسقان سيلى قوناقتار بىلاي دەدى: ٴتوراعا شي جينپيڭنىڭ قۇتتىقتاۋ حاتىندا سيفرلى تەحنيكانىڭ ادامزات قوعامىنىڭ دامۋى مەن العا باسۋىنداعى ماڭىزدى ٴمانى بايىمدالىپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى ٴىرى ەلدىك جاۋاپكەرشىلىگى ايگىلەنگەن. 

    ٴتوراعا شي جينپيڭ بىلاي دەپ اتاپ كورسەتتى: سيفرلى تەحنيكا جاڭا تانىم، جاڭا كاسىپ فورماسى، جاڭا ۇلگى ارقىلى ادامزات ەكونوميكاسىنىڭ، ساياسيىنىڭ، مادەنيەتىنىڭ، قوعامىنىڭ، ەكولوگيالىق وركەنيەت قۇرىلىسىنىڭ ٴار سالاسىنا جانە تۇتاس بارىسىنا جاپپاي توعىسىپ، ادامزاتتىڭ ٴوندىرىسى مەن تۇرمىسىنا كەڭ ٴارى تەرەڭ ىقپال جاساۋدا. قازىر دۇنيە جۇزىندەگى 100 جىلدىق وزگەرىس جاعدايى مەن عاسىرلىق جۇقپالى اۋرۋ جاعدايى قاباتتاسىپ وتىر، حالىقارالىق قوعام قول ۇستاسا وتىرىپ، ينفورماتسيالانۋدىڭ، سيفرلانۋدىڭ، توراپتاندىرۋدىڭ، زەيىندەسۋدىڭ دامۋ بەتالىسىنا سايكەسىپ، ورايدى مىقتى يگەرىپ، سىن-سايىستارعا توتەپ بەرۋدى شۇعىل قاجەت ەتىپ وتىر. جۇڭگو توراپ دامۋ مۇمكىندىگىن زەرتتەۋ ورنىنىڭ ورىنباسار باستىعى لي يۇشياۋ بىلاي دەپ قارادى: توراپ اياسى ادامزات قوعامىنىڭ دامۋى، ادامزات قوعامىنىڭ العا باسۋى، ادامزات قوعامىنىڭ سيفرلى داۋىرىندەگى وركەنيەتكە اناعۇرلىم زور ۇلەس قوسۋى كەرەك. 

    دۇنيە جۇزىلىك ينجەنەريا ۇيىمى بىرلەستىگىنىڭ ٴتوراعاسى، جۇڭگو جاڭا بۋىن جاساندى زەيىن ستراتەگياسىن دامىتۋ زەرتتەۋ ورنىنىڭ اتقارۋشى باستىعى گۇڭ كى بىلاي دەدى: سيفرلى تەحنيكا ىندەتكە قارسى تۇرۋدا وراسان زور رول اتقاردى، سيفرلى ەكونوميكا قۇدىرەتتى توزىمدىلىكتى ايگىلەدى، دۇنيە ٴجۇزى ەكونوميكاسى قۇلدىراعان جاعدايدا، سيفرلى ەكونوميكا اۋقىمعا قارسى ارتتى. ەندى ٴبىر جاعىنان، بۇل وڭىرلىك شەكتەمەگە ۇشىرامايتىن ٴبىر ٴتۇرلى ٴوندىرىس فاكتورى سانالادى، سوندىقتان مۇنداي جاعدايدا بۇكىل جەر شارىندىق سەلبەستىكتى، جاۋاپكەرشىلىكتى ورتاق ارقالاۋدى ٴتىپتى دە قاجەت ەتەدى. 

    ٴتوراعا شي جينپيڭ مىنالاردى باسا دارىپتەدى: جۇڭگو دۇنيە جۇزىندەگى ٴار ەلمەن بىرگە ادامزاتتىڭ العا باسۋىن كوزدەيتىن تاريحي جاۋاپكەرشىلىكتى بىرگە ارقالاپ، سيفرلانعان ەكونوميكانىڭ ومىرشەڭدىك كۇشىن تاسقىنداتىپ، سيفرلانعان ۇكىمەتتىڭ ونىمدىلىگىن كۇشەيتىپ، سيفرلانعان قوعامدىق ورتانى ساپالاندىرىپ، سيفرلانعان سەلبەستىك جاعدايىن قالىپتاستىرىپ، سيفرلانعان حاۋىپسىزدىك قالتقىسىن بەكەمدەپ، سيفرلانعان وركەنيەتتىڭ ٴار ەل حالقىنا باقىت جاراتۋىنا مۇمكىندىك جاساپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋدى قالايدى. 

    بەيجيڭ قالالىق ٴىرى ساندى مالىمەت ورتالىعىنىڭ ورىنباسار مەڭگەرۋشىسى تاڭ جيانگو بىلاي دەدى: كەلەسى قادامدا ٴبىز ٴتۇزىلىس، ٴتۇزىم جانە تەحنيكا جاعىندا جاڭالىق اشىپ، ساندى مالىمەت فاكتورلارىمەن قامداپ، ساپا جانە كولەم جاعىندا جاڭا كەزەكتى قامداۋ رەفورماسىن قاراستىرۋىمىز جانە ىلگەرىلەتۋىمىز كەرەك. 

    جۇڭگو جىلجىمالى حابارلاسۋ توبى سەرىكتىگىنىڭ ورىنباسار باس ديرەكتورى گاۋ تۇڭچيڭ بىلاي دەدى: ٴبىز تەحنيكالىق ولشەم مەن كاسىپ سالاسىنىڭ الەمدىك سەلبەستىگىن ۇزدىكسىز كۇشەيتىپ، 5 G، ەسەپتەۋ قۋاتى تورابىن ۋاكىل ەتكەن جاڭا نەگىزدىك قۇرىلعى قۇرىلىسىن ويداعىداي قۇرىپ، ەكونوميكا مەن قوعامنىڭ اقىل-پاراساتتانۋعا بۇرىلىس جاساۋىنا اناعۇرلىم زور ۇلەس قوسامىز.

   اۋدارعان: كۇلان ىرىسباي قىزى