ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ 2022–جىلعى دۇنيە جۇزىلىك ەكونوميكا تالقىسىنىڭ بەينە–ەكران ماجىلىسىنە قاتىناستى ءارى لەكسيا جاسادى

来源:جۇڭگو قازاق راديو تورابى     |责编:阿依娜古丽|     发布日期: 2022-01-18 09:37

 


    ٴوز حابارىمىز. مەملەكەت ٴتوراعاسى شي جينپيڭ 1-ايدىڭ 17-كۇنى بەيجيڭدە 2022 ـ جىلعى دۇنيە جۇزىلىك ەكونوميكا تالقىسىنىڭ بەينە ـ ەكران ماجىلىسىنە قاتىناستى ٴارى «سەنىمدى بەكەمدەپ، ەرلىكپەن العا باسىپ، جۇقپالى اۋرۋدىڭ كەيىنگى داۋىرىندە كوركەم دۇنيەنى بىرلىكتە قۇرايىق» دەگەن تاقىرىپتا لەكسيا جاسادى.


    شي جينپيڭ ەڭ اۋەلى مىنالاردى انىق ايتتى: ەكى اپتادان كەيىن، جۇڭگونىڭ ەسكىشە كالەندارى بويىنشا بارىس جىلعى كوكتەم مەرەكەسى جەتىپ كەلەدى، جۇڭگو مادەنيەتىندە جولبارىس ەرلىك پەن كۇش قايراتتىڭ سيمۆولى، جۇڭگولىقتار ۇنەمى ارىستانداي ايباتتى، جولبارىستاي قايراتتى بول دەيدى. قازىر ادامزات ٴدوپ كەلىپ وتىرعان قاتاڭ سىن ـ سايىستار الدىندا، ٴبىز ارىنداي العا باسۋ جولىنداعى ٴتۇرلى حاۋىپ ـ قاتەرلەردى باتىلدىقپەن جەڭىپ، جاڭا ٴتيىپتى ايدارشا ۆيرۋسپەن جۇعىمدالعان وكپە قابىنۋ اۋرۋىنىڭ اۋىر ىقپالىن بار كۇشپەن ارىلتىپ، ەكونوميكانىڭ، قوعامنىڭ قالپىنا كەلۋىن، دامۋىن بار كۇشپەن جەبەپ، ادامزاتقا ٴۇمىت شۇعىلاسىن شاشتىرۋىمىز كەرەك!
شي جينپيڭ مىنالاردى باسا دارىپتەدى : بۇگىنگى دۇنيە ٴجۇزى 100 جىلدا بولماعان زور وزگەرىستى باستان كەشىرۋدە. بۇل وزگەرىس ٴبىر مەزەتتىك ٴبىر ىسپەن، ٴبىر ەلدىڭ ٴبىر وڭىرىمەن عانا شەكتەلمەيدى، قايتا تەرەڭ دە كەڭ جايىلعان داۋىرلىك وزگەرىس. وسىنداي ٴداۋىر وزگەرىسى مەن عاسىرلىق جۇقپالى اۋرۋ ٴوزارا قاباتتاسىپ، دۇنيە ٴجۇزى جاڭا اۋمالى ـ توكپەلى وزگەرىس كەزەڭىنە ٴوتتى. جۇقپالى قالاي جەڭۋگە بولادى؟ جۇقپالى اۋردان كەيىنگى دۇنيەنى قالاي قۇرۋ كەرەك؟ بۇل-دۇنيە جۇزىندەگى ٴار ەل حالقى ورتاق كوڭىل ٴبولىپ وتىرعان كەلەلى ماسەلە ٴارى ٴبىز جاۋاپ بەرۋگە ٴتيىستى شۇعىل كەلەلى تاقىرىپ.


    شي جينپيڭ بىلاي دەپ باسا دارىپتەدى: «دۇنيەدەگى ىستەر ارىن بولماسا ارشىنداي المايدى، الەمدى باسقارۋدا العا ىلگەرىلەتپەسە كەرى كەتەدى». دۇنيە قاشان دا قايشىلىق قوزعالىسى بارىسىندا داميدى، قايشىلىق بولماسا دۇنيە دە بولماق ەمەس. تاريحقا كوز جىبەرسەك، ادامزات تالاي رەتكى سىناقتاردى جەڭۋ بارىسىندا ەسەيىپ ـ ەرجەتىپ، داعدارىستى جەڭۋ بارىسىندا دامىدى. ٴبىز تاريحتىڭ العا باسۋ لوگيكاسىندا العا باسۋىمىز، ٴداۋىردىڭ دامۋ اعىمىندا دامۋىمىز كەرەك. تاريحتىڭ ۇزاق پەريودىنا سالىستىرا تالداۋ جاساۋ بارىسىندا وي جۇگىرتۋگە شەبەر بولۋمەن بىرگە، زاتتاردىڭ وزگەرىسىن نازىك تۇيىندەردەن بايقاۋعا شەبەر بولۋىمىز؛ داعدارىس بارىسىندا جاڭا وراي جاراتا، وزگەرىس بارىسىندا جاڭا جاعداي جاراتا ٴبىلۋىمىز؛ قيىنشىلىقتار مەن سىن ـ سايىستاردى جەڭۋگە قۇدىرەتتى كۇش ۇيىستىرۋىمىز كەرەك.


    شي جينپيڭ مىنالاردى باسا دارىپتەدى: ٴبىرىنشى، قول ۇستاسا سەلبەسە، كۇشتى شوعىرلاندىرا وتىرىپ، جۇقپالى اۋرۋدى جەڭۋ كەرەك. اماليات مىنانى تاعى ٴبىر رەت دالەلدەدى: بۇكىل جەر شارىندىق داعدارىستىڭ اساۋ تولقىنىندا، ٴار ەل 190 نەشە كىشكەنە قايىققا ەمەس، قايتا تاعدىرلاس الىپ كەمەگە وتىر. كىشكەنتاي قايىقتار داۋىلدى تولقىندارعا توتەپ بەرە المايدى، الىپ كەمە اساۋ تولقىندارعا توتەپ بەرە الادى. سەنىمدى بەكەمدەپ، تار جول، تايعاق كەشۋلەردەن بىرگە ٴوتۋ-جۇقپالى اۋرۋدى جەڭۋدەگى بىردەن ـ ٴبىر دۇرىس جول. ٴبىر-بىرىنە ورالعى بولاتىن، «پالەنى باسقالارعا يتەرمەلەيتىن» ٴارقانداي ارەكەتتەردىڭ بارلىعى ورايدى قولدان جىبەرىپ، جالپى جاعدايعا كەدەرگىلىك جاسايدى.


    شي جينپيڭ مىنالاردى باسا دارىپتەدى: دۇنيە جۇزىندەگى ٴار ەل جۇقپالى اۋرۋعا قارسى تۇرۋ حالىقارالىق سەلبەستىگىن كۇشەيتۋ؛ ٴدارى ـ دارمەك زەرتتەۋ ـ تاپقىرلاۋ سەلبەستىگىن بەلسەنە ورىستەتۋ؛ جۇقپالى اۋرۋعا قارسى كوپ ٴتۇرلى قورعانىس شەبىن بىرلىكتە قۇرۋ ارقىلى ادامزاتتىڭ دەنساۋلىق ساقتاۋ-سالاماتتىق ورتاق تۇلعاسىن قۇرۋدى جەدەلدەتۋ كەرەك. اسىرەسە، ۆاكسينا سىندى پارمەندى قارۋدان ويداعىداي پايدالانۋ؛ ۆاكسينانى ٴادىل بولۋگە كەپىلدىك ەتۋ؛ ەگۋ قارقىنىن تەزدەتۋ؛ حالىقارالىق «يممۋنيتەتتىك اڭعاردى» بىتەپ، تىرشىلىك اقاۋسىزدىعىن ويداعىداي قورعاۋ، حالىق تۇرمىسىن ويداعىداي قامتاماسىزداندىرۋ كەرەك.


    ەكىنشى، ٴتۇرلى حاۋىپ ـ قاتەرلەردى ارىلتىپ، دۇنيە ٴجۇزى ەكونوميكاسىنىڭ ورنىقتى قالپىنا كەلۋىن جەبەۋ كەرەك. دۇنيە ٴجۇزى ەكونوميكاسى قۇلدىراۋدان قۇتىلا باستادى، الايدا كوپتەگەن شەكتەمە فاكتورلارعا دا ٴدوپ كەلىپ وتىر. ٴبىز جۇقپالى اۋرۋدان ساقتانۋ-تىزگىندەۋ ۇدايىلانعان شارت ـ جاعدايداعى ەكونوميكالىق ارتۋ جاڭا قوزعاۋشى كۇشىن، قوعامدىق تۇرمىس جاڭا ۇلگىسىن، ادامداردىڭ بارىس ـ كەلىس جاڭا جولىن قاراستىرۋىمىز؛ شەكارا اتتاعان ساۋدانى قولايلىلاندىرۋدى ىلگەرىلەتۋىمىز؛ كاسىپ تىزبەگىنىڭ قامداۋ تىزبەگىنىڭ حاۋىپسىز، بوگەتسىز بولۋىن قامتاماسىز ەتىپ، دۇنيە ٴجۇزى ەكونوميكاسىنىڭ قالپىنا كەلۋ اياق الىسىن ورنىقتى، ناقتى ىلگەرىلەتۋىمىز كەرەك. دۇنيەدەگى ٴار ەل ناعىز كوپ جاقتىلىققا تاباندى بولىپ، داۋالدى شاعۋى جانە داۋال سوقپاۋى؛ اشىق ۇستاۋدان، توعىسۋدان قول ۇزبەۋگە تاباندى بولىپ، اشىق ۇستالعان دۇنيە ەكونوميكاسىن قۇرۋدى ىلگەرىلەتۋى؛ ەكونوميكانىڭ جەر شارىلانۋىنىڭ اناعۇرلىم اشىق، قامتىمدى، جالپىعا ٴتيىمدى، تەپە ـ تەڭ، ورتاق يگىلىكتىك باعىتقا قاراي دامۋىن جەبەۋى؛ دۇنيە ەكونوميكاسىنىڭ ومىرشەڭدىك كۇشىن تولىق تاسقىنداتۋى كەرەك.


    شي جينپيڭ مىنالاردى باسا دارىپتەدى : دۇنيە ەكونوميكاسىنىڭ داعدارىستان قۇتىلۋىن، قالپىنا كەلۋىن ىلگەرىلەتۋدە، ٴسوز جوق، ماكرولىق ساياساتتى سايكەستىرۋدى كۇشەيتۋ كەرەك. نەگىزگى ەكونوميكالىق تۇلعالار ورتاق تۇلعا تانىمىن ورناتۋ؛ جۇيە كوزقاراسىن كۇشەيتۋ؛ ساياساتتىق ينفورماتسيانىڭ جاريالىلىعىن جانە ورتاق يگىلىكتەنۋدى كۇشەيتۋ؛ قازىنا، اقشا ساياساتى نىساناسىن، تەبىنىن، ريتىمىن ويداعىداي سايكەستىرۋ كەرەك. دامىعان ەلدەر نەگىزگى جاۋاپكەرشىلىك ارقالايتىن ەكونوميكالىق ساياسات قولدانۋ؛ ساياساتتىڭ سىرتقا ىقپال اسەرىن ويداعىداي مەڭگەرۋ؛ دامۋ جولىنداعى ەلدەرگە اۋىر سوققى تيگىزۋدەن ساقتانۋ كەرەك. حالىقارالىق ەكونوميكا، فينانس قۇرىلىمدارى سىندارلى رول ساۋلەلەندىرۋ؛ حالىقارالىق ورتاق تانىم ۇيىستىرۋ؛ ساياساتتاردى سايكەستىرۋدى كۇشەيتۋ؛ جۇيەلىك حاۋىپ ـ قاتەردەن ساقتانۋ كەرەك.


    ٴۇشىنشى، دامۋ جولىنداعى اڭعاردان اتتاپ ٴوتىپ، جەر شارىندىق دامۋ ىستەرىن قايتا سەرپىلتۋ كەرەك. دۇنيە ٴجۇزىنىڭ دامۋ اياق الىسى اۋىر سوققىعا ۇشىراپ وتىر، ادامزاتتىڭ دامۋ كورسەتكىشى 30 جىلدان بەرى تۇڭعىش رەت تومەندەدى، دامۋ جولىنداعى كەيبىر ەلدەر جۇقپالى اۋرۋ سەبەبىنەن قايتا كەدەيلەستى، جۇقپالى اۋرۋ سەبەبىنەن بىلىقپالىق تۋىلدى، دامىعان ەلدەردە دە كوپتەگەن ادامدار تۇرمىس قيىنشىلىعىنا تاپ بولدى. مەيلى قانداي قيىنشىلىققا تاپ بولساق تا، ٴبىز حالىقتى وزەك ەتكەن دامۋ يدەياسىنا تاباندى بولۋىمىز؛ دامۋدى جەبەۋدى، حالىق تۇرمىسىن قامتاماسىزداندىرۋدى الەمدىك ماكرولىق ساياساتتىڭ كورنەكتى ورنىنا قويۋىمىز؛ ب م ۇ ـ نىڭ 2030 ـ جىلعا دەيىنگى باياندى دامۋ كەڭەس ٴتارتىبىن تياناقتاندىرۋىمىز؛ قازىرگى دامۋ سەلبەستىك مەحانيزمىنىڭ سايكەستى ونىمدىلىگىن ارتتىرىپ، دۇنيە ٴجۇزىنىڭ بىركەلكى دامۋىن جەبەۋىمىز كەرەك.


    شي جينپيڭ مىنالاردى باسا دارىپتەدى: ٴبىز ورتاقتىق ٴارى پارىقتىلىق جاۋاپكەرشىلىك پرينسيبىنە تاباندى بولىپ، دامۋ جۇلگەسىندە كليمات وزگەرىسىنە توتەپ بەرۋ حالىقارالىق سەلبەستىگىن ىلگەرىلەتۋىمىز؛ «ب م ۇ ـ نىڭ كليمات وزگەرىسى جۇلگەلىك شارتىنىڭ» 26 ـ رەتكى شارتتاسقان جاقتار جينالىسىنىڭ جەتىستىكتەرىن تياناقتاندىرۋىمىز كەرەك. دامىعان ەكونوميكالىق تۇلعالار لاس زاتتاردىڭ شىعارىلۋىن ازايتۋ جاۋاپكەرشىلىگىن باستاماشى بولىپ اتقارۋ؛ قارجى، تەحنيكالىق قولداۋ ۋادەسىن تياناقتاندىرۋ؛ دامۋ جولىنداعى ەلدەردىڭ كليمات وزگەرىسىنە توتەپ بەرۋىنە، باياندى دامۋدى جۇزەگە اسىرۋىنا قاجەتتى شارت ـ جاعداي جاراتۋى كەرەك. الەمدىك دامۋ دارىپتەمەسى بۇكىل دۇنيە جۇزىنە اشىق ۇستالعان الەۋمەتتىك ٴونىم. جۇڭگو ٴارقايسى جاقتارمەن قول ۇستاسا سەلبەسىپ، دارىپتەمەنىڭ تياناقتانۋىن ورتاق كۇش سالا ىلگەرىلەتۋدى، بىردە ـ ٴبىر ەلدى قاتاردان قالدىرماۋدى قالايدى.


    ٴتورتىنشى، قىرعي قاباقتىق سوعىس وي جەلىسىنەن ارىلىپ، بەيبىت قاتار تۇرۋدى، ٴوزارا پايدا جەتكىزە ورتاق يگىلىكتەنۋدى جۇزەگە اسىرۋ كەرەك. بۇگىنگى دۇنيە دەگەندەي تىنىش ەمەس، وشپەندىلىككە، سىڭار جاقتىلىققا جەلىكتىرگەن سوزدەر قۇلاق تۇندىرادى، وسىدان تۋىلعان ٴتۇرلى قورشاۋلاردىڭ، قىسىم تۇسىرۋلەردىڭ، ٴتىپتى قارسىلاسۋلاردىڭ دۇنيە ٴجۇزىنىڭ بەيبىتشىلىگى مەن حاۋىپسىزدىگىنە زيانىنان باسقا پايداسى جوق. تاريح قارسىلاسۋدىڭ ەشقانداي پايداسىز ەكەنىن، ونىڭ ۇستىنە اپات سيپاتتى زارداپ تۋدىراتىنىن قايتا-قايتا دالەلدەدى. قورعامپازدىقپەن، سىڭار جاقتىلىقپەن شۇعىلدانعاندا ەشكىم دە ٴوزىن قورعاي المايدى، ەڭ سوڭىندا وزگەنى زيانداپ، وزىنە دە زيان جەتكىزەدى. زورلىق-زومبىلىق ىستەۋ تاريح اعىمىنا ٴتىپتى دە قارسى جۇرگەندىك بولىپ تابىلادى. مەملەكەتتەر اراسىندا قايشىلىق پەن الاۋىزدىقتىڭ تۋىلۋىنان ساقتانۋ قيىن، ٴبىراق ولىسپەي بەرىسپەيتىن نولدىك جيىنتىق سايىسىتىڭ ەش پايداسى جوق. بەيبىت دامۋ، سەلبەسە ورتاق يگىلىكتەنۋ عانا ادامدار اراسىنداعى دۇرىس جول سانالادى. تۇرلىشە ەلدەر، تۇرلىشە وركەنيەتتەر ٴبىرىن ـ ٴبىرى قۇرمەتتەۋ بارىسىندا ورتاق دامۋ؛ پارىقتىلىقتىى ساقتاپ ورتاقتىققا ۇمتىلۋ بارىسىندا سەلبەسىە ورتاق يگىلىكتەنۋ كەرەك.


    شي جينپيڭ مىنالاردى باسا دارىپتەدى: ٴبىز تاريحتىڭ جالپى اۋقىمىنا سايكەسۋىمىز؛ حالىقارالىق ٴتارتىپتى ورنىقتىرۋعا كۇش سالۋىمىز؛ بۇكىل ادامزاتتىق ورتاق قۇندى ساۋلەلەندىرۋىمىز؛ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك. قارسىلاسپاۋعا، كەشىرىمشىل بولۋعا، قاقپايلاماۋعا تاباندى بولۋىمىز؛ ٴارقانداي فورماداعى سىڭار جاقتىلىققا، قورعامپازدىققا، ٴارقانداي فورماداعى زورەكەرلىك پەن وكتەمدىك ساياسيعا قارسى تۇرۋىمىز كەرەك.


    شي جينپيڭ مىنالاردى باسا دارىپتەدى: بىلتىر جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بولدى. جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ۇزاق ۋاقىت قاجىرلىلىقپەن كۇرەس جۇرگىزىپ، مەملەكەت قۇرىلىسىنىڭ دامۋى مەن حالىق تۇرمىسىنىڭ جاقسارۋى جاعىندا دۇنيەنى جالت قاراتقان تابىستارعا قول جەتكىزىپ، جالپى بەتتىك دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، مۇلدە كەدەيلىك ماسەلەسىن تاريحي سيپاتتى شەشتى، قازىر جالپى بەتتىك سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستادى.


    شي جينپيڭ مىنالاردى باسا دارىپتەدى: جۇڭگو جوعارى ساپالى دامۋدى تاباندىلىقپەن ىلگەرىلەتەدى. جۇڭگو ەكونوميكاسىنىڭ جالپى تۇلعالىق دامۋ بەتالىسى جاقسى بولۋدا. بىلتىر جۇڭگونىڭ ىشكى ٴوندىرىس جالپى ٴونىم قۇنى %8 شاماسىندا ارتىپ، ەكونوميكانىڭٴبىرشاما جوعارى ارتۋى جانە اقشانىڭ ٴبىرشاما تومەن قۇنسىزدانۋى سىندى قوس نىسانا جۇزەگە استى. ەل ٴىشى-سىرتىنداعى ەكونوميكالىق ورتا وزگەرىسىنەن تۋىلعان وراسان زور قىسىمعا ۇشىراعانىمەن، جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى بولۋدا، ۇزاق ۋاقىت جاقسارۋ نەگىزگى جاعدايى وزگەرگەن جوق، ٴبىز جۇڭگو ەكونوميكاسىنىڭ دامۋ بولاشاعىنا كامىل سەنەمىز. جۇڭگو ادامنىڭ جان-جاقتىلى دامۋىن ىلگەرىلەتۋدى، جالپى حالىقتىڭ ورتاق اۋقاتتانۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى ايقىن العا قويىپ، وسى نىسانانى ىسكە اسىرۋ ٴۇشىن ٴار جاقتان قۇلشىنۋدا.


    شي جينپيڭ مىنالاردى باسا دارىپتەدى: جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتەدى. جۇڭگونىڭ رەفورما جاساپ، ەسىك اشۋى ماڭگى جالعاسادى. حالىقارالىق جاعدايدا قانداي وزگەرىس تۋىلسا دا، جۇڭگو رەفورما جاساۋ، ەسىك اشۋ تۋىن بيىك ۇستايدى. جۇڭگو بازاردىڭ بايلىقتى ٴبولۋدە شەشۋشى رول اتقارۋىنا ۇزدىكسىز مۇمكىندىك جاساپ، جالپىلىق مەنشىكتەگى شارۋاشىلىقتى استە اۋىتقىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا استە اۋىتقىماي دەم بەرەدى، قولداۋ كورسەتەدى، جەتەكشىلىك ەتەدى.


    شي جينپيڭ مىنالاردى باسا دارىپتەدى: جۇڭگو ٴبىر تۇتاس اشىق ۇستالعان، باسەكەلى، ٴتارتىپتى بازار جۇيەسىن قۇرىپ، بارلىق كاسىپورىنداردىڭ زاڭ الدىندا ورنى تەڭ، بازار الدىندا ورايى تەڭ بولۋىنا كەپىلدىك ەتەدى. جۇڭگو ٴتۇرلى كاپيتالداردىڭ جۇڭگودا زاڭدى، بەلگىلەمە بويىنشا تيجارات جۇرگىزىپ، جۇڭگونىڭ دامۋىندا بەلسەندى رول اتقارۋىن قارسى الادى. جۇڭگو جوعارى دەڭگەيدەگى سىرتقا ەسىك اشۋدى ۇزدىكسىز كەڭەيتىپ، ەرەجە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتەدى؛ شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن تياناقتاندىرادى؛ «ٴبىر بەلدەۋ، ٴبىر جولدى» ورتاق قۇرۋدىڭ جوعارى ساپالى دامۋىن جەبەيدى.


    شي جينپيڭ مىنالاردى باسا دارىپتەدى: جۇڭگو ەكولوگيالىق وركەنيەت قۇرىلىسىن تاباندىلىقپەن ىلگەرىلەتەدى. ەكونوميكانى دامىتۋدا بايلىق پەن ەكولوگيالىق ورتاعا زيان جەتكىزۋگە،ال، ەكولوگيالىق ورتانى قورعاۋدا ەكونوميكانى دامىتۋدى قاعىس قالدىرۋعا بولمايدى. جۇڭگو تۇنىق سۋ، جاسىل تاۋ-باعالى بايلىق تانىمىنا تاباندى بولىپ، تاۋ، سۋ، ورمان، اتىز، كول، جايىلىم، قۇمدى القاپتى ٴبىر تۇلعالاندىرىپ قورعاۋدى جانە جۇيەلى وڭاۋدى ىلگەرىلەتىپ، ەكولوگيالىق وركەنيەت قۇرىلىسىن بار كۇشپەن جۇرگىزىپ، لاستانۋدان ساقتانۋ جانە وڭاۋدى بارنشا كۇشەيتىپ، حالىقتىڭ ٴوندىرىس، تۇرمىس ورتاسىن بار كۇشپەن جاقسارتا بەرەدى.


    شي جينپيڭ مىنالاردى باسا دارىپتەدى: كومىر قىشقىل گازىن ٴبولىپ شىعارۋدى ەڭ جوعارى شەكتەن اسىرماي توقتاتۋ- كومىر قىشقىل گازىن ٴبولىپ شىعارۋدى قالىپتى كۇيگە ٴتۇسىرۋ-جۇڭگونىڭ جوعارى ساپالى دامۋىنىڭ ىشكى تالابى ٴارى جۇڭگونىڭ حالىقارالىق قوعامعا بەرگەن ايبىندى ۋادەسى. جۇڭگو ايتقانىن امالياتتا ايگىلەپ، ۋادەسىندە تۇرىپ، تاباندىلىقپەن اتقارادى. كومىر قىشقىل گازىن ٴبولىپ شىعارۋدى ەڭ جوعارى شەكتەن اسىرماي توقتاتۋ- كومىر قىشقىل گازىن ٴبولىپ شىعارۋدى قالىپتى كۇيگە ٴتۇسىرۋدى جۇزەگە اسىرۋ ٴبىر جولدا ورىندالا قالمايدى. جۇڭگو كونەنى قيراتۋ مەن جاڭانى ورناتۋدى قاتار جۇرگىزىپ، ورنىقتى، تىڭعىلىقتى ىستەپ، ٴداستۇرلى ەنەرگيانىڭ ورنىن جاڭا ەنەرگياعا باستىرۋدى سەنىممەن ىسكە اسىرۋ بارىسىندا ٴداستۇرلى ەنەرگيا تۇتىنۋدى بىرتىندەپ ٴتارتىپتى تۇردە ازايتىپ، ەكونوميكانىڭ، قوعامنىڭ ورنىقتى دامۋىنا كەپىلدىك ەتەدى. جۇڭگو كليمات وزگەرىسىنە توتەپ بەرۋدە حالىقارالىق سەلبەستىكتى بەلسەنە ورىستەتىپ، ەكونوميكالىق، قوعامدىق دامۋدا جالپى بەتتىك جاسىل دامۋعا بۇرىلىس جاساۋدى ورتاق كۇش سالا ىلگەرىلەتەدى.


اۋدارعان: قاناتبەك جۇماباي ۇلى

中央广播电视总台 央广网 版权所有

شي جينپيڭ 2022–جىلعى دۇنيە جۇزىلىك ەكونوميكا تالقىسىنىڭ بەينە–ەكران ماجىلىسىنە قاتىناستى ءارى لەكسيا جاسادى

شي جينپيڭ «سەنىمدى بەكەمدەپ، ەرلىكپەن العا باسىپ، جۇقپالى اۋرۋدىڭ كەيىنگى داۋىرىندە كوركەم دۇنيەنى بىرلىكتە قۇرايىق» دەگەن تاقىرىپتا لەكسيا جاسادى