ٴوز حابارىمىز. باس شۋجي شي جينپيڭنىڭ ولكە-مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ-تالقىلاۋ كۋرسىندا سويلەگەن ماڭىزدى سوزىندە پارتيا مەن مەملەكەت ىستەرىن الداعى ٴبىر مەزگىلدە دامىتۋدىڭ كەلەلى باعىت-ساياساتتارى مەن ارەكەت باعدارناماسى تەرەڭ بايىمدالىپ، جەر-جەردەگى نەگىزگى ساتى پارتيالى كادرلار مەن بۇقارا اراسىندا كۇشتى اڭىس قوزعادى.

كوپشىلىك بىلاي دەستى: مۇقيات ۇيرەنىپ، ٴتۇسىنىپ، يدەيا مەن ارەكەتىمىزدى باس شۋجي شي جينپيڭنىڭ ماڭىزدى ٴسوزىنىڭ رۋحىمەن، پارتيا ورتالىق كوميتەتىنىڭ شەشىم-ورنالاستىرۋلارىمەن بىرلىككە كەلتىرىپ، سەنىمىمىزدى بەكەمدەپ، جۇمىستاردى تىڭعىلىقتى ىستەپ، قايسارلىقپەن كۇرەس جۇرگىزىپ، پارتيا 20-قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتىمىزبەن قارسى الامىز.

باس شۋجي شي جينپيڭ سوزىندە وتكەن 5 جىلداعى قىزمەتتەر مەن جاڭا داۋىردەگى 10 جىلدان بەرگى ۇلى وزگەرىستەردى تەرەڭ بايىمدادى، بۇل كوپتەگەن كادرلار مەن بۇقارا اراسىندا كۇشتى اڭىس قوزعادى، سونداي-اق ادامدارعا زور شابىت بەردى. جىجياڭ ولكەسى انجييۇي قىستاعى پارتيا ياچەيكاسىنىڭ شۋجيى ۋاڭ يۇيچىڭ بىلاي دەدى: قىستاعىمىزدا جەر مەن كوكتەي وزگەرىستەر تۋىلدى، قازىر ٴبىز تاماشا ەكولوگيالىق ورتا ارقىلى ەكولوگيالىق ەكونوميكانى، ەكولوگيالىق مادەنيەتتى، ەكولوگيالىق كاسىپتى دامىتتىق، كەلەسى قادامدا بىرگە اۋقاتتانۋدىڭ، وسىزامانداندىرۋدىڭ نەگىزگى قۇرىلىسىن ارقاۋ ەتە وتىرىپ، اۋىل-قىستاقتى گۇلدەندىرۋدى جاپپاي جۇزەگە اسىرامىز.

حىنان ولكەسى جىڭجوۋ قالاسى جۇڭيۋان رايونى جۇڭيۋان باتىس جولى ٴمالى باسقارماسى پارتيا قىزمەتى كوميتەتىنىڭ مۇشەسى، ۇيىمداستىرۋشى ليۋ يۇيحۇڭ بىلاي دەدى: جاڭا داۋىردەگى ۇلى تابىس، ۇلى وزگەرىستەر ادامدى جەلپىندىرەدى، جاڭا جورىقتاعى ٴتۇرلى نىسانا-مىندەتتەر ادامدى العا باسۋعا جەبەيدى. ٴبىز يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن بىرلىككە كەلتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.

باس شۋجي شي جينپيڭ بىلاي دەپ اتاپ كورسەتتى: ماركستىك عىلمي نازاريانىڭ جەتەكشىلىگىنە يە بولۋ-پارتيامىزدىڭ ايقىن ساياسي قاسيەتى جانە قۇدىرەتتى ساياسي ابزالدىلىعى. اماليات بىزگە مىنانى ۇعىندىردى: نە ٴۇشىن جۇڭگو كوممۋنيستىك پارتياسىنىڭ قولىنان ٴىس كەلەتىندىگى، جۇڭگوشا سوتسياليزمنىڭ نە ٴۇشىن جاقسى بولاتىنى، سايىپ كەلگەندە، ماركسيزمنىڭ تابىسى. سۋجوۋ داشۋەسى ماركسيزم شۋەيۋانىنىڭ جاس وقىتۋشىسى ليۋ شياۋنيڭ بىلاي دەدى: ٴبىرىنشى شەپتەگى وقىتۋشى سالاۋاتىممەن ٴبىز دەن قويا ۇيرەنىپ، ويداعىداي تاربيە بەرىپ، ماركسيزمنىڭ تارالۋى مەن جالعاسۋىن كۇش-قايراتى تاسقىنداعان جاس ۇرپاقتارتىڭ ساناسىنا ٴسىڭىرىپ، نازاريانى كوكەيلەرىنە ۇيالاتىپ، ماركسيزمنىڭ داۋىرلىك نەگىزىن قۇلشىنا نۇرلاندىرۋىمىز كەرەك.

باس شۋجي شي جينپيڭ بىلاي دەپ باسا دارىپتەدى: العا باسۋ جولىندا، بۇكىل پارتيا بار ىنتا-پەيىلىمەن حالىق ٴۇشىن قىزمەت ىستەۋ ٴتۇبىرلى ماقساتىنان اينىماي، قاشاندا حالىقپەن تىنىستاس، تاعدىرلاس، جۇرەكتەس بولۋى كەرەك.

فۋ رۇي-شانشي ولكەسى يان-ان قالالىق قوعام حاۋىپسىزدىگى مەكەمەسى باۋتا بولىمشە مەكەمەسى زاۋ يۋان ساقشى بولىمشەسىنىڭ « جاڭ سىدى جاراستىرۋ كەڭسەسىندەگى » حالىق ساقشىسى، ول قىزمەتتەستەرىمەن بىرگە « حالىق ٴۇشىن قىزمەت ىستەۋ »-دى كۇندەلىكتى قىزمەتپەن ۇشتاستىردى. فۋ رۇي بىلاي دەدى: زاۋيۋان ساقشى بولىمشەمىز جاڭ سىدىنى ەسكە ٴتۇسىرۋ الاڭىنا ەڭ جاقىن قوعام حاۋىپسىزدىگى ساقشى بولىمشەسى، ٴبىز قىزمەت بارىسىندا حالىق ٴۇشىن قىزمەت ىستەۋ رۋحىن اناعۇرلىم ويداعىداي امالياتتان وتكىزىپ، ماڭايىمىزداعى قاراستى رايونداعى بۇقاراعا ويداعىداي قىزمەت وتەپ، كوپشىلىككە كوبىرەك ناقتى ىستەر ىستەيمىز، بۇل ٴبىز كوممۋنيستەر ٴۇشىن داڭىقتى ٴىس.

اۋىل-قىستاقتاردى گۇلدەندىرۋدىڭ مەملەكەتتىك اتويشىسى، جياڭشي ولكەسى گانجوۋ قالاسى حۇيچاڭ اۋداندىق پارتكوم كەڭسەسىنىڭ ورىنباسار مەڭگەرۋشىسى چاڭ زىحاۋ بىلاي دەدى: نەگىزگى ساتىداعى پارتيا مۇشەسى سالاۋاتىممەن مەن اتىز باسىنا كوبىرەك بارىپ ديقاندارمەن شۇيىركەلەسىپ، بىلەك سىبانىپ ولارمەن بىرگە ىسكە كىرىسەمىن.

باس شۋجي شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋى وڭاي-وسپاق نەمەسە قۇر ايعاي-سۇرەنمەن عانا بىتە سالاتىن ٴىس ەمەس، ٴسوز جوق، كوپتەگەن جاڭا تاريحي ەرەكشەلىككە يە ۇلى كۇرەستەردى باتىلدىقپەن جۇرگىزىپ، ٴتىپتى دە ماڭىزدى، اناعۇرلىم جاپالى قۇلشىنىستار جاساۋعا دايىن تۇرۋىمىز كەرەك. جەر-جەردەگى نەگىزگى ساتى پارتيالى كادرلار مەن بۇقارا ٴوز قىزمەت ورىندارىندا قاجىرلىلىقپەن كۇرەس جۇرگىزىپ، ۇدەرە العا تارتىپ، ٴىس جۇزىندىك ارەكەتتەرىمەن پارتيا 20-قۇرىلتايىنىڭ جەڭىسپەن اشىلۋىن قارسى الاتىندىقتارىن ايتتى.

جۇڭگو تەمىر جول قۇرىلىسى شيۇڭ-ان جاڭا رايونى عىلىم-تەحنيكالىق جاڭالىق اشۋعا جالپىلىق قىزمەت كورسەتۋ ورتالىعى نىسانى پارتيا ياچەيكاسىنىڭ شۋجيى يان فۋشىڭ بىلاي دەدى: شيۇڭ-ان جاڭا رايونىنداعى ٴتۇيىندى نىساندى قۇرۋشىلاردىڭ ٴبىرى بولۋ سالاۋاتىممەن، ٴبىز، ٴسوز جوق، سەنىمىمىزدى بەكەمدەپ، قيىنشىلىقتان تايسالماي، شيۇڭ-ان جاڭا رايونىن جوعارى ولشەممەن، جوعارى ساپامەن قۇرۋىمىز كەرەك.

كوممۋنيستىك جاستار وداعى يياڭ قالاسى حىشان رايوندىق كوممۋنيستىك جاستار وداعى كوميتەتىنىڭ شۋجيى يۇي جىدان بىلاي دەدى: جاڭا داۋىردەگى جاستار جۇڭحۋا ۇلتى دامۋىنىڭ ەڭ تاماشا كەزەڭىندە تۇر، ٴبىز شىنايىلىقپەن ىسكە كىرىسىپ ٴورىس اشاتىن، ناقتى شايقاستىڭ شەشۋشى جەڭىسىنە قول جەتكىزەتىن، ىسكەرلىگىمىزدى-قابليەتىمىزدى جاريا ەتەتىن « ۇشتە شىنايى بولۋ » رۋحىمەن جاستىق كوكتەمنىڭ باسەكە جولىندا ەڭ جاقسى ناتيجەگە قول جەتكىزىپ، پارتيا مەن حالىقتىڭ ۇلى ىستەرى ٴۇشىن الدىڭعىلاردىڭ ٴىزىن باسامىز.

اۋدارعان:امانتاي مۇسايىپ ۇلى