شي جينپيڭ بىلاي دەپ انىق ايتتى: جۇڭگو مەن مالتانىڭ ورتاق قۇلشىنۋىندا، سان-مارگەريتا ورتا مەكتەبىنىڭ «جۇڭگو ٴمۇيىسى كلاسى» مالتا جاستارى مەن ورەندەرىنىڭ جۇڭگوعا تۇسىنىگىن تەرەڭدەتىپ، جۇڭگو ـ مالتا دوستىعىن جەبەۋدە بەلسەندى رول اتقاردى. «جۇڭگو ٴمۇيىسى كلاسىنىڭ بارعان سايىن ٴساتتى بولا بەرۋىنٴۇمىت ەتەمىن، وقىتۋشى-وقۋشىلاردىڭ جۇڭگوعا كەلىپ اۋىس-كۇيىس جاساۋىن، ۇيرەنۋىن قارسى الامىز.

    شي جينپيڭ بىلاي دەپ انىق ايتتى: دۇنيە جالپى ادامزاتقا ورتاق، جالپىمەن سەلبەسە جاراسىمدى ٴوتۋ-جۇڭحۋا ۇلتىنىڭ ەجەلدەن بەرى ادامزات قوعامىنان كۇتكەن تاماشا تىلەگى، سونداي-اق ادامزاتتىڭ تاعدىرلاس ورتاق تۇلعاسىن قۇرۋ تانىمىندا قامتىلعان مادەنيەت قاينارى. ٴبىز ٴومىر ٴسۇرىپ وتىرعان مىناۋ دۇنيە تاريح پەن رەالدىق توعىسقان، ٴۇمىت پەن سايىس قاتار ٴومىر سۇرگەن، ادامزات تاعدىرلاس-تىنىستاس بولاتىن دۇنيە، تەك ٴوزارا قارايلاسىپ، سەلبەسە ورتاق يگىلىكتەنگەندە عانا، ادامزاتتى دامۋ جەتىستىكتەرىنەن ورتاق يگىلىكتەندىرۋگە بولادى. الەمدىك دامۋداعى قيىن ماسەلەلەردى شەشىپ، حالىقارالىق حاۋىپسىزدىك سىن ـ سايىسىنا توتەپ بەرۋ ٴۇشىن، جۇڭگو ىلگەرىندى ـ كەيىندى «ٴبىر بەلدەۋ، ٴبىر جول» دارىپتەمەسىن، الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن العا قويىپ، ورتاق تانىمدى كەڭ كولەمدە ۇيىستىرىپ، كۇش ـ قۋاتتى شوعىرلاندىرىپ، ٴىس جۇزىندىك ارەكەت ارقىلى ادامزاتتىڭ تاعدىرلاس ورتاق تۇلعاسى تانىمىن ٴامالياتتا ايگىلەپ كەلەدى.

    شي جينپيڭ بىلاي دەپ باسا دارىپتەدى: بيىل جۇڭگو مەن مالتانىڭ ديپلوماتيالىق قاتىناس ورناتقاندىعىنىڭ 50 جىلدىعى، ەكى ەل قاتىناسى تاريحى تۇرلىشە، مادەنيەتى تۇرلىشە ەلدەردىڭ تاتۋ-ٴتاتتى ٴوتۋ ۇلگىسىنە اينالدى. مالتانىڭ وقىتۋشى-وقۋشىلارى مەن جاس وسپىرىمدەرىنىڭ جۇڭگو مەن مالتانىڭ گۋمانيتارلىق اۋىس-كۇيىسىنە بەلسەنە ات سالىسىپ، وركەنيەتتە ٴوزارا ۇلگى الۋدىڭ جەبەۋشىسى جانە حالىقتار دوستىعىنىڭ مۇراگەرى بولۋىن ٴۇمىت ەتەمىن.

    سانتا-مارگەريتا ورتا مەكتەبى مالتاداعى ۇكىمەت باسقارۋىنداعى ۋنيۆەرسال مەكتەپ، 2010-جىلى جۇڭگونىڭ قولداۋىندا «جۇڭگو ٴمۇيىسى كلاسى» قۇرىلعان. تاياۋدا وسى مەكتەپتىڭ «جۇڭگو مۇيىسى كلاسىنداعى» وقىتۋشى ـ وقۋشىلار ٴتوراعا شي جينپيڭگە حات جولداپ، جۇڭگو مادەنيەتىنە قىزىعاتىندىقتارىن ٴبىلدىردى، ولار «جول-جوسىنداعى»، «ۇلى ادامدار الەمگە ورتاق» دەگەن اقىليانى سيتات كەلتىرە، ادامزاتتىڭ تاعدىرلاس ورتاق تۇلعاسى تانىمى مەن «ٴبىر بەلدەۋ، ٴبىر جول» دارىپتەمەسىن بەلسەندى باعالاپ، مالتا مەن جۇڭگونىڭ ديپلوماتيالىق قاتىناس ورناتقاندىعىنىڭ 50 جىلدىعى ورايىندا ىزگى تىلەك ارنادى، مالتا مەن جۇڭگونىڭ مادەنيەت اۋىس-كۇيىسىنە كوبىرەك ۇلەس قوسۋدى قالايتىندىقتارىن ٴبىلدىرىستى.

اۋدارعان: قاناتبەك جۇماباي ۇلى