ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ مەملەكەت قورعانىسى جانە ارميا رەفورماسى جونىندەگى زەرتتەۋ- تالقى جينالىسىنا ماڭىزدى نۇسقاۋ بەرىپ، رەفورما تابىستى تاجىريبەلەرىن مۇقيات قورىتىندىلاپ جانە پايدالانىپ، رەفورما ارقىلى ارميانى قۇدىرەتتەندىرۋ جاڭا جاعدايىن قۇلشىنا جاراتۋ كەرەك دەپ باسا دارىپتەدى

来源:جۇڭگو قازاق راديو تورابى     |责编:古丽美热|     发布日期: 2022-09-22 14:53
 
ٴوز حابارىمىز. مەملەكەت قورعانىسى جانە ارميا رەفورماسى جونىندەگى زەرتتەۋ-تالقى جينالىسى 9-ايدىڭ 21-كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەردى. ول مىنالاردى باسا دارىپتەدى: پارتيا 18- قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى بۇرىن- سوڭدى بولماعان بەكىممەن جانە تەبىنمەن ارميانى رەفورما ارقىلى قۇدىرەتتەندىرۋ ستراتەگياسىن جالپى بەتتىك اتقارىپ، مەملەكەت قورعانىسىنداعى جانە ارميا قۇرىلىسىنداعى ۇزاق ۋاقىت تۇساۋ بولىپ كەلگەن تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى ىشكەرىلەي شەشىپ ارىلتىپ، مەملەكەت قورعانىسى جانە ارميا رەفورماسىن تەرەڭدەتۋدە تاريحي جەتىستىكتەرگە قول جەتتى، حالىق ارمياسىنىڭ ٴتۇزىلىسى، قۇرىلىمى، جاعدايى، بەت- بەينەسى جاڭاردى. رەفورمانىڭ تابىستى تاجىريبەلەرىن مۇقيات قورىتىندىلاۋ جانە پايدالانۋ؛ جاڭا جاعداي مەن مىندەت تالاپتارىن يگەرۋ؛ نازاردى سوعىسقا دايىندالۋعا، سوعىس جۇرگىزۋگە شوعىرلاندىرۋ؛ ٴورىس اشا جاڭالىق جاراتۋعا باتىل بولۋ؛ بەلگىلەنگەن رەفورما مىندەتتەرىنىڭ تياناقتانۋىن تىڭعىلىقتى يگەرۋ؛ كەيىنگى مەزگىلدىك رەفورما جوبالارىن كۇشەيتۋ؛ رەفورما ارقىلى ارميانى قۇدىرەتتەندىرۋدە قۇلشىنا جاڭا جاعداي جاراتىپ، ارميا قۇرۋ 100 جىلدىق كۇرەس نىساناسىن جۇزەگە اسىرۋعا قۇدىرەتتى قوزعاۋشى كۇش ازىرلەۋ كەرەك. 
 
ماجىلىستە ٴتوراعا شي جينپيڭنىڭ ماڭىزدى نۇسقاۋى جەتكىزىلدى، ۇيرەندى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ٴتوراعاسىنىڭ ورىنباسارى شۇي چيلياڭ مەملەكەت قورعانىسى جانە ارميا رەفورماسىندا قول جەتكەن كەلەلى تابىستار مەن تاجىريبەلەردى قورىتىندىلاپ، كەيىنگى مەزگىلدىك رەفورمانى جوسپارلاۋ قىزمەتىن ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ٴتوراعاسىنىڭ ورىنباسارى جاڭ يوۋشيا رەفورما ارقىلى ارميانى قۇدىرەتتەندىرۋ ستراتەگياسىن تەرەڭ ٴتۇسىنۋ، رەفورماعا شىنايى كەپىلدىك ەتۋ ناقتى ونىمدىلىككە قۇلشىنۋ جونىندە تالاپتار قويدى. ماجىلىستە 12 ورىن قىزمەت امالياتىمەن ۇشتاستىرىپ، مەملەكەت قورعانىسى جانە ارميا رەفورماسىنا قاتىستى جاعدايلار جونىندە پىكىر اۋىستىرىپ، ٴسوز سويلەدى. ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ٴارقايسى تاراۋلارىنداعى اسكەري ىستەر كوميتەتى بىرىككەن سوعىس قولباسشىلىق ورتالىعىنداعى، ٴارقايسى سوعىس رايوندارىنداعى، ارميا، اسكەر تۇرلەرىندەگى، اسكەري ىستەر عىلىم اكادەمياسىنداعى، مەملەكەت قورعانىسى داشۇەسىندەگى، مەملەكەت قورعانىسى عىلىم- تەحنيكا داشۇەسىندەگى، قارۋلى ساقشى بولىمدەرىندەگى قاتىستى جاۋاپتى جولداستار ماجىلىسكە قاتىناستى. 
 
اۋدارعان: قاناتبەك جۇماباي ۇلى
 

中央广播电视总台 央广网 版权所有

شي جينپيڭ مەملەكەت قورعانىسى جانە ارميا رەفورماسى جونىندەگى زەرتتەۋ- تالقى جينالىسىنا ماڭىزدى نۇسقاۋ بەرىپ، رەفورما تابىستى تاجىريبەلەرىن مۇقيات قورىتىندىلاپ جانە پايدالانىپ، رەفورما ارقىلى ارميانى قۇدىرەتتەندىرۋ جاڭا جاعدايىن قۇلشىنا جاراتۋ كەرەك دەپ باسا دارىپتەدى

قارۋلى ساقشى بولىمدەرىندەگى قاتىستى جاۋاپتى جولداستار ماجىلىسكە قاتىناستى