ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ مەن يامايكانىڭ گۋبەرناتورى ٴوزارا قۇتتىقتاۋ تەلەگرامماسىن جولدادى

来源:جۇڭگو قازاق راديو تورابى     |责编:古丽美热|     发布日期: 2022-11-22 09:24
 
ٴوز حابارىمىز. مەملەكەت ٴتوراعاسى شي جينپيڭ مەن يامايكانىڭ گۋبەرناتورى اللەن 11-ايدىڭ 21-كۇنى ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتادى.
 
 شي جينپيڭ بىلاي دەپ اتاپ كورسەتتى: يامايكا كارايب تەڭىزى وڭىرىندەگى اعىلشىن ٴتىلىن قولداناتىن ەلدەردىڭ ىشىندە جۇڭگومەن ەڭ ەرتە ديپلوماتيالىق قاتىناس ورناتقان ەلدەردىڭ ٴبىرى. ديپلوماتيالىق قاتىناس ورناتقان 50 جىلدان بەرى، جۇڭگو-يامايكا قاتىناسى باستان-اياق تاماشا دامۋ ارىنىن ساقتادى، ەكى جاقتىڭ ساياسي ٴوزارا سەنىمى تەرەڭدەپ، ناقتى ىستەر سەلبەستىگىنىڭ ناتيجەسى قوماقتى بولدى، حالىقتىڭ دوستىعى كۇن سايىن تەرەڭدەدى. جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن يامايكا ٴوزارا قارايلاسىپ، قول ۇستاسا ىندەتكە قارسى اتتانىپ، ەكى ەلدىڭ دوستىق سەلبەستىگىنە جاڭا قوزعاۋشى كۇش ۇستەدى. مەن جۇڭگو-يامايكا قاتىناسىنىڭ دامۋىنا وسكەلەڭ ٴمان بەرەمىن، باس گۋبەرناتور اللەنمەن بىرگە قۇلشىنىپ، ديپلوماتيالىق قاتىناس ورناتقاندىعىمىزدىڭ 50 جىلدىعىن جاڭا باستاما ەتىپ، ٴار سالاداعى سەلبەستىكتى تەرەڭدەتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرىپ، جۇڭگو مەن يامايكانىڭ ستراتەگيالىق سەرىكتەستىك قاتىناسىن تىڭ ساتىعا كوتەرۋگە بىرگە جەتەكشىلىك ەتىپ، جاڭا داۋىردەگى جۇڭگو-يامايكا تاعدىرلاس ورتاق تۇلعاسىن قول ۇستاسا قۇرۋدى قالايمىن.
 
 اللەن بىلاي دەدى: ديپلوماتيالىق قاتىناس ورناتقاننان بەرى، يامايكا مەن جۇڭگونىڭ دوستىق قاتىناسى ۇزدىكسىز دامىپ، ٴار سالاداعى سەلبەستىكتە كورنەكتى تابىستارعا قول جەتتى، بۇل ادامدى قۋاندىرادى. يامايكا جۇڭگومەن سەلبەستىكتى ۇزدىكسىز كۇشەيتىپ، ەكى ەلدىڭ ستراتەگيالىق سەرىكتەستىك قاتىناسىن ونان ارى تەرەڭدەتۋدى قالايدى.
 
 سول كۇنى مەملەكەتتىك كەڭەستىڭ زۇڭليى لي كىچياڭ مەن يامايكانىڭ زۇڭليى حولنەس ٴوزارا قۇتتىقتاۋ تەلەگرامماسىن جولدادى. لي كىچياڭ بىلاي دەدى: يامايكا جۇڭگونىڭ كارايب رايونىنداعى ماڭىزدى سەلبەستىك سەرىگى. جۇڭگو يامايكامەن بىرگە قۇلشىنىپ، جۇڭگو مەن يامايكانىڭ ستراتەگيالىق سەرىكتەستىك قاتىناسىنىڭ ونان ارى تەرەڭدەۋىن، ناقتىلانۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.
 
 حولنەس بىلاي دەدى: يامايكا جۇڭگونىڭ يامايكا ەكونوميكاسىنىڭ ارتۋى مەن قوعامىنىڭ دامۋىنا كورسەتكەن قىمباتتى قولداۋىن بارىنشا القايدى، ەكى جاقتى سەلبەستىكتى كۇشەيتۋگە ۇزدىكسىز كۇش سالىپ، يامايكا مەن جۇڭگونىڭ ستراتەگيالىق سەرىكتەستىك قاتىناسىنىڭ ەكى ەل حالقىنا باقىت جاراتۋىنا كەپىلدىك ەتۋدى قالايدى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

شي جينپيڭ مەن يامايكانىڭ گۋبەرناتورى ٴوزارا قۇتتىقتاۋ تەلەگرامماسىن جولدادى

ەكى جاقتى سەلبەستىكتى كۇشەيتۋگە ۇزدىكسىز كۇش سالىپ، يامايكا مەن جۇڭگونىڭ ستراتەگيالىق سەرىكتەستىك قاتىناسىنىڭ ەكى ەل حالقىنا باقىت جاراتۋىنا كەپىلدىك ەتۋدى قالايدى.