ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

ءتوراعا شي جينپيڭنىڭ كوكتەم مەرەكەسى قارساڭىندا حالىق ازاتتىق ارمياسى، قارۋلى ساقشى كوماندير-جاۋىنگەرلەرىنە، ارمياداعى اكىمشىلىك قىزمەتكەرلەرگە، زاپاس حالىق جاساقتارىنا كوكتەم مەرەكەسى بايلانىسىمەن ىزگى تىلەك جولداۋى بۇكىل ارميادا كۇشتى اڭىس قوزعادى

来源:جۇڭگو قازاق راديو تورابى     |责编:达吾力别克 |     发布日期: 2023-01-21 10:39
 ءتوراعا شي جينپيڭنىڭ كوكتەم مەرەكەسى قارساڭىندا اسكەري بولىمدەردىڭ سوعىس دايىندىعى قىزمەتىن تەكسەرىپ، حالىق ازاتتىق ارمياسى،   قارۋلى ساقشى كوماندير-جاۋىنگەرلەرىنە، ارمياداعى اكىمشىلىك قىزمەتكەرلەرگە، زاپاس حالىق جاساقتارىنا كوكتەم مەرەكەسى بايلانىسىمەن ىزگى تىلەك جولداۋى بۇكىل ارميادا كۇشتى اڭىس قوزعادى

ءوز حابارىمىز. كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەينە ەكران تاسىلىمەن اسكەري بولىمدەردىڭ سوعىس دايىندىعى قىزمەتىن تەكسەرىپ، قاتىستى اسكەري بولىمدەردەن شىنايى حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسى، قارۋلى ساقشى كوماندير-جاۋىنگەرلەرىنە، ارمياداعى اكىمشىلىك قىزمەتكەرلەرگە، زاپاس حالىق جاساقتارىنا شىنايى سالەم جولدادى جانە كوكتەم مەرەكەسى بايلانىسىمەن ىزگى تىلەك ءبىلدىردى. بۇكىل ارمياداعى كوماندير-جاۋىنگەرلەر مۇنان ايرىقشا قامقورلىق سەزىنىپ، تەرەڭ شابىت الدى. قالىڭ كوماندير-جاۋىنگەرلەر ماڭىزدى تاپسىرمانى، ءسوز جوق، ورىنداپ، بورىشتى ەستە بەرىك ساقتاپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ،   حاۋىپتەن اراشالاۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەردى ويداعىداي ورىنداپ، بۇكىل ەل حالقىنىڭ كوكتەم مەرەكەسىن كوڭىلدى، بەرەكەلى، حاۋىپسىز وتكىزۋىنە شىنايى كەپىلدىك ەتەتىندىكتەرىن ءبىلدىردى.
 
كوكتەم مەرەكەسى تاياپ قالدى، ءتوراعا شي جينپيڭ بۇكىل ارميانىڭ سوعىس دايىندىعى قىزمەتىن قالاي يگەرىپ جاتقاندىعىنا باسا ءمان بەردى. 1-ايدىڭ 18-كۇنى تۇستەن كەيىن ءتوراعا شي جينپيڭ بەيجيڭدەگى 1-تامىز عيماراتىندا شەكارا، تەڭىز، اۋە قورعانىسى جانە ورنىقتىلىقتى قورعاۋ، توسىن ۋاقيعالاردى ءبىر جايلى ەتۋ سوعىس ازىرلىگى مىندەتىن ارقالاعان شينجياڭ اسكەري رايونى حونجىراپ شەكارا قورعانىس ليانىنىڭ مىندەت وتەۋ قاراۋىل ورنىمەن، تەڭىز ارمياسى 173-قۇراما قوسىنىمەن، اۋە ارمياسى اۆياتسيا اسكەرلەرى بەلگىلى لۇيىنىڭ كەزەكشىلىك بولىمشە اترەتىمەن، قارۋلى ساقشى ليەيىڭ ەكپىندىلەر اترەتىمەن جەكە-جەكە بەينە ەكران ارقىلى سويلەسىپ، كوماندير-جاۋىنگەرلەردىڭ سوعىس دايىندىعى، مىندەت وتەۋ، تۇرمىس جاعدايى سياقتىلاردى تاپتىشتەي ۇعىستى. شينجياڭ اسكەري رايونى حونجىراپ شەكارا قورعانىس ليانىنىڭ مىندەت اتقارۋ قاراۋىل ورنىنا بەينە ەكران جالعاعان كەزدە، ءتوراعا شي جينپيڭ لياندۇيدىڭ شەكارانى شارلاۋ، باسقارۋ-مەڭگەرۋ جاعدايىن تاپتىشتەي ۇعىسىپ، كوپشىلىكتى كۇش ۇستىنە كۇش قوسىپ، تاعى دا تىڭ ۇلەس قوسۋعا شابىتتاندىردى. بۇل كوماندير-جاۋىنگەرلەردى ەرەكشە شابىتتاندىرىپ، ايرىقشا جەلپىندىردى.
 
شينجياڭ اسكەري رايونى بەلگىلى شەكارا قورعانىس تۋانى حونجىراپ شەكارا قورعانىس ليانىنىڭ جەتەكشىسى فىڭ كاڭجيە بىلاي دەدى: ءتوراعا شي جينپيڭ ليان-دۇيدىڭ شەكارانى شارلاۋ، باسقارۋ-مەڭگەرۋ جاعدايىن ۇعىسىپ قانا قويماي، سۋىقتان ساقتانۋ زاتتىق ماتەريالدارىمەن قامتاماسىز ەتۋ جاعدايىنىڭ قانداي ەكەندىگىن، ءار كۇنى جاڭا كوكونىستەر جەي الاتىن-المايتىندىعىمىزدى سۇراپ، ءبىزدى وتاندى قورعاپ، شەكارانى قورعاۋداعى ساقا تيپ دەپ القادى، ءتوراعا شي جينپيڭنىڭ قامقورلىعى بىزگە شەكسىز مەيىر باعىشتادى، ءبىز، ءسوز جوق، ءتوراعا شي جينپيڭنىڭ تاپسىرماسىن ەستە بەرىك ساقتاپ، كۇش ۇستىنە كۇش قوسىپ، تاعى دا تىڭ ناتيجە جاراتىپ، وتاننىڭ شەكاراسىن ويداعىداي قورعاپ، بۇكىل ەل حالقىنىڭ قۋانىشتى، بەرەكەلى، حاۋىپسىز كوكتەم مەرەكەسىن وتكىزۋىنە كەپىلدىك ەتەمىز.
 
حونجىراپ شەكارا قورعانىس ليانىنىڭ جاۋىنگەرى جوۋ حاڭ بىلاي دەدى: جاڭا ءبىر جىلدا مەن اۋەلگى ماقساتتى، بورىشتى ەستە بەرىك ساقتاپ، جاۋدى جويۋ ونەرىن شىڭداپ، وتان ءۇشىن قىزمەت ورنىمىنان تاپجىلماي، قاراۋىلدا جاقسى تۇرىپ، شەكارانى ويداعىداي قورعاپ، ءتوراعا شي جينپيڭنىڭ جاقسى جاۋىنگەرى، پارتيا مەن حالىقتىڭ ادال جاۋىنگەرى بولامىن.
 
سوعىس دايىندىعى شارلاۋ مىندەتىن اتقارىپ جاتقان تەڭىز ارمياسى 173-قۇراماسى قوسىنىنا بەينە ەكران جالعاعان كەزدە، شي جينپيڭ قۇرامانىڭ شۇعىل جاعدايعا توتەپ بەرۋ، ءبىر جاقتى ەتۋ دايىندىق جاعدايىن سۇراستىرىپ، ولارعا كوكتەم مەرەكەسى كەزىندە تەڭىزدە مىندەت اتقارىپ، وتانىمىزدىڭ تەڭىز ايدىنىن ويداعىداي قورعاۋدى تاپسىردى. تەڭىز ارمياسىنىڭ كوماندير-جاۋىنگەرلەرى بىلاي دەدى: ءتوراعا شي جينپيڭنىڭ تاپسىرماسىن، ءسوز جوق، ەستە بەرىك ساقتاپ، سوعىس دايىندىعى كەزەكشىلىگىن كۇشەيتىپ، بورىشتى ادالدىقپەن وتەيمىز.
 
تەڭىز ارمياسى 173-قۇراما قوسىنىنىڭ قولباسشىسى، چاڭشا كەمەسىنىڭ جىڭۋيى زوۋ يان بىلاي دەدى: ءتوراعا شي جينپيڭ ءبىرىنشى شەپتە مىندەت وتەپ جاتقان اسكەري بولىمدەرگە ەرەكشە كوڭىل ءبولىپ، تەڭىزدە مەرەكە وتكىزۋ جاعدايىمىزعا ءمان بەرىپ، مەرەكەلىك تۇرمىس ورنالاستىرۋىن سۇرادى، كوپشىلىك ەرەكشە مەيىرگە بولەنىپ، ايىرىقشا جىگەرلەندى. الدىمىزدا شەتسىز-شەكسىز تەڭىز ايدىنى، ارتىمىزدا سانسىز شىراقتار جايناعان بايتاق وتان دالاسى بار، كوكتەم مەرەكەسىندەگى سوعىس دايىندىعى كەزەكشىلىك مىندەتىن ارقالاۋ ءارى داڭقتى بورىش، ونان دا ماڭىزدىسى، تاۋداي سالماقتى جاۋاپكەرلىك، ءبىز، ءسوز جوق، مىندەت پەن بورىشتى ەستە بەرىك ساقتاپ، وتانىمىزدىڭ تەڭىز تەريتورياسىن باتىل قورعايمىز.
 
 قۇرامانىڭ شالعاي تەڭىزدەگى جاتتىعۋ مىندەتىن ەندى عانا اياقتاتقان تەڭىز ارمياسىنىڭ يىنچۋان كەمەسى پورتقا جەتىسىمەن قارۋ-جاراق جوندەۋ، كەمە رەمونتتاۋ جۇمىسىن جەدەل مىقتى يگەرىپ، سوعىس دايىندىعى مىندەتىن اتقارۋعا دايىندالدى. وڭتۇستىك بولىك سوعىس رايونى تەڭىز ارمياسى يىنچۋان كەمەسىنىڭ جىڭۋيى جوۋ جيە بىلاي دەدى: نانحاي تەڭىزىندەگى ۇقىق قورعاۋ كۇرەسىنىڭ ءبىرىنشى شەبىندەگى مىندەت وتەۋشى اسكەري كۇش رەتىندە، كەمەمىز جولعا شىعۋ جانە جولعا شىعۋعا دايىندالۋ سىندى ەكى ءتۇرلى كۇيدە ساقاداي ساي تۇرادى، ءبىز، ءسوز جوق، ءتوراعانىڭ شىنايى قامقورلىعىن اسكەر جاتتىقتىرىپ، سوعىسقا دايىندالۋدىڭ قاجىماس قوزعاۋشى كۇشىنە اينالدىرىپ، قاي-قاشان دا ساقاداي ساي تۇرىپ، شۇعىل جاعدايعا توتەپ بەرۋ، توسىن وقيعالاردى ءبىر جايلى ەتۋ قابىلەتىن جاتتىقتىرۋدى كۇشەيتىپ، بۇيرىق تۇسىسىمەن جەدەل اتتانۋعا كەپىلدىك ەتەمىز، وتانىمىزدىڭ تەڭىز تەريتورياسىن باتىل، ويداعىداي قورعايمىز.
 
پارتيانىڭ 18-قۇرىلتايىنان بەرى، ءتوراعا شي جينپيڭ سوعىس دايىندىعى قىزمەتىن ستراتەگيالىق تۇرعىدان تانىپ، سوعىس دايىندىعى جاتتىعۋىن كۇشەيتۋدى تالاي رەت باسا دارىپتەدى. اۋە ارمياسى اۆياتسيا اسكەرلەرى بەلگىلى لۇيىنىڭ كەزەكشى بولىمشە اترەتىنە بەينە ەكران جالعاعان كەزدە، ءتوراعا شي جينپيڭ بولىمشە اترەتتىڭ كۇندەلىكتى اۋە شابۋىلىنان قورعانۋ سوعىس دايىندىعى قىزمەت جاعدايىن سۇراپ، ولاردان ساقاداي سايلانىپ، مەرەكە كەزىندە قىراعىلىقتى ارتتىرىپ، ەلىمىزدىڭ اۋە قورعانىس حاۋىپسىزدىگىن ويداعىداي قورعاۋدى تالاپ ەتتى. بۇل كوماندير-جاۋىنگەرلەردى ايرىقشا شابىتتاندىردى. اۋە ارمياسى اۆياتسيا اسكەرلەرى بەلگىلى لۇيىنىڭ جىڭۋيى  حۋا جيان بىلاي دەدى: جاڭا  جىلدا، ءبىز، ءسوز جوق، ءتوراعانىڭ ماڭىزدى تاپسىرماسىن ەستە بەرىك ساقتاپ، اسكەر جاتتىقتىرىپ، سوعىسقا دايىندالۋدى جەدەلدەتىپ، جاۋدى جويۋ ونەرىنە قاجىرلىلىقپەن جاتتىعىپ، قاي-قاشان دا سوعىسقا ساقاداي ساي تۇرۋدى، كەز كەلگەن ۋاقىتتا سوعىس جۇرگىزە الاتىن بولۋدى باتىل ورىنداپ، ارميا قۇرۋدىڭ 100 جىلدىق كۇرەس نىساناسىن جۇزەگە اسىرۋ جولىندا ۇزدىكسىز ەكپىندەي ىلگەرىلەيمىز.
 
قارۋلى ساقشى ليەيىڭ ەكپىندىلەر اترەتىنە بەينە ەكران جالعاعاندا، ءتوراعا شي جينپيڭ اسكەري ءبولىمنىڭ ەرەكشە سوعىس شەبەرلىگىنە جاتتىعۋ جاعدايىن سۇراستىرىپ، كوپشىلىككە مىعىم ونەرگە تالىقپاي جاتتىعىپ، ويداعىداي ادال قورعاۋشى بولۋدى تاپسىردى. قارۋلى ساقشى ليەيىڭ ەكپىندىلەر اترەتىنىڭ بولىمشە باستىعى مي يانگۋاڭ بىلاي دەدى: ءتوراعا شي جينپيڭ بەينە ەكران ارقىلى حال سۇراعان كەزدە، بارلىق كوماندير-جاۋىنگەرلەر ارميا قولباسشىسىنىڭ ءبىرىنشى شەپتەگى كوماندير-جاۋىنگەرلەرگە دەگەن قامقورلىعى مەن مەيىرىن تاعى دا سەزىندى، ءبىز ءتوراعا شي جينپيڭ ات بەرگەن قوسىن رەتىندە، پارتيا مەن حالىق جۇكتەگەن ءتۇرلى مىندەتتەردى ورىنداۋعا ساقاداي ساي تۇرامىز. 
 
اۋدارعان: گۇلنۇر قابىلقاق قىزى
 
 

中央广播电视总台 央广网 版权所有

ءتوراعا شي جينپيڭنىڭ كوكتەم مەرەكەسى قارساڭىندا حالىق ازاتتىق ارمياسى، قارۋلى ساقشى كوماندير-جاۋىنگەرلەرىنە، ارمياداعى اكىمشىلىك قىزمەتكەرلەرگە، زاپاس حالىق جاساقتارىنا كوكتەم مەرەكەسى بايلانىسىمەن ىزگى تىلەك جولداۋى بۇكىل ارميادا كۇشتى اڭىس قوزعادى

ءتوراعا شي جينپيڭنىڭ كوكتەم مەرەكەسى قارساڭىندا اسكەري بولىمدەردىڭ سوعىس دايىندىعى قىزمەتىن تەكسەرىپ، حالىق ازاتتىق ارمياسى، قارۋلى ساقشى كوماندير-جاۋىنگەرلەرىنە، ارمياداعى اكىمشىلىك قىزمەتكەرلەرگە، زاپاس حالىق جاساقتارىنا كوكتەم مەرەكەسى بايلانىسىمەن ىزگى تىلەك جولداۋى بۇكىل ارميادا كۇشتى اڭىس قوزعادى