ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

【باس شۋجيدىڭ حالىق تۇرمىسىنا قامقورلىعى】-جىيۋان الەۋمەتتىك اۋماعىنداعى باقىتتى تۇرمىس

来源:جۇڭگو قازاق راديو تورابى     |责编:古丽美热|     发布日期: 2023-01-25 10:45
 
ٴوز حابارىمىز. 2022-جىلى 6-ايدا، باس شۋجي شي جينپيڭ حۋبەي ولكەسى ۋحان قالاسى دۇڭحۋ جوعارى، جاڭا تەحنيكا رايونى زوليڭ كوشەسى جىيۋان الەۋمەتتىك اۋماعىندا قىزمەت تەكسەرگەندە بىلاي دەپ اتاپ كورسەتتى: پارتيا ۇيىمىنىڭ الەۋمەتتىك اۋماقتى باسقارۋداعى باسشىلىق رولىن، پارتيا مۇشەلەرىنىڭ اۆانگارد ۇلگىلىك رولىن اناعۇرلىم ويداعىداي ساۋلەلەندىرۋ كەرەك.
 
 جارىم جىلدان استام ۋاقىتتان بەرى، جىيۋان الەۋمەتتىك اۋماعى پارتيا قۇرىلىسىنىڭ جەتەكشلىگىن كۇشەيتىپ، الەۋمەتتىك اۋماقتى باسقارۋدا جاڭالىق اشىپ، بۇقاراعا دەن قويا، سۇيىسپەنشىلىكپەن ويداعىداي قىزمەت وتەپ، الەۋمەتتىك اۋماق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، وسىزاماندانعان الەۋمەتتىك اۋماقتى باقىتتى، جانعا جايلى، شۋاقتى مەكەنگە اينالدىردى. «باس شۋجيدىڭ حالىق تۇرمىسىنا قامقورلىعى» اتتى ەرەكشە جەلىلەس حاباردا بۇگىن جىيۋان الەۋمەتتىك اۋماعىنداعى باقىتتى تۇرمىس دەگەن مازمۇندى تىڭدايسىزدار.
 
 مەرەكە كەزىندە، جىيۋان الەۋمەتتىك اۋماعىنداعى شاعىن الاڭدا قۋانىش لەبى ەستى، تۇرعىندار ارت-ارتىنان ساحناعا شىعىپ، دۋمانداتا بارابان سوعىپ، ٴان سالىپ، ٴبي بيلەپ كوكتەم مەرەكەسىن تويلادى. 76 جاستاعى الەۋمەتتىك اۋماقتىڭ ساقا تۇرعىنى ما حۇڭ-ۋ بىلاي دەدى: بۇل 2018-جىلى شاعىن اۋماق قۇرىلعاننان بەرگى ەڭ دۋماندى كوكتەم مەرەكەسى بولدى. وتكەن جارىم جىلدا الەۋمەتتىك اۋماقتىڭ وزگەرىسى تۇرعىنداردى قۋانىشقا بولەدى.
 
 ما اجەي تۇراتىن جىيۋان الەۋمەتتىك اۋماعى-جەرگىلىكتى ورىنداعى مەملەكەت مەنشىگىندەگى كاسىپورىنداردىڭ لاشىق رايونى وزگەرتىلگەننەن كەيىن سالىنعان شاعىن رايون، سالىنىپ بولعاننان كەيىن 1600 دەن استام وتباسى جاڭا قونىسقا ىركەس-تىركەس كوشىپ كىردى، مۇنىڭ ىشىندە 840 تاي وتباسىندا 65 جاستان اسقان قارتتار بار. بىلتىر 6-ايدىڭ 28-كۇنى باس شۋجي شي جينپيڭ الەۋمەتتىك اۋماقتا قىزمەت تەكسەرگەندە، ەرىكتى قىزمەت وتەۋ بولمەسىنە بارىپ، الەۋمەتتىك اۋماق قىزمەتكەرلەرىمەن، تومەنگە تۇسكەن پارتيالى كادرلارمەن جانە ەرىكتىلەرمەن اڭگىمەلەستى. ما اجەي سول كەزدە ناق مايداندا ەدى.
 
 ما حۇڭ-ۋ بىلاي دەدى: باس شۋجي شىنايى جان اشىرلىق تانىتىپ، بۇقارانى قاي-قاشان دا كوڭىل تورىندە ساقتاپ كەلەدى، ول تۇرعىنداردان: ٴۇيدىڭ ۇلكەندىگى قانشا؟ قونىستانۋ شارت-جاعدايى قانداي،-دەپ سۇرادى، بۇدان پارتيانىڭ قارتتارعا جاساعان قامقورلىعىن، باس شۋجيدىڭ قارتتارعا كوڭىل بولەتىندىگىن سەزىندىم.
 
 جارىم جىلدان بەرى، جىيۋان الەۋمەتتىك اۋماعىنىڭ ورتاسى شاعىن رايونداعى قارتتارعا بارعان سايىن قولايلى بولا باستادى. بۇرىنعى تاس كەرپىش جولدار دوڭگەلەكتى ورىندىقپەن، تاياقپەن جۇرۋگە قولايلى سەمەنت كەرپىشتى جولعا وزگەرتىلدى، شاعىن اۋماقتاعى بوس جەرگە تاق-تۇق دوپ ۇستەلى سياقتى دەنە شىنىقتىرۋ جابدىقتارى جاڭادان سالىندى، ٴاربىر تۇرعىندار عيماراتىنىڭ 1-قاباتىنداعى زال تۇرعىنداردىڭ ”بىرگە يگىلىكتەنەتىن قوناق بولمەسىنە“ وزگەرتىلدى. جىيۋان الەۋمەتتىك اۋماعى پارتكومىنىڭ ورىنباسار شۋجيى پىڭ لي بىلاي دەدى: بۇل وزگەرىستەر تۇرعىنداردىڭ كوڭىلىنەن شىقتى، الەۋمەتتىك اۋماقتىڭ ۇلكەن پارتكومىنىڭ ارقاسىندا ناقتى تياناقتاندى.
 الەۋمەتتىك اۋماق تۇرعىنداردىڭ تالاپ-تىلەگىنە ساي ”سۇرانىس ٴتىزىمىن“ جاسادى، پارتيا مۇشەلەرى تومەنگە تۇسكەن ورىندار ٴوز ەرەكشەلىكتەرىنە قاراي ”بايلىق ٴتىزىمىن“ جاساپ، 11 ورىنمەن بىرگە قۇرعان الەۋمەتتىك اۋماق ۇلكەن پارتكومىمەن ٴىرى ىستەردى بىرگە اقىلداسىپ، قيمىلدى بىرلەسىپ وتكىزىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ جۇيەسىن قالىپتاستىردى. ”تاپسىرىس بەرۋدەن“ ”تاپسىرىستى قابىلداۋعا“ دەيىن، الەۋمەتتىك اۋماقتاعى ۇلكەندى-كىشىلى ىستەردى وسىلايشا اقىلداسىپ ٴبىر جاقتى ەتتى.
 
 پىڭ لي الەۋمەتتىك اۋماقتاعى 687 ٴتۇيىندى قارتتىڭ جاعدايى جازىلعان ەستەلىك داپتەردى كۇن ارالاتىپ كورىپ تۇرادى، تومەنگە تۇسكەن پارتيا مۇشەلەرى مەن الەۋمەتتىك اۋماقتاعى پارتيا مۇشەلەرىنىڭ كۇشىنەن پايدالانىپ، ۇيدەگى قارتتاردىڭ ٴتۇرلى قاجەتىن دەر كەزىندە قاناعاتتاندىرادى. 
 
 پىڭ لي بىلاي دەدى: بۇل قاتاڭ تالاپ، ٴۇش كۇندە ٴبىر رەت تەلەفون بەرىپ حال-جاعدايىن ۇعىسىپ تۇرۋ كەرەك، اسىرەسە، توسەك تارتىپ جاتىپ قالعاندارى، جالعىز باستى كاريالار، كارىلىك مەڭىرەۋلىك اۋرۋىمەن اۋىرعاندارى بار، تەلەفون سوعىپ حال-جاعدايىن ۇعىسپاساڭ حابارسىز قالاسىڭ. ٴۇش كۇننەن سوڭ تاعى دا حابارلاسىپ، دەنساۋلىعىنىڭ قانداي ەكەندىگىن سۇراستىرىپ، ٴدارى-دارمەك جەتكىزىپ تۇرامىز. 
 
 ورتاسى اناعۇرلىم جاراسىمدى، قىزمەت كورسەتۋدە اناعۇرلىم جاناشىر بولدى. جاڭا ٴبىر جىلدا، جىيۋان الەۋمەتتىك اۋماعىنداعى قارتتار ٴتىپتى دە كوپ قۋانارلىق جاڭا وزگەرىستەردى قارسى الادى: قارتتارعا تاماق جەتكىزىپ بەرۋگە قىزمەت وتەيتىن باقىت اسحاناسى وزگەرتىپ سالىنادى، ٴجۇرىس-تۇرىسى قولايسىز قارتتارعا قارايلاسۋعا قىزمەت وتەيتىن الەۋمەتتىك اۋماق كۇتىنۋ ورتالىعى دا اشىق ۇستالادى، وسىزاماندانعان وسى شاعىن رايون باقىتتى، جانعا جايلى، شۋاقتى مەكەنگە اينالادى.
 
 جىيۋان الەۋمەتتىك اۋماعى پارتكومىنىڭ شۋجيى حۋ يۇن بىلاي دەدى: باس شۋجيدىڭ ىقىلاستى تاپسىرماسىن ەستە بەرىك ساقتاپ، پارتيا قۇرىلىسىن ۇزدىكسىز جەتەكشى ەتىپ، تۇرعىنداردى الەۋمەتتىك اۋماققا بارىپ بىرگە اقىلداسۋ، بىرگە قۇرۋ، بىرگە باسقارۋ ىسىنە ىرىقتىلىقپەن ات سالىسۋعا جۇمىلدىرىپ، ۇيىمدىق مەحانيزمنەن ويداعىداي پايدالانىپ، تۇعىردى ويداعىداي قۇرىپ، پارتيا ۇيىمىمىزدى تۇرعىنداردىڭ باقىتتى تۇرمىسىنىڭ تىرەگى ەتىپ قۇرىپ شىعىپ، شاعىن اۋماقتاعى قارتتاردىڭ سوڭعى ومىرلەرىن شىنايى كوڭىلدى وتكىزۋىنە كەپىلدىك ەتىپ، شاعىن رايونىمىزدى ورتاسى جايلى، شارت-جاعدايى تاماشا، باقىتتى، جايلى مەكەنگە اينالدىرامىز.
 
اۋدارعان: گۇلنۇر قابىلقاق قىزى
 
 

中央广播电视总台 央广网 版权所有

【باس شۋجيدىڭ حالىق تۇرمىسىنا قامقورلىعى】-جىيۋان الەۋمەتتىك اۋماعىنداعى باقىتتى تۇرمىس

وسىزاماندانعان وسى شاعىن رايون باقىتتى، جانعا جايلى، شۋاقتى مەكەنگە اينالادى.