شي جينپيڭ تەلەگرامما جولداپ، ەردوعاننىڭ تۇركيانىڭ زۇڭتۇڭى بولىپ تاعى دا سايلانعاندىعىن قۇتتىقتادى
ٴوز حابارىمىز. مەملەكەت ٴتوراعاسى شي جينپيڭ 5-ايدىڭ 29-كۇنى ەرەجەپ. تايپ. ەردوعانعا تەلەگرامما جولداپ، ونىڭ تۇركيا رەسپۋبليكاسىنىڭ زۇڭتۇڭدىعىنا تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن تۇركيا ەكەۋى دە وركەندەپ كەلە جاتقان ٴىرى ەلدەر جانە بازارى جاڭادان گۇلدەنگەن ەلدەر رەتىندە، كەڭ كولەمدى ورتاق مۇددەگە يە. سوڭعى جىلدارى جۇڭگو مەن تۇركيانىڭ ستراتەگيالىق سەلبەستىك قاتىناسى دامۋ جاعدايىن ساقتاپ، ٴار سالاداعى ناقتى سەلبەستىكتە بەلسەندى ىلگەرىلەۋشىلىككە قول جەتكىزدى. مەن جۇڭگو-تۇركيا قاتىناسىنىڭ دامۋىنا ٴمان بەرەمىن، ەردوعان زۇڭتۇڭمەن بىرگە قۇلشىنىپ، ٴبىر-ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴوزارا ٴتۇسىنىسىپ، ٴوزارا قولداۋ كورسەتىپ، جۇڭگو مەن تۇركيانىڭ ستراتەگيالىق سەلبەستىك قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتۋدى قالايمىن.
اۋدارعان: گۇلنۇر قابىلقاق قىزى