شي جينپيڭ بىلاي اتاپ كورسەتتى: اليفا.چيننىڭ حاتىندا ايتقان ءتول كەشىرمەلەرى جۇڭگو-بانگلادەش دوستىعىنىڭ جاندى بەينەسى. جۇڭگو مەن بانگلادەش حالقى ەجەلدەن تاتۋ كورشى، جاقسى دوستار بولىپ، مىڭ جىلعا جالعاسقان دوستىق بارىس-كەلىس تاريحى بار. 600 نەشە جىلدىڭ الدىندا، جۇڭگونىڭ ميڭ پاتشالىعى داۋىرىندەگى تەڭىزشىسى جىڭ حى كەمەمەن بانگلادەشكە 2 رەت ساپارلاي بارىپ، ەكى ەل حالقى اراسىنا دوستىقتىڭ ءدانىن ەكتى. 600 جىلدان استام ۋاقىتتان كەيىن، جۇڭگو تەڭىز ارمياسىنىڭ «بەيبىتشىلىك كەمەسى» اتتى ەمدەۋ كەمەسى مەيىرباندىق سۇيىسپەنشىلىكپەن ساپارعا اتتاندى، جۇڭگولىق ايەل اسكەري شيپاگەر جيدا پورتىندا اليفا.چيننىڭ شەشەسىنىڭ قاتەرلى جاعدايدان ارىلىپ، امان-ەسەن بوسانۋىنا كومەكتەستى، چيىننىڭ اكە-شەشەسى وعان ببانگلادەش تىلىندە «چين» دەپ ات قويىپ، جۇڭگو-بانگلادەش دوستىعىنىڭ تىڭ اسەرلى داستانىن جازدى.

 
    شي جينپيڭ بىلاي دەپ باسا دارىپتەدى: چيننىڭ ەسەيگەننەن كەيىن جۇڭگو-بانگلادەش دوستىعىنىڭ ەلشىسى بولۋعا بەل بۋعاندىعىن، بولاشاقتا جۇڭگوعا كەلىپ مەديتسينا ماماندىعىن ۇيىرەنىپ، «جۇڭگولىق انا» سياقتى اجالعا اراشاشى، جارالىعا مەدەت بولۋدى ءۇمىت ەتەتىندىگىن ەستىپ، ايىرىقشا قۋاندىم. چيننىڭ جاستىق كوكتەمدى قاستەرلەپ، قۇلشىنا ۇيرەنىپ، ءوز ارمانىن جۇزەگە اسىرىپ، وتباسىنىڭ تىلەگىن وتەپ، قوعامعا قىزمەت ەتىپ، وتاننىڭ ءۇمىتىن اقتاۋىن ءۇمىت ەتەمىن. «1-ماۋسىم» حالىقارالىق بالالار مەرەكەسى قارساڭىندا، چيننىڭ دەنساۋلىعىنىڭ مىقتى، وتباسىنىڭ باقىتتى بولۋىنا، ۇيرەنۋدە العا باسۋىنا تىلەكتەسپىن.

    اليفا.چيننىڭ شەشەسى 2010-جىلى وعان بوساناردا اۋىر جۇرەك اۋرۋى بار بولعاندىقتان، قينالىپ، ومىرىنە حاۋىپ تونەدى. سول كەزدە بانگلادەشتىڭ جيدا پورتىندا ساپاردا جۇرگەن جۇڭگو تەڭىز ارمياسىنىڭ «بەيبىتشىلىك كەمەسى» اتتى ەمدەۋ كەمەسى كومەك سۇراۋ ءوتىنىشىن تاپسىرىپ العاننان كەيىن، دەرەۋ اسكەري شيپاگەر جىبەرىپ، جەرگىلىكتى ورىنداعى شيپاحاناعا بارىپ، وراسان زور قىسىمعا توتەپ بەرىپ، ءىشتى جارىپ بوساندىرۋ وپەراتسياسىن ءساتتى جاساپ، شەشەسى مەن قىزىن امان الىپ قالادى. چيننىڭ اكەسى العىستى كوڭىلىن ءبىلدىرۋ ءۇشىن وعان «چين» دەپ ات قويادى، بۇل بەنگال تىلىندە «جۇڭگو» دەگەن ماعىنانى بىلدىرەدى.

اۋدارعان: گۇلنۇر قابىلقاق قىزى