ماقالادا مىنالار باسا دارىپتەلدى: پارتيا 18-قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ جۇمىسشى تابى پارتيا مەن مەملەكەت ىستەرىنىڭ دامۋىندا نەگىزگى قوسىندىق رولىن ساۋلەلەندىرىپ، جۇمىسشىلار قوزعالىسى ىستەرىندە تاريحي جەتىستىكتەرگە قول جەتكىزىپ، جۇمىسشى ۇيىمى قىزمەتىندە جان-جاقتى العا باسۋدى جۇزەگە اسىردى. قالىڭ جۇمىسشى-قىزمەتكەرلەر بۇقاراسى پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، ەكونوميكالىق قۇرىلىس، عىلىم-تەحنيكادا جاڭالىق اشۋ، كەدەيلىكتەن قۇتىلدىرۋدان قامال الۋ، اۋىل-قىستاقتى گۇلدەندىرۋ، جۇقپالى اۋرۋدان ساقتانۋ جانە ونى تىزگىندەۋ، قاتەردەن اراشالاۋ، اپاتتان قۇتقارۋ سياقتى كەلەلى قىزمەتتەردە باتىلدىقپەن سوققى بەرەتىن، اۋىر مىندەتتى باتىلدىقپەن ارقالايتىن ءداۋىر كەلبەتىن ايگىلەدى.

 

بۇدان بىلايعى ءبىر مەزگىلدەگى جۇمىسشى ۇيىمى قىزمەتى جونىندە ماقالادا مىنالار باسا دارىپتەلدى: ءبىرىنشى، پارتيانىڭ جۇمىسشى ۇيىمىنا جاپپاي باسشىلىعىنا تاباندى بولۋ. ەلىمىزدىڭ جۇمىسشىلار قوزعالىسى ىستەرى پارتيانىڭ باسشىلىعىندا دامىعان، جۇمىسشى ۇيىمى − پارتيا باسشىلىعىنداعى جۇمىسشى تابىنىڭ بۇقارالىق ۇيىمى. پارتيانىڭ جۇمىسشى ۇيىمىنا جاپپاي باسشىلىعىنا تاباندى بولۋدان ءارقانداي ۋاقىتتا، ءارقانداي جاعدايدا اۋىتقۋعا،الشاقتاۋعا بولمايدى. پارتيانىڭ باسشىلىعىنا تاباندى بولۋدى، ءسوز جوق، جۇمىسشى ۇيىمى قىزمەتىنىڭ تۇتاس بارىسى مەن ءارقايسى جاقتارىندا جاپپاي، ءونىمدى تۇردە دايەكتى تياناقتاندىرۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، جاڭا ءداۋىر جۇڭگوشا سوتسياليزم يدەياسىمەن زەيىن-زەردەنى، رۋحتى سومداۋعا تاباندى بولىپ، مەملەكەتتىڭ زور ءىسىن كوكەيدە بەرىك ساقتاپ، پارتيا ورتالىق كوميتەتىنىڭ شەشىم- ورنالاستىرۋلارىنىڭ جۇمىسشى ۇيىمى جۇيەسىندە تياناقتانۋىن، ناقتىلانۋىن ىلگەرىلەتۋ كەرەك. يدەيالىق-ساياسي جەتەكشىلىكتى كۇشەيتىپ، قالىڭ جۇمىسشى-قىزمەتكەرلەردى پارتيانىڭ سوزىنە بۇلجىماي قۇلاق اسۋعا، پارتياعا ىلەسۋگە تاربيەلەۋ، جەتەكتەۋ كەرەك. ەكىنشى، ميلليونداعان جۇمىسشى-قىزمەتكەردى جاڭا جورىققا اتتانىپ، جاڭا داۋىرگە ۇلەس قوسۋعا ۇيىمداستىرۋ، جۇمىلدىرۋ. جۇمىسشى ۇيىمى قىزمەتى سان سالالى، ەڭ ءتۇبىرلىسى قالىڭ جۇمىسشى-قىزمەتكەرلەر بۇقاراسىن پارتيانىڭ توڭىرەگىنە تىعىز ىنتىماقتاستىرىپ، پارتيانىڭ وزەكتى مىندەتىن جۇزەگە اسىرۋ جولىندا ىنتىماقتاسا كۇرەس جۇرگىزۋ بولىپ تابىلادى. بۇكىل ىنتا-پەيىلىمەن جۇمىسشى تابىنا سۇيەنۋ سىندى ءتۇبىرلى باعىتقا تاباندى بولىپ، قالىڭ جۇمىسشى-قىزمەتكەرلەر بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە بەلسەنە ات سالىسۋ، ەڭبەك وزاتتارى رۋحىن، ەڭبەك رۋحىن، شەبەرلەر رۋحىن بارىنشا ساۋلەلەندىرۋ كەرەك. ءۇشىنشى، ۇقىقتى قورعاۋعا قىزمەت وتەۋدى دەن قويا، بار ىنتا-پەيىلمەن ويداعىداي ىستەۋ. جالپى حالىقتى بىرگە اۋقاتتاندىرۋدىڭ ماندىك تابىستارىن، ەڭ اۋەلى، ميلليونداعان ەڭبەكشىلەردە ايگىلەۋ كەرەك. جۇمىسشى ۇيىمى جۇمىسشى-قىزمەتكەرلەر مۇددەسىنىڭ ۋاكىلى جانە قورعاۋشىسى رەتىندە، جۇمىسشى-قىزمەتكەر بۇقاراسىنىڭ ءتول مۇددەسىنە ساياتىن ءىس جۇزىندىك ماسەلەلەردى كۇش سالا شەشۋ، اسىرەسە، جاڭا جۇمىستانۋ فورماتسياسىنداعى ەڭبەكشىلەردىڭ زاڭدى ۇقىق-مۇددەسىن ويداعىداي قورعاۋعا ءمان بەرۋ كەرەك. جۇمىسشى-قىزمەتكەرلەردى مۇددە تالابىن زاڭ بويىنشا اقىلعا سيىمدى، ءتارتىپتى بەينەلەۋگە، ءوز ۇقىق-مۇددەسىن قورعاۋعا جەتەكتەپ، جاراسىمدى ەڭبەك قاتىناسىن ورناتۋدى ىلگەرىلەتۋ كەرەك.

 

 ماقالادا مىنالار باسا دارىپتەلدى: جۇمىسشى ۇيىمى − جۇمىسشى-قىزمەتكەرلەردىڭ سۇيەنىشى جانە سەنىمى، جۇمىسشى ۇيىمىنىڭ كادرلارى − جۇمىسشى-قىزمەتكەرلەردىڭ توركىنى. جۇمىسشى ۇيىمى رەفورماسى مەن قۇرىلىسىن ۇزدىكسىز تەرەڭدەتىپ، نەگىزگى ساتىنى بارىنشا يگەرۋدىڭ ايقىن بەتالىسىن بەرىك ورناتىپ، نەگىزگى ساتى جۇمىسشى ۇيىمىنىڭ جەتەكشىلىك قۋاتىن، ۇيىمداستىرۋ قۋاتىن، قىزمەت وتەۋ قۋاتىن ۇزدىكسىز كۇشەيتۋ كەرەك. ءار دارەجەلى پارتكومدار مەن پارتگرۋپپالار جۇمىسشى ۇيىمى مەن جۇمىسشى ۇيىمى قىزمەتىنە باسشىلىقتى كۇشەيتۋ قاجەت. ءار دارەجەلى ۇكىمەتتەر جۇمىسشى ۇيىمىنىڭ جۇمىسشى -قىزمەتكەرلەردىڭ ناقتى قينشىلىعى مەن ماسەلەسىن شەشۋىنە بەلسەنە كومەكتەسۋ كەرەك.

اۋدارعان: كۇلان ىرىسباي قىزى