ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ مەكتەپتەردىڭ يدەيا-ساياسي ساباعى قۇرىلىسى جونىندە ماڭىزدى نۇسقاۋ بەردى

来源:جۇڭگو قازاق راديو تورابى     |责编:巴特勒|     发布日期: 2024-05-12 10:50
ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەكتەپتەردىڭ يدەيا-ساياسي ساباعى قۇرىلىسى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيانىڭ 18-قۇرىلتايىنان بەرى، پارتيا ورتالىق كوميتەتى مەكتەپتەردىڭ يدەيا-ساياسي ساباعى قۇرىلىسىن وقۋ-اعارتۋ قىزمەتىنىڭ ماڭىزدى ورنىنا قويۋعا باستان-اياق تاباندى بولىپ، پارتيانىڭ يدەيا-ساياسي ساباق قۇرىلىسىنا باسشىلىعىن جاپپاي كۇشەيتكەندىكتەن، ءار دارەجەلى، ءار ءتۇرلى مەكتەپتەردىڭ سوتسياليستىك مەكتەپ باسقارۋ بەتالىسى اناعۇرلىم ايقىندالدى، يدەيا-ساياسي ساباعى وقىتۋشىلارىنىڭ جاندى وقىتۋ، شەبەرلىكپەن وقىتۋ، دەن قويا ادام تاربيەلەۋ سەنىمى اناعۇرلىم نىعايدى، قالىڭ جاستار مەن جاس ءوسپىرىم وقۋشىلاردىڭ «ءتورت سەنىمى» كورنەكتى كۇشەيىپ، رۋحاني بەت-بەينەسى جالىنداي ءتۇستى، يدەيا-ساياسي ساباعىن وقىتۋ ورتاسى مەن تۇتاس تۇلعالىق ەكولوگياسىندا جالپى جاعدايلىق، ءتۇبىرلى بۇرىلىس جارىققا شىقتى.
 
 شي جينپيڭ بىلاي دەپ باسا دارىپتەدى: جاڭا ءداۋىر، جاڭا جورىقتا يدەيا-ساياسي ساباعى قۇرىلىسى جاڭا جاعدايعا، جاڭا مىندەتكە ءدوپ كەلدى، ءسوزسىز، جاڭا بەينە، جاڭا ىسكەرلىك كورسەتۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ وقۋ-اعارتۋ باعىتىن جاپپاي دايەكتىلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، يدەيا-ساياسي ساباعى قۇرىلىسىن پارتيانىڭ جاڭالىق اشۋ نازارياسىمەن قارۋلاندىرۋمەن قاتار ىلگەرىلەتۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىن وزەكتى مازمۇن ەتكەن ساباق وقۋلىعى جۇيەسىن ورناتىپ، جوعارى، ورتا، باستاۋىش مەكتەپتەردىڭ يدەيالىق-ساياسي تاربيەسىن ءبىر تۇلعالاندىرۋ قۇرىلىسىن ىشكەرىلەي ىلگەرىلەتۋ كەرەك. ماركسيزمنىڭ جەتەكشىلىك ورنىنا باستان-اياق تاباندى بولىپ، جۇڭگوشا سوتسياليزم قول جەتكىزگەن دۇنيەنى جالت قاراتقان تابىستاردى مازمۇن تىرەگى، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن جانە سوتسياليستىك وزىق مادەنيەتىن كۇش نەگىزى ەتىپ، قاعيدانى ىشكەرىلەي، ەگجەي-تەگجەيلى، جاندى ءتۇسىندىرىپ، دۇرىس جولدان جازباي، جاڭالىق اشۋ ارقىلى يدەيا-ساياسي ساباعى قۇرىلىسىنىڭ ماندىك دامۋىن ىلگەرىلەتىپ، يدەيا-ساياسي ساباعىنىڭ باعىتتامالىلىعى مەن باۋراۋ قۋاتىن ۇزدىكسىز جوعارىلاتۋ كەرەك. ساياسيلىعى كۇشتى، سۇيىسپەنشىلىگى تەرەڭ، ويى جاڭا، كوز اياسى كەڭ، تەجەمدى، ادامگەرشىلىگى زور يدەيا-ساياسي ساباعى وقىتۋشىلار قوسىنىن كۇش سالا قۇرۋ كەرەك.
 شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن پارتگرۋپپالار يدەيا-ساياسي ساباعى قۇرىلىسىن ماڭىزدى كەڭەس تارتىپكە قويۋى، ءار دارەجەلى، ءار ءتۇرلى مەكتەپتەر تۇلعالىق جاۋاپكەرشىلىكتى سانالى تۇردە ارقالاپ، جاڭا داۋىردەگى يدەيالىق-ساياسي تاربيەنىڭ جاڭا جاعدايىن ۇزدىكسىز اشىپ، پارتيانى الاڭسىز ەتەتىن، وتاندى ءسۇيىپ، ۇلەس قوساتىن، ۇلتتى گۇلدەندىرۋ اۋىر مىندەتىن ارقالايتىن ءداۋىردىڭ ءتىپتى دە كوپ جاڭا ادامدارىن قۇلشىنا تاربيەلەۋ كەرەك.
 جاڭا داۋىردەگى مەكتەپتەردىڭ يدەيا-ساياسي ساباق قۇرىلىسىن ىلگەرىلەتۋ ءماجىلىسى 5-ايدىڭ 11-كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى.
 
 ديڭ شۋەشياڭ مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وقۋ-اعارتۋدىڭ ساياسي سيپاتىن، ستراتەگيالىق سيپاتىن، حالىق تۇرمىسى سيپاتىن مىقتى يگەرىپ، يدەيا-ساياسي ساباعى قۇرىلىسىن پارتيانىڭ وقۋ-اعارتۋ قىزمەتىنە باسشىلىق ەتۋدەگى ەڭ ماڭىزدى ءتۇيىنى ەتىپ، جاڭا داۋىردەگى پارتيانىڭ جاڭالىق اشۋ نازارياسىن جەتەكشى، جاڭا داۋىردەگى ۇلى امالياتتى تياناق ەتىپ، يدەيا-ساياسي ساباعىنا رەفورما جاساۋدى، جاڭالىق اشۋدى ۇزدىكسىز ىلگەرىلەتىپ، پارتيا ىستەرى مەن سوتسياليستىك وسىزاماندانعان قۇدىرەتتى ەل قۇرىلىسىنىڭ مۇراگەرلەرىن جەتىلدىرۋگە شىنايى كەپىلدىك ەتۋ كەرەك.
 
 ديڭ شۋەشياڭ مىنالاردى باسا دارىپتەدى: جاڭا ءداۋىر، جاڭا جورىقتا وقۋ-اعارتۋ بورىشىن تىعىز ارقاۋ ەتىپ، يدەيا-ساياسي نازاريا ساباعى قۇرىلىسىن پارتيانىڭ جاڭالىق اشۋ نازارياسىمەن قارۋلاندىرۋمەن بىرگە ىلگەرىلەتۋگە تاباندى بولىپ، جاڭا داۋىردەگى يدەيالىق-ساياسي تاربيەنىڭ جاڭا جاعدايىن ۇزدىكسىز اشۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن وزەكتى مازمۇن ەتكەن ساباق وقۋلىعى جۇيەسىن جەدەل ورناتىپ، پارتيانىڭ جاڭالىق اشۋ نازارياسىنىڭ ەڭ جاڭا جەتىستىكتەرىن ساناعا ۇيالاتۋدى ىلگەرىلەتۋ كەرەك. جاڭا داۋىردەگى ۇلى جەتىستىكتەردىڭ تاربيەلەۋ، شابىتتاندىرۋ رولىن تولىق ساۋلەلەندىرىپ، يدەيا-ساياسي ساباعىنىڭ وقىتۋ مازمۇنىن بايىتىپ، جاڭا ءداۋىر حيكاياسىن ويداعىداي بايانداپ، وقۋشىلاردى پارتيانىڭ جاڭالىق اشۋ نازارياسىنىڭ امالياتتىق ۇلى كۇشىن سەزىنۋگە جەتەكتەۋ كەرەك. «ۇلكەن يدەيا-ساياسي ساباعى» ارقىلى ادامدى جان-جاقتى تاربيەلەۋدىڭ جاڭا جاعدايىن كەڭەيتىپ، يدەيا-ساياسي شاعىن ساباقحاناسى مەن قوعامدىق ۇلكەن ساباقحانانى ۇشتاستىرىپ، وقۋشىلاردىڭ مەملەكەت جاعدايىن، حالىق جاعدايىن اناعۇرلىم جاقسى ءتۇسىنۋىن، مۇرات-سەنىمدى بەكەمدەۋىن ىلگەرىلەتۋ كەرەك. وقۋ-اعارتۋ زاڭدىلىعىنا بويسۇنىپ، جوعارى، ورتا، باستاۋىش مەكتەپتەردىڭ يدەيالىق-ساياسي تاربيەسىن ءبىر تۇلعالاندىرۋ قۇرىلىسىن ىشكەرىلەي ىلگەرىلەتىپ، ساباق نىساناسىن تارتىپپەن، بىرتىندەپ ىلگەرىلەتىپ، وقۋشىلاردىڭ يدەيا، ۇيرەنۋ جانە تۇرمىس ءىس جۇزىندىگىمەن ۇشتاستىرىپ، وقۋشىلاردىڭ ىنتالى ۇيرەنۋىنە، ۇيرەنگەنىن تۇسىنۋىنە مۇمكىندىك جاساۋ كەرەك. يدەيا-ساياسي ساباعىنىڭ وقىتۋشىلار قوسىنى قۇرىلىسىن كۇشەيتىپ، وقىتۋدى الدىمەن ويلاستىرۋدى كورنەكتىلەندىرەتىن باعالاۋ جۇيەسىن اقاۋسىزداندىرىپ، وقىتۋشىلاردىڭ ورنى مەن مامىلەسىن قامتاماسىزداندىرۋ مەحانيزمىن كەمەلدەندىرۋ كەرەك. جەر-جەر مەن تاراۋلار ساياسي جاۋاپكەرشىلىكتى ارقالاپ، قىزمەتتى تياناقتاندىرۋدى مىقتى يگەرىپ، يدەيا-ساياسي ساباعى قۇرىلىسىنىڭ قۇدىرەتتى بىرىككەن كۇشىن قالىپتاستىرۋدى ىلگەرىلەتۋ كەرەك.
 
 ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى، مەملەكەتتىك مادەني مۇرالار مەكەمەسىندەگى، بەيجيڭ قالاسىنداعى، فۋجيان ولكەسىندەگى، جۇڭگو حالىق داشۋەسىندەگى، فۋدان داشۋەسىندەگى، شىعىس سولتۇستىك پەداگوگيكا داشۋەسىنە قاراستى ورتا مەكتەپتەگى، چاڭشا قالاسى يۇي-يىڭ باستاۋىش مەكتەبىندەگى قاتىستى جولداستار پىكىر اۋىستىرىپ، ءسوز سويلەدى.
 
 لي گانجيە، لي شۋلەي ماجىلىسكە قاتىناستى.
 
 ورتالىقتىڭ وقۋ-اعارتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس-قۇرىلىس بيڭتۋانىنىڭ، ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى، يدەيا-ساياسي ساباعى وقىتۋشىلارىنىڭ تاڭداۋلى ۋاكىلدەرى قاتارلىلار ماجىلىسكە قاتىناستى.
 
 ماجىلىستەن بۇرىن، ديڭ شۋەشياڭ بەيجيڭ عىلىم-تەحنيكا داشۋەسى مەن بەيجيڭ قالالىق 159-ورتا مەكتەپكە بارىپ تەكسەرۋ-زەرتتەۋ جۇرگىزىپ، يدەيا-ساياسي ساباعىن جەلىدە، جەلىدەن تىس توپتىق دايىنداۋ جاعدايىن ۇعىسىپ، يدەيا-ساياسي ساباعىنىڭ ناق مايداندا تىڭداپ، وقىتۋشى-وقۋشىلارمەن پىكىر اۋىستىردى. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

شي جينپيڭ مەكتەپتەردىڭ يدەيا-ساياسي ساباعى قۇرىلىسى جونىندە ماڭىزدى نۇسقاۋ بەردى

شي جينپيڭ مەكتەپتەردىڭ يدەيا-ساياسي ساباعى قۇرىلىسى جونىندە ماڭىزدى نۇسقاۋ بەرىپ، جاڭا داۋىردەگى يدەيا-ساياسي ساباعى تاربيەسىنىڭ جاڭا جاعدايىن ۇزدىكسىز اشىپ، پارتيانى الاڭسىز ەتەتىن، وتاندى سۇيەتىن، ۇلەس قوساتىن، ۇلتتى گۇلدەندىرۋ اۋىر مىندەتىن ارقالايتىن ءداۋىردىڭ ءتىپتى دە كوپ جاڭا ادامدارىن قۇلشىنا تاربيەلەۋدى باسا دارىپتەدى، ديڭ شۋەشياڭ جاڭا داۋىردەگى مەكتەپتەردىڭ يدەيا-ساياسي ساباعى قۇرىلىسىن ىلگەرىلەتۋ ماجىلىسىنە قاتىناستى ءارى ءسوز سويلەدى