جاز باسىندا ءتوراعا شي جينپيڭ 2024-جىلعى تۇڭعىش ساپارىن باستادى. بەس كۇن، التى تۇندە، ءۇش مەملەكەت ، ءتۇرت جەردە 30 قانشا مايدان قيمىل ىلگەرىندى-كەيىندى وتكىزىلىپ، ەكى جاقتى جانە كوپ جاقتى كەڭەستەر ورىستەتىلىپ ، ساياسي ، ەكونوميكا جانە مادەنيەت ىستەرى تالقىلاندى، رەسمي سالتاناتتى مەملەكەت ىستەرى قيمىلى جانە ەمىن-ەركىن ورتادا شىنايى پىكىر الماستىرۋ دا بولىپ ءوتتى ءارى كوز اياسى اسا كەڭ ستراتەگيالىق اۋىس-كۇيىستە جانە بۇكپەسىز كەڭەستە ءجۇرىلىپ جاتتى.ءۇش ەل وسكەلەڭ ءمان بەرىپ، ەرەكشە سالتاناتپەن كۇتىپ الدى جانە ەڭ جوعارى دەڭگەيدە قۇرمەت كورسەتتى. وسى رەتكى ساپار ەۆروپانى تياناق ەتىپ، دۇنيە جۇزىنە نازار سالىپ، جۇڭگو-فرانسيا قاتىناسىنىڭ تاعى دا بەكەمدەلۋىن، جۇڭگو-سەربيا قاتىناسىنىڭ تاعى دا كۇشەيۋىن، جۇڭگو-ۆەنگريا قاتىناسىنىڭ ونان ارى جوعارىلاۋىن، جۇڭگو-ەۆروپا سەلبەستىگىنىڭ تاعى دا تىڭ ساپارعا اتتانۋىن جۇزەگە اسىردى، وسى رەتكى دوستىقتى جالعاستىرۋ، ءوزارا سەنىمدىلىكتى ارتتىرۋ، سەنىمدى سەرپىلتۋ جانە بولاشاققا سارا جول سالۋ ساپارى تابىستى بولدى. ەل ءىشى-سىرتىنداعى جاماعات پىكىرى ايرىقشا نازار اۋدارىپ، ۇزدىكسىز قىزۋ تالقى جۇرگىزىپ، جاپپاي بىلاي دەپ قارادى: ساپاردىڭ جارقىن تۇيىندەرى ارت-ارتىنان جارىققا شىعىپ، تارتىمدى، ستراتەگيالىق ءمانى مەن تەرەڭ ىقپالى ەكى جاقتى كاتەگوريادان الدە قايدا اسىپ، جۇڭگوشا ءىرى ەلدىك ديپلوماتيانىڭ بەلسەنە العا باسقاندىعىن، ءتوراعا شي جينپيڭنىڭ ءىرى ەلدىڭ كوسەمى رەتىندەگى جاۋاپكەرشىلىگى مەن باۋرامدىلىعىن ايگىلەدى. 

 

 فرانسيا جاڭا جۇڭگومەن تۇڭعىش رەت ديپلوماتيالىق قاتىناس ورناتقان ءارى جۇڭگومەن جالپى بەتتىك ستراتەگيالىق سەرىكتەستىك قاتىناس ورناتقان باتىستاعى ءىرى ەل، ەجەلدەن دەربەس، ءوز-وزىنە قوجايىن بولۋ ءداستۇرى بار. ەكى ەل قاتىناسى باستان-اياق جۇڭگونىڭ باتىس ەلدەرىمەن الدىڭعى لەگىندە ءجۇرىپ، تۇرلىشە وركەنيەتتىڭ، تۇرلىشە ءتۇزىمنىڭ، تۇرلىشە دامۋ دەڭگەيىندەگى ەلدەردىڭ ءوزارا تابىسقا جەتۋىنىڭ، بىرگە العا باسۋىنىڭ ۇلگىسىنە اينالدى.

ءتوراعا شي جينپيڭنىڭ فرانسياداعى مەملەكەتتىك ساپارى جۇڭگو مەن فرانسيانىڭ ديپلوماتيالىق قاتىناس ورناتقاندىعىنىڭ 60 جىلدىعىن قۇتتىقتاۋداعى ەڭ ماڭىزدى كۇن ءتارتىبى. ەكى ەلدىڭ مەملەكەت باسشىلارى ۇزاق ۋاقىت، جوعارى دەڭگەيدە ستراتەگيالىق پىكىرلەستى. ءتوراعا شي جينپيڭ جۇڭگو مەن فرانسيانىڭ ديپلوماتيالىق قاتىناس ورناتقان 60 جىلدىق قىمباتتى تاريحىن، وزگەشە قۇنىن، ماڭىزدى بورىشىن ەسكە الىپ جانە قورىتىندىلاپ،«تورتكە تاباندى بولۋدى» جانە «ءتۇرتتى ورتاق جەبەۋدى» العا قويدى، ياعني دەربەس، ءوز-وزىنە قوجايىن بولۋعا تاباندى بولىپ،«جاڭا قىرعي قاباقتىق سوعىستىڭ»  نەمەسە توپقا ءبولىنىپ قارسىلاسۋدان بىرگە ساقتانۋ؛ ءوزارا تۇسىنىسۋگە تاباندى بولىپ، دۇنيە ءجۇزىنىڭ جاراسىمدى قاتار ءومىر ءسۇرۋىن بىرگە جەبەۋ؛ بيىكتە تۇرىپ الىسقا كوز جىبەرۋگە تاباندى بولىپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن بىرگە ىلگەرىلەتۋ؛ ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، «اجىراۋعا، بايلانىستى ۇزۋگە» بىرگە قارسى تۇرۋ.

 

ماكرون زۇڭتۇڭ ءتوراعا شي جينپيڭنىڭ پاراساتى مەن كورەگەندىگىنە ەرەكشە ءتانتى بولدى.

 

 ەكى ەل باسشىلارى جۇڭگو-فرانسيا قاتىناسىن ىشكەرلەي دامىتۋ جونىندە كوپتەگەن ورتاق تانىمعا كەلدى، ەكى جاق ورتا شىعىس جاعدايى، جاساندى زەردە، الەمدىك جونگە سالۋ، ورگانيزمدەردىڭ الۋان تۇرلىلىگى، تەڭىز-مۇحيت، اۋىل شارۋاشىلىق اۋىس-كۇيىسى مەن سەلبەستىگى جونىندە 4 بىرلەسكەن مالىمدەمە جاريالاپ، 20 عا جۋىق سەلبەستىك كەلىسىمىنە قول قويدى.

 

 سوڭعى جىلدارى ءتوراعا شي جينپيڭ ماكرون زۇڭتۇڭمەن ىلگەرىندى-كەيىندى نيس كەشكى كەڭەسىن، يۇييۋان شاي اڭگىمەسىن وتكىزدى، بىلتىر گۋاڭجوۋدا سۇڭيۋان كەڭەسىن وتكىزدى. وسى رەت ماكرون زۇڭتۇڭ دەن قويا جوبالاپ، ءتوراعا شي جينپيڭ مەن حانىمىن ءوزىنىڭ ەسەيىپ-ەرجەتۋىندە ەرەكشە مانگە يە پيرەنەس ولكەسىنە ساپارلاي بارۋعا ۇسىنىس ەتتى، ماكرون حانىمىمەن بىرگە تاربەس اۋەجايىنا بارىپ قارسى الدى ءارى اتتاندىرىپ سالدى. ەكى ەلدىڭ مەملەكەت باسشىلارى توۋرمالەت تاۋىندا بيىكتە تۇرىپ الىسقا كوز تاستاپ، الەمنىڭ اۋمالى-توكپەلى جاعدايى جونىندە كوسىلە كەڭەستى. شىعىستان باتىسقا، تاريحتان قازىرگى جاعدايعا دەيىن، كەلەلى جانە كوكەيتەستى ماسەلەلەر جونىندە ىشكەرىلەي ستراتەگيالىق پىكىرلەسىپ، وسكەلەڭ ورتاق تانىمعا كەلدى. توۋرمالەت تاۋىنداعى ايالدامادا اقتارىلا اڭگىمەلەسۋ وسى رەتكى ساپاردىڭ جارقىن تۇيىنىنە اينالىپ قالماستان، جۇڭگو مەن فرانسيا باسشىلار قاتىناسىنىڭ تاعى ءبىر تاماشا حيكاياسىن جازدى.

 

 جۇڭگو مەن فرانسيا بارىس-كەلىسىنىڭ ءاربىر شۇعىلالى ساتتەرىنىڭ استارىندا دەربەس، ءوز-وزىنە قوجايىن بولۋداي فاكتورلار تىرەك بولۋدا، ال جۇڭگو مەن فرانسيا دەربەس، ءوز-وزىنە قوجايىن بولۋ رۋحىن ساۋلەلەندىرگەندە، ءار رەتكى كەزدەسۋدە وراسان زور وڭ ەنەرگيا قۇدىرەتىن ايگىلەيدى. ادامزات دامۋىنىڭ تۇيلىسىندە تۇرىپ، دۇنيە ءجۇزىنىڭ 100 جىلدىق وزگەرىس جاعدايىنداعى اۋمالى-توكپەلى اۋقىمعا مەڭزەس، جۇڭگو مەن فرانسيا ب م ۇ حاۋىپسىزدىك القالار كەڭەسىنىڭ تۇراقتى القا ەلى رەتىندە، اناعۇرلىم زور جاۋاپكەرشىلىك ارقالاپ، ەكى جاقتى سەلبەستىك پەن كوپ جاقتى اۋىس-كۇيىس جانە سايكەستىكتى كۇشەيتىپ، بۇلىڭعىر دۇنيەگە جارقىنءۇمىت ۇستەپ، ادامزاتتىڭ العا باسۋىنا ىزدەنىس جاساۋ بەتالىسىن قاراستىرۋى كەرەك. ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو-فرانسيا قاتىناسىندا اناعۇرلىم شۇعىلالى بولاشاقتى بىرگە قارسى الىپ، ۇزدىكسىز تىڭ دا اناعۇرلىم جوعارى دەڭگەيگە كوتەرىلەتىندىگىنە سەنەمىز.

 سەربيا جۇڭگونىڭ سەنىمدى دوسى ءارى جۇڭگونىڭ ورتا، شىعىس ەۆروپا وڭىرىندەگى تۇڭعىش جالپى بەتتىك ستراتەگيالىق سەرىگى.

 

 ۋچيچ زۇڭتۇڭنىڭ تالاي رەتكى ىقىلاستى ۇسىنىسى بويىنشا، ءتوراعا شي جينپيڭ سەربياعا تاعى دا ساپارلاي باردى. سەربيا بۇكىل ەل بولىپ قارسى الىپ شاتتىققا شومدى، بەلگرادتىڭ كوپ جەرىندە «جۇڭگونىڭ قىزىل بايراعى» جەلبىرەدى. ۋچيچ زۇڭتۇڭ بۇرىنعى زۇڭتۇڭ، پارلامەنت باستىعى، زۇڭلي، سىرتقى ىستەر مينيسترى قاتارلى كوپتەگەن ساياسي قايراتكەرلەردى باستاپ اۋەجايعا بارىپ قارسى الىپ جانە اتتاندىرىپ، تاريحتا بولىپ كورمەگەن سالتاناتتى كۇتىپ الۋ سالتىن وتكىزدى. سەربيانىڭ 20 مىڭعا جۋىق بۇقاراسى سەربيا سارايىنىڭ الاڭىنا جينالىپ، جۇڭگو مەن سەربيانىڭ مەملەكەت تۋىن بۇلعاپ،  «جۇڭگو» دەپ الاقايلادى، بۇل سەربيا حالقىنىڭ جۇڭگو حالقىنا دەگەن شىنايى سۇيىسپەنشىلىگىن، ءتوراعا شي جينپيڭگە دەگەن وسكەلەڭ قۇرمەتىن شىنايى سەزىندىردى. 

 

 ەكى ەلدىڭ مەملەكەت باسشىلارى جاڭا داۋىردەگى جۇڭگو-سەربيا تاعدىرلاس ورتاق تۇلعاسىن قۇرۋعا ءبىر اۋىزدان قوسىلدى. ءتوراعا شي جينپيڭ جۇڭگو جاقتىڭ جۇڭگو-سەربيا تاعدىرلاس ورتاق تۇلعاسى قۇرىلىسىن قولداۋداعى تۇڭعىش رەتكى ناقتى شاراسىن جاريالاپ، جۇڭگو جاقتىڭ جۇڭگو مەن سەربيانىڭ جالپى بەتتىك ستراتەگيالىق سەرىكتەستىك قاتىناسىن ىشكەرلەتۋگە جانە دەڭگەيىن جوعارىلاتۋعا كۇش سالۋ بەكىمى مەن ادالدىعىن ايگىلەدى.

 

ۋ چيچ زۇڭتۇڭ تالاي رەت تەبىرەنە بىلاي دەدى: جۇڭگونىڭ سەربيا سياقتى شاعىن ەلگە تەڭ مامىلە جاساۋى سەربيا حالقىن اسەرلەندىردى، سەربيا حالقى بۇنى ماڭگى كوكەيىندە ساقتايدى، جۇڭگو سەربيانىڭ ەڭ شىنايى دوسى. ءتوراعا شي جينپيڭنىڭ باسشىلىعىندا، جۇڭگو دۇنيەنى جالت قاراتقان تابىستارعا قول جەتكىزىپ، دۇنيە ءجۇزىنىڭ دامۋى مەن العا باسۋىنىڭ ۇلگىسىنە اينالدى. جۇڭگو جۇڭگو حالقىنىڭ باقىتىن كوزدەپ قانا قويماي، دۇنيە ءجۇزى حالقىنىڭ يگىلىگىن دە كوزدەيدى. سەربيا حالقى جۇڭگوعا، اسىرەسە، ءتوراعا شي جينپيڭگە العىس ايتادى جانە قۇرمەت ەتەدى، جۇڭگو سياقتى ۇلى مەملەكەتپەن سەنىمدى دوس بولعانىن ماقتانىش ەتەدى.

 

 جۇڭگو مەن سەربيا جاڭا داۋىردەگى تاعدىرلاس ورتاق تۇلعا قۇرىپ، تاعدىرلاس ورتاق تۇلعا قۇرىلىسىنىڭ ەۆروپاداعى جاڭالىعىن جۇزەگە اسىردى، بۇل ءارى جۇڭگو مەن سەربيانىڭ سەنىمدى دوستىعىنىڭ بەكەمدەلە تۇسكەنىن، ءارى ەكى جاقتىڭ ورتاق قۇن ۇستانىمىن ايگىلەدى، بۇل جۇڭگو-سەربيا قاتىناسى تاريحىنداعى جاڭا بەلەسكە اينالادى.

 

ۆەنگريا جاڭا جۇڭگومەن ەڭ ەرتە ديپلوماتيالىق قاتىناس ورناتقان ەلدەردىڭ ءبىرى، بيىل جۇڭگو مەن ۆەنگريانىڭ ديپلوماتيالىق قاتىناس ورناتقاندىعىنىڭ 75 جىلدىعى. ەكى ەل قاتىناسى تاريحتاعى ەڭ جاقسى كەزەڭگە ءوتىپ، جاڭاشا حالىقارالىق قاتىناستىڭ ۇلگىسىن ورناتتى.

 

 ۆەنگريا ءتوراعا شي جينپيڭنىڭ وسى رەتكى ساپارىنا ايرىقشا ءمان بەردى، شۋيۋك زۇڭتۇڭ، وربان زۇڭلي بىرگە ۇسىنىس ەتتى ءارى قارسى الۋ سالتىن بىرگە وتكىزدى، وربان زۇڭلي مەن سىرتقى ىستەر مينيسترلەرى اۋەجايعا بارىپ قارسى الىپ، اتتاندىرىپ، ءتوراعا شي جينپيڭمەن ۇزاق ۋاقىت كەڭەس وتكىزىپ، ءوزارا ىقپالداسىپ، اقتارىلا اڭگىمەلەسىپ، ىشكەرىلەي اۋىس-كۇيىس جاساپ، جۇڭگو-ۆەنگريا قاتىناسىنىڭ بولاشاعىن كارتينالادى. شي جينپيڭ وربان زۇڭليدىڭ جۇڭگونىڭ وزەكتى مۇددەسىن قورعاۋىن باتىل قولداعاندىعىن ايرىقشا القادى، جۇڭگو مەن ۆەنگريانىڭ جاڭا داۋىردەگى جالپى بەتتىك ستراتەگيالىق سەرىكتەستىك قاتىناسىن ورناتۋدى وراي ەتىپ، تەڭ تۇرعىدا مامىلە جاساۋعا، ءوزارا سەنۋگە، ءوزارا كومەكتەسۋگە، سەلبەسىپ تەڭ يگىلىككە كەنەلۋگە، تەڭدىك پەن ادىلەتتىلىككە تاباندى بولىپ، ەكى ەلدىڭ سەلبەستىگىنە تىڭ دا پارمەندى قوزعاۋشى كۇش قوسۋدى قالايتىندىعىن، ۆەنگريانىڭ جۇڭگو ۇلگىسىندەگى وسىزامانداندىرۋ جولىنداعى ساپارلاسىنا اينالۋىن قارسى الاتىندىعىن ءبىلدىردى.

 

 شۋيۋك زۇڭتۇڭ مەن وربان زۇڭلي ءتوراعا شي جينپيڭ العا قويعان جەلىلەس الەمدىك دارىپتەمەلەردى جوعارى باعالادى، ۆەنگريا جۇڭگونىڭ اينىماس دوسى بولا بەرەدى، جۇڭگونىڭ ءوزىنىڭ وزەكتى مۇددەسى مەن ورىندى ۇقىعىن قورعاۋىن قولدايدى.

 «جاقسى دوس التىننان دا قىمبات». جۇڭگو ۆەنگريامەن بىرگە ءتوراعا شي جينپيڭنىڭ وسى رەتكى ساپارىن وراي ەتىپ، جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناستىڭ تاماشا حيكاياسىن جازىپ، «التىن سۋ تاسىمال ارناسىندا» ءوزارا تيىمدىلىك جەتكىزىپ، سەلبەستىك جاساۋدىڭ تىڭ داستانىن جازۋدى قالايدى. 

ءتوراعا شي جينپيڭ پاريجدە ماكرون زۇڭتۇڭمەن، ەۆروپا وداعى كوميتەتىنىڭ ءتوراعاسى ۆوندرلەيىنمەن جۇڭگو، فرانسيا، ەۆروپا 3 جاق كەڭەسىن وتكىزدى. ءتوراعا شي جينپيڭ جۇڭگو-ەۆروپا قاتىناسىنىڭ ىشكى قوزعاۋشى كۇشىنە، جۇڭگو-ەۆروپا سەلبەستىگىنىڭ ءوزارا تيىمدىلىك جاساۋ مانىنە تەرەڭ تالداۋ جاساپ، بۇگىنگى دۇنيە جۇزىندەگى ەكى ۇلكەن كۇش، ەكى ۇلكەن بازار، ەكى ۇلكەن وركەنيەت رەتىندە، جۇڭگو-ەۆروپا قاتىناسى دۇنيە ءجۇزىنىڭ بەيبىتشىلىگى مەن ورنىقتىلىعىنا جانە دامۋىنا، گۇلدەنۋىنە سايادى دەپ اتاپ كورسەتتى.

 

 ايتىلمىس «جۇڭگونىڭ ءوندىرىس قۋاتىنىڭ شەكتەن تىس اسىپ قالۋى نازارياسى» سوزىنە مەڭزەس، ءتوراعا شي جينپيڭ فاكت جانە ساندى مالىمەتتەر ارقىلى كوپشىلىكتى كۇدىك-كۇماننان ارىلتىپ، ماسەلەنىڭ ءتۇپ قاينارىن اشىپ كورسەتتى. ءتوراعا شي جينپيڭ مىنانى باسا دارىپتەدى: جۇڭگونىڭ جاڭا ەنەرگيا كاسىپورىندارى اشىق باسەكەدە ناعىز ونەرگە جەتىلدى، بۇل وزىق ءوندىرىس قۋاتىنا ۋاكىلدىك ەتەدى، مەيلى سالىستىرمالى باسىمدىلىق بولسىن، الدە الەمدىك بازار سۇرانىمى تۇرعىسىنان بولسىن، بارلىعىندا ايتىلمىش «ءوندىرىس قۋاتىنىڭ ارتىپ قالۋى» ماسەلەسى ءومىر سۇرمەيدى.

 

 ەۆروپا جاق بىلاي دەدى: ەۆروپا وداعى جۇڭگومەن سەلبەستىكتى كۇشەيتۋدى بۇرىنعى ءارقانداي كەزدەگىدەن دە قاجەت ەتەدى، بۇل ەۆروپانىڭ بولاشاعىنا سايادى.

 

وسى رەتكى ساپار كەزىندە ءتوراعا شي جينپيڭ جۇڭگو-فرانسيا كاسىپورىنشىلار كوميتەتىنىڭ 6-رەتكى ءماجىلىسىنىڭ جابىلۋ سالتىنا قاتىناسىپ، ەۆروپاعا جۇڭگو ۇلگىسىندەگى وسىزامانداندىرۋدىڭ دۇنيە جۇزىلىك ءمانىن ءتۇسىندىردى. ءتوراعا شي جينپيڭنىڭ ءسوزى ماجىلىسكە قاتىناسقان ەۆروپا كاسىپورىنشىلارىنىڭ قىزۋ اڭىسىنا يە بولدى. كوپتەگەن ادامدار جۇڭگوعا قارجى قوسۋدى ۇزدىكسىز ساقتايتىندىعىن نەمەسە كەڭەيتەتىندىگىن، جۇڭگونىڭ جوعارى دەڭگەيلى، تۇزىمدىك ەسىك اشۋ اياق الىسىنا ىشكەرىلەي ات سالىسۋدى ءۇمىت ەتەتىندىگىن ىرىقتىلىقپەن ءبىلدىردى.

 

 ساپار كەزىندە ءتوراعا شي جينپيڭ ەۆروپا جاقتىڭ باسشىلارىمەن ۋكراينا داعدارىسى، پالەستين-يزرايل قاقتىعىسى سياقتى حالىقارالىق جانە وڭىرلىك قولامتالى ماسەلەلەر جونىندە ىشكەرىلەي پىكىر اۋىستىردى. ءتوراعا شي جينپيڭ تاريحي تەرەڭدىك جانە ستراتەگيالىق تۇرعىدان جۇڭگونىڭ ۋكراينا داعدارىسىنداعى كوزقاراسى مەن قۋاتتاماسىن بايىمدادى.

ءىشىنارا ەلدەردىڭ ايتىلمىس «جۇڭگو جاۋاپكەرشىلىگى» دەيتىن ءپاتۋاسىنا جانە جاۋاپكەرشىلىكتەن قاشقالاقتاۋ باسقالارعا يتەرمەلەۋ دەيتىن ءتۇرلى داقپىرتتارىنا قاراتا، ءتوراعا شي جينپيڭ بىلاي دەپ ايقىن اتاپ كورسەتتى: جۇڭگو جاقتىڭ ادال نيەتىمەن قوسا ارەكەتى دە، پرينسيبى دە بار، ءبىز داعدارىستان پايدالانىپ جۇڭگونى قارالايتىن، «جاڭا قىرعي قاباقتىق سوعىسقا» جەلىكتىرەتىن ءارقانداي ءسوز-ارەكەتتى قابىلدامايمىز. جۇڭگو مەن فرانسيا پاريج وليمپيك سپورت جارىسىن وراي ەتىپ، سپورت جارىسى كەزىندە بۇكىل جەر شارىندا سوعىستى توقتاتىپ، قولامتالى ماسەلەلەردى بەيبىت جولمەن شەشۋ ءۇشىن ءۇن قاتىپ، باياندى، بەيبىت، جاپپاي حاۋىپسىز دۇنيە قۇرۋدى ىلگەرىلەتۋگە كۇش قوسۋعا ءبىر اۋىزدان قوسىلدى.

 پالەستين مەن يزرايلدىڭ قاقتىعىسى جونىندە ءتوراعا شي جينپيڭ بىلاي دەپ باسا دارىپتەدى: كەزەكتەگى شۇعىل مىندەت سوعىستى جالپى بەتتىك توقتاتۋدى تەز ارادا جۇزەگە اسىرۋ، ەڭ ماڭىزدىسى ادامگەرشىلىك كومەك بەرۋگە كەپىلدىك ەتۋ، ءتۇبىرلى شىعار جول «ەكى ەل جوباسىن» تياناقتاندىرۋ. جۇڭگو جاق پالەستين ماسەلەسىنىڭ ەرتەرەك جاپپاي، ءادىل، باياندى شەشىلۋىن جەبەۋ ءۇشىن اناعۇرلىم كەڭ كولەمدى، اناعۇرلىم بەدەلدى، اناعۇرلىم ناقتى ونىمدىلىككە يە حالىقارالىق بەيبىتشىلىك ءماجىلىسىن تەز ارادا اشۋدى قولدايدى.

 

 بەيبىتشىلىك پەن ورنىقتىلىققا ساياتىن ماسەلەدە جۇڭگو باستان-اياق تاريحتىڭ دۇرىس جاعىندا، بەيبىتشىلىك پەن ادىلەتتىلىك جاعىندا، حالىقارالىق ءمورالدىڭ بيىك تۇرعىسىندا تۇرىپ، حالىقارالىق قوعامنىڭ جاپپاي قۇپتاۋىنا جانە جوعارى باعاسىنا يە بولىپ، حالىقارالىق بەيبىتشىلىك پەن ورنىقتىلىقتى جەبەۋدىڭ تىرەگىنە اينالدى.

 

 حانىمدار ديپلوماتياسى وسى رەتكى ساپاردىڭ جارقىن ءتۇيىنى بولدى. پىڭ لييۋان پروفەسسور ءتوراعا شي جينپيڭمەن بىرگە 20 نەشە مايدان قيمىلعا قاتىناستى ءارى ساپارلاي بارعان 3 ەل باسشىلارىنىڭ حانىمدارىمەن دوستىق اۋىس-كۇيىس جاساپ، جەرلىكتەگى ايەلدەر قاۋىمىمەن، وقۋشىلارمەن ىقىلاستى سويلەسىپ، ولاردى حانزۋ ءتىلىن اناعۇرلىم كوبىرەك ۇيرەنۋگە، جۇڭگونى تۇسىنۋگە شابىتتاندىردى. پىڭ لييۋان پروفەسسور ۇسىنىس بويىنشا ب م ۇ وقۋ-اعارتۋ، عىلىم-تەحنيكا، مادەنيەت ۇيىمىنىڭ باس شتابىندا ساپاردا بولىپ، وقۋ-اعارتۋ، عىلىم-تەحنيكا، مادەنيەت ۇيىمىنىڭ قىز بالالار مەن ايەلدەر تاربيەسىن جەبەۋ ەرەكشە ەلشىسى بولعاندىعىنىڭ 10 جىلدىق داڭق كۋالىگىن قابىلدادى. پىڭ لييۋان پروفەسسوردىڭ باۋراعىش ديپلوماتياسى شەتەل بۇقاراسىنىڭ جۇڭگوعا دەگەن جاقسى سەزىمىن كۇشەيتۋدە، جۇڭگونىڭ مادەنيەت قۋاتىن جوعارىلاتۋدا بەلسەندى رول اتقاردى.

 

ءتوراعا شي جينپيڭنىڭ ەۆروپاداعى ساپارى بەيبىتشىلىك، ىنتىماق، سەلبەستىك سيگىنالىن تاراتىپ، ءىرى ەل، ءىرى پارتيا كوسەمدەرىنىڭ الەمدىك كوز اياسىن، الەمدىك باۋىرمالدىعىن جانە داۋىرلىك جاۋاپكەرشىلىگىن تولىق كورنەكتىلەندىرىپ، جۇڭگونىڭ حالىقارالىق ىقپالى، جاڭالىق اشۋ جەتەكشىلىك قۋاتى، ءمورالدىق باۋراۋ قۋاتى اناعۇرلىم كۇشتى جاۋاپكەرشىلىك ارقالايتىن ءىرى ەلگە اينالعاندىعىن تاعى ءبىر رەت ايگىلەدى. 

 

اۋدارعان: كۇلان ىرىسباي قىزى