ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

شي جينپيڭ جۇڭگو-اراب ەلدەرى سەلبەستىك تالقىسىنىڭ 10-كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسادى

来源:جۇڭگو قازاق راديو تورابى     |责编:巴特勒|     发布日期: 2024-05-28 16:34
ءوز حابارىمىز. سىرتقى ىستەر مينيسترلىگى 5-ايدىڭ 27-كۇنى ءتوراعا شي جينپيڭنىڭ جۇڭگو-اراب ەلدەرى سەلبەستىك تالقىسىنىڭ 10-كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناساتىندىعى جونىندە جۇڭگو-شەتەل مەديالارىنا قۇلاق قاعىس ءماجىلىس اشتى.
تانىستىرۋعا قاراعاندا، وسى رەتكى مينيستر دارەجەلىلەر ءماجىلىسى 5-ايدىڭ 30-كۇنى بەيجيڭدە اشىلادى، مەملەكەت ءتوراعاسى شي جينپيڭ اشىلۋ سالتىنا قاتىناسادى ءارى نەگىزگى ماقساتتىق ءسوز سويلەيدى. ماجىلىستە باسشىلاردىڭ ورتاق تانىمىن تياناقتاندىرۋ، جۇڭگو مەن اراب ەلدەرىنىڭ ءار سالاداعى سەلبەستىگىن كەڭەيتۋ، جۇڭگو-اراب ەلدەرى تاعدىرلاس ورتاق تۇلعاسىن قۇرۋدى جەدەلدەتۋ جونىندە ءتۇيىندى تۇردە ىشكەرىلەي تالقى جۇرگىزىلىپ، ناقتى شارالار زەرتتەلەدى. ماجىلىستە جۇڭگو مەن اراب بىرىككەن امىرلىگى اراسىنداعى ورتاق تانىم ونان ارى ۇيىستىرىلىپ، كەلەسى كەزەڭدەگى سەلبەستىك جوسپارلانادى ءارى پالەستين ماسەلەسى جونىندە جۇڭگو مەن اراب ەلدەرىنىڭ ورتاق ءۇنى تاراتىلادى.
5-ايدىڭ 29-كۇنىنەن 31-كۇنىنە دەيىن، ءتوراعا شي جينپيڭ جۇڭگوعا ساپاردا بولۋعا جانە ءماجىلىستىڭ اشىلۋ سالتىنا قاتىناسۋعا كەلگەن باحرەيننىڭ پاتشاسى حاماد، ەگيپەتتىڭ زۇڭتوڭى سەيسي، تۋنيستىڭ زۇڭتوڭى سايد، اراب بىرلەسكەن امىرلىگىنىڭ زۇڭتوڭى مۇحاممەدكە ارناپ مەملەكەت ىستەرى قيمىلىن وتكىزىپ، ەكى جاقتى بايلانىس جانە ورتاق كوڭىل ءبولىپ وتىرعان وڭىرلىك، حالىقارالىق ماسەلەلەر جونىندە ىشكەرىلەي پىكىر الماستىردى.
جۇڭگو-اراب ەلدەرى سەلبەستىك تالقىسى قۇرىلعان 20 جىلدان بەرى، جۇڭگو-اراب ەلدەرى قاتىناسى قارىشتاپ دامىدى.ءتوراعا شي جينپيڭ تالقىنىڭ مينيستر دارەجەلىلەر ءماجىلىسىنىڭ اشىلۋ سالتىنا 2 رەت قاتىناسىپ، اراب دۇنيەسىنە 4 رەت ماڭىزدى ساياساتتىق مالىمدەمە جاريالاپ، جۇڭگو مەن اراب ەلدەرىنىڭ ستراتەگيالىق ءوزارا سەنىمدىلىگىن ۇزدىكسىز تەرەڭدەتۋگە جەتەكشىلىك ەتىپ، «ءبىر بەلدەۋ، ءبىر جولدى» ورتاق قۇرۋدىڭ تابىستارى ەكى جاق حالقىن يگىلىككە كەنەلتتى. 2022-جىلى وتكىزىلگەن تۇڭعىش كەزەكتى جۇڭگو-اراب ەلدەرى باسشىلار باس قوسۋىندا جۇڭگو-اراب ەلدەرى باسشىلارى جاڭا داۋىرگە بەت العان جۇڭگو-اراب ەلدەرى تاعدىرلاس ورتاق تۇلعاسىن قۇرۋعا كۇش سالىپ، جۇڭگو-اراب ەلدەرى قاتىناسى جالپى بەتتىك ىشكەرىلەي دامىعان جاڭا داۋىرگە قادام تاستادى. ەكى جاقتىڭ ورتاق قۇلشىنۋىندا جۇڭگو-اراب ەلدەرى تاعدىرلاس ورتاق تۇلعاسىن قۇرۋدا بەلسەندى ىلگەرىلەۋشىلىككە قول جەتتى.
جۇڭگو مەن اراب ەلدەرى دامۋ جولىنداعى ەلدەردىڭ ماڭىزدى مۇشەلەرى، ءار ەكى جاق تا حالىقارالىق قوعامداعى ماڭىزدى كۇش سانالادى، ۇلتتىڭ كوركەيۋىن جۇزەگە اسىرۋ، مەملەكەت قۇرىلىسىن جەدەلدەتۋ سىندى ورتاق تاريحي بورىش ارقالاپ وتىر. جۇڭگو اراب ەلدەرىمەن جۇڭگو-اراب ەلدەرى تاعدىرلاس ورتاق تۇلعاسىن قۇرۋدى ۇزدىكسىز نىسانا ەتىپ، جۇڭگو-اراب ەلدەرى دوستىعى رۋحىن ۇستانىپ، ءبىر-ءبىرىنىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداۋ كورسەتىپ، «ءبىر بەلدەۋ، ءبىر جولدى» ورتاق قۇرۋ جۇلگەسىندە ءار سالاداعى سەلبەستىكتى ىلگەرىلەتەدى. وركەنيەتتەر ارا اۋىس-كۇيىس، ءوزارا ۇلگى الۋ بارىسىندا شۇعىلالى ناتيجە جاراتىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن قول ۇستاسا ىلگەرىلەتىپ، دامۋ جولىنداعى ەلدەردىڭ ىنتىماقتاسا سەلبەسىپ، ءوز كۇشىنە سۇيەنىپ ءوزىن الۋەتتەندىرەتىن كوللەكتيۆ سەلبەستىك ۇلگىسىن قالىپتاستىرۋعا كۇش سالادى. 
 
اۋدارعان: قاناتبەك جۇماباي ۇلى
 

中央广播电视总台 央广网 版权所有

شي جينپيڭ جۇڭگو-اراب ەلدەرى سەلبەستىك تالقىسىنىڭ 10-كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسادى

شي جينپيڭ جۇڭگو-اراب ەلدەرى سەلبەستىك تالقىسىنىڭ 10-كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسادى