ينفورماتسيا اشكەرەلەۋ: mzjubao@cnr.cn

ءتوراعا شي جينپيڭىنىڭ حابارلارى

باس شۋجي شي جينپيڭنىڭ كاسىپورىن مەن ماماندار اڭگىمە ماجىلىسىندە سويلەگەن ماڭىزدى ءسوزى قوعام ءار سالاسىندا كۇشتى اڭىس قوزعادى

来源:جۇڭگو قازاق راديو تورابى     |责编:巴特勒|     发布日期: 2024-05-28 16:34
ءوز حابارىمىز. باس شۋجي شي جينپيڭنىڭ كاسىپورىندار مەن مامانداردىڭ اڭگىمە ماجىلىسىندە سويلەگەن ماڭىزدى ءسوزى قوعامنىڭ ءار سالاسىندا كۇشتى اڭىس قوزعادى. كوپشىلىك بىلاي دەدى: باس شۋجي شي جينپيڭ ماڭىزدى سوزىندە دامۋ جانە رەفورما جونىندەگى ءبىرقىدىرۋ كەلەلى نازاريالىق جانە امالياتتىق ماسەلەلەرگە تەرەڭ جاۋاپ بەرىپ، جاڭا جورىقتا رەفورمانى اناعۇرلىم جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدى ورتاق تانىم ۇيىستىرىپ، قۇدىرەتتى سەنىم ۇستەدى.
 
 باس شۋجي شي جينپيڭ بىلاي دەپ باسا دارىپتەدى: رەفورمانى ونان ارى جاپپاي تەرەڭدەتۋدە جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى نەگىزگى تاقىرىپتى تىعىز ارقاۋ ەتىپ، رەفورما ءتۇيىنىن كورنەكتىلەندىرىپ، قۇن بەتالىسىن مىقتى يگەرىپ، ءادىس-امالعا ءمان بەرىپ، وزەكتى مىندەتتى ورىنداۋعا، ستراتەگيالىق نىسانانى جۇزەگە اسىرۋعا قوزعاۋشى كۇش قوسۋ كەرەك. شاڭحاي قازىنا-ەكونوميكا داشۋەسىنىڭ باستىعى ليۋ يۋانچۇن بىلاي دەدى: باس شۋجي رەفورمانى ونان ارى تەرەڭدەتۋدىڭ نەگىزگى تاقىرىبىن، ءتۇيىنىن، قۇن بەتالىسىن جانە ءادىس-امالدارىن جان-جاقتى بايىمداپ، رەفورمامىزدىڭ ءتۇيىنى جونىندە ءبىر قىدىرۋ ادىستەردى ورتاعا قويدى، مەتودولوگيا تۇرعىسىنان الىپ ايتقاندا، قيراتۋ دا، ورناتۋ دا بار، قازىر ءدوپ كەلىپ وتىرعان جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ءتۇرلى شەشۋشى ماسەلەلەرگە تۇسىنىك جاسادى، مۇنداي جالپى جاعدايلىق بايىمداۋ كوپشىلىكتىڭ رەفورما جاساپ، ەسىك اشۋ بەكىمى مەن سەنىمىن ونان ارى تاسقىنداتتى.
 باس شۋجي شي جينپيڭ بىلاي دەپ باسا دارىپتەدى: رەفورمانى ونان ارى جاپپاي تەرەڭدەتۋدە باستى قايشىلىق پەن قايشىلىقتىڭ باستى جاعىن مىقتى يگەرۋ كەرەك. قوعامدىق وندىرگىش كۇشتەردى ونان ارى ازات ەتىپ جانە دامىتىپ، قوعامنىڭ ومىرشەڭدىك كۇشىن ارتتىرىپ، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ اناعۇرلىم ويداعىداي سايكەسۋىن ىلگەرىلەتۋ كەرەك. مەملەكەتتىك دامۋ جانە رەفورمالار كوميتەتى ءتۇزىلىس رەفورماسى جالپىلىق مەكەمەسىنىڭ ورىنباسار باستىعى حۋ جاۋحۇي بىلاي دەدى: ءبىز باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ىشكەرىلەي ۇيرەنىپ، دايەكتىلەندىرىپ، نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا تاباندى بولىپ، ەكونوميكالىق ءتۇزىلىس رەفورماسىن جەتەكشى ەتىپ، تەرەڭ قاتپارلى تۇزىلىستىك، مەحانيزمدىك كەدەرگىلەر مەن قۇرىلىمدىق قايشىلىقتاردى كۇش سالا شەشىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن جەدەل ورناتىپ، جوعارى ساپالى دامۋدى ىلگەرىلەتۋدى، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدى قۇدىرەتتى قوزعاۋشى كۇشپەن جانە تۇزىمدىك كەپىلمەن قامداۋىمىز كەرەك.
 مەملەكەتتىك كەڭەس مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتى كاسىپورىن رەفورماسى مەكەمەسىنىڭ باستىعى لين چيڭمياۋ بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، نازاردى جۇڭگوشا وسى زامانعى كاسىپورىن ءتۇزىمىن كەمەلدەندىرۋگە شوعىرلاندىرىپ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسامىز.
 
 باس شۋجي شي جينپيڭ بىلاي دەپ باسا دارىپتەدى: رەفورمانى قايتا جوبالاۋ، ونان دا ماڭىزدىسى، تياناقتاندىرۋعا ءمان بەرۋ، رەفورمانىڭ تياناقتانۋىن شەگە قاعۋ رۋحىمەن يگەرۋ كەرەك. ءار سالا قايراتكەرلەرى بىلاي دەدى: بۇل جاڭا جورىقتا رەفورمانى اناعۇرلىم جاپپاي تەرەڭدەتۋگە العا باسۋ بەتالىسىن كورسەتىپ، رەفورما كۇشى ارقىلى دامۋداعى قيىن ماسەلەلەردى شەشۋ سەنىمى مەن بەكىمىن اناعۇرلىم بەكەمدەدى. حاربين ەلەكتر توبى پارتكومىنىڭ ورىنباسار شۋجيى، باس مەڭگەرۋشىسى حۋاڭ ۋي بىلاي دەدى: كاسىپورىن ەكونوميكالىق، قوعامدىق دامۋدىڭ ومىرشەڭدىك قاينارى، رەفورماعا ات سالىسۋشى ءارى يگىلىككە كەنەلۋشى. ءبىز وزەكتى فۋنكتسيانى كۇشەيتۋگە نازار اۋدارىپ، وزەكتى باسەكەلىك قۋاتتى جوعارىلاتىپ، عىلىم-تەحنيكادا جاڭالىق اشۋ ارقىلى جاسىل، تومەن كومىرتەكتى جانە سيفرلانۋعا بۇرىلىس جاساۋعا جەتەكشىلىك ەتىپ، جوعارى ساپالى اۋىر تۇرپاتتى جابدىق ءوندىرۋ-جاساۋ بازاسى قۇرىلىسى ارقىلى جۇڭگو ۇلگىسىندەگى وسىزامانداندىرۋعا دەم بەرەمىز.
 انتا دەنە تاربيە بۇيىمدارى توبى شەكتى سەرىكتىگى القالار ىستەرى مەكەمەسىنىڭ ءتوراعاسى ديڭ شىجۇڭ بىلاي دەدى: باس شۋجي ماجىلىستە ءبىزدى بار ىنتا-پەيىلىمىزبەن كىرىسىپ، باستان-اياق جالعاستىرىپ، نەگىزگى كاسىپتى كۇشەيتۋگە شابىتتاندىردى، ءبىز بۇدان ەرەكشە شابىت الدىق. بولاشاقتا ءبىز ناقتى كاسىپتەن اۋىتقىماۋعا، جاڭالىق اشۋدى قوزعاۋشى كۇش ەتۋگە تاباندى بولىپ، جاڭا ساپالى وندىرگىش كۇشتەردى دامىتىپ، جۇڭگو ۇلگىسىندەگى وسىزامانداندىرۋ قۇرىلىسىنا ۇلەس قوسامىز.
 
 شىنجىن قالاسى چيانحاي شىنجىن-شياڭگاڭ وسى زامانعى قىزمەت وتەۋ كاسىبى سەلبەستىك رايونىن باسقارۋ مەكەمەسىنىڭ ورىنباسار باستىعى ۋاڭ جينشيا بىلاي دەدى: ءبىز باس شۋجي نۇسقاعان بەتالىس بويىنشا باتىلدىقپەن ىزدەنىس جاساپ، ستراتەگيالىق، جاسامپازدىق، جەتەكشىلىك سيپاتتى، تۇڭعىش جاسامپازدىق فورماسىنداعى ءبىر توپ رەفورما شارالارىن العا قويىپ، الدىمەن اتقارىپ، الدىمەن سىناق ەتۋدىڭ، ءىستى شەبەرلىكپەن تىندىرۋدىڭ ءىس جۇزىندىك جەتىستىكتەرى ارقىلى جۇڭگو ۇلگىسىندەگى وسىزامانداندىرۋدىڭ جەتەكشى ورنىن قۇرۋعا تىرەك ازىرلەيمىز.
 مەملەكەتتىك ينتەگرالدى تىزبەك جوبالاۋ اۆتوماتتاندىرۋ تەحنيكاسىندا جاڭالىق اشۋ ورتالىعىنىڭ اتقارۋشى مەڭگەرۋشىسى ياڭ جۇن بىلاي دەدى: باس شۋجي شي جينپيڭ: جاپپاي جاڭالىق اشۋدى قولداۋ ءتۇزىلىس مەحانيزمىن كەمەلدەندىرۋ كەرەك، -دەپ باسا دارىپتەدى، بۇل ءبىز سياقتى عىلمي زەرتتەۋ قىزمەتكەرلەرى جونىنەن ەرەكشە شابىت. ءبىز نىسانانى باعدار، ماسەلەنى قوزعاۋشى كۇش ەتۋگە تاباندى بولىپ، ءتۇزىم رەفورماسى ارقىلى جاڭالىق اشۋ ومىرشەڭدىك كۇشىن تاسقىنداتىپ، شەشۋشى تەحنيكالاردان ەرتەرەك قامال الىپ، ينتەگرالدى تىزبەك سالاسىنداعى ءوز كۇشىنە سۇيەنىپ ءوزىن الۋەتتەندىرۋ مەن جوعارى ساپالى دامۋدى جۇزەگە اسىرۋ جولىندا قاجىماي-تالماي كۇرەس جۇرگىزەمىز.
 باس شۋجي شي جينپيڭ بىلاي دەپ اتاپ كورسەتتى: رەفورمانى يگەرۋ، دامۋدى جەبەۋ، سايىپ كەلگەندە، حالىقتىڭ تۇرمىسىن اناعۇرلىم جاقسارتۋ ءۇشىن بولىپ تابىلادى. حالىقتىڭ جالپى تۇلعالىق مۇددەسىن، ءتۇبىرلى مۇددەسىن، ۇزاق بولاشاقتىق مۇددەسىن شىعار ءتۇيىن ەتە وتىرىپ رەفورمانى جوسپارلاۋ جانە ىلگەرىلەتۋ كەرەك. چۇڭچيڭ قالاسى جيۋلۇڭپو رايونى شيەجياۋان كوشەسى مينجۋ قىستاعى الەۋمەتتىك اۋماعى پارتكومىنىڭ شۋجيى ۋ چىڭلي بىلاي دەدى: باس شۋجيدىڭ ءسوزى نەگىزگى ساتى قىزمەتكەرلەرىنىڭ رەفورمانى اناعۇرلىم جاپپاي تەرەڭدەتۋ جونىندەگى ءۇمىتى مەن سەنىمىن نىعايتتى. نەگىزگى ساتى الەۋمەتتىك اۋماق قىزمەتكەرلەرى الەۋمەتتىك اۋماق قىزمەتىن تىڭعىلىقتى ىستەپ، حالىق تۇرمىسى رەفورماسىن ەگجەي-تەگجەيلى تياناقتاندىرۋ كەرەك.
 
 جىجياڭ ولكەسى جياشيڭ قالالىق پارتكوم رەفورما كەڭسەسىنىڭ ورىنباسار مەڭگەرۋشىسى يىن فىڭ بىلاي دەدى: نەگىزگى ساتىداعى رەفورما قىزمەتكەرى رەتىندە، حالىق بۇقاراسىنىڭ رەفورما ىستەرىندەگى نەگىزگى تۇلعالىق ورنىنا باستان-اياق تاباندى بولىپ، رەفورما قاجەتىنە تالداۋ جاساۋدى ۇدايىلاندىرا ورىستەتىپ، كاسىپورىن مەن بۇقارادان قاجەتتى، جوسپاردى، ونىمدىلىكتى ۇنەمى ۇعىسىپ، كاسىپورىندار مەن بۇقارانىڭ قاجەتىن جەتەكشى ەتۋگە تاباندى بولىپ، رەفورمانىڭ كۇش سالۋ ءتۇيىنى مەن قامال الۋ ءتۇيىنىن ءداپ باسىپ تاۋىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋىمىز كەرەك. 
 
اۋدارعان: گۇلنۇر قابىلقاق قىزى
 

中央广播电视总台 央广网 版权所有

باس شۋجي شي جينپيڭنىڭ كاسىپورىن مەن ماماندار اڭگىمە ماجىلىسىندە سويلەگەن ماڭىزدى ءسوزى قوعام ءار سالاسىندا كۇشتى اڭىس قوزعادى

رەفورما ورتاق تانىمىن ۇيىستىرىپ، دامۋدىڭ ايبىندى جوباسىن بىرگە جاسادى − باس شۋجي شي جينپيڭنىڭ كاسىپورىن مەن ماماندار اڭگىمە ماجىلىسىندە سويلەگەن ماڭىزدى ءسوزى قوعام ءار سالاسىندا كۇشتى اڭىس قوزعادى