شي جينپيڭ ب م ۇ–نىڭ ساۋدا جانە دامۋ كەڭەسى قۇرىلعاندىعىنىڭ 60 جىلدىعىن قۇتتىقتاۋ قيمىلىنىڭ باستالۋ سالتىنا بەينە ەكران ارقىلى ارناۋ ءسوز سويلەدى

ءوز حابارىمىز. مەملەكەت ءتوراعاسى شي جينپيڭ 6-ايدىڭ 12-كۇنى ب م ۇ-نىڭ ساۋدا جانە دامۋ كەڭەسى قۇرىلعاندىعىنىڭ 60 جىلدىعىن قۇتتىقتاۋ قيمىلىنىڭ باستالۋ سالتىنا بەينە ەكران ارقىلى ارناۋ ءسوز سويلەدى.

شي جينپيڭ مىنالاردى انىق ايتتى: ب م ۇ-نىڭ ساۋدا جانە دامۋ كەڭەسى قۇرىلعان 60 جىلدان بەرى، بىرلىكتە كوركەيۋ ماقساتىن ۇستانىپ، وڭتۇستىكتەگىلەر سەلبەستىگىن بەلسەنە جەبەپ، وڭتۇستىكتەگىلەر مەن سولتۇستىكتەگىلەر سۇحباتىن دارىپتەپ، حالىقارالىق ەكونوميكالىق جاڭا ءتارتىپ ورناتۋدى ىلگەرىلەتىپ، الەمدىك ساۋدا جانە دامۋعا ماڭىزدى ۇلەس قوستى. قازىر دۇنيە جۇزىندە ءجۇز جىلدا بولماعان وزگەرىس جەدەلدەپ، بەيبىتشىلىك پەن دامۋ جاڭا سىن-سايىستارعا ءدوپ كەلىپ وتىر. ءبىز تاريح پەن حالىققا جاۋاپتى بولۋ پوزيتسياسىمەن دۇرىس بەتالىستى ءدال يگەرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋىمىز كەرەك.

شي جينپيڭ مىنالاردى انىق ايتتى: بەيبىت دامۋدىڭ حالىقارالىق ورتاسىن قالىپتاستىرۋ كەرەك.ءار ەل، اسىرەسە، ءىرى ەلدەر ناعىز كوپ جاقتىلىقتى امالياتتا ايگىلەۋ؛ دۇنيە ءجۇزىنىڭ تەڭ، ءتارتىپتى بولۋىن دارىپتەۋ؛ ب م ۇ ۋستاۆىنىڭ نەگىزگى ماقساتى مەن پرينسيبىنە بويسۇنۋ؛ ب م ۇ-نىڭ ساۋدا جانە دامۋ كەڭەسى سياقتى كوپ جاقتى قۇرىلىمداردىڭ رولىن اناعۇرلىم ويداعىداي ساۋلەلەندىرۋىن قولداۋ كەرەك.

شي جينپيڭ بىلاي دەدى: اشىق ۇستالعان دامۋدىڭ ءداۋىر اعىمىنا ۇيلەسۋ كەرەك. ەكونوميكانىڭ الەميلەنۋىن دارىپتەۋ؛ ساۋدا جانە قارجى قوسۋدىڭ ەركىن، قولايلى بولۋىن ىلگەرىلەتۋ؛ دامۋدىڭ ءبىر كەلكى بولماۋى سياقتى ماسەلەلەردى ويداعىداي شەشۋ؛ الەمدىك باسقارۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك. جاڭالىق جاراتا دامۋدىڭ تاريحي ورايىن مىقتى يگەرۋ كەرەك. اشىق ۇستالعان، سيىسىمدى، كەمسىتپەيتىن سيفرلى ەكونوميكالىق ورتا قالىپتاستىرۋ؛ ادامدى نەگىز ەتۋگە، زەيىندەسكەن، ىزگى دامۋعا تالپىنۋعا تاباندى بولىپ، ب م ۇ جۇلگەسىندە جاساندى زەيىن ەرەجەسى ارقىلى باسقارۋدى كۇشەيتۋ؛ جاسىل دامۋعا بۇرىلىس جاساۋدى بەلسەنە ىلگەرىلەتۋ؛ قالىڭ دامۋ جولىنداعى ەلدەردىڭ سيفرلانۋ، زەيىندەستىرۋ، جاسىلداندىرۋ اعىمىنا اناعۇرلىم ويداعىداي توعىسۋىنا مۇمكىندىك جاساۋ كەرەك.

شي جينپيڭ مىنالاردى باسا دارىپتەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، جۇڭگو جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جالپى بەتتىك ىلگەرىلەتۋدە، ءسوز جوق، دۇنيە ءجۇزىنىڭ دامۋىنا اناعۇرلىم زور تىڭ وراي اكەلەدى.

شي جينپيڭ بىلاي دەدى: جۇڭگو قاشاندا «دۇنيە ءجۇزىنىڭ وڭتۇستىگىندەگىلەردىڭ» ءبىر مۇشەسى، ماڭگى وركەندەپ كەلە جاتقان ەل بولا بەرەدى. جۇڭگو دامۋ جولىنداعى باسقا ەلدەردەن يمپورتتى بەلسەنە كەڭەيتىپ، ساۋدا، قارجى قوسۋ، دامۋ سەلبەستىگىن كۇشەيتىپ، ب م ۇ-نىڭ 2030-جىلعا دەيىنگى باياندى دامۋ كەڭەس ءتارتىبىن تياناقتاندىرۋعا دەم بەرەدى. جۇڭگو ءار قايسى جاقتارمەن بىرلىكتە قۇلشىنىپ، ادامزاتتىڭ بولاشاعىن كوكەيدە ساقتاپ، حالىقتىڭ باقىتىن ەستەن شىعارماي، دۇنيە ءجۇزىنىڭ بەيبىت، حاۋىپسىز، كوركەيگەن، العا باسقان جارقىن بولاشاققا بەت الۋىن ىلگەرىلەتۋدى قالايدى.