ءوز حابارىمىز. «شي جينپيڭ شىعارمالارىنان تاڭدامالىلاردىڭ» 1-، 2-تومدارىنىڭ فرانسۋز، ورىس، اراب، يسپان تىلدەرىندەگى باسىلىمى تاياۋدا شەتەل تىلدەر باسپاسىنان باسىلىپ شىعىپ، ەل ءىشى-سىرتىنا تاراتىلدى. 

«شي جينپيڭ شىعارمالارىنان تاڭدامالىلاردىڭ» 1-، 2-تومدارىنا باس شۋجي شي جينپيڭنىڭ 2012-جىلى 11-ايدان 2022-جىلى 10-ايعا دەيىنگى مەزگىلدەگى ماڭىزدى شىعارمالارى ەنگىزىلىپ، باس شۋجي شي جينپيڭنىڭ جۇڭگو كوممۋنيستىك پارتياسىنىڭ مەملەكەتتىك 20-قۇرىلتايىندا جاساعان "جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك" دەگەن بايانداماسى العى ءسوز ەتىلىپ، باسقا شىعارمالارى ۋاقىت رەتى بويىنشا ورنالاستىرىلعان.

 "شي جينپيڭ شىعارمالارىنان تاڭدامالىلاردا" شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىققا باسشىلىق ەتىپ، جۇڭگوشا سوتسياليزمنىڭ جاڭا ءداۋىرىن اشقان ءارى ۇزدىكسىز تىڭ جەڭىستەرگە قول جەتكىزگەن ۇلى تاريحي بارىسى جاندى ەستەلىككە الىنعان، جاڭا داۋىردەگى جۇڭگو كوممۋنيستەرىنىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاسامپازدىق جەتىستىكتەرى شوعىرلى بەينەلەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە جەتەكشىلىك ەتەتىن اقيقات كۇشى مەن امالياتتىق ۇلى كۇشى تولىق ايگىلەنگەن، جۇڭگو كوممۋنيستىك پارتياسىنىڭ كوركەم دۇنيە قۇرۋدى ىلگەرىلەتۋگە كۇش سالعان جۇڭگو اقىل-پاراساتى مەن جۇڭگو جاۋاپكەرشىلىگى جان-جاقتى ايگىلەنگەن، ول شي جينپيڭ جاڭا ءداۋىر جۇڭگوشا سوتسياليزم يدەياسىن جان-جاقتى، جۇيەلى بەينەلەيتىن بەدەلدى شىعارما.

 "شي جينپيڭ شىعارمالارىنان تاڭدامالىلاردىڭ" 1-، 2-تومىنىڭ اعىلشىنشا باسىلىمى بيىل 3-ايدا باسپادان شىققاننان بەرى، ەل ءىشى-سىرتىندا دابىرالى اڭىس قوزعادى. "شي جينپيڭ شىعارمالارىنان تاڭدامالىلاردىڭ" 1-، 2-تومدارىنىڭ فرانسۋز، ورىس، اراب، يسپان تىلدەرىندەگى باسىلىمىنىڭ باسپادان شىعىپ تاراتىلۋى شەتەلدىك وقىرمانداردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جۇيەلى تۇسىنۋىنە، جۇڭگو ۇلگىسىندەگى وسىزامانداندىرۋدىڭ ىشكى ءمانىن دۇرىس تانۋىنا پايدالى، سونداي-اق سەنىمدى، جاعىمدى، قادىرلى جۇڭگو وبرازىن ايگىلەۋدە، جۇڭحۋا وركەنيەتىنىڭ تاراتۋ قۋاتى مەن ىقپالىن كۇشەيتۋدە ماڭىزدى مانگە يە.

 

اۋدارعان: گۇلنۇر قابىلقاق قىزى