ءوز حابارىمىز. ءتوراعا شي جينپيڭ «جۇڭگونى ءتۇسىنۋ» 2024-جىلعى گۋاڭجوۋ حالىقارالىق ماجىلىسىنە جولداعان قۇتتىقتاۋ حاتىندا بىلاي دەپ انىق ايتتى: جۇڭگونى ءتۇسىنۋ ءۇشىن، رەفورمانى ونان ارى جالپى بەتتىك تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى ءتۇسىنۋ كەرەك. جۇڭگو ۇلگىسىندەگى وسىزامانداندىرۋ قۇرىلىسى ءبىر ميلليارد 400 ميلليون حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋمەن بىرگە، دۇنيە ءجۇزىنىڭ بەيبىت دامۋىنا اناعۇرلىم زور تىڭ ۇلەس قوسادى.

ماجىلىسكە قاتىناسقان جۇڭگولىق-شەتەلدىك سيلى قوناقتار بىلاي دەدى: ءتوراعا شي جينپيڭنىڭ قۇتتىقتاۋ حاتى جۇڭگونىڭ ءار ەلمەن قول ۇستاسا وتىرىپ دۇنيە ءجۇزىنىڭ وسىزاماندانۋىن ىلگەرىلەتۋدەگى شىنايى تىلەگى مەن بەرىك بەكىمىن بەينەلەپ، ءار ەلدىڭ سەلبەسىپ دامۋىن ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋعا قۇدىرەتتى ورتاق تانىم جانە كۇش ۇيىستىردى. 

ءتوراعا شي جينپيڭ قۇتتىقتاۋ حاتىندا بىلاي دەپ انىق ايتتى: بۇگىنگى جۇڭگودا جوعارى دەڭگەيدەگى سوتسياليستىك بازار شارۋاشىلىعى ءتۇزىلىسى جەدەل ورناتىلىپ، تۇزىمدىك ەسىك اشۋ ورنىقتى كەڭەيتىلىپ، حالىقارالىق جوعارى ولشەم ەكونوميكا-ساۋدا ەرەجەسى ىرىقتىلىقپەن ۇشتاستىرىلىپ، جاريا، ورنىقتى، مەجەلەۋگە بولاتىن تۇزىمدىك ورتا بەلسەنە قالىپتاستىرىلۋدا. جۇڭگو ۇلگىسىندەگى وسىزامانداندىرۋ قۇرىلىسى ءبىر ميلليارد 400 ميلليون حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋمەن بىرگە، دۇنيە ءجۇزىنىڭ بەيبىت دامۋىنا اناعۇرلىم زور تىڭ ۇلەس قوسادى.

ماجىلىسكە قاتىناسقان سيلى قوناقتار بىلاي دەدى: بۇل سوزدەر كوپشىلىكتىڭ جۇڭگونىڭ بولاشاق دامۋىنا دەگەن سەنىمى مەن ءۇمىتىن ارتتىردى. پاكيستاننىڭ بۇرىنعى زۇڭليى شاحيد ابباسي بىلاي دەدى: ءتوراعا شي جينپيڭنىڭ قۇتتىقتاۋ حاتىندا جۇڭگو ۇكىمەتىنىڭ ساياساتى قايتالاي دارىپتەلىپ، دۇنيە جۇزىنە جۇڭگونىڭ بولاشاق دامۋ بەتالىسى ايقىن كورسەتىلدى. بۇل ءار ەلدىڭ بەلسەنە ءۇن قوسۋىنا تاتيدى. ءارقانداي ءبىر ەلدىڭ وسىزاماندانۋى مەن دامۋى جالپىعا ءتيىمدى بولۋعا ءتيىس. ەكونوميكانى دامىتۋ ەندىگارى مۇلدە وتاسپاۋ سايىسىنىڭ بارىسى ەمەس، قايتا ورتاق يگىلىكتەنۋ بارىسى بولۋ كەرەك.

سينگاپۋردىڭ شارلاۋشى باس ەلشىسى چىن چيڭجۋ بىلاي دەدى: مەن ءتوراعا شي جينپيڭ العا قويعان جۇڭگو حالىقارالىق جوعارى ولشەمدى ەكونوميكا-ساۋدا ەرەجەسىن ىرىقتىلىقپەن ۇشتاستىرىپ، جاريا، ورنىقتى، مەجەلەۋگە بولاتىن ءتۇزىم ورتاسىن بەلسەنە قالىپتاستىرادى دەگەن سوزدەرى ەرەكشە القايمىن. مەنىڭشە، بۇل وتە جاقسى ينفورماتسيا، اسىرەسە، كەيبىر ساۋدا قورعانىمپازدارى بۇكىل جەر شارىندا «شاعىن اۋلا قورعانىن» سالعان وسىنداي كەزدە، ءبىز اشىق ساۋدا ورتاسىن ءتىپتى دە اڭسايمىز.

يندونەزيا ستراتەگيا جانە حالىقارالىق زەرتتەۋ ورتالىعىنىڭ اعا زەرتتەۋشىسى يۋسۋپ ۆاناندي بىلاي دەدى: جۇڭگو وسىزاماندانۋعا جەتەكشىلىك ەتەدى، ونىڭ ۇستىنە ءار ەلگە كومەك بەرۋدى قالايدى. جاكارتا-باندۇڭ جوعارى قارقىندى تەمىر جولى مۇنىڭ ەڭ جاقسى مىسالى. جۇڭگو ەڭ سەنىمدى ءارى دامۋ جولىنداعى ەلدەرگە شىنايى كومەكتەسەدى.

ءتوراعا شي جينپيڭ بىلاي دەپ باسا دارىپتەدى: جۇڭگو ءار ەلمەن قول ۇستاسا وتىرىپ دامۋعا ءتيىمدى ورتا جانە شارت-جاعداي جاراتىپ، ءتۇرلى قيىنشىلىقتار مەن سىن-سايىستارعا بەلسەنە توتەپ بەرىپ، بەيبىت دامۋ، ءوزارا ءتيىمدى سەلبەستىك، ورتاق كوركەيۋ سىندى دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدىڭ تىڭ داستانىن جازۋدى ءۇمىت ەتەدى.

كوپشىلىك بىلاي دەستى: بۇل بايىمداۋلار دۇنيە ءجۇزىنىڭ وزگەرىس جاعدايىنداعى ءىرى ەلدىڭ جاۋاپكەرشىلىگىن تولىق ايگىلەپ، دۇنيە ءجۇزىنىڭ دامۋىنا ورتاق تانىم جانە كۇش ۇيىستىرادى.

ليۆاننىڭ بۇرىنعى زۇڭليى حاسەن ديابۋ بىلاي دەدى: ءتوراعا شي جينپيڭنىڭ قۇتتىقتاۋ حاتى كۇشتى اڭىس تاراتتى، جۇڭگو دۇنيە ءجۇزىنىڭ بەيبىت دامۋىن ىلگەرىلەتەدى. مۇنى ءاربىر ادام اڭسايدى. ول جۇڭگونىڭ دۇنيە جۇزىندەگى ەلدەرمەن سەلبەسىپ، دۇنيە ءجۇزىنىڭ دامۋىنا ۇلەس قوسۋ ۋادەسىن قايتالاي دارىپتەدى. مەن بولاشاعى نۇرلى جۇڭگونىڭ دۇنيە جۇزىنە نۇرلى بولاشاق سيلايتىندىعىنا سەنەمىن.

جۇڭگو مەملەكەتتىك جاڭالىق جاراتۋ جانە دامۋ ستراتەگياسىن زەرتتەۋ قوعامى عىلمي زەرتتەۋ كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى لي جۇنرۋ بىلاي دەدى: وسىزامانداندىرۋ ادامزاتتىڭ ورتاق تالپىنىسى. جۇڭگو ۇلگىسىندەگى وسىزامانداندىرۋ جاڭا جول اشتى، بۇل جولدا حالىق وزەك ەتىلەدى، ءبىز بەيبىت دامۋ جولىنا تاباندى بولامىز. مىنە بۇل جۇڭگو كوممۋنيستەرىنىڭ الەمدىك دارقان پەيىلى.ءبىز دۇنيە ءجۇزىنىڭ بەيبىت دامۋى، سەلبەسە ورتاق يگىلىكتەنۋى سىندى ءداۋىر اعىمىن مىقتى يگەرىپ، جۇڭگونى ءتىپتى دە ويداعىداي دامىتىپ، جۇڭگونىڭ وسىزاماندانۋى ارقىلى ادامزاتتىڭ العا باسۋ ىستەرىنە ۇلەس قوسۋىمىز كەرەك.