ءوز حابارىمىز. 5-ايدىڭ 4-كۇنى ساعات 16 دان 40 مينۋت وتكەندە، گۇيجوۋ ولكەسى بيجيە قالاسىنىڭ چيانشي قالاسى شينرىن اۋىلىنداعى ۋجياڭ بايلي حۋالاڭ كورىنىس رايونى ليۋ گۋاڭحى وزەنى سۋ ايدىنىندا تۇتقيىل بوران سوعىپ، ساياحات كەمەسى اۋدارىلۋ شىرعالاڭى تۋىلدى.

قازىرگى تەكسەرىپ انىقتاۋ جاعدايىنا نەگىزدەلگەندە، وسى رەتكى شىرعالاڭدا 4 كەمە اۋدارىلىپ، 84 ادام سۋعا كەتكەن. 83 ادام قۇتقارىلدى جانە تابىلدى، مۇنىڭ ىشىندە 9 ادام ەمدەۋ ءونىم بەرمەي قازا بولدى، 70 ادام شيپاحانادا قۇتقارىلۋدا، قازىرشە ومىرلەرىنە قاتەر جوق، 4 ادام جارالانبادى. ءبىر ادام ءالى دەرەكسىز. 

شىرعالاڭ تۋىلعاننان كەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: گۇيجوۋ بيجيە قالاسى چيانشي قالاسىنىڭ ءبىر كورىنىس رايونىندا ساياحات كەمەسى اۋدارىلۋ شىرعالاڭى تۋىلدى، سۋعا كەتكەندەردى ءتۇرلى ءادىس-امالدارمەن ىزدەۋ، قۇتقارۋ، جارالىلاردى بار كۇشپەن ەمدەۋ-قۇتقارۋ، قازا بولعانداردىڭ سوڭعى جۇمىستارىن ىڭعايلاستىرۋ جانە ولاردىڭ وتباسىنداعىلاردى جۇباتۋ سياقتى قىزمەتتەردى ويداعىداي ىستەۋ كەرەك.

 شي جينپيڭ بىلاي دەپ باسا دارىپتەدى: جۋىقتا ءىشىنارا جەرلەردە حاۋىپسىزدىك شىرعالاڭدارى ارت-ارتىنان تۋىلىپ، كوپ ادام ءولدى جانە جارالاندى، جەر-جەر جانە قاتىستى تاراۋلار بۇدان اششى ساباق الىپ، سالعىرتسۋ يدەياسىن باتىل جەڭىپ، ءار جاقتىڭ جاۋاپكەرشىلىگىن ونان ارى ناقتىلاندىرىپ، نازاردى ساياحات كورىنىس وڭىرلەرى، ءىرى الەۋمەتتىك ورىندار، تۇرعىندار رايونى، ساياحاتشىلاردىڭ قايتقان كەزىندەگى قاتىناس سياقتىلارعا شوعىرلاندىرىپ، حاۋىپسىزدىك شارالارىن كۇشەيتىپ، قىزمەتتى تياناقتاندىرۋدى مىقتى يگەرىپ، اۋىر، ەرەكشە اۋىر حاۋىپسىزدىك شىرعالاڭدارىنىڭ كوپ تۋىلۋ جاعدايىن باتىل تەجەۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: دەرەكسىز كەتكەندەردى بار كۇشپەن ىزدەۋ، قۇتقارۋ، جارالانعانداردى ەمدەۋ-قۇتقارۋ، وتباسىنداعىلاردى جۇباتۋ، سوڭعى جۇمىستاردى ءبىر جاقتى ەتۋ جانە شىرعالاڭدى تەكسەرىپ ءبىر جاقتى ەتۋ سياقتى قىزمەتتەردى شىنايى جاقسى ىستەۋ كەرەك. «1-مامىر» دەمالىسى سوڭىنا تاياپ قالدى، جەر-جەردى، قاتىستى جاقتاردى ءوندىرىس حاۋىپسىزدىگى جاۋاپكەرشىلىگىن تياناقتاندىرۋدى جانە حاۋىپسىزدىك باسقارۋ شارالارىن تياناقتاندىرۋدى مىقتى يگەرۋگە اناعۇرلىم قۋزاپ جانە جەتەكشىلىك ەتىپ، ءتۇيىندى ورىنداردى، ءتۇيىندى سالالاردى كورنەكتىلەندىرىپ، حاۋىپ-قاتەرلەردى، كومەسكى كىناراتتاردى جاپپاي ءبىر-بىرلەپ تەكسەرىپ، ارىلتىپ، ءتۇرلى اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك.

شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قاتىستى تاراۋلارداعى جاۋاپتى جولداستاردى باستاپ ناق مايدانعا بارىپ قۇتقارۋ، ءبىر جاقتى ەتۋ قىزمەتىنە جەتەكشىلىك ەتتى. گۇيجوۋ ولكەلىك پارتكومنىڭ، ولكەلىك ۇكىمەتتىڭ نەگىزگى جاۋاپتى جولداستارى شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە ناق مايداندا قولباسشىلىق ەتتى، گۇيجوۋ ولكەسى، بيجيە قالاسى ناق مايداندا ىزدەۋ، قۇتقارۋ، جارالىلاردى ەمدەۋ-قۇتقارۋ سياقتى قىزمەتتەردى بار كۇشپەن جاقسى ىستەدى. قازىر قاتىستى قىزمەتتەر جۇرگىزىلۋدە.