ءوز حابارىمىز. 5-ايدىڭ 6-كۇنى، مەملەكەت ءتوراعاسى شي جينپيڭ ەۆروپا القالار كەڭەسىنىڭ ءتوراعاسى كوستامەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن ءوزارا قۇتتىقتاۋ تەلەگرامماسىن جولداپ، جۇڭگو مەن ەۆروپا وداعى ديپلوماتيالىق قاتىناس ورناتقاندىعىنىڭ 50 جىلدىعىن قىزۋ قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ەۆروپا وداعى جان-جاقتى ستراتەگيالىق سەرىكتەر ءارى كوپ ۇيەكتەنۋدى ىلگەرىلەتەتىن ەكى ۇلكەن كۇش، جاھاندانۋدى قولدايتىن ەكى ۇلكەن بازار، الۋان تۇرلىلىكتى دارىپتەيتىن ەكى ۇلكەن وركەنيەت. ديپلوماتيالىق قاتىناس ورناتقان 50 جىلدان بەرى، ەكى جاقتىڭ ءار جىكتەگىلەرىنىڭ، ءار سالاسىنىڭ بارىس-كەلىسى جيىلەپ، كەڭەسۋ، سەلبەستىك جاساۋ جەتىستىكتەرى مول بولدى، گۋمانيتارلىق اۋىس-كۇيىسى جاندى دا جالىندى بولىپ، كوپ جاقتى سايكەسۋدە كورنەكتى ونىمدىلىككە قول جەتكىزدى. جۇڭگو-ەۆروپا وداعى قاتىناسى دۇنيە جۇزىندەگى ەڭ ىقپالدى ەكى جاقتى قاتىناستىڭ بىرىنە اينالىپ، جۇڭگو-ەۆروپا وداعى حالقىن باقىتقا كەنەلتۋگە، دۇنيە ءجۇزىنىڭ بەيبىتشىلىگى مەن دامۋىن جەبەۋگە ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: قازىر دۇنيە جۇزىندە ءجۇز جىلدىق وزگەرىس جەدەل دامىپ، ادامزات قوعامى تاعى دا شەشۋشى جول ايىرىعىنا كەلدى. اقاۋسىز، ورنىقتى جۇڭگو-ەۆروپا وداعى قاتىناسىندا ەكى جاق ءبىر-بىرىن تابىسقا جەتۋدە قولداپ قالماستان، دۇنيە ءجۇزىن نۇرلاندىردى. مەن جۇڭگو-ەۆروپا وداعى قاتىناسىنىڭ دامۋىنا وسكەلەڭ ءمان بەرەمىن، ءتوراعا كوستامەن جانە ءتوراعا ۆوندەرلەيەنمەن بىرگە قۇلشىنىپ، ديپلوماتيالىق قاتىناس ورناتىلعاندىعىنىڭ 50 جىلدىعىن وراي ەتىپ، جۇڭگو-ەۆروپا وداعى قاتىناسىنىڭ دامۋ تاجىريبەلەرىن قورىتىندىلاپ، ستراتەگيالىق بايلانىستى تەرەڭدەتىپ، تۇسىنىستىكتى، ءوزارا سەنىمدىلىكتى نىعايتىپ، سەرىكتەستىك تۇرعىنى بەكەمدەپ، ءوزارا ەسىك اشۋدى كەڭەيتىپ، قاقتىعىستار مەن الاۋىزدىقتاردى ۇيلەسىمدى ءبىر جاقتى ەتىپ، جۇڭگو-ەۆروپا وداعى قاتىناسىنىڭ اناعۇرلىم كوركەم بولاشاعىن اشۋدى قالايمىن.جۇڭگو مەن ەۆروپا وداعى كوپ جاقتىلىققا تاباندى بولىپ، تەڭدىكتى، ادىلدىكتى قورعاپ، سىڭار جاقتىلىققا، زورەكەرلىككە قارسى تۇرىپ، الەمدىك سايىستارعا قول ۇستاسا توتەپ بەرىپ، دۇنيە ءجۇزىنىڭ تەپە-تەڭ، ءتارتىپتى كوپ ۇيەكتەنۋىن جانە جالپىعا ءتيىمدى، قامتىمدى ەكونوميكانىڭ جاھاندانۋىن بىرگە ىلگەرىلەتىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە اناعۇرلىم زور ۇلەس قوسۋى كەرەك.

ەۆروپا وداعىنىڭ باسشىلارى بىلاي دەدى: وتكەن 50 جىلدا جۇڭگو تاريحتاعى ەڭ تەز باياندى ەكونوميكالىق ارتۋدى جۇزەگە اسىردى. ەۆروپا وداعى مەن جۇڭگو كەڭ كولەمدى بايلانىس ورناتىپ، ءبىر-ءبىرىنىڭ ەڭ ماڭىزدى ساۋدا سەرىگىنە اينالىپ، ەكى جاق حالقىنىڭ باقىتىنا جانە ەكونوميكانىڭ دامۋى مەن گۇلدەنۋىنە ۇلەس قوستى. كەزەكتەگى الەمدىك تۇراقسىزدىق پەن وڭىرلىك ساياسي وزگەرىس جاعدايىندا، ەۆروپا وداعى جۇڭگومەن سەرىكتەستىك قاتىناستى تەرەڭدەتىپ، بارىس-كەلىستى، سەلبەستىكتى كۇشەيتىپ، ب م ۇ ۋستاۆىنىڭ نەگىزگى ماقساتى مەن پرينسيبىن قورعاپ، ورتاق سىن-سايىستارعا قول ۇستاسا توتەپ بەرىپ، دۇنيە ءجۇزىنىڭ بەيبىتشىلىگىن، حاۋىپسىزدىگىن، گۇلدەنۋىن جانە باياندى دامۋىن جەبەۋدى قالايدى. 

سول كۇنى مەملەكەتتىك كەڭەستىڭ زۇڭليى لي چياڭ كوستامەن، ۆوندەرلەيەنمەن ءوزارا قۇتتىقتاۋ تەلەگرامماسىن جولدادى. لي چياڭ بىلاي دەدى: جۇڭگو ەۆروپا وداعىمەن بىرگە جان-جاقتى ستراتەگيالىق سەرىكتەستىك قاتىناس تۇرعىسىنا تاباندى بولىپ، جۇڭگو-ەۆروپا وداعى قاتىناسىنىڭ ورنىقتى، سىندارلى، ءوزارا ءتيىمدى، الەمدىك سيپاتىن اناعۇرلىم جوعارىلاتىپ، دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا ۇستەۋدى قالايدى. ەۆروپا وداعىنىڭ باسشىلارى بىلاي دەدى: وتكەن 50 جىلدا ەۆروپا وداعى مەن جۇڭگونىڭ قاتىناسى ۇزدىكسىز تەرەڭدەدى، كەڭەيدى. ەۆروپا وداعى جۇڭگومەن بىرگە كليمات وزگەرىسى سياقتى الەمدىك سايىستارعا توتەپ بەرىپ، كوپ جاقتىلىق پەن ورنىقتى حالىقارالىق ءتارتىپتى قورعاۋدى قالايدى.