ءوز حابارىمىز. تاياۋدا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تيان حۋا قاتارلى 8 كوركەمونەرشىگە جاۋاپ حات جازىپ، كينو قىزمەتكەرلەرىنە شىنايى ءۇمىت ارتتى.

شي جينپيڭ جاۋاپ حاتتا بىلاي دەدى: كوپشىلىكتىڭ حاتىن كورگەندە، سىزدەر قاتىناسىپ، تۇسىرىلگەن جۇرتقا تانىس كلاسسيكالىق كينولاردى ەرىكسىز ەسىمە الدىم. ۇزاق ۋاقىتتان بەرى، سىزدەر پارتيا مەن حالىققا دەگەن سۇيىسپەنشىلىكپەن، كوركەمونەر مۇراتىنا تاباندى بولىپ، جاندى دا جالىندى ەكران وبرازىن سومداپ، نەشە ۇرپاق كورەرمەندەرگە تاماشا ەستەمە قالدىردىڭىزدار.

شي جينپيڭ مىنالاردى باسا دارىپتەدى: جاڭا جورىقتا سىزدەردىڭ ءمورالدى قاستەرلەپ، كوركەمونەردى ارداقتاۋدا ۇزدىكسىز ۇلگى بولىپ، قالىڭ كينو قىزمەتكەرلەرىن باستاپ مادەنيەت سەنىمىن بەكەمدەپ،  تۇرمىستىڭ قۇنارلى توپىراعىنا تامىر تارتىپ، ءداۋىر رۋحىن جىرلايتىن، حالىقتىڭ جۇرەك ءۇنىن باياندايتىن اناعۇرلىم كوپ سارا تۋىندىلار جاراتۋعا قۇلشىنىپ، ادەبيەت-كوركەمونەر ىستەرىن گۇلدەندىرۋگە، دامىتۋعا، مادەنيەتتە قۇدىرەتتى ەل قۇرۋعا تىڭ ۇلەس قوسۋلارىڭىزدى ءۇمىت ەتەمىن.

تاياۋدا تيان حۋا، ۋاڭ شينگاڭ، جاڭ لياڭ، تاۋ يۇيليڭ، شياۋ گۇييۇن، پان حۇڭ، سۇڭ شياۋيىڭ، چىن داۋميڭ قاتارلى 8 كينو كوركەمونەرشىسى باس شۋجي شي جينپيڭگە حات جازىپ، وزدەرىنىڭ نەشە ون جىلدان بەرگى كينو قىزمەتىمەن شۇعىلدانۋ جاعدايىنان جانە اسەرلەرىنەن مالىمەت بەرىپ، كينو ىستەرىنىڭ دامۋىن ىلگەرىلەتۋگە، مادەنيەتتە قۋاتتى ەل قۇرۋعا ۇلەس قوسۋ بەكىمدەرىن ءبىلدىردى.