ءوز حابارىمىز. 7-ايدىڭ 29-كۇنى مەملەكەت ءتوراعاسى شي جينپيڭ دۇنيە جۇزىلىك جاستار بەيبىتشىلىك جينالىسىنا حات جولدادى.

شي جينپيڭ بىلاي دەپ انىق ايتتى: بيىل جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى. 80 جىلدىڭ الدىندا جۇڭگو حالقى دۇنيە ءجۇزى حالقىمەن بىرلىكتە قان توگە شايقاس جاساۋ ارقىلى فاشيزمدى تۇبەگەيلى جەڭىپ، وڭاي-وسپاق قولعا كەلمەگەن بەيبىتشىلىككە قول جەتكىزدى.

شي جينپيڭ مىنالاردى باسا دارىپتەدى: بەيبىتشىلىكتىڭ بولاشاعى جاستاردا. ءار ەلدەگى جاس دوستاردىڭ وسى رەتكى جينالىستى وراي ەتىپ، وي ءبولىسىپ، تۇسىنىكتى ارتتىرىپ، دوستىققا قول جەتكىزىپ، بەيبىتشىلىك تانىمىن دارىپتەۋشى، بەيبىت دامۋدىڭ ارەكەت جاساۋشىسى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل پاراسات جانە كۇش قۋات ارناۋىن ءۇمىت ەتەمىن.

دۇنيە جۇزىلىك جاستار بەيبىتشىلىك جينالىسى سول كۇنى بەيجيڭدە اشىلدى، نەگىزگى تاقىرىبى «بىرلىكتە بەيبىتشىلىك ءۇشىن». جينالىستى جۇڭگو حالقىنىڭ شەتەلدەرمەن دوستىق قوعامى جانە جۇڭحۋا مەملەكەتتىك جاستار ۇيىمى بىرلەسىپ ۇيىمداستىردى.