ءوز حابارىمىز. 41-رەتكى وقىتۋشىلار مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇكىل ەلدەگى ەرەكشە قىزمەت ورنىنداعى وقىتۋشىلاردىڭ ۋاكىلدەرىنە جاۋاپ حات قايتارىپ، ولارعا شىنايى ءۇمىت ارتتى ءارى بۇكىل ەلدەگى قالىڭ وقىتۋشىلار مەن وقۋ-اعارتۋ قىزمەتكەرلەرىنە مەرەكەلىك سالەم جولدادى جانە ىزگى تىلەك تىلەدى.

شي جينپيڭ جاۋاپ حاتتا بىلاي دەدى: «ەرەكشە قىزمەت ورنى جوسپارى» اتقارىلعان 20 جىلدان بەرى، ەرەكشە قىزمەت ورنىنداعى قالىڭ وقىتۋشىلار اۋىل-قىستاق وقۋ-اعارتۋ ىستەرىنە بەلسەنە ات سالىسىپ، ساباق ءوتۋ مىنبەسىنەن تاپ جىلماي، دەن قويا ەڭبەكتەنىپ، قاجىرلىلىقپەن ۇلەس قوسىپ، حالىق وقىتۋشىلارىندىق سۇيىسپەنشىلىك پەن جاۋاپكەرشىلىكتى ايگىلەدى.

شي جينپيڭ مىنالاردى باسا دارىپتەدى: وقۋ-اعارتۋ ۇلى جوسپارىندا وقىتۋشىلار نەگىز ەتىلەدى. سىزدەردىڭ ۇزدىكسىز وقۋ-اعارتۋدىڭ اۋەلگى ماقساتىنان كوز جازباي، ءبىلىم بەرىپ ادام تاربيەلەۋ قابىلەتىن ۇزدىكسىز جوعارىلاتىپ، بالالاردىڭ اقاۋسىز ەسەيىپ-ەرجەتۋىنە دەن قويا، مەيىرمەن جەتەكشىلىك ەتىپ، احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزمنىڭ قۇرۋشىلار مەن ءىزباسارلاردى قۇلشىنا جەتىلدىرىپ، اۋىل-قىستاقتى كوركەيتۋدى ىلگەرىلەتۋگە، وقۋ-اعارتۋدا ەگەي ەل قۇرۋعا تىڭ ۇلەس قوسۋلارىڭىزدى ءۇمىت ەتەمىن.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ەرەكشە قىزمەت ورنىنداعى وقىتۋشىلار قىزمەتىن ويداعىداي ىستەۋ جونىندە بەكىتۋ جازدى، بەكىتۋدە بىلاي دەپ انىق ايتىلدى: باس شۋجي شي جينپيڭنىڭ بۇكىل ەلدەگى ەرەكشە قىزمەت ورنىنداعى وقىتۋشىلار ۋاكىلدەرىنە جاۋاپ حات جازۋى پارتيا ورتالىق كوميتەتىنىڭ وقىتۋشىلار قوسىنىنا كوڭىل بولەتىندىگىن جانە ءمان بەرەتىندىگىن تولىق ايگىلەيدى. قالىڭ وقىتۋشىلار مەن وقۋ-اعارتۋ قىزمەتكەرلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اعارتۋشىلار رۋحىن بارىنشا ساۋلەلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن جالپى بەتتىك تياناقتاندىرىپ، وتان مەن حالىق ەڭ قاجەت ەتكەن جەرلەرگە بارىپ ءبىلىم بەرىپ ادام تاربيەلەپ، وقۋ-اعارتۋدا ەگەي ەل قۇرۋعا اناعۇرلىم زور ۇلەس قوسۋلارى كەرەك.

اۋىل-قىستاق مىندەتتى وقۋ-اعارتۋ ساتىسىنداعى مەكتەپ وقىتۋشىلارىنىڭ ەرەكشە قىزمەت ورنى جوسپارى ورتالىق قازىنا ارناۋلى قارجى ورنالاستىرىپ، جوعارى مەكتەپ بىتىرگەن وقۋشىلاردى ورتا، باتىس بولەكتەگى اۋىل-قىستاق مەكتەپتەرىنە ۇسىنىس ەتۋگە ارناۋلى پايدالانىلاتىن نىسان. «ەرەكشە قىزمەت ورنى جوسپارى» 2006-جىلى اتقارىلعاننان بەرى جيىنى ءبىر ميلليون 180 مىڭ ەرەكشە قىزمەت ورنى وقىتۋشىسى تاڭداپ ۇسىنىس ەتىلىپ، 22 ولكە، 1000 نان استام اۋدانداعى 30 مىڭنان استام اۋىل–قىستاق مەكتەبىندە مىندەت وتەدى. جۋىقتا مەملەكەتتىك «ەڭ ارداقتى وقىتۋشى» سياقتى داڭقتارعا يە بولعان مەملەكەتتىك 8 ەرەكشە قىزمەت ورنىنداعى وقىتۋشى ۋاكىلى باس شۋجي شي جينپيڭگە حات جازىپ، اۋىل-قىستاق وقۋ-اعارتۋىنىڭ ءبىرىنشى شەبىندە قىزمەت ىستەۋ جاعدايى مەن اسەرلەرىنەن مالىمەت بەرىپ، اۋەلگى ماقساتتى، بورىشتى ەستە بەرىك ساقتاپ، اۋىل-قىستاققا تامىر تارتىپ، ءبىلىم بەرىپ ادام تاربيەلەۋ بەرىك بەكىمدەرىن ءبىلدىردى.